སྒྲ་དབྱངས།

…..རྔ་བཟའ་བདེ་པོ་འཚོ།

 
བར་སྣང་ནས་འབྲུག་སྒྲ་ལྡིར་བས
ས་གཞི་ཡོམ་ཡོམ་དུ་གཡོ
དབྱངས་རྟ་དང་འགྲོགས་པའི་སྒྲ་དབྱངས
ལྷིང་འཇགས་ལ་དུངས་པའི་ཁམས་ཤིག་ན
ངང་གིས་གཡོ དལ་གྱིས་འགུལ
དྲག་ཆར་དང་བུ་ཡུག་ཁྲོད་ཀྱི་སྒྲ་དབྱངས
སྐྱོ་གདུང་གི་འཇིག་རྟེན་ན་རྒྱུ
མཐའ་ཡས་པའི་རྒྱ་མཚོའི་ཁ་ན་གཡེངས
སྙན་འཇེབས་ཀྱི་སྒྲ་དབྱངས
འཇིགས་སྐྲག་གིས་འདར་བས་
དུས་ཚོད་ལ་ནག་ཐིག་བབས
མི་སེམས་ལ་གས་ཁ་ཤོར
དེ་ལྟ་ནའང་
རྡོ་རིང་ལ་བྲིས་པའི་དབྱངས་རྟ་འདི
རྨི་ལམ་དཀར་པོ་དེའི་འདབ་ལོ་དང་
དབྱངས་ཅན་མའི་མིག་ཆུ་ཡིན
སྐབས་འདི་ནས སྒྲ་དབྱངས་དེས
མེ་འོད་བཞིན ང་ཚོ་དྲོད་ཀྱིས་འབར
ཆུ་རླབས་བཞིན རླན་གཤེར་གྱིས་འཕྱུར།

༢༠༡༥/༤/༡༨