ཀོ་ལི་གྷ་གཞུང་པ་ཚེ་དབང་བསོད་ནམས།
ཕྱོགས་ཞེན་དྲ་འབུས་མ་བཟོད་སྐད་ངན་ཤོར།།
གཞུང་པའི་བུ་ཡིས་བོད་ཡིག་རིག་རྩལ་ངོམ།།
མགོ་འདྲེན་དྲ་འབུས་མ་བཟོད་ངུ་སྐད་ཤོར།།
གཞུང་པའི་བུ་ཡིས་རང་མིང་ངོ་མ་བཀོད།།
དཀྲུགས་ཤིང་དྲ་འབུས་མིང་རྫུན་མཆན་བཀོད་མང་།།
གཞུང་པའི་བུ་ཡིས་རྒྱུ་མཚན་ལུང་དུ་བགྲངས།།
སྐབས་འཚོལ་དྲ་འབུས་མ་བཟོད་ལྐོག་ལབ་མང་།།
གཞུང་པའི་བུ་ཡིས་ཆབ་སྲིད་རིན་ཐང་གླེང་།།
མགོ་འཐོམ་དྲ་འབུས་མ་བཟོད་མུག་སྐད་ཤོར།།
གཞུང་པའི་བུ་ཡིས་ས་ཆའི་བདག་དབང་གླེང་།།
མགོ་གཉིས་དྲ་འབུས་མ་བཟོད་སྡུག་སྐད་ཤོར།།
གཞུང་པའི་བུ་ཡིས་ཞིང་ལས་ཚད་ལྡན་ལས།།
ཨ་ཤོམ་རྩམ་པ་ལོ་འཁོར་ཧྲིལ་པོར་ལྡང་།།
ལས་མེད་དྲ་འབུའི་ཁ་ལ་གཡའ་འགུལ་ལང་།།
གཞུང་པའི་བུ་ཡིས་བ་ཕྱུགས་གསོ་ཉར་འོག །
ལོ་འཁོར་ཧྲིལ་པོར་འོ་མ་ཆུ་ལས་མང་།།
འོོ་མེད་དྲ་འབུས་ཇ་ནག་ཧབ་འཐུང་རྒྱག །
སྨྲ་བརྗོད་རང་དབང་རྒྱལ་སྤྱིའི་ཁྲིམས་ཀྱིས་བསྟན།།
ཚད་བཀག་བྱེད་པ་གུང་ཁྲན་དམར་པོའི་ལུགས།།
རང་དབང་མང་གཙོའི་སྤྱི་ཚོགས་ཆེན་པོའི་ནང་།།
རང་རང་བསམ་ཚུལ་གླེང་སའི་བརྒྱུད་ལམ་མང་།།
ལྷག་བསམ་རྨ་མེད་ཡིན་ན་དངོས་མིང་བཀོད།།
ལྷག་བསམ་འགན་ཁུར་ཡིན་ན་མདུན་དུ་ཐོན།།
ལྷག་བསམ་མེད་པའི་དྲ་འབུ་མགོ་གཉིས་ཚོ།།
ལྷག་བསམ་བརྫུས་ནས་དྲ་ནང་འཛུལ་བ་ནོར།།
་
ལྷག་བསམ་རྨ་མེད་ཡིན་ན་དངོས་མིང་བཀོད།།
ལྷག་བསམ་འགན་ཁུར་ཡིན་ན་མདུན་དུ་ཐོན།།
ལྷག་བསམ་མེད་པའི་དྲ་འབུ་མགོ་གཉིས་ཚོ།།
ལྷག་བསམ་བརྫུས་ནས་དྲ་ནང་འཛུལ་བ་ནོར།།
་
ཟེར།
གཞུང་སེམས་དྲང་བའི། །
གཞུང་པའི་ཨ་ཇོས། །
ཀ་བཤད་ལ་སོགས། །
སྙན་ངག་བརྒྱུད་ནས། །
སྙིང་གཏམ་གསོན་པོ། །
བཞུར་བཞུར་རེད་འདུག །
གཞུང་སེམས་དྲང་བའི། །
གཞུང་པའི་ཨ་ཇོས། །
ཁ་བརྡའི་ནང་གི །
དུག་ངན་དྲ་འབུ། །
ཚིག་མཚོན་འཕངས་ནས། །
ཚར་དུ་གཅོད་གྱིས། །