བསོད་ནམས་ཟླ་བ།
གུ་གུལ་ཚང་གིས་ཨན་ཌོའི་མ་ལག་ཨང་ 6.0 མིང་ལ་མཱར་ཞི་མཱེ་ལོ་(Marshmellow) ཟེར་བ་དེ་འདི་ལོའི་ཕྱི་ཟླ་9 ཚེས་29 ཉིན་འགྲེམས་བསྒྲགས་དང་འབྲེལ་གུ་གུལ་ཚང་རང་ཉིད་ཀྱིས་བཟོས་པའི་ལག་ཐོག་ཁ་པར་ Nexus 5X དང་ Nexus 6P གཉིས་ཡང་འགྲེམས་ཚོང་བྱེད་མགོ་བཙུགས་ཡོད།
ཨན་ཌོའི་ཐོན་རིམ་གསར་པ་དེའི་ནང་དམིགས་བསལ་ཁྱད་ཆོས་གསར་པ་མང་པོ་ཁ་སྣོན་བྱས་ཡོད། ཞིབ་གསལ་འབྲེལ་ཐག་འདི་ནས་གཟིགས།http://www.sonamdawa.com/2015/10/android-60-marshellow.html
བསོད་ནམས་ཀྱི་ངོ་སྤྲོད་གནང་བ་ཐུགས་རྗེ་བཞུ་རྒྱུ་དང་ཆབ་ཅིག་nexནང་བོད་ཡིག་ཡོད་རེད་པས།།
NEX ཁ་པར་རིགས་ལ་དམིགས་བསལ་དེའི་སྐོར་གྱི་གནས་ཚུལ་དང་བསྒྲགས་གཏམ་གང་ཡང་མ་མཐོང་ཡང་། ངའི་བསམ་པར་ NEXUS དང་ Motorola ཕུད་དེ་མིན་གྱི་ samsung དང་ HTC སོགས་ཚོང་འགྲེམས་ཆེ་བའི་ཀམ་པ་ཎི་དེ་དག་ཕལ་ཆེ་བས་ཨན་ཌོའི་མ་ལག་དྲུག་པ་དེ་འདི་ལོ་ལོ་མཇུག་བར་འགོར་གྱི་འདུག་ན། NEX ཁ་པར་རིགས་ལ་ཡང་དེ་བར་འགོར་སྲིད།
ཡང་ན་ཁ་པར་གྱི་ Settings > About Phone > System update > check for the update ལ་བལྟ་ཙམ་བྱེད་དེ་ཨན་ཌོའི་མ་ལག་གི་ཨང་རིམ་གོང་སྤར་བྱེད་རྒྱུ་ཡོད་མེད་བལྟ་ཙམ་བྱས་ན་འགྲིག །སྐབས་འགར་ཨན་ཌོའི་མ་ལག་གསར་ཤོས་ཨང་དྲུག་པ་དེ་ད་ལྟ་མ་རགས་ཀྱང་། ཨན་ཌོའི་ཨང་རིམ་4.4.2 ཐོག་རིམ་སྤར་(update)བྱས་པ་ཙམ་གྱིས་ཡིག་གཟུགས་འདེམས་ག་འཆར་སྲིད། འདེམས་ག་དེ་ཡོད་ན་བོད་ཡིག་ཡིག་གཟུགས་བཅུགས་ཏེ་བོད་ཡིག་བལྟ་ཀློག་ཐུབ་པ་ཡང་བཟོ་རྒྱུ་འདུག ཁྱེད་ཀྱིས་གཅིག་གཟིགས་དང་།
གསལ་བཤད་ཞུ་རྒྱུ་ཞིག་ལ་ཨན་ཌོའི་མ་ལག་རིམ་སྤར་བྱེད་སྐབས་ཁ་པར་ནང་ངོས་ཀྱི་ཡིག་ཆ་རྣམས་ཟུབ་སྲིད་པས། རིམ་སྤར་མ་བྱས་པའི་སྔོན་སྒེར་གྱི་ཡིག་ཆ་རྣམས་གསོག་སྡེར་གཞན་ཞིག་ནང་ཉར་ཚགས་གནང་གལ་ཆེ། དེ་མིན་གྱི་དྲི་བ་ཡོད་ན། གུས་པའི་དྲ་ཚིགས་ཨ་མ་ http://www.sonamdawa.com ཐོག་མཆན་འཇོག་ན་འགྲིག།