སྐབས་བཅུ་བཞི་པའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་དུས་དགུ་བར་ཕེབས་པའི་སྤྱི་འཐུས་རྣམ་པར་འཚམས་འདྲི་དང་། གྲོས་ཚོགས་ཀྱི་ལས་དོན་ཚགས་ཚུད་ཚད་ལྡན་ཡོང་བའི་སྨོན་འདུན་ཡོད། རིང་མོ་ཞིག་ནས་ཡིད་ལ་བརྣགས་པ་ལྟར་བོད་མིའི་ཆབ་སྲིད་མང་གཙོའི་ལམ་དུ་བསྒྱུར་རྒྱུ་བཙན་བྱོལ་དུ་འབྱོར་མ་ཐག་པ་ནས་འབད་བརྩོན་རྒྱུན་བསྲིངས་བྱས་འབྲས་སུ་ད་ལམ་མང་ཚོགས་ཀྱིས་འོས་འདེམས་བྱས་པའི་གྲོས་ཚོགས་ཀྱིས་ཁྲིམས་བཟོ་དང་དཔལ་འབྱོར་སྟངས་འཛིན་གྱིས་མཚོན་པའི་བྱེད་སྒོ་རྣམས་བྱ་རྒྱུའི་གོ་སྐབས་བྱུང་བར་དགའ་སྤོབས་བརྟས།
སྔོན་དུ་བརྗོད་ཟིན་ལྟར་ལྗིད་མཉམ་སྟངས་འཛིན་གྱི་སོ་མཚམས་དང་། རྟོན་བཞིའི་འཇུག་ལྡོག་མ་ནོར་བར་སྒེར་འཁོན་ཕྱོགས་འཐེན་སྤངས་ཏེ། གྲོས་ཚོགས་ཀྱི་ལས་དོན་བྱེད་ཕྱོགས་ཀྱི་གནས་ཚད་དང་སྤུས་ཀ་གོང་མཐོར་གཏོང་རྒྱུའི་ཀུན་སློང་དང་རྩོལ་བ་མི་ལྷོད་པ་དགོས་གལ་མཐོང་། འཛིན་སྐྱོང་དང་ཁྲིམས་ལུགས་དབང་འཛིན་གཉིས་ཀའི་འགན་ཁུར་ཞུ་ཡུལ་གྲོས་ཚོགས་ཡིན་སྟབས། གྲོས་ཚོགས་ཀྱང་མང་ཚོགས་ལ་འགན་ཁུར་འཕེར་ངེས་དགོས།
བོད་མིའི་ཆབ་སྲིད་ཀྱི་མགོ་ཁྲིད་བཀའ་བློན་ཁྲི་པ་མང་ཚོགས་ཀྱིས་འོས་འདེམས་བྱས་པ་ནས་བཟུང་གཞི་རྩའི་ལས་དོན་རྣམས་ངོས་རང་གིས་དོ་ཁུར་མ་དགོས་པར་ཕྱེད་རྒས་ཡོལ་ལྟ་བུ་ཡིན་རུང་། བོད་ཀྱི་རྩ་དོན་དང་བོད་རྒྱའི་འབྲེལ་ལམ་སྐོར་ཇི་སྲིད་མང་ཚོགས་ནས་ཡིད་ཆེས་རེ་འདུན་ཡོད་པ་དེ་སྲིད་དུ་ཅི་ནུས་གང་ལྕོགས་བྱེད་བཞིན་ཡོད། ཞི་བའི་དོན་ཚན་ལྔ་ནི་ཕུགས་ཀྱི་འཆར་སྣང་ཡིན་པས་འབྲེལ་མོལ་ལ་ཐད་འབྲེལ་དེ་ཙམ་མེད་རུང་། སི་ཊ་སི་སྦག་གི་གྲོས་འཆར་ལ་རྒྱ་གཞུང་གིས་བསམ་ཞིབ་གོ་བསྡུར་བྱེད་ཐབས་མེད་པའི་ཚིག་ཐག་གཙང་གཅོད་བྱུང་བར་བརྟེན་རང་བཞིན་ནུས་མེད་དུ་གྱུར།
