རྒྱང་མིག་གིས་འོས་སྦྱོར་ཞུས།
བྱང་ཨ་རིའི་བོད་མིའི་སྤྱི་མཐུན་ཚོགས་པའི་ཚོགས་ཆེན་ཐེངས་ ༡༣ པ་ཕྱི་ལོ་ ༢༠༡༤ ཟླ་ ༨ ཚེས་ ༣༠ ནས་ཕྱི་ཟླ་ ༩ ཚེས་ ༡ བར་ཉིན་གསུམ་རིང་བྱང་ཨ་རིའི་སྐུ་ཚབ་དོན་གཅོད་དབུ་དཀར་ཚང་སྐལ་རྡོར་དང་སྤྱི་འཐུས་བཀྲིས་རྣམ་རྒྱལ་དང་ནོར་བུ་ཚེ་རིང་རྣམ་གསུམ་དབུ་བཞུགས་ཐོག་ཚོགས་འདུ་བསྐྱངས་པར་སྤྱི་མཐུན་ཚོགས་པ་ངོ་གྲངས་༢༡ གི་འཐུས་མི་ ༣༣ མཉམ་བཞུགས་གནང་སྟེ་གྲོས་གཞི་དོན་ཚན་ ༣ པའི་གྲོས་ཆོད་ “ ༧ གོང་ས་མཆོག་དགུང་གྲངས་ ༨༠ ཕེབས་པའི་སྐུའི་ག་སྟོན་དང་བསྟུན་བཀའ་དྲིན་རྗེས་དྲན་ཞུ་སླད། ཨ་རིའི་རྒྱལ་ས་ཝ་ཤིན་ཊོན་ ཌི་སི་ཁུལ་དུ་ ༧ གོང་ས་མཆོག་སྐུ་ཚེ་ཞབས་པད་སྐལ་བརྒྱར་བརྟན་པའི་བརྟན་བཞུགས་བསྟར་འབུལ་ཞུ་རྒྱུ་ཐད་ཨ་རིའི་སྐུ་ཚབ་དོན་གཅོད་བརྒྱུད་གསོལ་འདེབས་ཞུ་རྒྱུ་” ཞེས་པ་སྤྱི་མོས་གྲོས་མཐུན་བྱུང་སྟབས་བྱང་ཨ་རིའི་བོད་མིའི་སྤྱི་མཐུན་ཚོགས་པ་ཁག་གཙོ་བོར་གྱུར་བའི་དད་ལྡན་ཡོངས་ནས་བརྟན་བཞུགས་འདེགས་འབུལ་དང་བཀའ་དྲིན་རྗེས་དྲན་གྱི་མཛད་སྒོ་བསྐྱངས་རྒྱུ་དང་། དེ་མཉམ་སྒྲོལ་དཀར་ཚེ་དབང་དང་བློ་སྦྱོང་ཚིག་བརྒྱད་མའི་བཀའ་ཆོས་ཤིག་ཀྱང་བཀའ་དྲིན་ཆེ་རྒྱུའི་བཀའ་བཞེས་སྐལ་བཟང་ཕྱིར་ཕེབས་ལྟར། དེ་དོན་ས་གནས་སྤྱི་མཐུན་ཚོགས་པ་ཁག་ནས་ཉེ་སྔོན་ཞི་བདེའི་གཟེངས་རྟགས་འབུལ་བཞེས་བཀའ་དྲིན་བསྐྱངས་པའི་ཉིན་གཞུང་འབྲེལ་གསལ་བསྒྲགས་བསྐྱངས་ཡོད་པ་དགོངས་མངའ་བཞིན།
