རྒྱ་བོད་འབྲུག་གསུམ་ཕུད་པའི་ཨེ་ཤི་ཡ་དང་ཨོ་སི་ཀྲོ་ལེ་ཤི་ཡར་སྐབས་བཅུ་དྲུག་པའི་བོད་མི་མང་སྤྱི་འཐུས་འོས་མི་སྐུ་ཞབས་བསམ་འགྲུབ་ཚེ་རིང་ལགས་ཀྱི་་ལོ་རྒྱུས་སྙིང་བསྡུས།
ངོ་སྤྲོད།༽
སྐུ་ཞབས་བསམ་འགྲུབ་ལགས་ནི་ཕྱི་ལོ་༡༩༥༩ ལོར་སྟོད་སྤུ་ཧྲེང་དུ་འཁྲུངས། རྒྱ་གར་ལྷོ་ཕྱོགས་བྷེལ་ཀོབ་གཞིས་ཆགས་སུ་འཚར་ལོངས་བྱུང་ཞིང་དེ་གའི་གཞི་རིམ་སློབ་གྲྭ་ལེགས་ཐོན་རྗེས་རྡ་ས་རིགས་ལམ་སློབ་གཉེར་ཁང་དུ་ལོ་བདུན་རིང་བོད་ཀྱི་ནང་དོན་རིག་པའི་གཙོས་ཐུན་མོང་རིག་གནས་དང་བཅས་པར་སྦྱངས་བརྩོན་མཐར་ཕྱིན་ཏེ་ཕར་ཕྱིན་རབ་འབྱམས་པའི་ལག་འཁྱེར་ཐོབ། དེ་མཚུངས་ཅན་སྡི་སྒར་པན་ཇབ་གཙུག་ལག་སློབ་ཆེན་(Panjab University) དུ་བི་ཨེ་(BA) ལག་འཁྱེར་ཀྱང་ཐོབ། སློབ་མཐར་ཕྱིན་རྗེས་ཕྱི་ལོ་ ༡༩༨༤ ལོར་ཨོ་སེ་ཀྲོ་ལི་ཡའི་མེལ་སྦོན་གྲོང་ཁྱེར་དུ་ཏྭ་ར་ཆོས་ཚོགས་སུ་བོད་ཀྱི་ནང་ཆོས་གསུང་བསྒྱུར་ཆེད་བོད་མི་ཐོག་མའི་གྲས་སུ་ཕེབས་ཏེ་མི་ལོ་བཅུ་དྲུག་ཙམ་རིང་གཙོ་བོ་ལོ་ཙྭ་བའི་ལས་འགན་དང་ཞོར་དུ་ཕྱི་རྒྱལ་བ་རྣམས་དང་བོད་རིགས་ན་གཞོན་ཚོར་བོད་མིའི་སྐད་ཡིག་རིག་གཞུང་སོགས་ངོ་སྤྲོད་གནང་།
ཕྱི་ལོ་༢༠༠༦ ལོར་རང་ཡུལ་བོད་ཀྱི་གནས་སྟངས་གང་ཅིའི་དངོས་ཡོད་རྒྱུས་ལོན་དང་གནས་མཇལ་ཆེད་བསྐོར་བསྐྱོད་བྱས། ཕྱི་ལོ་༢༠༠༢ ནས་མེལ་སྦོན་མོ་ན་ཤེ་དང་སུ་ཝིན་བྷན་གཙུག་ལག་སློབ་ཆེན་(Monash & Swinburne University) དུ་རྒྱལ་ཁབ་འདྲ་མིན་གྱི་སློབ་ཕྲུག་ཚོའི་བདེ་དོན་ལས་ཁང་དུ་འགན་འཁུར་ཕྱག་ལས་གནང་མུས་རེད།
ཉམས་མྱོང་དང་འཇོན་ཐང་།༽
བསམ་འགྲུབ་ལགས་ནས་གཙོ་བོ་དབུས་བོད་མིའི་སྒྲིག་འཛུགས་ཀྱི་རྩ་དོན་གཞིར་བཟུང་མེལ་སྦོན་ས་གནས་བོད་རིགས་སྤྱི་མཐུན་ཚོགས་པའི་ཚོགས་གཙོ་སྔ་ཕྱི་མི་ལོ་བཅུ་གཉིས་ལྷག་ཙམ་འགན་འཁུར་བགྱིས་པས་ལས་དོན་གང་ཅིར་ཉམས་མྱོང་ཕུན་སུམ་ཚོགས་པ་ལྡན་ཡོད།
• ཐོག་མར་མེལ་སྦོན་བོད་རིགས་སྤྱི་མཐུན་ཚོགས་པའི་བཅའ་ཁྲིམས་དང་དེབ་སྐྱེལ་གནང་མཁན་མི་སྣ་གཙོ་གྲས་ཡིན།
• ༢༠༠༩ མེལ་སྦོན་རྒྱ་བོད་མཛའ་འབྲེལ་ཚོགས་པ་ཐོག་མར་དབུ་བརྙེས་པའི་འགན་འཁུར་བཞེས།
