——–ཅོག་མྱི།
༼ཕ་མ་དང་མཉམ་དུ་བཙན་བྱོལ་དུ་འགྲོ་བའི་སྐབས་སུ་རྒྱ་མཚོ་ལ་ལྷུང་ནས་ཚེ་སྲོག་ཤོར་བའི་བྱིས་པ་ལོ་གསུམ་ཅན་ཞིག་གི་བེམ་པོའི་པར་མཐོང་བའི་མོད་ལ།༽
ཁྱེད་ཉིད་ཀྱི་ཕ་མས་བཙན་དབང་གི་རྩིང་སྤྱོད་དེར་གཡོལ་ཆེད།
ལོ་ན་ཆུང་བའི་ཁྱེད་པང་ལ་བཟུང་ཞིང་།
གྲུ་ཆུང་ཞིག་བསྡད་ནས་རྒྱ་མཚོར་ཕྱིན།
མཛེས་སྡུག་གི་རྒྱ་མཚོ་ནི་བཙན་དབང་ལས་ཀྱང་གདུག་རྩུབ་ཡིན་པ།
ཁོང་ཚོའི་བློ་ཡུལ་ལའང་འཁོར་མེད།
རླབས་ཆུང་ཞིག་འཕྱར་ཏེ།
གྲུ་ནང་གི་ཁྱེད་ཚོ་མཚོ་ནང་དུ་བདས།
ཁྱེད་ཀྱི་ཚེ་སྲོག་དུས་དེ་ནས་བཟུང་།
རྒྱ་མཚོའི་པང་དུ་གཉིད།
བྱིས་པ་ལགས།
ང་ཚོ་འཚོ་ཞིང་གཞེས་བའི་འཇིག་རྟེན་འདི་ནི།
རྒྱ་མཚོ་་ལས་ཡིད་དུ་འོང་བ་ཞིག་མིན་ལ་ཡིད་ཆེས་རུང་བ་ཞིག་ཀྱང་གཏན་ནས་མིན།
དེ་ཕྱིར།
དེ་ནས་གཉིད་ལ་བསྡོད།
སྐྱེ་བ་གཞུག་མར་བཙན་བྱོལ་བ་ཞིག་ཏུ་མི་སྐྱེས་བར་སྨོན།
༼གསལ་བཤད། གོང་གི་པར་འདི་ནི་དེང་སྐབས་ཀྱི་འཛམ་གླིང་ཡོངས་ཀྱི་བཙན་བྱོལ་བའི་གནས་སྟངས་མཚོན་ནུས་བའི་པར་གྲགས་ཅན་ཞིག་ཡིན་པ་དེ་ཀློག་པ་པོར་མཚམས་སྦྱོར་བྱ་ཐུབ་པའི་ཕྱིར་དུ་བདག་གི་བསམ་ཚུལ་ཙམ་ཡིན།༽
སྙན་ངག་ཡག་བྱུང་། བོད་པ་བཙན་བྱོལ་བའི་སྣེ་ཁྲིད་མཁན་ཚོས་བཙན་བྱོལ་ནི་དངུལ་གཅིག་པུ་བཟོ་བྱེད་ཀྱི་ལག་ཆ་ཞིག་ལ་མཐོང་གི་ཡོད་རེད་དོ།
མི་ཆོས་རིང་ལུགས་ཀྱི་སྙན་ངག་ནི་བརྩེ་དུང་སྙན་ངག་དང་འདྲ་བར་ཀློག་མཁན་གྱི་སེམས་པ་བསྒུལ་ཐུབ་ཤོས་ཆགས་ཡོད། སྙན་ངག་འདིའང་དེའི་ཁྲོད་ཀྱི་གཅིག་རེད།
ཕྲུ་གུ་དེ་བསོད་ནམས་ཆེན་པོ་རེད། བཙན་བྱོལ་བའི་ཚེ་སྐྱེལ་པ་ལས་སྔ་ཙམ་ཤི་ན་ཡག་ཤོས་རེད། གཅིག་བྱས་ན་རང་བཙན་ཡོད་པའི་རྒྱལ་ཁབ་ཤིག་གི་མིའི་སྐྱེ་བ་ལེན་སྲིད་པ་རེད།
རང་ས་ཤོར་བའི་ཁར་་རང་ཁ་མ་སོས་པར་མི་ཡུལ་ན་སྐྱབས་བཅོལ་གྱི་ཡིག་ཆ་རེག་ལ་མ་རེག་ལ་བྱས་ནས་འདུག་པ་ལས་སྔ་ས་ནས་སྡུག་དེ་མ་མཐོང་བར་ཤི་ན་ལས་ཅན་ཡིན་པ་འདྲ་