ཕྱི་ལོ་ ༢༠༡༥ ཟླ་ ༧ ཚེས་ ༩ དང་ ༡༠ ཉིན་ནིག་ཡོག་གྲོང་ཁྱེར་དུ་གསུང་ཆོས་དང་བརྟན་བཞུགས་བསྟར་འབུལ་ཞུ་རྒྱུའི་དུས་ཚེས་གཏན་འབེབས་བྱུང་ཡོད། བཀའ་དྲིན་རྗེས་དྲན་གྱི་མཛད་སྒོར་བཙན་བྱོལ་བོད་མིའི་སྒྲིག་འཛུགས་ཀྱི་སྲིད་སྐྱོང་དང་སྤྱི་འཐུས་ཚོགས་གཙོ་རྣམ་གཉིས་དམིགས་བསལ་མགྲོན་འབོད་ཞུས་ཡོད།
༡༽ འགྲོ་གྲོན་ཐད་ཡོང་འབབ་དམིགས་རྟེན།
བརྟན་བཞུགས་དང་བཀའ་དྲིན་རྗེས་དྲན་ཞུ་རྒྱུའི་འགྲོ་གྲོན་སྟེང་བྱུང་སོང་ཁ་འཐབ་ཙམ་ཡོང་རྒྱུའི་དམིགས་ཡུལ་ལས་ཁེ་ཕན་བཟོ་འདོད་ཀྱི་ཀུན་སློང་གཏན་ནས་མེད་པའི་ཕྱག་འཁྱེར་རྣམས་རིན་གོང་འོས་འཚམས་ཐོག་གཏན་འབེབས་ཞུས་ཡོད་པས། རྒྱལ་གཅེས་ལྷག་བསམ་གྱིས་ཕྱུག་པའི་དད་ལྡན་ཡོངས་ལ་ཞལ་འདེབས་འབོད་སྐུལ་ཞུ་རྒྱུ་རེ་འདུན་གཙོ་བོ་བཅངས་ཡོད། ཉིན་གཉིས་ཀྱི་མཛད་རིམ་ལ་ཕྱག་འཁྱེར་རིན་གོང་ཨ་སྒོར་ ༡༧༥ དང་། ༡༥༠། ༡༠༠། ༧༥ བཅས་ལ་གཏན་འབེབས་ཞུས་ཡོད། གྲྭ་བཙུན་དང་ཕྲུ་གུ་ལོ་གཉིས་མན་རིན་མེད་ཡིན་པས་དོ་བདག་གི་ངོ་རྟགས་ཡིག་ཆ་མིག་སྟོན་ཞུ་དགོས།
དད་ལྡན་གཏོང་ཕོད་ཅན་ཞལ་འདེབས་འབུལ་མི་ཚོར་དམིགས་བསལ་ཆེ་མཐོང་མཐུན་རྐྱེན་གོ་སྒྲིག་ཞུས་པ་གཤམ་གསལ་ལྟར།
ཀ ཨ་སྒོར་ ༥༠༠༠ ཡན་ཞལ་འདེབས་ཕུལ་མིར་སྒོ་འཛུལ་ཕྱག་ཁྱེར་ ༥ འབུལ་རྒྱུ།
ཁ ཨ་སྒོར་ ༣༠༠༠ ཡན་ཞལ་འདེབས་ཕུལ་མིར་སྒོ་འཛུལ་ཕྱག་ཁྱེར་ ༣ འབུལ་རྒྱུ།
ག ཨ་སྒོར་ ༢༠༠༠ ཡན་ཞལ་འདེབས་ཕུལ་མིར་སྒོ་འཛུལ་ཕྱག་ཁྱེར་ ༢ འབུལ་རྒྱུ།
ང ཨ་སྒོར་ ༡༠༠༠ ཡན་ཞལ་འདེབས་ཕུལ་མིར་སྒོ་འཛུལ་ཕྱག་ཁྱེར་ ༡ འབུལ་རྒྱུ།
དེའི་ཐོག་དམིགས་བསལ་ཞབས་སྟེགས་དང་ཉིན་གུང་གསོལ་ཚིགས། ཕེབས་སྒོ་ཟུར་བཅད་གོ་སྒྲིག་ཞུ་རྒྱུ་ཡིན། སྒོ་འཛུལ་ཕྱག་ཁྱེར་རྣམས་ Ticketmaster བརྒྱུད་སྤུས་གཟིགས་གནང་ཆོག ཡིན་ནའང་རང་རིགས་བོད་མི་ཚོས་སྒོ་འཛུལ་ཕྱག་ཁྱེར་སྡེབ་ཉོ་སྟབས་བདེ་ཡོང་ཆེད་དམིགས་བསལ་དུས་ཚེས་རྒྱས་བཅད་གཏན་འབེབས་ཞུ་རྒྱུ་དང་། འདིའི་སྐོར་རིང་མིན་ཟུར་དུ་གསལ་བསྒྲགས་ཞུ་རྒྱུ་ཡིན།
