བྱ་མདོ་སྐལ་རྒྱམ།
ཐག་རིང་ཐག་རིང་ཞིག་ཏུ
མང་བོ་མང་བོ་ཞིག་བློས་གཏོང་དགོས་དོན
ངས་ཆེན་པོ་ཆེན་པོ་ཞིག་འདོད་ཀྱིན་མེད
སྐད་ཅིག་གིས་འགྱུར་བཞིན་པའི་ཁོར་ཡུག་འདི་ལས
རང་ཉིད་གང་ནས་ཡོང་སའི་ལམ་ཁ་དེ་འཚོལ་གྱིན་ཡོད
བཙལ་བཞིན་བཙལ་བཞིན་ཕྱིར་ལོག་མི་ཐུབ་པ་འདྲ་ལ
སོང་གིན་སོང་གིན་ཕྱིར་ལོག་རྒྱུ་མེད་པ་དང་ཡང་འདྲ
སེམས་པ་ལྟ་བུའི་གངས་འདབས་འདི་བརྒྱུད་དུས
དོན་དག་གཅིག་ངས་བརྗེད་མི་ཐུབ་པ་སྔ་མོ་ནས་ཤེས་ཡོད
མཚན་སྨག་འཐིབ་པའི་རྒྱུས་མེད་ཀྱི་ངོ་གདོང་མང་བོས
གློག་ཞགས་ལྟ་བུའི་མིག་ཟུང་ཧད་ཀྱིས་བགྲད་དུས
ངས་རང་ལ་བདག་པའི་མགོ་བོ་འདི
ང་རྒྱལ་གྱིས་འདེགས་མ་ནུས
མི་ཚོགས་ཤ་འོད་ལྟར་རྒྱུགས་ཤུལ་ཏུ
ཁྱོད་ཀྱི་རྐང་རྗེས་ད་དུང་མེད་པ་ཅི
སྲོད་ཁའི་ཞེན་ཆགས་ཀྱི་ཉི་ཟེར
ཧི་མ་ལ་ཡའི་རི་རྩེ་ནས་བསྡུ་སྐབས
ངས་གྲང་ངར་ཆེ་བའི་ཁང་མིག་ཅིག་ཏུ
སླར་ཡང སང་ཉིན་གྱི་ལམ་རྒྱགས་སྒྲིག་གྱིན་ཡོད
2015/3/31
ཨ་རོགས། དེང་རང་མོས་སྙན་ངག་ཟེར་བ་འབྲི་རྒྱུའི་དུས་ཚོད་ཡོལ་ཟིན་པས། དོན་སྙིང་མེད་པའི་རྩོམ་དུ་རློམ་རིགས་བཞག་ན་རེད། གོ་རྒྱུ་མེད་ནི་མི་ཚད། རྩོམ་རྩལ་ཡང་མེད་ཀྱི་མོ། དུས་ཚོད་འཕྲོ་བརླག་མ་ཐོངས། ཨ་མའི་ལོ་ལོ། དེ་ལས་གོ་རྒྱུ་ལྡན་ཞིང་། ཚིག་སྦྱོར་སྙན་པའི་ངག་རེ་འབྲི། མི་འཇོན་ན་ཨུ་ཚུགས་མ་ཚད།