• ཨོ་སེ་ཀྲོ་ལི་ཡར་བོད་མི་ཆབ་སྲིད་བཙོན་ཟུར་དང་འབྲེལ་ཆགས་སྔ་རྗེས་མང་དག་ཅིག་ས་གནས་སུ་འབྱོར་བར་སྣེ་ལེན་རྒྱུས་ཡོད་ལམ་སྟོན་དང་མཐུན་འགྱུར་རོགས་རམ་གྱི་འགན་ལེན་གནང་ཡོད།
• ༢༠༡༠ ལོར་ཨོ་སེ་ཀྲོ་ལི་ཡར་རྒྱལ་ཡོངས་བོད་རིགས་སྤྱི་མཐུན་ཚོགས་པའི་སྐབས་དང་པོའི་ཚོགས་གཙོར་འོས་འདེམས་ཀྱིས་ཚོགས་འགན་བཞེས།
• ༡༩༩༢ ལོར་༧གོང་ས་མཆོག་ཨོ་གླིང་གདན་ཞུ་གོ་སྒྲིག་ཚོགས་ཆུང་གི་འགན་འཛིན་ལྷན་ཚོགས་ཀྱི་ཚོགས་མིར་བཞུགས་པ་ནས་རིམ་གྱིས་༧སྐྱབས་མགོན་རིན་པོ་ཆེ་མཆོག་ཨོ་སོ་ཀྲོ་ལི་ཡར་སྔ་རྗེས་ཚར་བདུན་ལྷག་ཙམ་རིང་གདན་ཞུ་གོ་སྒྲིག་ཚོགས་ཆུང་གི་གལ་ཆེའི་ལས་གནས་ཀྱི་འགན་འཁུར་ཚགས་ཚུད་བཞེས།
ཁོང་གིས་སྤྱི་འཐུས་གནང་འོས་པའི་དམིགས་བསལ་ཁྱད་ཆོས།༽
• དབྱིན་བོད་གཉིས་ཀའི་སློབ་སྦྱོང་གི་ཤེས་ཚད་རང་རྐྱ་འཕེར་ཞིང་ལས་དོན་སྒྲུབ་ཐུབ་པའི་ཁྱད་ཆོས་ལྡན།
• ད་བར་ཨོ་གླིང་ནང་སྤྱི་ཚོགས་ཀྱི་གལ་ཆེའི་ལས་སྣེ་མང་པོར་གཙོ་འགན་བཞེས་ཏེ་སྤྱི་ཚོགས་ཐོག་གི་གཞུང་སྒེར་གལ་ཆེའི་མི་སྣར་འབྲེལ་མཐུད་མཉམ་ལས་གནང་ཐུབ་པའི་ཁྱད་ཆོས་ལྡན།
• བོད་ཀྱི་ཆོས་དང་རིག་གཞུང་། སྐད་ཡིག་བཅས་ལ་དམིགས་བསལ་སྦྱངས་པ་དང་གོ་རྟོགས་ཡོད་སྟབས། ནུབ་ཕྱོགས་ཀྱི་སྤྱི་ཚོགས་ནང་གནས་སྡོད་བོད་མི་རྣམས་ལ་ལམ་སྟོན་དང་སྣེ་ཁྲིད་ཐུབ་པའི་ཁྱད་ཆོས་ལྡན།
• ཕྱག་ལས་ཅི་ཞིག་གནང་ཡང་ལྷག་བསམ་དང་། དྲང་བདེན། བོད་མི་རིགས་ཀྱི་ད་ལྟའི་གནས་བབ་བཅས་ལ་ཐུགས་བསམ་བཞེས་ནས་ལས་དོན་སྒྲུབ་མཁན་ཞིག་ཡིན་སྟབས། ཤེས་འཇོན་གྱིས་ཕྱུག་པའི་མིག་དཔེ་བཟང་པོ་ཁོང་ལྟ་བུ་རང་རེའི་ཨོ་གླིང་གི་སྤྱི་འཐུས་འོས་མིར་འཚམ་ཤོས་སུ་མཐོང་བ་དེ་བཞིན་སྤྱི་ཕན་ལ་རེ་བ་ཀུན་གྱིས་དགོངས་མངའ་ཞུ།། །།
ཁོང་ལ་རྒྱབ་སྐྱོར་བྱེད་ན་བྱེད་རིན་ཆོག་པ་ཞིག་ཡོད་པ་འདྲ། ཁུལ་དེར་བཞུགས་པའི་བོད་མི་རྣམས་ཀྱིས་ཆུབ་མི་ཉེན།
མེལ་སྦོན་ལ་གྲྭ་ལོག་རྒད་པོ་གཞན་གྱི་བཟའ་ཚང་བར་ལ་མཛུལ་མཁན་ཞིག་ཡོ་རེད་ཟེར་གྱི་འདུག་པས་ དེ་ཁོང་མ་རེད་དན་???
བཟའ་ཚང་བར་ལ་མཛུལ་པ་མ་རེད་བུ་མོ་དེའི་ཁྱོ་ཁས་ཇོན་གི་མི་འདུག་ཟེར་ཧཧ