༢༽ དངུལ་རྩིས།
མཛད་སྒོ་འདི་དང་འབྲེལ་བའི་བྱུང་སོང་རྩིས་ཁྲ་རྣམས་ཁྲིམས་མཐུན་འཕེར་བའི་དེང་དུས་རྩིས་ཁྲ་འཇོག་སྲོལ་ཉར་ཚགས་ཞུ་རྒྱུ་དང་། འགྲོ་སོང་གཏོང་ཕྱོགས་ཐད་བྱ་སྤུ་བསྣོན་ལྟར་དག་མཆན་གནང་ཆེད་སྐུ་དབང་ཚད་ལྡན་ཡོད་པའི་ཚོགས་མི་ཆེད་འཛུགས་ཞུས་ཡོད། མཛད་སྒོའི་མཇུག་ཏུ་བྱུང་སོང་རྩིས་ཁྲ་རྣམས་ཕྱི་གསལ་ནང་གསལ་ཐོག་དད་ལྡན་མང་ཚོགས་ལ་གསལ་བསྒྲགས་ཞུ་རྒྱུ་ཡིན།
༣༽ རིག་གཞུང་འཁྲབ་སྟོན།
བོད་ཀྱི་རིག་གཞུང་མི་ཉམས་གོང་འཕེལ་ཆེད་བྱང་ཨ་རིའི་སྤྱི་མཐུན་ཚོགས་པའི་གཟའ་ མཇུག་རིག་གཞུང་སློབ་གྲྭ་ཁག་དང་སྤྱི་མཐུན་ཚོགས་པ་ཁག་གི་ཚོགས་མི་རྒན་གྲས་ནང་ཁུལ་གཞས་སྣ་འཁྲབ་སྟོན་འགྲན་བསྡུར་བྱས་འབྲས་རྩེ་སོན་གསུམ་བཀའ་དྲིན་རྗེས་དྲན་གྱི་དངོས་གཞིའི་མཛད་སྒོར་ ༧ གོང་ས་མཆོག་ལ་གཟུགས་འབུལ་ཞུ་རྒྱུའི་སྐལ་བཟང་གོ་སྐབས་འབུལ་རྒྱུ། འགྲན་བསྡུར་དུས་ཚེས་དང་ས་གནས་གཏན་ འབེབས་བྱུང་མཚམས། རིག་ལྡན་སྒྲོལ་མ་ནས་ཡོངས་ཁྱབ་གསལ་བསྒྲགས་གནང་རྒྱུ།
༤༽ ཆོས་ཞུ་བ་བཞུགས་གནས།
ཆོས་ཞུ་བ་རྣམས་ཀྱི་བཞུགས་གནས་ཐད་ཚོགས་ཁང་ཉེ་འདབས་སུ་མགྲོན་ཁང་དང་སློབ་གྲྭའི་ཉལ་ཁང་སོགས་རིན་གོང་ཆག་ཡང་ཡོང་བའི་མཐུན་རྐྱེན་སྒྲུབ་ཆེད་འབད་བརྩོན་ཞུ་རྒྱུ་ཡིན། འོན་ཀྱང་ཆོས་ཞུ་བ་སོ་སོས་མགྲོན་ཁང་མངག་གཡར་བྱེད་དགོས་པ་ལས་ཚོགས་ཆུང་ནས་གཡར་ལེན་ཞུ་རྒྱུ་མིན། བརྟན་བཞུགས་བསྟར་འབུལ་མཛད་སྒོ་དང་འབྲེལ་བའི་གནས་ཚུལ་ཞིབ་ཕྲ་མཁྱེན་འདོད་ཡོད་རིགས་ཆོས་ཞུགས་པ་སེར་སྐྱ་ཡོངས་ནས་གཤམ་གསལ་སྡེ་ཚན་སོ་སོར་འབྲེལ་གཏུགས་གནང་རོགས་ཞུ།
