གནས་ཚུལ་གཏོང་མཁན། བསྟན་འཛིན་དགེ་ལེགས།
ཀུན་ཕན་ཐེབས་རྩ་ཚོགས་པའི་བོད་ཀྱི་དེང་རབས་རི་མོའི་སྒྱུ་རྩལ་འགྲེམས་སྟོན་གསལ་བསྒྲགས།
སྒྱུ་རྩལ་བ་སུམ་ཅུས་དེང་གི་བོད་མིའི་ངོ་བོ་ལ་འཚོལ་ཞིབ་བྱེད་པ།
ཟླ་བ་༣ ཚེས་༡༤ ནས་བཞི་པའི་ཚེས་༡༢ བར།
འཛམ་གླིང་སྤྱི་དང་བོད་མཐོ་སྒང་ནས་ཕེབས་པའི་ད་ལྟ་མཚན་སྙན་གོང་འཕེལ་དུ་འགྲོ་བཞིན་པ་དང་། དེ་བཞིན་སྔར་ནས་མཚན་སྙན་ཡོངས་གྲགས་སུ་གྱུར་བའི་སྒྱུ་རྩལ་བ་སུམ་ཅུས་གྲུབ་པའི་ “ཐོད་རྒལ་གྱི་བོད།” ཅེས་པའི་བོད་ཀྱི་རི་མོའི་འགྲེམས་སྟོན་ཞིག་གོ་སྒྲིག་བྱས་ཡོད།
འགྲེམས་སྟོན་འདིར་བོད་དང་འཛམ་གླིང་སྤྱི་ཡོངས་ཀྱི་སྣང་བརྙན་དང་རྒྱུ་ཆའི་ལོ་རྒྱུས་བཀོལ་ནས། ཆུ་ཚོན་དང་སྣུམ་ཚོན་ལ་སོགས་པའི་རྒྱུ་ཆ་སྣ་ཚོགས་བརྟེན་ནས། འཛེམ་ཟོན་དང་བཀག་རྒྱ་ཅི་ཡང་མེད་པར་སྒྱུ་རྩལ་བ་ཚོས་ད་ལྟའི་བོད་ཀྱི་ངོ་བོ་དང་རིག་གཞུང་ལ་འགྲེལ་བཤད་སྣ་ཚོགས་བརྒྱབ་ཡོད།
འགྲེམ་སྟོན་གྱི་དུས་ཚོད་ནི།
༢༠༡༥ཟླ་བ་༣ ཚེས་༡༤ནས། ཟླ་བ་བཞི་པའི་ཚེས་༡༢ བར།
རེས་གཟའ་ཟླ་བ་དང་། མིག་དམར། ལྷག་པ། པ་སངས། སྤེན་པ་བཅས་ལ་ཡིན། ཞོགས་པ་ཆུ་ཚོད་༡༡ ནས་དགོང་དྲོ་ཆུ་ཚོད་༦ བར་ལ་སྒོ་འབྱེད་ཀྱི་རེད། ད་དུང་སྔོན་ལ་དུས་ཆད་བཟོས་ན་དམིགས་བསལ་སྣེ་ལེན་ཞུ་རྒྱུ་ཡིན།
འགྲེམས་སྟོན་འདི་དང་འབྲེལ་ཡོད་ཀྱི་ལས་རིམ་དང་པོ་ནི། ངེད་ཚོར་སྙིང་སྟོབས་སྤྲོད་མཁན་དང་འགོ་ཁྲིད་མཁན་གྱི་བུད་མེད་སྒྱུ་རྩལ་བ་རྣམས་ལ་དྲན་གསོ་ཞུ་ཆེད། རྒྱལ་སྤྱིའི་བུད་མེད་ཉིན་མོ་སྟེ། ཟླ་བ་༣ ཚེས་༨ ཉིན་གསོལ་ཇ་དང་ཞལ་ཏོག་དྲངས་ཏེ། བོད་ཀྱི་བུད་མེད་སྒྱུ་རྩལ་བ་བསོད་ནམས་སྒྲོལ་མ་ལགས་དང་། དེ་བཞིན་བོད་ཀྱི་སྒྱུ་རྩལ་བཀོལ་མཁན་མི་ཆེལ་ལ་མར་ཊེ་ལོ། མི་རེ་ལ་བྷར་ཇི་ལི། ལི་བྷི་ལི་བྷར་རན་ནི་བཅས་མཉམ་ཞུགས་ཐོག་ “བོད་ཀྱི་བུད་མེད་དང་དེང་རབས་ཀྱི་སྒྱུ་རྩལ་དང་འབྲེལ་ཡོད་ཀྱི་དཀའ་ངལ་ལ་གདོང་ལེན།” ཞེས་པའི་བརྗོད་གཞིའི་སྟེང་བགྲོ་གླེང་གནང་རྒྱུ་དང་། ཀུན་ཕན་ཐེབས་རྩ་ཚོགས་པའི་གཙོ་འཛིན་ཨན་ཌི་ཡ་སོ་རོ་སི་ནས་བགྲོ་གླེང་གཙོ་སྐྱོང་གནང་རྒྱུ་ཡིན།
འགྲེམས་སྟོན་བྱེད་ཡུལ་ས་གནས་ཀྱི་ཁ་བྱང་ནི། ཨ་རིའི་གྲོང་ཁྱེར་ནེའུ་ཡོག་གི་་་
Rogue Space Chelsea
508 W 26th Street, 9E-F
New York, NY 10001
འགྲེམས་སྟོན་དབུ་འབྱེད་ཀྱི་མཛད་སྒོ་དེ་༢༠༡༥ ཟླ་བ་གསུམ་པའི་ཚེས་༡༤ ཕྱི་དྲོའི་ཆུ་ཚོད་༣ ནས་༨ དང་ཕྱེད་ཀ་བར་ཡིན། འགྲེམས་སྟོན་དང་གསུང་བཤད་ཀྱི་ལས་རིམ་ཁག་རིན་མེད་ཡིན། ཟླ་བ་བཞི་པའི་ཚེས་༩ ཕྱི་དྲོའི་ཆུ་ཚོད་༦ དང་ཕྱེད་ཀར་རི་མོ་རྣམས་བམ་བཙོང་ངམ་ཧབ་འཚོང་༼auction༽བརྒྱུད་བཙོང་རྒྱུ་ཡིན། བམ་བཙོང་ངམ་ཧབ་འཚོང་ལ་ཕེབས་ཏེ་འཛིན་བྱང་ཉོ་དགོས། ཞིབ་ཕྲའི་གནས་ཚུལ་དེ་ངེད་ཚོའི་ཚོགས་པའི་དྲ་རྒྱའི་ཐོག་ལ་ཕེབས་རོགས། http://gaton.trace.org/
འགྲེམས་སྟོན་འདི་དང་འབྲེལ་ཡོད་ཀྱི་འབྲེལ་བ་ཞུ་ཡུལ་ནི། events@trace.org ཡང་ན་ཁ་པར་ཨང་གྲངས་2123677380 x38. ཐོག་ལ་འབྲེལ་བ་གནང་རོགས་ཞུ།
བག་ལ་ཉལ་བའི་བོད་རིགས་ཀྱི།
འཛེམ་ཟོན་མེད་པའི་སྒྱུ་རྩལ་ཞིག
བཀག་རྒྱ་མེད་པའི་ཉིའུ་ཡོག་ནས།
བཤམས་སྟོན་བྱས་ན་ངོ་མཚར་ཆེ།
སྔོན་གྱི་དུས་སུ་མི་ལ་ཡིས།
སྐུ་ལུས་རྗེན་པར་རྒྱུ་བ་དེ།
སྤྱོད་པའི་སྒྱུ་རྩལ་ལ་མཐོང་ནས།
སྦ་གསང་མེད་པ་དེ་ནས་དར།
འོན་ཏང་གྲོང་ཁྱེར་ཉིའུ་ཡོག་ནི།
ཨར་འདམ་གོས་ཀྱིས་སྒྱུ་རྩལ་གཡོགས།
སྒོར་དང་བཙན་གྱིས་མཛེས་པ་སྒྲིབ།
སྒྱུ་རྩལ་ཞེས་པ་དེ་ན་དབེན།