སྐྱེས་སྨན་ཞེས་པའི་ཐ་སྙད་ལས་འཕྲོས་པ།

Comments (17) on “སྐྱེས་སྨན་ཞེས་པའི་ཐ་སྙད་ལས་འཕྲོས་པ།”

1. ཕོ་ལ་ཡོད་པའི་དངོས་པོ་་གཉིས་མ་ཚང་བ་ནས་་སྐྱེས་དམན་( སྐྱེ་་བ་དམན་པ་)
   ཟེར་( ཁ་ལ་སྑུ་མི་སྐྱེ་བ་དང་ཕོ་ཚན་མེད་པ་ནས་པོ་ལས་སྐྱེས་པ་དམན་པས་ན་
   སྐྱེས་དམན་ཟེར་བ་རེད་།

2. སྐྱེས་པ་དང་སྐྱེས་མ།

3. སྐྱེ་སྨན་ཞེས་ཡག་པོ་འདུག་ཏེ། ཚིག་འདིའི་རྒྱབ་ལྗོངས་ལ་སྐྱེས་དམན་ཞེས་ལོ་རྒྱུས་འཛོར་པོ་ཞིག་ཡོད་ཡོད་པ་ལ། དམའ་འབེབ་དང་མཐོང་ཆུང་གི་དོན་གཉིས་ཀ་ཡོད་པས། ཇི་ཙམ་ང་ཚོས་དེ་ལ་གོ་བ་ལེགས་པོ་ཞིག་སྟེར་འདོད་རུང་། མིང་ཚིག་རྩོད་ཅན་ཞིག་གྱུར་ཚར་སྟབས། ཕན་ཐོགས་ཡོད་མེད་བརྗོད་པར་དཀའ། དེ་ལས་མིང་གསར་པ་ཞིག་བཙལ་ན་མི་ལེགས་སམ་སྙམ།

4. ཕོ་ལ་ཡོད་པ་གཉིས་མ་ཚང་བས་དེ་ལྟར་བརྗོད་རིགས་ན། འོ་ན་མོ་ལ་ཡོད་པའི་ནུ་མ་འབུར་བ་དང་མོ་མཚན་པདྨ་ཕོ་ལ་མེད་པས་ཕོ་ལ་སྐྱེས་དམན་ཞེས་བཏགས་ན་འགྲིག་གམ། གང་ལྟར་སྐྱེས་དམན་ཞེས་པ་ནང་བསྟན་ལས་བཤད་ཅིང་དེ་ཡང་འདུལ་རྒྱུད་ཀྱི་བཀའ་དང་བསྟན་བཅོས་ལས་གསུངས་ཡོད་དེ་ནི་གཙོ་བོ་དགེ་སློང་ཕོ་ལས་སོགས་ཀྱིས་བུད་མེད་ལ་ཆགས་པ་མི་སྐྱེ་བའི་ཕྱིར་དུ་བཤད་འདུག

