མྱི་ལྟིག
ལས་དབང་ནག་པོའི་བརྩེ་བ།།
མཉེ་བའི་བསམ་པ་ཡོད་ཀྱང་།།
ཚིག་ཞག་ལས་འཕྲོ་མེད་པས།།
ཚིགས་མགོ་བཤུ་བའི་སྡུག་ལས།།
ལས་འཕྲོ་ཀ་ར་གོ་རེ།།
ལས་སྐལ་འོ་ཕྱེ་དཀར་པོ།།
ལས་སྨོན་དཀར་ཡོལ་འབྲུག་མ།།
ལས་མེད་ལག་པ་བསྲེགས་རོགས།།
ཚིག་མགོ་ཚེ་ཡི་འདུན་མ།།
ཚིག་སྔ་ཚེགས་ཀྱི་གཞི་མ།།
ཚིག་དང་ཚེགས་ཀྱི་མེ་སྟག །
ཚིག་རྐང་རྩད་པ་འབར་རོགས།།
སེམས་མི་གསེར་གྱི་གེའུ།།
སེམས་གཏམ་དངུལ་གྱི་ལུང་ཐག །
སེམས་འདང་བྱུ་རུའི་ཕྲ་རྒྱན།།
སེམས་རྩ་རྨང་ནས་འཁྱག་རོགས།།
ཚེ་སྨོན་ཁམ་བུ་སྐྱ་ཐོ།།
ཚེ་འདི་བྲག་གི་སྐྱིབས་ཁུག །
ཚེ་ཟད་ལུས་དམན་འདི་ལ།།
ཚེ་གྲོགས་ཡོད་མེད་འདུག་གམ།།
ཕྱི་ཐག་རས་ཀྱི་སྐུད་པ།།
ཕྱི་མིག་མིག་བཙུམ་ཙམ་པོ།།
ཕྱི་ནང་ལག་པའི་མདུན་རྒྱབ།།
ཕྱི་གྱེད་སང་ཉིན་གནངས་ཉིན།།
བརྩེ་བ་རྒྱལ་སྲས་སྣ་བདུན།།
བརྩེ་སེམས་སྐར་མ་སྨིན་དྲུག །
བརྩེ་འདང་དར་ཚོན་སྣ་ལྔ།།
བརྩེ་དུང་གཡག་གི་རྭ་ཅོ།།
ཁ་ཚིག་འབྲི་མར་རྙིང་བ།།
ཁ་ལས་བོང་བུའི་གོམ་པ།།
ཁ་བརྡ་ཀྱ་མ་ཀྱོག་འདིས།།
ཁ་ཁར་སོང་ཡང་ཆོག་གོ །
༢༠༡༤།༡༢།༡༥།
བཀྲ་ཤིས་བདེ་ལེགས།