གངས་དཀར་རྒྱལ་སྲས།
ན་ནིང་གཞིས་ནང་ལ་ལྡི་ལི་བོད་སྒར་བསམ་ཡས་གླིང་ལ་དབུས་སྐད་དང་ཨམ་སྐད་ཀྱི་བརྙན་འཕྲིན་གང་འདོད་དུ་བལྟ་རྒྱུ་ཡོད་མོད་ད་ལྟ་གཅིག་ཀྱང་མི་འདུག དེའི་རྒྱུ་མཚན་ཡར་མར་སྐད་ཆ་མང་ཙམ་དྲིས་མོད། ཁོ་ཚོས་ཟེར་ན་དེ་ནི་གཞོན་ནུ་ཚོགས་པ་དང་འབྲེལ་བ་ཡོད་པ་རེད་ཟེར་བ་ཐམས་ཅད་ཁ་གཅིག་གྲགས་རེད། ཁ་ཅིག་གིས་འདི་གའི་ས་གནས་གཞོན་ནུ་ཚོགས་པའི་རྒྱུན་ལས་སྔོན་མ་དག་གིས་བརྙན་འཕྲིན་འཕྲིན་ལམ་ལ་སྒོར་མོ་སྤྲད་ནས་མི་མང་གི་འདོད་པ་བསྐང་བ་ཡིན་མོད། ད་ལྟའི་འདི་དག་གིས་འཕྲིན་ལམ་ལ་སྒོར་མོ་མ་སྤྲད་པས་མེད་པ་ཆགས་པ་རེད་ཟེར།
ཁ་ཅིག་གིས་གཞོན་ནུ་ཚོགས་པས་ཁོ་ཚོ་ཚོགས་པའི་ལས་དོན་ལས་མི་མང་གི་འདོད་བློ་ལ་དེ་ཙམ་དོ་སྣང་ཡོད་པ་མ་རེད་ཟེར། ས་གནས་འདིའི་བརྙན་འཕྲིན་འཕྲིན་ལམ་ཚང་མ་ཁོ་ཚོས་སྒེར་བདག་བྱས་ཡོད་པ་རེད་ཟེར། ངོ་མ་ཁོ་ཚོས་སྒེར་བདག་བྱས་ཡོད་ན་ཁོ་ཚོས་ངེས་པར་མང་ཚོགས་གི་དགོས་འདུན་སྐོང་དགོས་པ་རེད། སྔོན་མ་དག་གིས་སྐོང་ཐུབ་ན་རྗེས་མ་དག་གིས་དེ་ལས་ཀྱང་ཞིབ་ཚགས་ཀྱིས་བརྙན་འཕྲིན་ལ་བལྟ་ཐུབ་པ་བྱེད་མ་ཐུབ་རུང་སྔོན་ལ་ཡོད་པ་དེ་མེད་པ་བྱེད་སྲོལ་གང་ན་ཡོད། འདི་མ་གཞི་དོན་དག་ཆུང་ཆུང་ཞིག་ཡིན་མོད། འདི་ལས་མཐོང་ཐུབ་པ་ནི་མང་ཚོགས་དང་ཚོགས་པའི་བར་གྱི་འབྲེལ་འདྲིས་དང་ཚོགས་པས་མང་ཚོགས་གི་སེམས་ཁམས་དང་གནས་བབ་ལ་རྒྱུས་ལོན་མེད་པ་གསལ་བོར་ཤེས།
གང་ལྟར་ཀྱང་ཁོ་ཚོ་དང་འབྲེལ་བ་ཡོད་པ་ཁོ་ཐག་རེད། བརྙན་འཕྲིན་དེ་དག་ལ་བལྟ་རྒྱུ་ཡོད་ན་ནང་ནས་དུས་ཡུན་རིང་བོར་འདུག་ཐུབ་པས་ཕྱི་རོལ་དུ་གང་འདོད་དུ་མི་འཁྱམས་པར་ཕན་ལ་ཤེས་རྒྱུ་གོ་རྒྱུའང་ཧ་ཅང་མང་། དེའི་རྐྱེན་གྱིས་ཁོ་ཚོས་ཕྱག་ལས་དེ་མང་ཚོགས་ཀྱི་ཆེད་དུ་གནང་གི་ཡོད་ན་བོད་སྐད་ཀྱི་བརྙན་འཕྲིན་དེ་དག་སྔོན་བཞིན་བལྟ་ཐུབ་ན་མི་མང་ལ་ཕན་པ་མང་བོ་འདུག དེ་ལས་ལྡོག་སྟེ་ཁོ་ཚོ་ཚོགས་པ་རང་གི་ཆེད་དུ་གནང་གི་ཡོད་ན་ང་ཚོ་སུས་ཀྱང་བཤད་ཤེས་ཀྱི་མ་རེད།