5. ཁྱུང་སེ་ལགས། མཆན་བཏབ་པར་བཀའ་དྲིན་ཆེ། ལྷག་བསམ་ལྡན་པའི་སྐད་ཆ་ལ་ཉན་འདོད་ཡོད།

6. སྐྱེ་བ་དང་སྐྱེ་མ། གང་ཞིག་སྐྱེ་བ་ཡིན་ནམ། ཕོ་རྟགས་མོ་རྟགས་སྐྱེ་བ། དེས་ཕྱིར་ཕོ་རྟགས་ལས་མོ་རྟགས་སྐྱེ་བ་མེད་པ་ལྟར་སྣང་བས་དམན་པའི་སྒྲ་སྦྱར་བས་སྙམ། 
   འབུད་བྱ། འབུད་བཞིན་པ། བུད་ཟིན། བུད་ཅིག 
   གང་ཞིག་རྟགས་སམ་མཚན་མ་ཕྱི་ལ་བུད་མེད་པས་ན་བུད་མེད། 
   ཕོ་རྟགས་ལ༼་འབུད་ལེ་༽ཟེར་སྲོལ་ཡོད། འདིའི་སྐོར་མི་མང་བོ་འཛོམས་སར་ཚིག་ལ་གོས་བསྐོན་ནས་བཤད་པ་ལས་ཚིག་དམར་རྗེན་དུ་བཤད་སྲོལ་མེད་པས་ཡུལ་ལུང་སོ་སོའི་ཚིག་གི་བེད་སྤྱོད་བྱེད་སྟངས་མ་འདྲ་བ་མང་བོ་ཡོད་པ་འདྲ།
   གང་ལྟར་སྐྱེ་དམན་དང་བུད་མེད་གང་བྲིས་ཀྱང་མ་འགྲིག་པ་མེད་པར་སྙམ། གང་ཡིན་ཟེར་ན་ཕོ་མོའི་རྟགས་ཡོད་མེད་དང་ཕོ་མོའི་རྟགས་ཕྱི་ལ་མངོན་གསལ་གྱིས་ཐོན་ཡོད་མེད་ཀྱི་ཆ་ནས་མིང་བཏགས་པ་ལས་སྐྱེ་བ་ཕོ་མོ་བཟང་ངན་གྱིས་མིང་བཏགས་པ་གཏན་ནས་མིན་པས་སོ།། སྐྱེ་བ་དང་སྐྱེས་པ། སྐྱེ་མ་དང་སྐྱེས་མ། དུས་གསུམ་གྱི་ཁྱད་པར་ལས་མིང་བཟོས་པ་རེད། 
   འདྲེ་མོ་། ལྷ་མོ་། སྲིན་མོ། གདོན་མོ། སྨན་མོ། སོགས་ལས་སྨན་པོ་ནི་མི་མོ་ལ་གོ་བ་ལྟར་བུད་མེད་ལ་མོ་སྨན་ཟེར་ན་མ་འགྲིག་པ་མེད། བོད་ཀྱི་བརྟན་མ་བཅུ་གཉིས་ཀྱི་ནང་དུ་སྨན་པོ་བཞི་ཡོད་པ་ཡང་མི་མོ་ཡིན་པས་སོ། 

7. ཕོ་མོའི་དབྱེ་འབྱེད་ཙམ་ལ།
   ཕོ་དང་། མོ།
   སྐྱེས་པ་དང་། སྐྱེས་མ།
   ཕ་དང་། མ།
   ཡབ་དང་། ཡུམ།
   ཨ་ཞང་དང་། ཨ་སྲུ།
   ཨ་ཁུ་དང་། ཨ་ནེ།
   ཅོ་ཅོ་དང་། ཨ་ཅག

   ཁྱོ་ཤུག་གཉིས་སམ། བཟའ་ཟླ་ཕོ་མོ་གཉིས་ཀྱི་ཁྱད་པར་ལ།
   ཁྱོ་ག་དང་། སྐྱེས་དམན།
   ཁྱིམ་བདག་དང་། ཆུང་མ།
   བཟའ་ཟླ་ཕོ་དང་། བཟའ་ཟླ་མོ།
   ཟླ་བོ་དང་། ཟླ་མོ།
   མག་པ། མནའ་འམ་བག་མ།

8. བུད་མེད་ལ་སྐྱེས་དམན་ཞེས་འདོགས་པ་ནུས་པའི་ཆ་ནས་ཡིན་ལ། དེ་ཡང་། གནའ་སྔ་མོར་འཐབ་འཛིང་དང་ཤུགས་འགྲན་པ། དམག་སྣ་འདྲེན་པ་དང་ཇག་ལ་རྒྱུགས་པ་སོགས་དྲག་ཤུལ་གྱི་ལས་ལ་ནུས་པ་ལྡན་མཁན་ཚོར་ཆེ་མཐོང་དང་རྩིས་ཐང་ཡོད་ལ། བུད་མེད་རྣམས་སྐྱེས་པ་དང་བསྡུར་ན་ཁྱད་ཆོས་དེ་དག་ལས་ཞན་པ་དང་ནུས་པ་ཆུང་བ་ཡིན་པ་མངོན་གསལ་དུ་ཡོད་པས། སྐྱེས་དམན་ཞེས་བཏགས་པར་འདོད། དེ་ནི་བུད་མེད་ལ་དགའ་ཡང་ཁས་མི་ལེན་སར་མི་འགྲོ། དེས་ན། རང་ཉིད་བུད་མེད་ལ་དགའ་བའི་རྐྱེན་གྱིས་རང་གི་འདོད་མོས་ལྟར་མིང་ཇི་འདྲའི་ཡག་པོ་ཞིག་བཏགས་ན་འདོགས་ཆོག་མོད། སྔོན་གྱི་ལོ་རྒྱུས་དང་ཡིག་ཚང་དུ་བཀོད་པའི་ཐ་སྙད་རྣམས་བསྒྱུར་ཏུ་མི་བཏུབ་བོ།། བརྩེ་དུང་དང་འདོད་ཆགས་ཀྱི་ཡུལ་ན་བུད་མེད་ལས་ལྷག་ཅིག་མེད་ཅེས་པ་ནི། སྐྱེས་པ་ཞིག་གིས་མཐོང་སྣང་དང་མྱོང་ཚོར་ཡིན་པ་ལས་བུད་མེད་ཀྱི་ངོར་དེ་འདྲ་ག་ལ་ཡིན། དེ་བས། ཉིད་ཀྱིས་བུད་མེད་ལ་གདེང་འཇོག་དང་མཐོང་ཆེན་བྱེད་ཆེད་བུད་མེད་ཀྱི་འདོད་པ་གཙོ་བོར་བཟུང་སྟེ། བརྩེ་དུང་གི་ཐག་སྣེ་དང་འདོད་ཆགས་ཀྱི་རླབས་རྩེ་ན་སྐྱེས་པ་ལས་ལྷག་ཅིག་མེད་ཅེས་ལབ་ན་མི་ཡག་གམ། ཧ་ཧ་ཧ།

