རྨ་དུང་ཟླ།
དོ་དགོང་སེམས་པ་གཉིད་ཀྱིས་མ་བཟི་
དོ་དགོང་མིག་ཀོང་གཉིད་ཀྱིས་མ་ཟུམ་
སྒེའུ་ཁུང་ཡར་སྟོད་ཀྱི་ཟླ་བ་ཁོ་ནས་
གསར་དུ་ཕྲད་པ་བཞིན་ང་ལ་ཧད་ནས་འདུག
མུན་ནག་གི་བར་ཁྱམས་ནས་དུག་སྦྲང་རེ་རེས་
སེམས་ཀྱི་ངོས་ཐད་ལ་མདུང་གཙག་བྱས་ནའང་
དྲན་གདུང་གི་མེ་ལྕེ་ཕྱི་རུ་མ་ཕྱུངས་
སྟོན་ཟླ་སླེབས་ནས་རྫོགས་ལ་ཉེ་ཟེར་
སེམས་ཀྱི་ལོ་མའི་ཁ་ཏོག་ལ་
འགྱུར་བ་ཐེབས་ཚུལ་བསམས་ན་
སྟོན་ཟླ་ངོ་མ་མཇུག་བསྒྲིལ་ལ་ཉེ་
འོན་ཀྱང་སྟོན་ཟླ་སྔར་བཞིན་འཁོར་ཡོང་བས་
ངས་ལོ་མའི་མཛེས་སྡུག་ལ་རེ་བས་སྒུག་ནས་ཡོད་
གཉིད་མེད་དུས་དྲན་གདུང་ཟབ་པ་བཞིན་
དྲན་གདུང་ཟབ་དུས་ཀྱང་གཉིད་མི་འདུག