རྨེ་རུ།
འཕགས་ཡུལ་གདན་སར་བཞུགས་དུས།།
དགེ་བཤེས་གཞུང་ལ་དཔྱད་བདར།།
ཕྱི་གླིང་ཡུལ་ལ་སླེབས་དུས།།
མགོ་སེར་ཕོར་པ་བརྡར་མཁན།།
གནས་མཆོག་རྡ་སར་བཞུགས་དུས།།
སྐུ་ངོས་མི་ཆེན་དཔོན་པོ།།
ནུབ་གླིང་བདེ་ལྡན་ཞིང་ལ།།
གྲི་དང་ཚལ་སླང་བརྡར་མཁན།།
རྒྱ་གར་ཡུལ་ལ་བཞུགས་དུས།།
སློབ་དཔོན་ཐམས་ཅད་མཁྱེན་པ།།
ནུབ་ཕྱོགས་བདེ་བ་ཅན་ལ།།
རྨོ་མོའི་འཕོངས་ཤ་བརྡར་མཁན།།
གངས་ཅན་སྐྱིད་གཤོངས་བཞུགས་དུས།།
གཞུང་ཞབས་འདབ་གཤོག་ཟུང་ལྡན།།
ཞིང་ཁམས་ཕྱི་གླིང་ཡུལ་ལ།།
དཀར་དམར་ཞ་ལ་བརྡར་མཁན།།
མཐོ་སློབ་རིག་པའི་གླིང་ལ།།
འགྲོ་མཁན་གཅིག་རེ་གཉིས་རེ།།
ཤེས་ཡོན་ཕྱག་ལས་གནང་མཁན།།
མེད་པའི་མ་ཁྱབ་ཙམ་ཞིག།།
ཕྱི་གླིང་ཡུལ་གྱི་བོད་པར།།
བརྡར་གསུམ་ལས་ལ་བསྐོས་འདུག།
རྒན་གཞོན་བར་གསུམ་མེད་པར།།
བརྡར་མཁན་རྐྱང་རྐྱང་རེད་འདུག།།
2015/9/9 ཉིན་དགོང་མོར་བྲིས།