ཨ་མའི་སེམས། ༼བོད་འབྱོར་རྩོམ་ཡིག༽

ཚིག བོང་སྟག་རི་ལུ།
དབྱངས། ནམ་མཁའ།

དཔྱིད་ཀ་སླེབས་ཐེངས་རེ་ལ་མེ་ཏོག་བཞད།།
མེ་ཏོག་བཞད་ཐེངས་རེ་ལ་ཨ་མ་དྲན།།
ཨ་མའི་སེམས་ན་བཞད་པའི་མེ་ཏོག་དེ།།
ས་མཐར་འཁྱམ་པའི་བུ་མོ་ང་རང་ཡིན།།

དཔྱིད་ཀ་སླེབས་ཐེངས་རེ་ལ་ཁུ་བྱུག་གྲག།
ཁུ་བྱུག་གྲག་ཐེངས་རེ་ལ་ཨ་མ་དྲན།།
ཨ་མའི་སེམས་ན་རེ་བའི་དབྱངས་རྟ་དེ།།
ས་མཐར་མཁྱམ་པའི་བུ་མོའི་སྐད་ཆ་ཡིན།

དཔྱིད་ཀ་སླེབས་ཐེངས་རེ་ལ་ཆར་བ་བབས།།
ཆར་བ་འབབ་ཐེངས་རེ་ལ་ཨ་མ་དྲན།།
ཨ་མའི་སེམས་ཀྱི་མིག་ཆུ་རྡོག་པོ་རེ།།
ས་མཐར་འཁྱམ་པོའི་བུ་མོའི་དོན་དུ་བཞུར།།