——–ཁྲོ་གཏུམ།
སང་ཉིན་སྟེ། ཕྱི་ཚེས་༡༨ ཉིན་ལ་ང་ཚོས་བཙན་བྱོལ་བ་རྣམས་ཀྱི་བོད་ཀྱི་གནད་དོན་གཙོས་བོད་ཀྱི་ཆོས་དང་རིག་གཞུང་། ཡུལ་སྲོལ་གོམས་གཤིས། བུ་རབས་ཚ་རྒྱུད་ཀྱི་གཞོན་སྐྱེས་རྒྱུད་འཛིན་པར་ཁ་ཕྱོགས་ལེགས་པར་སྟོན་པའི་སྲིད་སྐྱོང་ཞིག་གི་སྔོན་འགྲོའི་འོས་ཤོག་འཕེན་པར་ཐོན་ཡོད་པ་རེད། ངས་ཀྱང་རང་བཙན་ལག་དེབ་སྟེང་དུ་ཁྱོད་ཚོར་འོས་ཤོག་གཅིག་གི་རམ་འདེགས་བྱེད་པར་གྲ་སྒྲིག་བྱས་ཡོད། ཁྱོད་ཚོ་ལྔ་ཡིས་དྲ་ཚིགས་དང་། བརྙན་འཕྲིན། རླུང་འཕྲིན། སྐད་འཕྲིན། བརྡ་འཕྲིན་གྱི་བརྒྱུད་ལམ་འདི་དག་ཏུ་སོ་སོའི་ལྟ་བུའི་ལངས་ཕྱོགས་དང་མ་འོངས་བོད་དོན་སྒྲུབ་ཕྱོགས་སོགས་བོད་དབྱིན་རྒྱ་གསུམ་གྱི་སྟེང་ནས་ཁྱབ་བརྡལ་བཏང་ཡོད་པ་དང་། སང་ཉིན་ནས་རང་ཉིད་ཀྱི་གདམས་ཀ་ནི་ཁྱོད་ཚོའི་གསུངས་བཤད་གནང་བའི་སྤུས་ཚད་དང་བསྟུན་ནས་ངའི་འོས་ཤོག་གཅིག་པོ་འོས་སྒམ་དུ་བླུགས་ཀྱི་ཡིན།
ཁྱོད་ཚོས་བོད་རིགས་ཤིག་གི་འོས་འགན་དང་དུ་བླངས་ནས་འདི་ལྟར་སྲིད་སྐྱོང་གི་ལམ་ཁར་ཕྱིན་པ་ལ་ངས་སྙིང་ནས་དགའ་བསུ་ཞུ། ཁྱོད་ཚོའི་གཏམ་བཤད་དྲིས་ལན་དག་ལས་བློ་ཁ་མ་ཁེངས་པའི་རྣམ་འགྱུར་ཁ་ཤས་རེ་བྱུང་ཡོད་ཀྱང་། ཁྱོད་ཚོ་མ་གཏོགས་གཞན་སུ་ཞིག་ཀྱང་སྲིད་སྐྱོང་གི་སྟེགས་བུར་འཇུ་མཁན་མེད་དུས། ངའི་གདམས་ཀ་ནི་ཁྱོད་ཚོའི་ལྔའི་ནང་ནས་གཅིག་འདེམས་པ་ལ་ཐུག་སོང་། དེ་བས་སང་ཉིན་ལ་གྲ་སྒྲིག་བྱེད། འོས་ཤོག་གི་སྒྲིག་གཞི་བློར་བཟུང་ནས་རྩིས་མེད་དུ་མི་འགྲོ་བར་ཚང་མས་གཟབ་རོགས་ཞུ།
ལེགས་སོ།
རང་བཙན་ལག་དེབ་ཡིན་ནམ་རང་སྐྱོང་ལག་དེབ་ཡིན་?????