—-བསམ་འགྲུབ་ཚེ་རིང་།
སྐྱེས་ཡུལ་: མངའ་རིས་སྤུ་ཧྲེང་།
༡༽ བོད་དོན་དྲིལ་བསྒྲགས་ལས་འགུལ་ནུས་ཤུགས་ཆེ་རུ་གཏང་རྒྱུ། ང་ཚོའི་འཐབ་རྩོད་ཀྱི་ངོ་བོ་ནི་འཚེ་མེད་ཞི་བ་དང་དྲང་བདེན་ཡིན་ཞིང་། དམིགས་ཡུལ་གཞིས་བྱེས་མཉམ་འཛོམས་ཀྱིས་རང་དབང་ཞི་བདེ་དཔལ་ལ་སྤྱོད་པའི་འཁོར་ཡུག་ཅིག་བསྐྲུན་རྒྱུ་དེ་དང་། དམིགས་ཡུལ་དེ་སྒྲུབ་བྱེད་ཐབས་ལམ་གཙོ་བོ་ནི་བོད་མི་སྒེར་སོ་སོར་རྒྱ་གཞུང་གི་ཁ་གཏད་གཅོག་རྒྱུ་ཡོད་པའི་ནུས་པ་ཞིག་ཡོད་པ་དེ་དང་ཞི་བདེ་རང་དབང་ལ་དགའ་བའི་འཛམ་གླིང་སྤྱི་སྒེར་སོ་སོར་ཡོད་པའི་ནུས་པ་དེ་གཉིས་ཡིན། དེ་ལྟ་བུའི་ནུས་པ་སད་ཐབས་དང་། བོད་དོན་འཐབ་རྩོད་ལ་ཁ ཕྱོགས་འགྱུར་བའི་ཐབས་མཆོག་གཅིག་པུ་བོད་དོན་དྲིལ་བསྒྲགས་ཀྱི་ལས་འགུལ་ཡིན་པ་ངོས་འཛིན་ཞུ་གི་ཡོད། ལས་འགུལ་དེ་ནི་ཇི་སྲིད་བོད་ཀྱི་བདེན་མཐའ་མ་གསལ་བར་དེ་སྲིད་ལས་འགུལ་དེ་མི་རབས་ནས་མི་རབས་གནས་རྒྱུ་གལ་འགངས་དེ་བས་ཤིན་ཏུ་ཆེ། ལས་འགུལ་རྒྱུན་འཁྱོངས་མ་ཐུབ་ན་བོད་ནང་རང་དབང་དང་། བོད་མི་རིགས་གསོན་པོར་གནས་རྒྱུ་ཕར་ཞོག་ འཛམ་གླིང་ནང་དཔེ་མཛོད་དེབ་རྙིང་གི་ཁྲོད་དུ་ལྷག་པ་ཙམ་མ་གཏོགས། བོད་མི་རིགས་ཀྱི་རིགས་གཞུང་བླ་སྲོག་གི་ཞིང་ས་གསོན་པོ་དེ་རང་བཞིན་ཉེན་ཚབ་ཆེ་བའི་གནས་སུ་མཐོང་།
༢༽ ས་གནས་བོད་རིགས་མཐུན་ཚོགས་ས་བརྟན་དང་། ཆིག་བསྒྲིལ་ལས་འཆར་ཚགས་ཚུད་ཡོང་ཐབས་དང་། ས་གནས་སོ་སོའི་ནང་བོད་ཀྱི་ཆབ་སྲིད་ཀྱི་གོ་རྟོགས་ནུས་ཤུགས་ཆེ་རུ་གཏོང་བ་དང་། བོད་ཀྱི་སྐད་ཡིག་དང་། ནང་ཆོས་རིགས་གཞུང་བཅས་འཛིན་སྐྱོངས་སྤེལ་གསུམ་གྱིས་ལས་འཆར་ཁག་སྤེལ་རྒྱུས་མཚོན། དགྲ་བོར་ཁ་གཏད་གཅོག་རྒྱུར་སྣེ་ཁྲིད་འགན་འཁུར་བྱ་རྒྱུ་གལ་འགང་ཆེན་པོས་འབད་བརྩོན་ཞུ་རྒྱུ། དེ་མིན་ལོ་འཁོར་མའི་ནང་རྡ་སར་སྤྱི་འཐུས་གྲོས་ཚོགས་རྭ་བའི་ནང་ལས་དོན་སྙན་སྒྲོན་ཞུ་ཡས་གང་ཡང་མི་མངོན་སྙམ།
༣༽ བོད་རིགས་གནས་སྡོད་ས་གནས་སོ་སོའི་བོད་རིགས་མི་མང་ལ་དཀའ་སེལ་ལམ་སྟོན་ཆེད་དང་བླངས་སྤྱི་ཚོགས་ཞབས་ཞུ་བ་བཙུག་རྒྱུ་དང་དེའི་འགན་རྐང་ངོས་རང་ནས་འཁྱེར་རྒྱུ་བཅས་དམིགས་འདུན་ཆེ།
མཐའ་དོན་དུ་ངོས་རང་ལ་རྒྱབ་སྐྱོར་གནང་མཁན་ཚང་མར་ཐུགས་རྗེ་ཆེ་ཞུ་བ་དང་ཆབས་ཅིག་འདས་པའི་མི་ལོ་སུམ་ཅུ་ ༣༠ ལྷག་ཙམ་རིང་ཨོ་གླིང་ཞི་བའི་གྲོང་ཁྱེར་ཆེན་པོ་མེལ་སྦོན་འདིར་རང་མི་རིགས་ཀྱི་ལ་རྒྱ་དང་། བརྩི་མཐོང་མ་འདོར་བའི་སྒོ་ནས་བོད་ཀྱི་བསྟན་སྲིད་ཆེད་མ་བསྐུལ་དང་བླངས་ཐོག་སྔ་ཕྱི་འགན་འཁུར་བགྱིས་ལས་སྣེ་མང་པོ་ཞིག་གིས་ཉམས་མྱོང་ཕྱོགས་བསྡོམས་ཀྱིས་ངོས་རང་ཉིད་ལ་བློ་སྤོབས་ཡིད་ཆེས་འཕེར་ངེས་ཤིང་། ད་ཆ་སྐུ་ཉིད་ཀྱིས་རེ་བའི་འོས་ཤོག་ཆུན་མོ་དེ་ཡང་དེ་བས་ཆུས་ཟོས་སུ་མ་འགྲོ་བའི་སྤྱི་དོན་རྣམ་པར་དག་པའི་རྒྱུ་རུ་སྨིན་པའི་འགན་ལེན་ཞུ་འཐུས་བཅས་འཚམས་འདྲིའི་བཀྲ་ཤིས་བདེ་ལེགས་བཅས། །
ཕྱི་ལོ་༢༠༡༥ ཟླ་༡༠ ཚེས་༧ ཉིན་ལྷ་དཀར་ཀྱི་ཟླ་ཚེས་དགེ་བ་ལ།
ཁོང་ནི་ཨོ་སི་ཁྲི་ལི་ཡའི་རྟ་མཆོག་ཅིག་ཡིན། གྲོང་ཁྱེར་མེལ་བྷམ་དུ་བཞུགས་པའི་བང་རྩལ་ཅན་ཞིག་རེད།