བརྟན་བཞུགས་འབྲེལ་ཆགས་སྤྱིར་བཏང་བཀའ་བརྩད་ཡོད་ཚེ།
༡༽ བྱང་ཨ་རིའི་སྤྱི་འཐུས་ནོར་བུ་ཚེ་རིང་ལ་ཞལ་པར་ ༩༠༥ ༢༨༤ ༣༧༠༣ །
༢༽བྱང་ཨ་རིའི་སྤྱི་འཐུས་བཀྲིས་རྣམ་རྒྱལ་ལ་ཞལ་པར་ ༢༠༦ ༣༠༠ ༢༨༩༡ །
མཆོད་སྒྲིག་དང་སྡིང་ཆའི་འགན་འཁུར་པ།
༣༽ སྐུ་ཞོག་དབང་འདུས་ལ་ཞལ་པར་ ༣༡༠ ༥༩༢ ༦༠༤༡ །
ཆོས་ཞུགས་པར་རིན་གོང་ཆག་ཡང་མགྲྲོན་ཁང་གོ་སྒྲིག་འབྲེལ་མཐུད་པ།
༤༽ བསོད་ནམས་རྒྱ་མཚོ་ལ་ཞལ་པར་ ༩༡༧ ༣༧༠ ༦༨༤༣ །
དྲ་རྒྱ་དང་གསར་འགོད་བརྒྱུད་ལམ་འགན་འཁུར་པ།
༥༽ དཀོན་མཆོག་བཀྲིས་ལ་ཞལ་པར་ ༥༡༠ ༣༨༤ ༧༥༦༦ །
༦༽ སྐལ་བཟང་འབྱུང་གནས་ལ་ཞལ་པར་ ༥༡༠ ༣༣༣ ༩༢༦༧ །
རིག་གཞུང་འཁྲབ་སྟོན་འགན་འཁུར་པ།
༧༽ རིག་ལྡན་སྒྲོལ་མ་ལ་ཞལ་པར་ ༥༧༡ ༩༦༩ ༨༩༦༠ །
བཀའ་དྲིན་རྗེས་དྲན་མཛད་སྒོའི་འབྲེལ་མཐུད་པ།
༨༽ རྣམ་རྒྱལ་རྡོ་རྗེ་ལ་ཞལ་པར་ ༧༦༣ ༢༤༥ ༩༦༡༥ །
མང་ཚོགས་འདུ་འཛོམས་འགན་འཁུར་པ།
༩༽ ཚུལ་ཁྲིམས་དཔལ་ལྡན་ལ་ཞལ་པར་ ༦༡༥ ༥༣༠ ༠༨༩༤ །
འོད་སྡེར་འགྲེམས་སྤེལ་དང་ཐད་ཀར་རྒྱང་སྲིང་འགན་འཁུར་པ།
༡༠༽ བསོད་ནམས་རྡོ་རྗེ་ལ་ཞལ་པར་ ༦༤༧ ༧༧༠ ༡༠༦༥ །
སྒོ་འཛུལ་ཕྱག་ཁྱེར་དང་རྒྱན་ཤོག་འཁན་འཁུར་པ།
༡༡༽ གཅུང་ཚེ་རིང་ལ་ཞལ་པར་ ༦༠༨ ༥༡༥ ༡༡༤༠ །
~ བཀྲ་ཤིས་བདེ་ལེགས ~
ཁྱེད་ཀྱི་ཡང་ཡང་གསལ་བསྒྲགས་ལ་མངོན་པར་གཏོང་དོ་།
བཀྲིན་ཆེ། ངོས་གོ་ཐོས་ལ་ཐོག་མར་ཝ་ཤིན་ཀྲོན་དུ་ཡིན་སྐད། ད འགྱུར་བ་སོང་ནི་རེད། ཚང་ག་རྒྱབ་ན་མི་རག་གི། བདག་རྩ་ཆེར་དང་དབང་ཆ་འཐབ་རྩོད་ཀྱི་ཕན་རླབས་མེད།