དགེ་འདུན་རབ་གསལ་གྱིས།
དུས་གསུམ་རྣམ་དབྱེ་སྟོན་པའི་ཕྲད༎
བོད་ཀྱི་སྐད་ལ་འདི་ལྟར་འགྲེལ༎
རྗོད་པའི་དུས་ཀྱི་རྣམ་དབྱེ་ལ།
སྨྲ་བ་བོ་དང་བྱེད་པ་པོའི༎
དབྱེ་བས་རྣམ་པ་གཉིས་སུ་འགྱུར།།
སྨྲ་བོ་བྱེད་པོ་གཅིག་ཡིན་ཚེ།།
ངས་བྱ་ངས་བྱེད་ལྟ་བུ་ལ།།
གི་ཡིན་གི་ཡོད་པ་ཡིན་འབྲི།།
བྱེད་པོ་དངོས་སུ་ཡོད་མེད་ཀྱིས༎
ཚིག་ཕྲད་འདི་ལ་ཁྱད་འབྱིན་ཏེ༎
ངས་མཐོང་ང་ཤི་ལྟ་བུ་ལ༎
གི་རེད་གི་འདུག་པ་རེད་འབྲི༎
འདི་ལ་བྱ་བའི་རྣམ་པ་ཡིས༎
འདས་པའི་ཕྲད་ལ་ཁྱད་པར་འབྱིན༎
ཤེས་སོང་གོ་བྱུང་ལྟ་བུ་ཡིས༎
འདི་དག་རིམ་གྱིས་བསྒྲེས་པར་བྱ༎
སྨྲ་བོ་བྱེད་པོ་ལས་གཞན་ཚེ༎
འདས་དང་མ་འོངས་ད་ལྟ་ལ༎
པ་རེད་གི་རེད་གི་འདུག་འབྲི།།
སྨྲ་བོས་བྱ་བ་མཐོང་མིན་གྱིས༎
འདས་པའི་ཕྲད་ལ་གཉིས་ཡོད་དེ༎
བྱ་ཚིག་མཐའ་ལ་སོང་དང་བཞག
སྦྱོར་བའི་རིམ་པ་ཤེས་པར་བྱ༎
དྲི་བ་དང་ནི་ཐེ་ཚོམ་དང་༎
དེ་བཞིན་མཐའ་བཟུང་ཅན་རིགས་ལ༎
ཡིན་མིན་ཡོད་མེད་གཙོ་བོར་སྤྱོད༎
ཁམས་དང་ཨ་མདོའི་སྐད་ལུགས་ལ༎
དེ་མཚུངས་ཕྲད་ཀྱི་རྣམ་དབྱེ་མཆིས༎
ཕྱིན་ཐལ་འགྲོ་ལེ་ལྟ་བུ་དང་༎
བཏང་ང་བཏང་ཐལ་ལྟ་བུའོ༎
༼གོང་གསལ་འདི་ནི་གླེང་སློང་གི་བསམ་ཚུལ་ཙམ་ཡིན་ལ། རིམ་གྱིས་རྗོད་པའི་རྣམ་དབྱེ་གཞན་ཡང་འདི་ལྟར་འབྲི་འཆར་ཡིན་པ་ལ་དགོངས་འཆར་གནང་རོགས་ཞུ།༽
ཨ་རོགས། ཁྱེད་ཀྱིས་བྲིས་པའི་སུམ་རྟགས་ཁ་སྐོང་ཐོ་རེ་མ་དེ་ཁ་སྐོར་རང་རེད། སུམ་རྟགས་ཀྱི་གཞུང་ན་དེ་འདྲ་ཞིག་མེད་གི མ་འགྲིགས་པ་དེ་གླང་དར་མ་དེ་ཡིན། མྱི་ངན་དེས་བསྟན་པ་བསྣུབས་མེད་ན། ང་ཚོར་བརྡ་སྤྲོད་ཀྱི་གཞུང་གྲ་རྒྱས་པོ་ཞིག་ཡོད།
ཡ། དེ་ཡིན་ན། ལམ་དབུ་མ་ཟེར་བ་ལས། རང་གཞན་གཉིས་ཕན་གྱི་ལམ། རང་བཙན་མིན་པའི་ལམ། མ་འོངས་མཛའ་མཐུན་གྱི་ལམ། འདི་གསུམ་གྱི་གང་རུང་ཞིག་ལ་བསྒྱུར་ན་གང་འདྲ་འདུག་གམ།
གོང་གི་མཆན་འདི་གཏོང་ས་ནོར་འདུག མཆན་འདི་ལམ་དབུ་མ་ནི་ཀླད་ཀོར་ཞིག་རེད་ཅེས་རྩོམ་དེའི་མཆན་ཞིག་ལ་ལན་བཏབ་པ་ཡིན། དགོངས་དག་ཞུ།