འདྲི་བ་བོ། རྒྱལ་ཚང•འཇམ་དབྱངས།
ལན་མཛད་མཁན། མཁན་ཆེན་ཚུལ་ཁྲིམས་བློ་གྲོས།
༡༽ དྲི་བ། དགེ་འདུན་པའི་གཞི་མ་ཞེས་པ་ནི་གང་འདྲ་བ་ཞིག་ལ་ངོས་འཛིན་དགོས་སམ།
ལན། གོན་པ་དམར་པོ་ཞིག་གོན་ཡོད་ཚད་པོ་ལ་དགེ་འདུན་པ་ཟེར་པ་མིན་ལ། དགེ་འདུན་པ་ཟེར་བ་གང་ལྟ་བུ་ཞིག་ལ་ངོས་འཛིན་དགོས་པ་རེད་ཟེར་ན། དེ་ནི་ཐོས་བསམ་སྒོམ་གསུམ་བྱེད་ཀྱིན་ཡོད་མཁན་དང་། ཚུལ་ཁྲིམས་ལེགས་པར་སྲུང་མཁན་དང་། སྤང་བླང་གི་བྱ་བར་བརྩོན་མཁན། བསྟན་པ་དང་སེམས་ཅན་གྱི་དོན་སྒྲུབ་ཀྱིན་ཡོད་མཁན་རྣམས་ལ་དགེ་འདུན་པའི་གཞི་མ་ཞེས་བཤད་པ་ཡིན།
༢༽ དྲི་བ། གྲྭ་བཙུན་ལ་མཚོན་ནའང་བཟང་ངན་གཉིས་ཡོད་པས་བཟང་པོར་གང་བརྩི་འོས་སམ།
ལན། དཔེ་ཆར་སུ་མཁས་ན། ཚུལ་ཁྲིམས་སུའི་དག་ན། སུ་ལ་བསྟན་པ་སེམས་ཅན་གྱི་དོན་ལ་ལྷག་བསམ་ཡོད་ན། སུས་ཐོས་བསམ་སྒོམ་གསུམ་དང་དཔེ་ཆ་སློབ་གཉེར་བྱེད་ན། དེ་ནི་ཐམས་ཅད་ཀྱི་གོང་ལ་འཇོག་རྒྱུ་དང་བརྩི་བཀུར་བྱེད་རྒྱུ་རེད་མ་གཏོགས། སྒོར་མོ་ཡོད་ནི་ཙམ་དང་དེ་བཞིན་མིང་ཆེན་པོ་བཏགས་ཡོད་ནི་ཙམ་གྱིས་སུ་ལ་ཡང་ངོ་ཆེ་ནི་མ་རེད། ད་རུང་བུ་རྒོད་རྒོད་བྱེད་ཀྱིན་ཡོད་ནི་དང་། ཚོང་རྒྱག་གི་ཡོད་ནི་དང་། གོན་པ་གོང་ཆེན་གྱོན་གྱིན་ཡོད་པ་ནི་དེ་ཚོའི་རིགས་དང་། སྒོར་མོ་མང་པོ་བེད་སྤྱོད་བྱེད་ནི་དང་། ཁ་པར་སོགས་གོང་ཆེན་འཛིན་ཁུལ་བྱེད་ནི། དེ་ཚོའི་སྐོར་ཡོངས་སུ་རྫོགས་པ་ཚང་མའི་བློར་མི་འབབ་པ་དང་། མིག་ཏུ་མི་འགྲོ་རྒྱུའི་སྐོར་ལ་བརྩི་བར་བྱེད་ཀྱིན་ཡོད།
༣༽ དྲི་བ། འགའ་རེས་བཤད་རྒྱུར། མདུན་ལམ་ནི་ཕ་མ་དང་ཉེ་དུ་སོགས་ཀྱི་ཁ་ལ་ཉན་ཏེ་འཚོལ་དགོས་པ་རེད་ཟེར། ཡང་འགའ་རེས་བཤད་རྒྱུ་ལ། རང་གི་མདུན་ལམ་རང་ལ་རག་ལས་པས་རང་གིས་འཚོལ་དགོས་རེད་ཟེར། གང་ལྟར་ང་དང་ང་ལྟ་བུའི་ཚོས་མདུན་ལམ་འཚོལ་དུས་དེ་ལ་སྔོན་འགྲོ་ཡོད་དམ།
ལན། རང་གིས་ཅི་བྱེད་བསམ་ན་རང་གི་ལག་ན་ཡོད་པས་ཅི་ཞིག་བྱེད་དགོས་ན། རང་གི་མདུན་ལམ་རང་གིས་ཐག་གཅོད་དགོས་ས་རེད་མ་གཏོགས། རང་གར་བསྡད་དུས་མི་ཚེ་ཡ་མ་བརླ་ཞིག་གི་ནང་ནས་མཇུག་རྫོགས་རྒྱུ་རེད།
༤༽ དྲི་བ། གྲྭ་བཙུན་ཚོས་བསྒྱུར་བཅོས་དགོས་པའི་མཛད་སྤྱོད་ཡོད་དམ།
ལན། གྲྭ་པ་ཚོས་འདོན་ཆ་རྣམས་མྱུར་མོར་བཀླག་ཐུབ་མི་ཐུབ་དང་། རྔ་དང་རོལ་མོ་རྡུང་ཤེས་དང་མི་ཤེས། གཏོ་སོགས་ཆོ་ག་བཀླག་པའི་གོ་རིམ་ཤེས་དང་མི་ཤེས་ཀྱི་སྒོ་ནས་མཁས་པ་དང་བླུན་པོ་སུ་ཡིན་མིན་གྱི་དབྱེ་བ་འབྱེད་པ་ལས། ཐོས་བསམ་ལ་སློབ་གཉེར་དགོས་པས་དེའི་ཕྱོགས་ལ་བསམ་བློ་གཏོང་རྒྱུ་ཧ་ཆང་གལ་ཆེ་བའི་གནས་ཤིག་རེད།
བཟང་ངན་གཉིས་ལས་མི་ཚད་བཞི་ཡོད་རེད་དོ།།