རྔ་བ་ནས་བུ་མོ་ཞིག་གིས་སྐད་འབོད་བྱས་འདུག

Comments (5) on “རྔ་བ་ནས་བུ་མོ་ཞིག་གིས་སྐད་འབོད་བྱས་འདུག”

1. རྔ་བ་ནི་ཡིན་མིན་མ་ཤེས། རྭ་ཁོག་སྟོད་ཕྱོགས་ཀྱི་རྨེའུ་རུ་མའི་གྲོང་བརྡལ་ཐོག་ནས་བུ་མོ་འདིའི་ཕྱི་ལྟས་བྱེད་ཞོར་ལ་བུད་སོང་བའི་རྙན་ཞིག་འདི་ན་འདུག། https://m.youtube.com/watch?t=10&v=GptenoPunh8 སེམས་པ་སྐྱོ་སོང་། ཕར་བལྟས་ཚོད་ལ་རྙན་ལེན་མཁན་དེ་བུ་མོ་འདི་རྒྱ་ལག་ལ་འཇོག་མཁན་ནམ་མོ་ནང་བཞིན་ཀ་ངོག་ང་ངོག་མི་ཤེས་མཁན་དག་ལ་སེམས་ཤུགས་སྤར་མཁན་གཅིག་ཡིན་ཚོད་རེད།

2. བོུ་དབང་མོ་ལགས་དངོས་གནས་དཔའ་མོ་རེད་ མཙོན་དུ་བཅུག་གི་ཡོད་པ་དང་རྣར་བཅོད་གཏང་གི་ཡོད་པ་ཤེས་བཞིན་དུ་ རང་གིས་སེམས་ནང་ལ་ཡོད་པའི་སྐད་ཆ་དེ་བཤད་ཕོད་པ་དང་ རང་གི་བུ་ཕྲུག་དང་མི་རིགས་ཀྱི་དོན་དུ་གསོན་པོར་འཚོ་ཐུབ་པ་དེ་བསམ་བློ་གཏོང་ཤེས་པའི་དཔའ་མོ་རེད། ང་ཚོའི་མི་རིགས་དེ་་གསོན་པོར་གནས་དགོས་པ་ནི་ང་ཚོའི་མ་འོངས་རེད།

3. དཔའ་མཛངས་ལྡན་པའི་མི་ཞིག་ཡིན་ན། འགྲོ་ཤེས་དང་རྒྱག་ཤེས་ཡིན་དགོས་པ་རེད། དེ་མིན་མ་ཤི་བར་དུ་རྒྱག་རེས་བྱས་ན་གླེན་པ་རེད། རང་བསྲེག་དང་སྐད་འབོད་བྱེད་མཁན་ཚོ་དང་དེ་དེ་བཞིན་རེད། དུས་དང་བསྟུན་མ་ཤེས་ན་གླེན་པ་རེད། སོ་སོ་དང་ནང་མི་ཚོ་སྡུག་བསྔལ་ལ་སྦྱོར་བ་ལས་གཞན་ཅི་ཡོད། ངས་ནི་ཁྱོད་ཚོ་དཔའ་བོ་རེད་ཅེས་ནམ་ཡང་མི་བརྗོད། །

4. རང་ཉིད་ཀྱི་འཚོ་རྟེན་ཁོ་ན་ལས་མི་རིགས་ཀྱི་མདུན་ལམ་ལ་བསམ་བློ་ཅི་ཡང་མེད་པའི་མི་བུ་དག་ནི་མི་ལུས་དུད་འགྲོའི་སེམས་ཅན་རེད། འཛམ་གླིང་སྟེང་གི་རང་དབང་དང་བདེ་སྐྱིད་དེ་དག་ནི་དཔའ་བོ་ཕོ་མོ་མང་པོའི་བློས་གཏོང་ལས་བྱུང་བ་མ་གཏོགས་ཉལ་སྡད་པས་བྱུང་བ་གཅིག་ཀྱང་མེད། དེས་ན་བུ་མོ་འདི་རིགས་ནི་གཙུག་ཏུ་སྐུར་འོས་པའི་དཔའ་མོ་ངོ་མ་རེད། བཙན་བྱོལ་ནང་གི་རང་དོན་ཁོ་ན་གཉེར་མཁན་མི་ངན་ཚོས་ཁ་ཏོག་ཙམ་བཙུམས་ཐུབ་ན་དེ་ག་རང་གིས་འགྲིག་པ་འདུག མི་ཁྱོད་ཚོ་ལ་གཞན་རེ་བ་གང་ཡང་མེད་པ་གསལ་གསལ་ཐིང་ཐིང་རེད།

5. བོད་མདོ་སྨད་རྔ་བ་རྫོང་ཞེས་བའི་ས་མིང་འདི་ལ་བསམ་བློ་གཏོང་དགོས་བར་མཐོང་། ད་ལྟའི་ཀྲུང་གོ་རྒྱལ་ཁབས་ཀྱིས་ས་བགོ་སྟེང་བྱས་ན་ཟི་ཁྲོན་རྔ་བ་རྫོང་ཟེར་བ་བདེན་མོད། བོད་ས་མ་ཤོར་སྔོན་ལ་བོད་མདོ་སྨད་རྔ་བ་རྫོང་ཞེས་ད་ལྟའི་ཀྲུང་གོའི་ཟི་ཁྲོན་རྔ་བ་རྫོང་ལ་ཕལ་ཆེར་འབོད་སྲོལ་མི་འདུག།