——–སྐྱོ་བྲག་དགའ་དབང་།
ངའི་ཕ་མ་ལོ་ན་དཔེ་མཐོ་བོ་རེད་ལ། ང་རང་གི་འཇོན་ཐང་དམའ་དྲགས་པས་ཟས་གོས་ཉེར་མཁོའི་ཆ་རྐྱེན་ཡང་དཔེ་སྐྱོ་བོ་རེད། ཡིན་ནའང་། སྤྱིར་ལུས་ཁམས་ཡག་པོ་རེད་གདའ་ལ། ལྷག་ཏུ་མིག་ལ་སོགས་པའི་དབང་པོ་གསལ་བ་ལ་ནི་ལོ་གཞོན་དང་ཕྱོགས་འདྲ་རེད་གདའ།
འདི་ལྟར་ཡོང་བ་ལ་རྒྱུ་རྐྱེན་མང་པོ་ཡོད་འགྲོ་སྟེ། གཙོ་བོ་ནི་གཞན་ལ་གནོད་པ་སྐྱེལ་བའི་འཁོན་སེམས་ཤིག་ཕལ་ཆེར་མེད་ལ། རང་གི་གནས་ཚུལ་བཟང་ངན་ག་རེ་ཡིན་ནའང་ཤོང་ཐུབ་པའི་ཁོག་རྒྱ་ཡངས་པོ་ཞིག་ཡོད། ད་དུང་ངའི་ཕ་མ་ནི་ཡིག་རྨོངས་པའི་གྲས་སུ་ཡོད་ཕྱིར། སློབ་སྦྱོང་གི་མནར་གཅོད་ལུས་སེམས་ལ་ཕོག་མྱོང་མེད་ལ། གློག་ཀླད་འཕྲུལ་ཆས་ཀྱི་ཁ་ལ་གཡེངས་མྱོངས་ཀྱང་མེད། མ་ཚད་གྲོང་ཁྱེར་གྱི་མཁའ་དབུགས་བཙོག་པའི་ནང་དུའང་ཡུན་རིང་སྡོད་མྱོང་མེད་པས་ཡིན་གྱི་རེད།
ཚེ་རིང་ནད་མེད་ཀྱི་དབང་པོ་གསལ་པོ་ནི་བདེ་སྐྱིད་ཀྱི་གཞི་མ་ཡིན་ཕྱིར། ངས་ཤེས་ཡོན་ལ་རེ་བས་མིག་ལ་སོགས་པའི་དབང་པོ་འཕྲོག་བརླག་ཏུ་བཏང་ཞིང་། རྒྱུ་འབྱོར་ལ་རེ་བས་གྲོང་ཁྱེར་རྣམས་སུ་འཁྱམས་ཉུལ་བྱེད་པ་ནི་རེ་འབྲས་ལྡོག་ཕྱོགས་ནས་སྨིན་པའི་ལས་ངན་ཞིག་ཏུ་མཐོང་ཡོང་གི་གདའ། རང་ལ་རང་ཉིད་ཀྱི་བདེ་སྐྱིད་ལས་གལ་ཆེ་བ་ཞིག་མེད་པའི་ཕྱིར་ན། རང་ལ་བདེ་སྐྱིད་གང་གིས་ཐོབ་ནའང་དེ་གས་འགྲིག་པ་ལས། གཞན་པའི་ཅལ་རྗེས་སུ་རྒྱུག་པ་ནི་ཅི་འདྲའི་སྨྱོན་པ་ཞིག་རེད་ཨང་།
ཁྱེད་ཀྱི་ཕ་མ་གྲྭ་བ་དང་ཨ་ནེ་རེད་གདའ་ར། ལུས་ཁམས་བདེ་བར་ཤིན་ཏུ་བཟང་།
ཧཧཧཧཧ་་་་་་་་སྐྱོ་བྲག་དགའ་དབང་གི་ཕ་མ་གཉིས་ཡར་ལོག་རེད་འདུག་ཀི་་་་་་་་་ངོ་མ་འཁོར་བ་ལ་རེ་ཐག་ཆོད་འདུག་ག་་་་་་་
བརྩེ་བའི་ཕ་མ་གཉིས་ལ་བཀའ་དྲིན་དྲན། ང་ཚོ་གསོ་སྐྱོང་བྱེད་པར་བཀྲིན་ཆེ། ཁྱོད་གཉིས་སྐྱིད་པོ་ཡོང་བའི་སྨོན་འདུན་ཞུ། ཟས་གོས་གནས་མལ་གྱིས་ཕྱུག་ཅིང་བདེ་སྐྱིད་ཡོང་བའི་སྨོན་འདུན་ཞུ།