ཧྥ་རན་སི་ལ་མྱ་ངན་ཞུ་བའི་བསྔོ་སྨོན་གྱི་རོལ་དབྱངས།

—–ཨེ་མ་ཧོ།

 
ན་མོ་གུ་རུ་བུདྡྷ་ཛྙྰ་ན་ཡེ།
ངོ་བོ་ལྷན་སྐྱེས་ཆོས་སྐུ་ཀུན་བཟང་གི་བདག་ཉིད།།
རང་བཞིན་རང་རིག་ལྷུན་གྲུབ་རྣམ་དག་གི་ལྷ་ཚོགས།།
ཐུགས་རྗེ་ཀུན་ཁྱབ་སྣང་བ་བརྒྱུད་གསུམ་གྱི་བླ་མ།།
ཀུན་འདུས་ཆོས་རྗེ་དམ་པ་སྙིང་དབུས་ནས་འདུད་དོ།།
སྙིགས་ལྔའི་མུན་ནག་འཁྲིགས་པའི་རླུང་དམར་ཀྱི་ཁྲོད་ནས།།
ལྟ་སྤྱོད་ལོག་ལམ་སོང་བའི་འཇིགས་སྐུལ་གྱི་ཚོགས་པས།།
ཚེ་སྲོག་སྒྲོན་མེ་བསད་པའི་སྲོལ་ངན་གྱི་རིགས་ལ།།
བྱིན་རླབས་འོད་གསལ་སྙིང་པོའི་དགེ་ལེགས་ཤིག་སྩོལ་ཅིག།
གློ་བུར་རྐྱེན་འདས་སོང་བའི་བར་མ་ཡི་དོ་རར།།
སྡུག་བསྔལ་གྲངས་མེད་མྱོང་བའི་སྐྱབས་མེད་ཀྱི་འགྲོ་བར།།
རྩ་གསུམ་རིག་འཛིན་རྒྱ་མཚོར་ར་མདའ་རུ་སྒྲོན་སྟེ།།
ཞི་ཁྲོ་ན་རཀ་དོང་སྤྲུག་སྒྲུབ་མཆོད་ལ་འབད་ཡོད།།
དུས་གསུམ་བསགས་ཡོད་བྱས་པའི་དགེ་ཚོགས་ཀུན་བསྡུས་ཏེ།།
རྒྱལ་ཀུན་མཆོད་དང་འགྲོ་ཁམས་ཕན་བདེ་རུ་སྨོན་ན།།
ཕྱི་ནང་གསང་གསུམ་འཇིགས་སྐྲག་མྱ་ངན་ཀུན་ཞི་ནས།།
སྐུ་གསུམ་རྒྱལ་ས་ཐོབ་པའི་རྟེན་འབྲེལ་དུ་སྨོན་ནོ།།

ཞེས་པ་འདི་ཡང་རབ་གནས་ཤིང་ལུགས་གཟའ་ཚེས་ངན་པ་འམ2015 ཟླ་ Nov, ཚེས་13thཉིན། ཧྥ་རན་སི་རྒྱལ་རྒྱབ་ལ་དྲག་སྤྱོད་སྡུག་པའི་དོན་རྐྱེན་གྱི་ཛ་དྲག་གནས་ཚུལ་བྱང་ནས་བརྒྱ་ཕྲག་མི་མང་གི་ཚེ་སྲོག་ཤོར་བ་ལ་བསྔོ་སྨོན་ཞིག་གི་ཚབ་ཏུ་མཁན་ཆེན་བླ་མས་དབྱིན་ཡུལ་ཀུན་བཟང་ཆོས་གླིང་གི་ཚོགས་གྲལ་ནས་བགྱིས་པར་དགེའོ།། །།