9. བུད་མེད་ལ་སྐྱེས་དམན་ཞེས་འདོགས་པ་ནུས་པའི་ཆ་ནས་ཡིན་ལ། དེ་ཡང་། གནའ་སྔ་མོར་འཐབ་འཛིང་དང་ཤུགས་འགྲན་པ། དམག་སྣ་འདྲེན་པ་དང་ཇག་ལ་རྒྱུགས་པ་སོགས་དྲག་ཤུལ་གྱི་ལས་ལ་ནུས་པ་ལྡན་མཁན་ཚོར་ཆེ་མཐོང་དང་རྩིས་ཐང་ཡོད་ལ། བུད་མེད་རྣམས་སྐྱེས་པ་དང་བསྡུར་ན་ཁྱད་ཆོས་དེ་དག་ལས་ཞན་པ་དང་ནུས་པ་ཆུང་བ་ཡིན་པ་མངོན་གསལ་དུ་ཡོད་པས། སྐྱེས་དམན་ཞེས་བཏགས་པར་འདོད། དེ་ནི་བུད་མེད་ལ་དགའ་ཡང་ཁས་མི་ལེན་སར་མི་འགྲོ། དེས་ན། རང་ཉིད་བུད་མེད་ལ་དགའ་བའི་རྐྱེན་གྱིས་རང་གི་འདོད་མོས་ལྟར་མིང་ཇི་འདྲའི་ཡག་པོ་ཞིག་བཏགས་ན་འདོགས་ཆོག་མོད། སྔོན་གྱི་ལོ་རྒྱུས་དང་ཡིག་ཚང་དུ་བཀོད་པའི་ཐ་སྙད་རྣམས་བསྒྱུར་ཏུ་མི་བཏུབ་བོ།། བརྩེ་དུང་དང་འདོད་ཆགས་ཀྱི་ཡུལ་ན་བུད་མེད་ལས་ལྷག་ཅིག་མེད་ཅེས་པ་ནི། སྐྱེས་པ་ཞིག་གིས་མཐོང་སྣང་དང་མྱོང་ཚོར་ཡིན་པ་ལས་བུད་མེད་ཀྱི་ངོར་དེ་འདྲ་ག་ལ་ཡིན། དེ་བས། ཉིད་ཀྱིས་བུད་མེད་ལ་གདེང་འཇོག་དང་མཐོང་ཆེན་བྱེད་ཆེད་བུད་མེད་ཀྱི་འདོད་པ་གཙོ་བོར་བཟུང་སྟེ། བརྩེ་དུང་གི་ཐག་སྣེ་དང་འདོད་ཆགས་ཀྱི་རླབས་རྩེ་ན་སྐྱེས་པ་ལས་ལྷག་ཅིག་མེད་ཅེས་ལབ་ན་མི་ཡག་གམ། ཧ་ཧ་ཧ། གསལ་བཤད་ཅིག་ལ་ངའི་ཕ་ཡུལ་ནས་བུད་མེད་ལ་ནགས་སྐྱག་ཅེས་འབོད་པ་ལས་སྐྱེས་དམན་མི་ཟེར།