ཕྱི་ལོ་ ༢༠༠༢ ནས་འབྲེལ་མོལ་བསྐྱར་མཐུད་བྱས་པ་ནས་བཟུང་བོད་རིགས་ཡོངས་ཀྱི་འབྱུང་འགྱུར་གྱི་གནས་བབ་ཁོ་ན་བརྗོད་གཞིར་བཟུང་སྟེ། གླེང་མོལ་བྱས་འབྲས་སུ་རྒྱ་གཞུང་གི་ལངས་ཕྱོགས་ལ་བསམ་ཞིབ་ཀྱིས་རང་ཕྱོགས་ནས་མཁྲེགས་བཟུང་མ་བྱས་པར་དངོས་དོན་དང་བསྟུན་ཏེ། གུ་བཤང་གང་ཐུབ་བྱས་ཚུལ་ལོ་དུས་སོ་སོའི་གསུམ་དུས་གསུང་འཕྲིན་སོགས་སུ་གསལ་བཤད་བྱས་ཡོད་པ་བཞིན་འབྲེལ་མོལ་ཐེངས་བརྒྱད་པའི་སྐབས་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་དང་རང་སྐྱོང་བཅའ་ཁྲིམས་ཀྱི་ཆ་རྐྱེན་འོག བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ལག་བསྟར་ཡོང་ཐབས་ཀྱི་བསམ་འཆར་ཡིག་ཆ་ཞིག་སྤྲད་ཡོད་ཅིང་། དེ་ལ་རྒྱ་ཕྱོགས་ནས་འཁྱོག་བཤད་བྱས་པ་རྣམས་གསེད་བཀྲོལ་སླད་འདི་ལོ་འབྲེལ་མོལ་དགུ་བའི་སྐབས་འགྲེལ་བརྗོད་ཅིག་སྤྲད་པ་བཅས་ཡིག་ཆ་དེ་དག་ད་ཆ་མང་ཚོགས་ཀྱི་མིག་ལམ་དུ་གྱུར་ཟིན།
གོང་སྨོས་རྣམས་གྲོས་ཚོགས་ཀྱི་སྤྱི་མོས་གྲོས་ཆོད་སྔ་རྗེས་ཀྱི་འབྲུ་དོན་ལྟར་ངོས་ནས་ལྷག་བསམ་ཟོལ་མེད་ཀྱིས་འབད་འབུང་བྱེད་ཁུལ་ཡང་། བསམ་འཆར་དང་འགྲེལ་བརྗོད་དེ་དག་གྲོས་ཚོགས་ནས་མོས་མཐུན་མ་བླངས་པའམ། གྲོས་ཚོགས་ལ་མ་བསྟན་པའི་ཡིག་ཆ་ཡིན་ཚུལ་དང་། ངོས་ཀྱི་བསམ་ཚུལ་མིན་ཚུལ་སོགས་ཀྱི་དོགས་གླེང་རིགས་ཡོང་གིན་ཡོད་ཚོད་འདུག་པས། རྩ་དོན་དང་འབྲེལ་བའི་གནད་དོན་འདི་རིགས་ཕྱི་གསལ་ནང་གསལ་མ་བྱུང་བར་མང་ཚོགས་སུ་ཐེ་ཚོམ་སྐྱེ་གཞིར་གནས་པས་ད་རེས་ཚོགས་དུས་འདིའི་རིང་བགྲོ་གླེང་མཐིལ་ཕྱིན་དང་། དེ་བཞིན་བཀའ་ཤག་དང་ངོས་ཀྱི་སྐུ་ཚབ་སྦྲེལ་པོ། གཞན་ཡང་འབྲེལ་ཡོད་ཅི་འོས་རྣམས་ལ་ཉན་ཞིབ་དོགས་འདྲི་འཁྲུན་ཆོད་བྱས་ཏེ་གསལ་བོ་བཟོ་དགོས། འབྱུང་འགྱུར་བྱེད་ཕྱོགས་གྲོས་ཚོགས་ཀྱི་བསམ་འཆར་དང་མངོན་འདོད་གསར་པ་ཡོད་ན་དེའི་སྤྱོར་དངོས་རྗེས་གསུམ་གྱི་ལས་རིམ་གསལ་སྟོན་བྱ་དགོས་པ་བཅས་ཡིད་འཇགས་བགྱིས།
སི་ཏ་སི་སྦག་གི་གྲོས་འཆར་རང་བཞིན་རྩིས་མེད་ཕྱིན་ཡོད་པ་༧གོང་ས་མཆོག་གི་ཞལ་ནས་གསུང་འདུག