ཕྱི་ལོ་ ༡༩༩༠ གོ་གྲངས་ནང་རྒྱ་ནག་གི་གློག་བརྙན་བོད་སྐད་དུ་བསྒྱུར་བ་རྣམས་རྒྱ་ནག་རྒྱལ་རབས་དང་། མི་རིགས་ཀྱི་ལ་རྒྱ་བསྟན་པ་སོགས་དོན་སྙིང་ཅུང་ལྡན་ཁར། སྐད་བསྒྱུར་བ་དག་ཀྱང་སྒྱུ་རྩལ་བ་ཏག ཏག་ཡིན་བཟོ་འདུག དུས་ཕྱིས་མུ་སྦྲེལ་འཁྲབ་ཚན་བསྒྱུར་བ་རྣམས་གུང་ཁྲན་གྱི་བྱས་རྗེས་རྐྱང་རྐྱང་བསྟན་ཅིང་། ལོ་རྒྱུས་ལ་སྒྲོ་བཏགས་དང་འཁྱོག་བརྗོད་ཀྱིས་དོན་སྙིང་དེ་ཙམ་མ་མཆིས་པས། བསྟན་པའི་དགེ་མཚན་ཅང་མེད།
བོད་མི་མང་བོ་རྒྱ་གར་དུ་ཡོང་གི་ཡོད་ཀྱང་། དོན་དངོས་ཐོགས་སྐྱབས་བཅོལ་བ་ཧ་ཅང་ཉུང་ཞིང་རྒྱ་ནག་གིས་དམ་འཛིན་འོག་ཏུ་ཡོད་པའི་བོད་མི་དངོས་མ་ཉུང་ཉུང་མིན། རྒྱ་ནག་གི་སྤྲེལ་མགོ་ཅན་དང་གྲུབ་ཆེན་ཆི་གང་ལས་གཞན་ཕལ་ཆེར་རྒྱ་གཞུང་གི་དྲིལ་བསྒྲགས་བཟོ་གྲྭར་བསྐྲུན་པའི་བྱིས་གཟོབ་ཏེ་ཨ་ལད་པད་ཀོག་ཤ་སྟག་ཡིན། རྒྱ་གར་དུ་འང་བོད་མི་ན་ཚོད་མ་ལོན་པ་དང་བཟའ་ཟླ་མེད་པའི་བོད་མི་བྱེས་འབྱོར་མང་ཆེ་བས་བྱིས་གཟོབ་དེ་དག་རྩེད་ཆས་སུ་ཉར་གྱི་ཡོད། རྒྱའི་གློག་བརྙན་ལྡི་ལིར་བསྟན་པའི་ཁེ་ཕན་གཅིག་རང་གཅིག་ནི་མ་སྐད་དང་ཕ་སྐད་རྒྱུད་འཛིན་ལ་ཕན་གྱི་ཡོད། འདི་དགོས་པ་ཆུང་ཆུང་ཞིག་མིན་མོད། དེ་དང་ཆབས་ཅིག་རྒྱའི་གཡོ་ཇུས་དང་རྫུན་བསྒྲག་གིས་བོད་མི་བསློད་ཀྱིན་ཡོད། ང་ནི་རང་གི་སྲོག་ལ་རྒོལ་བའི་མཛེས་མ་དང་ལྷན་དུ་ཉལ་ཐུབ་མཁན་ཞིག།
གངས་དཀར་རྒྱལ་སྲས་ལགས། ཁྱེད་ཀྱིས་གྲོང་ལམ་བར་གྱི་སྐད་ཆ་ཤ་སྟག་གསུང་ན་འགྲིག་གི་ཨེ་ཡོད་ན། གལ་ཏེ་གནས་ཚུལ་འདིའི་སྐོར་ཤེས་འདོད་ན་ཚོང་བདག་ངོ་མ་སུ་ཡིན་དང་། དེའི་ཡིག་ཚང་གང་དུ་ཡོད་པ་ཤེས་ཐབས་གནང་ནས་གནས་ཚུལ་འདི་སྐོར་གསལ་པོ་ཤེས་ཐབས་ཐུབ་པ་དགོས། དྲ་ཐོག་ཏུ་གནས་ཚུལ་དགོད་འདོད་ཡོད་ན་གནས་ཚུལ་ཁུངས་ལུང་ཡོད་པ་ཞིག་བཀོད་དགོས་པ་ལས་གྲོང་ལམ་བར་མི་གང་བྱུང་ལ་སྐད་ཆ་དྲིས་པས་ཕན་ཐོགས་མེད་པ་དེ་མཁྱེན་དགོས། གང་ལྟར་ཁྱེད་ཀྱིས་འདི་འདྲ་ཞིག་བཀོད་པ་དེས་བོད་པའི་སྤྱི་ཚོགས་ནང་སྐད་ཆ་ཁུངས་ལུང་མེད་པ་མང་དག་ཅིག་ཡོང་པ་ནི་གང་ཟག་ཁྱོད་དང་འདྲ་བ་ལས་ཡོང་བ་གསལ་པོ་ཤེས་ཐུབ་སོང་།