10. འགའ་ཤས་ཀྱིས་ཡག་པོ་གསུངས་འདུག ཡང་ལ་ལ་ཞིག་གིས་རང་གཞན་གཉིས་ཀ་ལ་བོགས་ཐོན་པ་ཞིག་བཤད་རྒྱུ་མེད་པར་སྨྱོ་བཤད་གཟའ་བཤད་བྱས་འདུག གཡེར་ཚ་བ་མེད་པ་ནི་ཡ་རེ་ང་།

11. རྡོག་རྡོག་བཤད་ན། བུད་མེད་མོ་དང་། བུད་ཡོད་ཕོ་ལ་གོ་དགོས་འདུག

12. ཉི་ཧོང་གི་སློབ་གསོ་དང་རྒྱལ་ནང་གི་སློབ་གསོའི་ཁྱད་པར།
    སྤེལ་དུས། 2015-01-12 ཡོང་ཁུངས།　ཀྲུང་གོའི་བོད་ལྗོངས་དྲ་བ། རྩོམ་པ་པོ། གཡུ་ལྕམ།

    ཉི་ཧོང་བས་ཁྱེའུ་དུས་སློབ་གསོར་གཙིགས་འཛིན་བླ་ལྷག་བྱེད་སྟབས། ཨ་མ་ཕལ་ཆེ་བས་ཕྲུ་གུ་སྐྱེས་རྗེས་ལས་སྐྱུར་བྱས་ནས་བུ་སྐྱོང་གི་ལས་ལ་གཞོལ་བ་རེད། དེ་ལྟར་བྱེད་དོན་ནི། ཕྲུ་གུ་སྐྱེས་པ་ནས་ལོ་ན་གསུམ་ལ་ལོན་པའི་བར་ནི་ཁྱེའུ་དུས་སྐབས་སུ་ཡིན་ཕྱིར་སྐབས་དེའི་འཚར་ལོངས་ཀྱི་གོ་རིམ་ཁྲོད་ཕྲུ་གུའི་རང་གཤིས་ལ་ངན་རྐྱེན་ཐེབས་ཚེ་ཧ་ཅང་བཅོས་དཀའ་བས་དུས་སྐབས་དེ་ནི་གལ་ཆེ་བར་འདོད། དེར་མ་ཟད་ཉི་ཧོང་གི་སྐྱེས་པ་རྣམས་ནི་ལས་ལ་བརྩོན་ཞིང་ཡོང་འབབ་ཀྱང་མང་པོ་ཡོད་པར་བརྟེན། ཨ་མ་རྣམས་ཀྱིས་ཕྲུ་གུ་ལོ་གསུམ་ལ་ལོན་པའི་བར་ལས་སྐྱུར་བྱས་ནས་ཁྱིམ་དུ་བསྡད་ཀྱང་སྤྱི་ཚོགས་ཀྱི་འཕེལ་རྒྱས་ལ་གནོད་པ་ཐེབས་མི་སྲིད་ལ། མི་རབས་རྗེས་མའི་འཚར་ལོངས་ལ་ཕན་རླབས་ཆེན་པོ་བསྐྲུན་ཡོད་པ་རེད།

    གཞན་ཉི་ཧོང་གི་བུ་སྐྱོང་རྩ་དོན་ནི། ཕོ་བ་མ་ལྟོགས་ཙམ་དང་རྒྱབ་མ་གྲང་ཙམ་སྟེ། བྱིས་པ་རྣམས་ལ་ཁ་ཟས་རྒྱགས་ཚད་ཅིག་ཟ་རུ་མི་འཇུག་པ་དང་། གྱོན་གོས་མཐུག་པོ་ཡང་གྱོན་དུ་འཇུག་མི་སྲིད། ཐ་ན་སྟོན་ཟླ་ར་བར་བྱིས་པས་ལྭ་བ་སྲབ་མོ་ཙམ་གྱོན་ནས་ཕྱི་རོལ་ཏུ་ཆུ་རྩེད་བྱས་ན་ཡང་ཁོ་ཚོ་འཁྱག་འགྲོ་བར་སེམས་ཁྲལ་མི་བྱེད། དེའི་རྐྱེན་གྱིས་ཉི་ཧོང་གི་ཡུལ་དུ་སྐྱེ་བོ་རྒྱགས་པོ་ནི་ཧ་ལམ་མཐོང་རྒྱུ་མེད།

