རྒྱལ་བ་རིན་པོ་ཆེ་ཚང་ ཁ་སང་གཟའ་པ་སངས་ཚེས་ ༡༦ ཉིན་ སྨན་ཁང་ནས་ཞལ་གྱེས་ཏེ་ལྡི་ལིར་ཡོད་པའི་བོད་ཀྱི་གཞོན་ནུའི་སྡོད་ཁང་ཞེས་པར་ཞབས་སོར་འཁོད་སྐབས་ཀྱི་སྐུ་པར་རེད། གོང་ས་ཆེན་པོ་བཞུགས་སྒར་དུ་ཆིབས་བསྒྱུར་མ་གནང་གོང་དུ་འདིར་ཉིན་ཤས་རིང་བཞུགས་རྒྱུ་རེད་འདུག ༼གོང་གསལ་གྱི་པར་འདི་ཡང་ཕ་ཡུལ་དྲ་རྒྱ་ནས་བཤུས་པ་ཡིན། པར་པ་འཇིགས་མེད་ཚེ་རིང་རེད། གཤམ་གསལ་ནི་དུས་བབ་ལས་བཤུས།༽
་ཚེས་ ༡༥ ཉིན་རྒྱལ་བ་རིན་པོ་ཆེ་མཆོག་རྒྱ་གར་གྱི་སྨན་ཁང་ནས་ཆིབས་ཐོན་གྱིས་ལྡི་ལི་ གཞོན་ནུའི་ཁྱིམ་སྡེ་རུ་ཉིན་ཤས་རིང་བཞུགས་རྒྱུ་ཡིན་པ་དང་། ཟླ་འདིའི་ཟླ་མཇུག་ཏུ་རྒྱལ་བ་རིན་པོ་ཆེ་མཆོག་ཉི་ཧོང་ལ་ཕེབས་རྒྱུ་ཡིན་འདུག
སྐུ་སྒེར་དུྲང་ཆེ་བསྟན་འཛིན་སྟག་ལྷ་ལགས་ཀྱིས་གསར་ལམ་ཁག་ཏུ་འགྲེལ་བརྗོད་གནང་བ་ལྟར་ན། རྒྱལ་བ་རིན་པོ་ཆེ་མཆོག་གི་སྐུའི་མཁྲིས་རྡོར་གཤག་བཅོས་གྲུབ་སྟེ་ཉིན་ ༦ འགོར་མཚམས་ཁོང་གི་སྐུ་གཟུགས་བདེ་ཐང་དུ་ཕེབས་ཡོད་པར་བརྟེན། ཕྱི་ཚེས་ ༡༥ ཉིན་རྒྱལ་བ་རིན་པོ་ཆེ་མཆོག་སྨན་ཁང་ནས་ཕྱིར་ཆིབས་ཐོན་གྱིས་ཉིན་ཤས་རིང་ལྡི་ལིར་ཡོད་པའི་གཞོན་ནུའི་ཁྱིམ་ཚང་དུ་བཞུགས་རྒྱུ་ཡིན་འདུག་ལ། ཟླ་འདིའི་ཟླ་མཇུག་ནས་ཁོང་ཉིད་ཉི་ཧོང་ནང་ཆིབས་བསྒྱུར་སྐྱང་རྒྱུ་དང་། ཕྱི་ཟླ་ ༡༡ པ་དང་ ༡༢ པའི་ནང་དུ་ཡུ་རོབ་རྒྱལ་ཁབ་ བྷེལ་རྗེམ་དང་ཅེག་སྤྱི་མཐུན་རྒྱལ་ཁབ་ལ་ཆིབས་སྒྱུར་གནང་འཆར་ཡོད་པ་རེད།
སང་ཉིན་སྟེ། ཕྱི་ཚེས་ ༡༧ ཉིན་ནི་ཨ་རིའི་གཞུང་གིས་རྒྱལ་བ་རིན་པོ་ཆེ་མཆོག་ལ་གསེར་གྱི་གཟེངས་རྟགས་ཕུལ་ཏེ་ལོ་གཅིག་འཁོར་བའི་དུས་དྲན་ཉིན་མོ་ཡིན་ཡང་། བཞུགས་སྒར་དུ་གཞུང་འབྲེལ་མཛད་སྒོ་སོགས་མེད་ལ། གཞིས་སྒར་ཁག་ཏུའང་དུས་དྲན་གྱི་མཛད་སྒོ་འདྲ་མེད་ཚུལ་འདུག
ཉིན་ཤས་རིང་འདིར་བཞུགས་སྒར་གྱི་མང་ཚོགས་དང་དེ་བཞིན་ལྷོ་ཕྱོགས་ཀོ་ལི་གྷལ་བོད་མིའི་གཞིས་སྒར་བཅས་སུ་རྒྱལ་བ་རིན་པོ་ཆེ་མཆོག་གི་སྐུ་གཟུགས་མྱུར་ཏུ་དྲག་སྐྱེད་ཡོང་བའི་ཆེད་དུ་གསོལ་འདེབས་སྨོན་ལམ་སོགས་གནང་གི་ཡོད་པ་རེད།
བཀྲ་ཤིས་བདེ་ལེགས་གྲངས་མེད་དང་། གཏན་དུ་སྐུ་གཟུགས་བདེ་བར་ཤོག
ད་ང་ཚོར་འདི་འདྲའི་སྐྱིད་ཀྱི་ཉིན་མོ་ག་ཚོད་ཡོད་ནམ་ང་ལ་དངོས་གནས་སེམས་ཁྲལ་འདུག ངའི་སེམས་ཁྲལ་འདི་ཁོང་གི་མདུན་ན་གཉའ་ཤུམ་ཤུམ་དང་སྐྱིད་པ་འདར་འདར་བྱེད་བཞིན་པའི་ཚུལ་འཆོས་པ་དེ་ཚོའི་ན་ཚ་དང་གཏན་ནས་མི་འདྲ།