ད་དབུ་མའི་ལམ་མམ་རང་སྲིད་རང་སྐྱོང་གི་སྲིད་བྱུས་ལག་བསྟར་མུ་མཐུད་དུ་བྱེད་པ་དེ་མི་མང་གི་བཀའ་ལུང་ཐོབ་པར་ཅི་ལྟར་འགྲེལ་དགོས། དམིགས་གསལ་ཚོགས་ཆེན་སྐབས་སི་ཏ་སི་སྦག་གི་གྲོས་འཆར་སྲིད་བྱུས་འདིས་ལྟ་གྲུབ་ཀྱི་གཞི་འཛིན་ས་ཡིན་པའི་ངོས་ནས་གླེང་ཡོད་པས་བོད་རིགས་ཡོངས་ལ་མིང་དོན་མཚུངས་པའི་རང་སྲིད་རང་སྐྱོང་ཡོང་ཐབས་ཀྱི་བསམ་འཆར་ལ་མི་མང་གི་བཀའ་ལུང་ཐོབ་ཡོད་པར་འགྲེལ་བཤད་རྒྱག་ཐབས་མེད།
གསུང་གི་སྙིང་དོན་གོ་བ། །
འཚོགས་སྐབས་བཅུ་བཞི་པ་ལ། །
༸སྐུ་ཕྲེང་བཅུ་བཞིའི་གསུང་ནང་། །
སྒེར་འཁོན་ཕྱོགས་འཐེན་ཚབ་ལ། །
གྲོས་ཚོགས་འགན་ཁུར་འཕེར་ངེས། །
གྲོས་ཚོགས་དོན་ལྡན་སྨོན་ལགས། །
འཇུ་ཆེན་འཇོན་པོ་ཡོད་ན།། རྗེས་མའི་བཀའ་ཁྲིར་ཕེབས་དང་།། ཟམ་གདོང་བླ་མའི་ནོར་འཁྲུལ།། ཡོ་བསྲང་བྱེད་པའི་སྐབས་ཡོད།། སྨོན་ལམ་ལོག་པའི་འཇུ་ཆེན་ཐུབ་བསྟན་ལགས།། ན་སོ་རྒས་ཀྱང་སེམས་རྒོད་མ་ཐུལ་བར།། རྒྱལ་བའི་བཀའ་དང་ཟམ་གདོང་བླ་མའི་བར།། དཀྲུག་ཤིང་བྱས་པའི་སྡིག་ཉེས་ཇི་ལྟར་འདག། ཤི་རྒྱུ་མེད་པའི་འཇུ་ཆེན། འཇུ་རྟའི་ཡུ་བར་འཁོན་འདུག། གཏི་མུག་ཅན་གྱི་བུ་མོ། གྲོས་ཚོགས་གྲོས་མཐར་ལུས་འདུག།
རྒད་པོ་འཇུ་ཆེན་ལགས་ལ་དེ་འདྲའི་ཁ་བརྡུངས་གཏོང་མི་རུང་སྙམ། ཁོང་ལའང་འགན་འཁུར་གྱི་བསམ་པ་དྲག་པོ་ཞིག་ཡོད་སྟབས་རྒྱུན་དུ་མི་མཐུན་པའི་དགོངས་ཚུལ་རེ་བཏོན་པ་ཡིན་ངེས། དེ་ལས་གལ་ཆེ་བ་ནི་རྒྱལ་བའི་བཀའ་དགོངས་བཞིན་ཕན་ཚུན་གྱི་བློ་དྭོགས་བགྲོ་གླེང་གིས་སེལ་དགོས་དེ་རེད། ཡིན་ནའང་། ངས་གནས་ཚུལ་འདིའི་རྒྱབ་ན་ད་དུང་སྦས་ཡོད་པའི་གསང་འདྲ་ཡོད་ན་མི་ཤེས་པས། བསམ་ཚུལ་འདྲ་ཆགས་པོ་དང་གནད་ལ་ཐིག་པ་ཞིག་རེ་ཞིག་མི་དྲན་པས་འདིར་བཞག་གོ
བཟང་ངན་དབྱེ་བ་མ་ཆོད་ན་དུད་འགྲོ་ལས་ཀྱང་ལོད། གནས་ཚུལ་འདིའི་རྒྱབ་ན་ད་དུང་སྦས་ཡོད་པའི་གསང་འདྲ་ཡོད་ན་མི་ཤེས། ཟེར་བ་བོད་སྟན་པ་ཆབ་སྲིད་ལ་ཕན་པའི་གསང་བ་འདྲ་སྦས་ཡོད་ན་ལུགས་མཐུན་གྱིས་འདོན་དགོས་པ་ལས་ལམ་ཀྱོག་འགྲིམས་དོན་ཨེ་ཡོད། དཔེར་ན། མི་ནད་ཚབས་ཆེན་ཕོག་པ་ཞིག་ལ་དགོས་པའི་སྨན་དེ་ཡོད་པའི་མི་ཞིག་ཡོད་པ་དང་དེས་སྨན་དེ་མ་སྤྲད་པར་ཡོད་མདོག་མདོག་བྱས་ན་མི་དེའི་ཀུན་སློང་ག་འདྲ་ཞིག་རེད། དེ་ལ་བསམ་བློ་ཐོང་དང་།