    ཉི་ཧོང་བས་བྱིས་པ་རང་སྟེང་ན་ནད་འགོག་གི་ནུས་པ་ཡོད་པར་འདོད་པའི་དབང་གིས། ན་ཚ་བྱུང་ན་རང་རེ་དང་འདྲ་བར་ལམ་སེང་གནམ་ཁབ་རྒྱག་རྐྱང་མི་བྱེད།

    ཉི་ཧོང་གི་སྐྱེ་བོ་དག་གི་ཆ་སྙོམས་ཀྱི་ཚེ་ཚད་ནི་འཛམ་བུ་གླིང་གི་རྩེ་གྲས་ཡིན། དེའི་ཐོག་ནས་ཉི་ཧོང་བའི་འཕྲོད་བསྟེན་གྱི་མཐུན་རྐྱེན་དང་། སྨན་བཅོས་ཀྱི་མཐུན་རྐྱེན། སྐྱེ་ཁམས་ཁོར་ཡུག བཟའ་བཏུང་གི་གོམས་སྲོལ། ལུས་རྩལ་འགུལ་སྐྱོད་སོགས་ཧ་ཅང་བཟང་བ་མཚོན།

    ཡུལ་ལུང་དེའི་བུ་བཅོལ་ཁང་ནི་གཙང་ཞིང་གྲལ་དག་ལ་བྱིས་པ་བུ་བཅོལ་ཁང་དུ་སླེབས་ཚེ་ལྷམ་འཕུད་དགོས་པ་དང་། ལྷམ་ཐོག་གི་ས་རྡུལ་སློབ་གྲྭར་ཁྱེར་མི་ཆོག་པ་རེད། དེ་མིན་ཉི་ཧོང་ཡུལ་གྱི་སློབ་གྲྭ་དག་གིས་སློབ་ལྭར་དང་དོད་ཆེན་པོ་བྱེད་པར་མ་ཟད། ཁོ་ཚོའི་སློབ་ལྭ་ཡང་ཧ་ཅང་ཡིད་དུ་འོང་བ་དང་བཟོ་སྟངས་སྣ་མིན་སྣ་ཚོགས་ཡིན་ལ་རྒྱུ་སྤུས་ཀྱང་ཤིན་ཏུ་བཟང་། དེ་ལྟར་སྣང་ཆེན་བྱེད་པར་གཏན་ཚིགས་འདི་འདྲ་ཞིག་ཡོད་དེ། མི་ཞིག་གིས་ལས་གོས་གྱོན་ཚེ་དུས་ནམ་ཡང་རང་ཉིད་ཀྱི་ཐོབ་ཐང་བརྗེད་མི་སྲིད་ལ། ལས་གོས་གྱོན་པའི་མི་ཞིག་གིས་དོན་ངན་སྒྲུབ་ཚེ་ནང་སེམས་བདེ་ལ་འབབ་དཀའ་བས་རེད།

    ཉི་ཧོང་གི་ཁྱིམ་ཚང་ཞིག་ལ་མཚོན་ན་ཁྱིམ་ཚང་རེ་རེར་འགྲོ་སོང་རྩིས་དེབ་རེ་ཡོད། ཉིན་རེའི་འགྲོ་སོང་རྩིས་དེབ་ཏུ་མི་འགོད་པའི་ཁྱིམ་བདག་མ་ཞིག་ཧ་ལམ་ཡོད་མི་སྲིད། སྒོ་རྩིས་ཚོང་ཁང་སོགས་སུ་དངུལ་བསྡུ་མཁན་གྱིས་ཁྱེད་ལ་འདོན་པའི་དྲི་བ་དང་པོ་ནི་འགྲོ་སོང་བསྐྱར་དཔར་བྱེད་རྒྱུ་ཡིན་ནམ་ཞེས་པ་དེ་ཡིན། ཉི་ཧོང་གི་ཁྱིམ་བདག་མ་མང་ཆེ་བས་འགྲོ་སོང་བསྐྱར་དཔར་བྱས་རྗེས་རྩིས་དེབ་ཏུ་འགོད་པར་སྟབས་བདེ་བའི་དབང་གིས་ཡིན་པ་རེད། དཔེར་ན། ཡིག་ཆས་དང་། དཔེ་དེབ། ཟས་རིགས་སོགས་ལོགས་སུ་དབྱེ་ཚེ་ཟླ་རེར་སྡོམ་རྩིས་བྱེད་ཐུབ་པ་དང་། ཁོ་ཚོར་མཚོན་ན་ཁྱིམ་ཚང་ནོར་གཉེར་སྐོར་གྱི་ཤེས་བྱ་ནི་ཆུང་དུས་ནས་རྒྱུད་ལ་འཇགས་རྒྱུར་བརྩོན་ནོ། །

