ཨེ་མ་ཧོ།
མཁྱེན་རབ་ཐོགས་མེད་ཤེས་བྱའི་ནམ་མཁའ་འཇལ།།
བརྩེ་ཆེན་མཚུངས་མེད་བྱམས་སེམས་ཉི་མའི་གཉེན།།
ཟུང་འཇུག་བདེ་ཆེན་རབ་གསལ་ཟླ་བའི་འོད།།
སྙིང་གི་མུན་སེལ་བླ་མས་དུས་ཀུན་སྐྱོང་།།
འཇིག་རྟེན་ཆོས་བརྒྱད་ཞེན་པས་མ་འཆིང་བར།།
མཁྱེན་བརྩེ་ནུས་ལྡན་བླ་མའི་བཀའ་བཞིན་སྒྲུབ།།
སྲིད་ལས་ངེས་པར་འབྱུང་བའི་དགེ་སློང་ཆེ།།
དབྱིན་བླ་མ་ཆོས་བླ་མའི་སྐུ་ཚེ་བརྟན།།
བརྒྱུད་གསུམ་རིག་འཛིན་བླ་མའི་བཀའ་བཞིན་འཛིན།།
ཐེག་གསུམ་ཆོས་ཀྱི་དཔལ་ཡོན་ཡོངས་སུ་སྐྱོང་།།
རྒྱལ་བསྟན་བཤད་སྒྲུབ་ཕྲིན་ལས་ཕྱོགས་ཀུན་སྤེལ།།
བྱང་སེམས་མ་ཆོས་བླ་མའི་སྐུ་ཚེ་བརྟན།།
གནའ་དེང་རིག་པའི་གནས་ལུགས་མཁྱེན་རྒྱ་ཅན།།
གསང་ཆེན་སྔ་འགྱུར་སྔགས་ཀྱི་དག་སྣང་ཅན།།
བསྐྱེད་རྫོགས་རྫོགས་པ་ཆེན་པོའི་སྒོམ་པ་ཅན།།
རིག་འཛིན་མ་ཆོས་བླ་མའི་སྐུ་ཚེ་བརྟན།།
སྐུ་ཚེ་བརྟན་པ་གཡུང་དྲུང་རིན་པོ་ཆེ།།
གསུང་ཆོས་འཛམ་གླིང་ཁྱབ་གདལ་རིན་པོ་ཆེ།།
ཐུགས་རྗེ་བྱང་སེམས་བདག་ཉིད་རིན་པོ་ཆེ།།
དབྱིན་བླ་མ་ཆོས་རིན་ཆེན་ཞབས་བརྟན་ཤོག།
ཅེས་པ་རབ་རྒྱན་ཤིང་ལུག་སྨྲོན་ཟླའི་ཡར་ངོའི་ཚེས་བཟང་ལ་ཐོ་རངས་སྟག་གི་དུས་སུ་མཁྱེན་བརྩེ་རབ་གསལ་ཟླ་བ་མཇལ་སྤྲོ་དང་།ཀློང་ཆེན་མཛོད་བདུན་ཡོངས་རྫོགས་བཀླགས་པའི་རྨི་ལམ་ཡ་མཚན་ཅན་རྨིས་པ་དང་དབྱིན་ཇིའི་བླ་མ་མ་ཆོས་སྐོར་ལ་གླེང་སློང་དང་མ་ཆོས་མཆོག་གིས་དགེ་མང་མཁན་ཆེན་དབང་ལོ་རིན་པོ་ཆེས་ཡོན་ཏན་མཛོད་ཀྱི་རྩ་འགྲེལ་གྱི་དཔེ་ཆའི་སྐོར་གྱི་བཀའ་མོལ་དྲན་པའི་མོད་ལ་གང་ཤར་དུ་དབྱིན་ཡུལ་བོད་བརྒྱུད་རྣལ་འབྱོར་ཆོས་ཚོགས་ཁང་ནན་ཚོགས་འཁོར་སྐབས་སུ་རིག་འཛིན་དཔལ་དགྱེས་པ་རྡོ་རྗེ་འམ་ཤྲྰི་ཨེ་མ་ཧོས་དེ་ཉིད་དུ་སྐུ་ཚེ་བརྟན་པའི་གསོལ་འདེབས་སུ་བགྱིས་པར་དེ་དེ་བཞིན་འགྲུབ་པར་གྱུར་ཅིག་གུ།།
ངོས་ནས་ནམ་རྒྱུན་ཨེ་མ་ཧོའི་ངག་རྩལ་ལ་དད་གུས་ཡོད་ཀྱང་ཟླ་འདིར་རྒྱ་བླ་སྨད་དབྱིན་བླ་མ་བསྟོད་པ་དག་ཡག་པོ་ཚོར་མ་སོང་བས་དགོངས་དག་ཞུ།
རང་བཞིན་བརྗོད་ན།
ཨིན་ཇིའི་མ་ཆོས།
བོད་ལུགས་ཆོས་པ།
རྙིང་མའི་གྲྭ་པ།
༸སྐུ་ཡི་གསུང་སྒྱུར།
ཚན་ཆོས་མཁས་པ།
ནོར་ན་ཆོས་ཤིག