མུ་ལ།
རྒྱལ་ཀུན་གཅིག་བསྡུས་རང་གཟུགས།།
འགྲོ་བ་ཀུན་གྱི་སྐྱབས་གནས།།
དྲིན་ཆེན་རྩ་བའི་བླ་མའི།།
བཀའ་དྲིན་སྙིང་ནས་མ་བརྗེད།།
དཀའ་སྡུག་ཚད་མེད་མྱངས་ནས།།
ང་ཚོ་བརྩེ་བས་བསྐྱངས་མཁན།།
དྲིན་ཆེན་ཕ་མ་ཟུང་གི །
བཀའ་དྲིན་སྙིང་ནས་མ་བརྗེད།།
ཐོག་མའི་ཡི་གེ་འབྲི་ཀློག །
བྱམས་དང་བརྩེ་བས་བསླབས་མཁན།།
དགེ་རྒན་དམ་པ་རྣམས་ཀྱི།།
བཀའ་དྲིན་སྙིང་ནས་མ་བརྗེད།།
དགེ་སྡིག་ལས་འབྲས་རྣམ་བཞག །
མ་ནོར་སོ་སོར་སྟོན་མཁན།།
བཤེས་གཉེན་དམ་པ་རྣམས་ཀྱི།།
བཀའ་དྲིན་སྙིང་ནས་མ་བརྗེད།།
དཀའ་མོ་ལས་ལ་འཕྲད་དུས།།
བཅོས་མིན་བརྩེ་བ་ཆེན་པོས།།
རོགས་རམ་བྱེད་མཁན་དེ་ཡི།།
བཀའ་དྲིན་སྙིང་ནས་མ་བརྗེད།།
རྒྱུས་མེད་ས་མཐའི་ཡུལ་ན།།
མཛའ་བརྩེ་འོ་མཚོ་འཁྱིལ་བའི།།
ཡིད་མཐུན་སྙིང་གི་གྲོགས་པོའི།།
བཀའ་དྲིན་སྙིང་ནས་མ་བརྗེད།།