དུས་སྐབས་འདིར་གཞི་ནས་བོད་མི་མང་པོ་ཞིག་གིས་༧གོང་ས་མཆོག་གི་རིན་ཐང་ཤེས་ཀྱིན་ཡོད་པ་འདྲ་ཨང་། གང་ལྟར་བོད་དོན་འདི་ཚད་ག་འདྲ་ཞིག་ཏུ་བསླེབས་ན་ཡང་། ཁོང་ཉིད་ས་སྟེང་འདི་ནས་སྐུ་ཟིལ་བ་ཁྲོམ་མེར་འཚོ་བཞུགས་གནང་བ་འདི་རང་སེམས་ཀྱི་དྲོད་ཐིག་གཅིག་བུ་དེ་རེད།
ཞབས་བརྟན་གསོལ་འདེབས་ལ་ནུས་པ་ད་ལོས་ཆེ་སྟེ། གཙོ་བོ་དེང་རབས་གཤག་བཅོས་ཀྱི་ལག་རྩལ་བྱང་དུ་ཆུད་པའི་སྨན་པ་དེ་དག་གི་བཀའ་དྲིན་གཞལ་དུ་མེད་པ་དེ་རེད། བོད་གཞུང་དམངས་གཉིས་ཀའི་ངོས་ནས་སྨན་པ་བཀའ་དྲིན་ཅན་དེ་དག་ལ་བྱས་རྗེས་གཟེངས་བསྟོད་ཀྱི་རྟགས་མ་ཞིག་ངེས་པར་དུ་འབུལ་དགོས་ཀྱི་རེད། ༧གོང་ས་མཆོག་གིས་ཀྱང་ནོར་ལྷ་དང་ཚེ་ལྷ་ལ་ནུས་པ་ཡོད་པ་རེད། ཡིན་ན་ཡང་གཙོ་བོ་མིའི་ནུས་པ་དེ་གལ་ཆེན་པོ་རེད་ཅེས་གསུང་ཟབ་ཡང་ཡང་བསྩལ་འདུག་ག གལ་སྲིད་ད་རེས་༧གོང་ས་མཆོག་སྨན་ཁང་དུ་མ་ཕེབས་པར་ཞབས་བརྟན་གཅིག་པོ་བསྒྲུབས་ནས་བསྡད་ཡོད་ན་དེ་རིང་གི་གསར་འགྱུར་དེ་ཇི་འདྲ་ཞིག་ཡིན་སུས་ཚོད་ཐིག གང་ལྟར་བཙན་བྱོལ་བོད་གཞུང་དམངས་གཉིས་ཀའི་ངོས་ནས་རྒྱ་གར་སྨན་པ་དེ་ཚོ་མ་བརྗེད་རོགས་ཞུ་གི་ཡོད།
གོང་གི་དུས་ཀྱི་ཕོ་ཉའི་སེམས་ཁྲལ་དེ་ལྟ་བུ་ཞིག་ངོ་མ་གོང་ས་མཆོག་གི་དབུ་སྐྲ་ཇེ་དཀར་ནས་ཇེ་དཀར་དུ་འགྲོ་བ་དང་བསྟུན་ནས་སེམས་ནང་ལ་འཁོར་ཡོང་གི་འདུག ད་ཡིན་ན་ཡང་བོད་སྤྱི་བའི་ལས་དབང་རང་གིས་སེམས་པ་གསོ་བ་ལས་ཐབས་གཞན་གང་ཞིག་ཡོད་དམ།
སྟོང་ཉིད་སྙིང་རྗེ་ཟུང་དུ་འཇུག་པའི་ལམ།།
ཆེས་ཆེར་གསལ་མཛད་གངས་ཅན་བསྟན་འགྲོའི་མགོན།།
ཕྱག་ན་པདྨོ་བསྟན་འཛིན་རྒྱ་མཚོ་ཡི།།
ཞབས་པད་སྲིད་མཐའི་བར་དུ་བརྟན་གྱུར་ཅིག།
བླ་མ་སྤྱན་རས་གཟིགས་དབང་ཕྱུག་སྐྱབས་མགོན་རྒྱལ་བའི་དབང་པོའི་སྐུ་ཚེ་ཞབས་པད་བསྐལ་བ་རྒྱ་མཚོར་བརྟན་པའི་སྨོན་ལམ་གསོལ་འདེབས་ཀྱི་རྩ་བ་ཡོད་ན་མེད་ན་དེ་ནི། ཁོང་གི་དགོངས་གཞི་སྒྲུབ་རྒྱུ་དེ་ག་རང་ནས་མགོ་འཛུགས་པ་གནད་དུ་ཆེ་སྟབས། བོད་མི་སྤྱི་བོ་གནམ་བསྟན་ཡོང་ནས་དེ་དེ་བཞིན་དང་བས་ཁུར་བརྩོན་གནང་རོགས་ཞུའོ།།
ཁོང་ཉིད་སྨན་ཁང་ལས་ཕེབས་མ་ཐག་ཁོར་ཡུག་འདིའི་ཉེ་འཁོར་ཚང་མར་མེ་ཏོག་གད་འདུག
ཡིན་ནའང་ཚང་མས་ཞབས་བརྟན་བསྒྲུབས་པ་ལས་བོད་ཀྱི་གནད་དོན་ལ་དོ་སྣང་བྱས་དང་། ཞབས་བརྟན་ངོ་མ་དེ་རེད། གླེན་པ་མིན་ན་སྔོན་ཆད་ཀྱི་ལམ་ལོག་ལ་བསྐྱོད་ནས་ཅི་བྱེད།