བུ་ཆུང་ལྡུམ་ར་བསོད་ནམས།
བཀྲ་ཤིས་པད་མའི་མེ་ཏོག། རླུང་གི་ལྷབ་ལྷུབ་གཡོ་དང་།།
བུ་ངས་གཡུ་སྦྲང་རྫུས་ནས།། པད་མའི་སྟེང་དུ་བབས་ཡོང་།།
ཁྱེད་ཀྱི་ཐུགས་ལ་སུ་ཡོད།། ང་ལ་ལན་གཅིག་གསུངས་དང་།།
དགའ་ན་མཉམ་དགའ་བྱེད་ཆོག། སྡུག་ན་མཉམ་སྡུག་བྱེད་ཆོག།།
ཨོ་ལོའི་སེམས་ཀྱི་སྟེང་དུ།། མི་འགྱུར་དྲན་ཤིང་བརྐོས་ཡོད།།
སེམས་འདྲིས་ཨོ་ལོ་མ་བསམ།། སྙིང་རླུང་སྟོད་ལ་འཚང་བྱུང་།།
གུས་ལ་ཁྱེད་གྲོགས་གཞན་བཞིན།། རྒྱུ་དངོས་དཔལ་འབྱོར་མྱེད་ཀྱང་།།
མི་དབང་འཁྲུངས་སའི་སྐབས་སུ།། གྲལ་འགོར་འཇོག་པ་གནང་བྱུང་།།
གཟུགས་མཛེས་དམན་ཆུང་བུ་མོ།། སྒྲེན་མོ་རྒྱུ་བ་མ་གནང་།།
ཨོ་ལོས་ཁྲོམ་གཟིགས་ཁང་ནས།། དར་ཟབ་ན་བཟའ་འཁྱེར་ཡོང་།།
གླང་གི་ལོ་ལ་སྐྱེས་བའི།། ཆུང་འདྲིས་གདུང་སེམས་ཅན་མ།།
ལས་འཕྲོ་བཟང་བོའི་བསྐལ་བ།། ལན་གཅིག་འཆར་ནས་ཡོང་ངོ་།།
སྐྱོ་དུས་ལུས་སེམས་འདྲེས་བའི།། ལྡེམ་ལྡེམ་ཨོ་ལོའི་སྙིང་གྲོགས།།
རང་འགོ་ཐོན་དུས་འགྱུར་སོང་།། རྒྱུ་བདག་མེད་པ་མིན་ནམ།།
ཧོར་དམག་གླིང་ལ་འགྲོ་དུས།། སེང་ལྕམ་ཧོར་ལ་འཁྲིད་སོང་།།
ཨམ་བུ་མི་ཡུལ་འཁྱམས་དུས།། དམན་ཆུང་གཞན་གྱིས་འཕྲོག་སོང་།།
ཆར་རླུང་དྲག་པོའི་དཀྱིལ་ལ།། སྙིང་སྡུག་འཚོལ་བར་ཕྱིན་པས།།
འདམ་དང་ཆུ་མོའི་མཚམས་སུ།། བུ་ངའི་སྙིང་སྡུག་འཕྲད་བྱུང་།།
ཁ་སྔོན་མོ་ཌས་གཡུགས་དུས།། བུ་ངའི་རྐང་པ་ཆག་སོང་།།
དེའི་རྗེས་བྱམས་པས་གཡུགས་སྟེ།། ཨོ་ལོའི་སྙིང་ཡང་བགས་སོང་།།
ཆུང་འདྲེས་བྱམས་པའི་སྙིང་གཏམ། །དུང་སེམས་བྲག་ལ་བརྐོས་ཡོད། །
མ་བཅོས་ཡིད་འོང་མཛུམ་ཞལ། །མིག་གི་མཚོ་ལ་བྲིས་ཡོད། །
དབྱིན་ཡིག་གི་ནང་དུ་རྩོམ་འབྲི་གནང་མཁན་བུ་ཆུང་ལྡུམ་ར་བསོད་ནམས་ཀྱིས་བོད་ཡིག་གི་ཐོག་ལ་རྩོམ་འབྲི་བཞིན་པ་འདི་དགའ་འོས་བ་ཞིག་རེད།