དཔལ་གློ་བོ་རྒྱལ།
གནས་དབེན་པ་ཆོས་ཀྱི་འབྱུང་ཁུངས་ན།།
མི་བཟང་པོའི་གཤིས་ཀ་ཐུལ་ནས་ནི།།
གྲོགས་མེད་པའི་ཁྱེར་ཀྱང་བསམ་པ་བཞིན།།
སྒྲུབ་ཐུབ་པའི་ནུས་པ་ཇེ་མང་རེད།།
ཁྱེད་དྲན་པ་ཉུང་བའི་སྤྱི་ཚོགས་ན།།
སྙན་གཏམ་ལ་མོས་པའི་རྐང་གཉིས་ཚོགས།།
དབང་ནུས་པ་ཡོད་ཀྱང་ཚེ་འདི་ཕྱིར།།
འགྲན་ནུས་པའི་སྙིང་སྟོབས་དོ་ཟླ་མེད།།
གཞན་ཕན་པའི་བློ་གྲོས་མེད་པས་ན།།
མཁས་རློམ་པའི་གཏམ་སྙན་སོགས་ཀྱིས་ཀྱང་།།
ངལ་ཁྱད་བསད་དམངས་དོན་སྒྲུབ་ན་ཡང་།།
ཁྱེད་དབེན་གནས་བཞུགས་ལ་འགྲན་པར་དཀའ།།
དུས་དེང་སང་ཟང་ཟིང་སྤྱི་ཚོགས་ན།།
ཡིད་འཕྲོག་པའི་དངོས་པོ་མང་མོད་ཀྱང་།།
གཞན་དབང་འདོད་ནུས་མེད་སྡུག་བསྔལ་མནར།།
དབེན་རང་དབང་སྐྱིད་ཉལ་དཔེ་ཟླ་མེད།།
གཞན་བདེ་སྐྱིད་ཐོབ་ཕྱིར་བརྩོན་ན་ཡང་།།
རྒྱུ་འབྱུང་ཁུངས་བརྩད་ནས་མ་འཚོལ་ཞིང་།།
མི་དགོས་པའི་སྡུག་བསྔལ་རྒྱུ་དག་གིས།།
ལུས་སེམས་ཉིད་དཀྲུག་དུས་བདེ་རློམ་དང་།།
གནས་དབེན་པར་ས་རྡོའི་ཁང་ཁྱིམ་ན།།
རང་འཚམས་པའི་འཚོ་བ་ངན་ངོན་གྱིས།།
ལུས་འཚོ་ཞིང་བག་ཡོད་ཉམས་ལེན་ལ།།
བརྩོན་བཞིན་པའི་བདེ་ལ་དོ་ཟླ་མེད།།
གཡོ་ཆེ་བའི་དགྲ་དང་གྲོགས་སྣང་གིས།།
རྐྱེན་བར་ཆད་མང་བའི་སྤྱི་ཚོགས་ན།།
སང་ནངས་ཀྱི་བདེ་སྡུག་རིམ་བརྩེགས་ནི།།
དཔྲལ་གཉེར་མ་བཞིན་དུ་ཇེ་མང་དང་།།
གནས་དབེན་པར་དགྲ་གྲོགས་འདུ་ཤེས་མེད།།
ཆོས་བྱེད་ལ་མཐུན་རྐྱེན་རང་ཤུགས་དང་།།
གཏན་བྱང་ཆུབ་ཆེན་པོར་ཐག་ཉེ་དང་།།
སེམས་འགྲོ་ལ་ཕྱོགས་པར་དོ་ཟླ་མེད།།
དེ་ལྟར་བསམ་ནས་སྐད་ཅིག་ཙམ།།
ཆུད་ཟོས་མ་བྱས་ཆོས་ལ་གཞོལ།།
ཕ་མའི་དྲིན་ལས་དེ་ལས་མེད།།
བློ་ཐག་ཆོད་ནས་ཉིན་མཚན་ཉལ།།
སྔོན་མཁའ་འགྲོ་གསང་ཕུག་སོགས་སུ་མཚམས་དམ་པར་བཞུགས་པའི་སྟ་གོན་མཛད།
དགེ་སློང་རྣམས་བོས་ཐོས་ཙམ་ཀྱི་ཕུག་པ་རེར་བཞུགས་པའི་དུས་དེ་ལ།
དེའི་ནུབ་མོར་ཕུའི་གངས་རི་འུར་གནམ་ས་བརྡབས་པ་ལྟར་སྒྲ་སྒྲོགས་ཤིང་།
གཞན་ལྟ་ཅི་དགེ་སློང་བཞི་པོ་ཡང་མཇལ་ཕྲད་མེད་པར་ཐུགས་དམ་འཕེལ།།
ལུས་དབེན་ངག་དབེན་སེམས་དབེན་གསུམ། །
ལུས་དབེན་རི་འཁྲོད་ལ་པ་ལ་མཛེས། །
ངག་དབེན་གཅིག་པུར་འཁྱམས་ལ་ཡོད། །
སེམས་དབེན་མི་བདེ་ཀུན་ལ་དགོས། །