མདོར་ན། ངས་གནད་དོན་འདི་སྐོར་གསལ་པོ་བཤད་ན། ཚོང་ལས་འདི་ས་གནས་གཞོན་ནུ་དང་འབྲེལ་བ་ཡོད་མ་རེད། ཡིན་ནའང་ཚོང་པ་དེ་ས་གནས་གཞོན་ནུའི་རྒྱུན་ལས་ཤིག་རེད། འོ་ན་བོད་ཀྱི་བརྙན་འཕྲིན་རྣམས་མེད་པའི་རྒྱུ་མཚན་གང་རེད་ཅེ་ན། སྔ་ལོ་ནས་རྒྱ་གར་གྱི་གྲོང་འཁྱེར་ཆེ་ཁག་ཏུ་ T.V. Cable ཚང་མ་གཞུང་གི་སྒྲིག་གཞི་ལྟར་ set top box བརྒྱུད་གཏོང་དགོས་པ་ལས་ཐད་ཀར་གཏོང་ཆོག་གི་མེད་པ་ཆགས་ཡོད། སྔ་མོ་བརྙན་འཕྲིན་རྣམས་ཡོ་ཆས་དེའི་བརྒྱུད་གཏོང་མི་དགོས་སྟབས་བསམ་ཡས་གླིང་ཚོང་པས་རེ་འདུན་གང་ཞུས་ལྟར་དངུལ་ཕྲན་བུ་སྤྲད་ན་བརྙན་འཕྲིན་གང་འདོད་གཏོང་ཐུབ་ཀྱི་ཡོད། ད་ཆ་གཞུང་གི་སྒྲིག་གཞི་འོག་འགྲོ་དགོས་པས་སྔ་མོ་བཞིན་རང་སྣང་གང་དྲན་བྱེད་ས་མེད་པར་འགྱུར་ཡོད། བསམ་ཡས་གླིང་ཚོང་པ་དེས་བོད་ཀྱི་བརྙན་འཕྲིན་ལ་བརྟེན་ནས་ཚོང་མང་བ་ཡོང་གི་ཡོད་པ་ཤེས་བཞིན་དུ་བརྙན་འཕྲིན་དེ་དག་གཏོང་རྒྱུ་མེད་པ་བཟོ་ཤེས་ཀྱི་རེད་དམ། ཚོང་པ་དེ་ཚོ་བླུན་པོ་གང་ཡང་མི་ཤེས་མཁན་ཞིག་ཡིན་གྱི་མ་རེད། བྱས་ཙང་གནས་ཚུལ་གསལ་པོ་ཤེས་པ་བྱ་རྒྱུ་གལ་ཆེན་པོ་རེད།
Set top box. ནང་ལ་བོད་སྐད་བརྙན་འཕྲིན་ཡོང་ཡ་ལ་མ་ལག་ཅིག་ཉོ་དགོས་འདུག དེ་ཉོ་ན་སྒོར་འབུམ་ལྷག་འགྲོ་གི་འདུག་ཟེར། རྒྱ་གར་ལྷོ་ཕྱོགས་ནས་དེ་འདྲ་རེད། ལྡི་ལི་ཡང་དེ་འདྲ་ཨེ་ཡིན་མི་ཤེས། ལྷོ་ཕྱོགས་ནས་ངས་set top box ཉོས་ནས་བཟོ་མཁན་ལ་བོད་སྐད་ཡོང་མིན་སྐོར་ལ་སྐད་ཆ་བཤད་ཡིན། ཁོས་ཟེར་ཡ་གོང་ཞུས་ལྟར་རེད། སྒོར་འབུམ་ལྷག་སྤྲད་ནས་ཅ་ལག་དེ་ཉོས་ནས་བཙུགས་ན་བོད་སྐད་སོགས་ཡོང་གི་རེད་ཟེར། སྒེར་གཅིག་གིས་སྒོར་དེ་འདྲ་སྤྲད་གི་རེད་པས། ཚོགས་པ་དེ་འདྲས་ཉོ་ན་གང་ཤེས་མ་གཏོགས་དེའི་ནང་བོད་སྐད་ཡོང་ཡ་དཀའ་ལས་འདུག་ད