    སློབ་འབྲིང་གི་སྐབས་སུ་རང་ལག་འགུལ་བའི་འཇོན་ནུས་གཙོ་བོར་བཟུང་ནས་ཁྱིམ་ཇུས་དང་འཚེམ་བཟོ། ལུས་རྩལ་སོགས་ཀྱི་འཛིན་གྲྭ་བཙུགས་པ་དང་། སེམས་ཁམས་རོགས་ཁྲིད་དགེ་རྒན་གྱིས་སློབ་མའི་སློབ་གཉེར་ལ་ཁྲིད་སྟོན་བྱེད།

    བྱིས་པ་མང་ཆེ་བར་སྔ་མོ་ནས་སེམས་ནད་ཡོད་སྟབས་སློབ་གྲྭ་ཀུན་ལ་སེམས་ཁམས་རོགས་ཁྲིད་དགེ་རྒན་རེ་ཆེད་དུ་བརྐོས་ཡོད་པ་རེད། དྲག་རྩལ་གྱི་སློབ་ཚན་ལའང་གཙིགས་ཆེན་བྱེད་པས་སློབ་གྲྭ་ཚང་མར་དྲག་རྩལ་ར་བ་ཆེད་དུ་བཙུགས་ཡོད་ཅིང་། དེ་དང་འབྲེལ་ཡོད་ཀྱི་འགྲན་སྡུར་ཡང་རྟག་ཏུ་མཆིས། དྲག་རྩལ་སློབ་ཚན་གྱིས་བྱིས་པའི་གཤིས་ཀ་བརྟན་པོ་དང་དཔའ་ངར་ཞུམ་མེད་ཀྱི་སྙིང་སྟོབས་སྐྱེད་བསྲིང་བར་བྱེད།

    མདོར་དྲིལ་ན། ཉི་ཧོང་ཡུལ་གྱི་སློབ་གསོ་ནི་གཞུང་དྲང་ཟོལ་མེད་དང་། རང་སྟོབས་རང་འཕེར། རྒྱལ་ཁམས་བདེ་འཁོད་ཅེས་པ་དེ་ཡིན།

    ཀྲུང་གོ་བ་ནི་དོན་ལ་མི་གནས་པའི་འུར་སྒྲོག་གི་གཏམ་ལ་མོས་པ་གང་མུན་ནག་མདའ་འཕེན་གྱི་ངང་ཚུལ་ལས་མ་འདས། དེའི་ཕྱིར། ཕན་མི་ཐོགས་ལ་གོ་མི་ཆོད། གནས་ལུགས་ཆེན་པོ་འཆད་སླ། འོན་ཀྱང་གནས་ལུགས་ཆེན་པོའི་ཕུགས་ཀྱི་གནས་ལུགས་ཆུང་ངུ་དང་། གནས་ལུགས་ཆུང་ངུའི་ཕུགས་ཀྱི་གནས་ལུགས་སྔར་བས་ཆུང་ངུ་དག་རྟོགས་ནས་ལག་ལེན་དུ་བསྟར་ཐུབ་ཚེ། ད་གཟོད་རླབས་པོ་ཆེ་ངོ་མ་ཡིན་ནོ།།

    ཇི་སྐད་དུ། བཤད་སྒྲུབ་ཟུང་འཇུག་གནད་དུ་འཛིན་པ་གཅེས། ། དེ་གཉིས་རྒྱུ་འབྲས་ལྟ་བུའི་འབྲེལ་བ་ལགས། ། སོ་སོ་ཡ་བྲལ་ཚུལ་དུ་འཆན་གྱུར་ན། ། རེ་འབྲས་སྟོངས་པའི་འགལ་རྐྱེན་ཁོ་ནའོ། ། ཞེས་གསུངས་པ་ལྟར། རང་ཅག་གིས་གནས་ལུགས་ཕལ་ཆེ་བ་རྟོགས་པ་ལྟར་སྣང་ཡང་དོན་དམ་པར་ཕུགས་ཀྱི་དོན་གོ་མེད། དེའི་ངང་ཚུལ་ནི་གོང་གི་སྤྲོས་པའི་བཤད་སྒྲུབ་ཡ་བྲལ་དུ་གྱུར་བའི་དཔེ་དོན་ལས་མ་འདས་སོ། །
    （རྩོམ་འགན་པ། སྒྲོལ་ཚེ།）

13. ངོ་དེབ་ལས།
    Wisdom
    WOMAN MEANS :-
    W ➖ WONDERFUL MOTHER
    O ➖ OUTSTANDING FRIEND
    M ➖ MARVELLOUS DAUGHTER
    A ➖ ADORABLE SISTER…
    འདི་ཅིག་གིས། བོད་སྐད་ལ་སྒྱུརད་དང་། ཐུགས་རྗེས་གཟིགས།
    N = NOBLE BIENG

14. WOMAN MEANS :-
    W ➖ WONDERFUL MOTHER
    ངོ་མཚར་ཅན་གྱི་ཨ་མ།
    O ➖ OUTSTANDING FRIEND
    ཁྱད་དུ་འཕགས་པའི་གྲོགས་པོའམ་གྲོགས་མོ།
    M ➖ MARVELLOUS DAUGHTER
    ཧང་སང་ཡག་གི་བུ་མོ།
    A ➖ ADORABLE SISTER…
    གུས་བཀུར་འོས་པའི་ཨ་ཅག
    N = NOBLE BIENG
    བཟང་སྤྱོད་ཀྱི་སེམས་ཡོད་ཅན།
    ༼ཨེན་དང་དེའི་དོན་གཉིས། ངོ་དེབ་ནང་ལ་ཆད་འདུག་པས་ཨིན་བོད་གཉིས་ཀ་རང་བཟོ་བྱས་༽

15. བརྗོད་གཞི་རྦད་དེ་རྙིང་གོག་ཅིག་རེད། སྐྱེས་དམན་གྱི་ཚབ་ལ་སྐྱེས་དམན་བྲིས་དགོས་ཟེར་ནས། བོད་ཕྱི་ནང་གི་ཡིག་ཆ་མང་པོའི་ནང་དེ་ལྟར་འབྲི་བཞིན་ཡོད་པ་རེད། སྐྱེས་སྨན་ཟེར་དགོས་ཟེར་མཁན་སྔོན་མ་ནས་མང་པོ་བྱུང་རེད། དེང་སང་ཁ་ཤས་ཀྱིས་རང་གི་གསར་རྙེད་ཡིན་མདོག་གིས་ཅིག་ཤོད་ཀྱིན་འདུག དེ་ལས་བརྗོད་གཞི་གསར་པ་རེའི་ཐོག་ལ་བསམ་ཚུལ་རེ་འདོན་ཐུབ་ན་བཟང་སྙམ།

16. སྐྱེས་དམན་གྱི་ཚབ་ལ་སྐྱེས་སྨན་

17. ཐ་སྙད་རྙིང་པ་ལ་འགྲེལ་གསར་པ་རྒྱག་དགོས་པ་གལ་ཆེན་པོ་རེད། ནམ་ཡང་གསར་པ་ཞིག་དགོས་ཞེས་རྙིང་པ་ཡོད་ཚད་འདོར་ཐབས་བྱེད་པ་ནི་རྔོ་ཐོགས་པའི་སྐད་ཆ་ཞིག་ཡིན་པར་མི་འདོད། ཐ་སྙད་དམ་རྩོད་གཞི་ཆེ་བའི་དོན་ལ་བསམ་གཞིག་གྲོས་གླེང་གི་ལམ་ནས་གཅིག་མཐུན་གྱི་ཐ་སྙད་རེ་ཡོང་ན་བསམས་ནས་བྲིས་པ་ལས། ཁྱེད་ཅག་ལ་བསུན་པོ་བཟོ་དགོས་སྙམ་སྟེ། གང་འདོད་དུ་བྲིས་པ་གཞར་ཡང་མིན་ལགས།