སྤྱན་ཆེན་པོ།
དབྱངས་ཅན་མའི་གསང་ལམ་འགྲིམ་པའི་སྤྱན་སྨྱོན་པ
ཟབ་བརྟན་གྱི་ཐ་སྙད་ལྕི་མོ་དེ་ཕྲག་ལ་འཁུར་བཞིན
སེམས་ཀྱི་ལོངས་སྤྱོད་དུ་གྱུར་བའི
གླེགས་བམ་མཐུག་པོ་དེ་མེ་ལ་བསྲེགས་ནས
ཁྱོད་ཀྱིས་མཚན་ངོགས་ནས་རྡོག་ལམ་ཞིག་བཙལ་མོད
རྣམ་ཤེས་ལ་ཁ་དོག་མེད་པའི་གཏན་ཚིགས་ལས
རང་ཉིད་ལ་འགྲེལ་བཤད་གསར་བ་ཞིག་རྙེད
འོན་ཀྱང སེམས་ཀྱི་གཏིང་དུ་བྲིས་པའི་རི་མོ་དེའི་འགུལ་སྟངས་ལས
རང་ཉིད་ལོ་མའི་འོག་གི་བཙོན་ཁང་དེའི་ནང་ན་ཡོད་པ་རྟོགས
ལུས་ཀྱི་ཚོར་རེག་གིས་མི་ཟིན་པའི་མདའ་རྩེ་གསུམ་པོ
ཁྱོད་ཀྱི་མཁའ་དབྱིངས་ནས་ཡང་ཡང་འཁོར་དུས
ཁ་མིག་གི་ར་བ་འདྲ་བའི་འཚོ་གནས་ཀྱི་བར་གླགས་ནས
སྤྱན་སྨྱོན་པ ཁྱོད་ནི་ཅི་འདྲའི་ནུས་མེད་ཅིག་རེད་འང
སེམས་ཀྱི་མཐིལ་དུ་མི་ཤོང་བའི་ནང་ཁྲོལ་གྱི་ཚོགས
ཆར་རླུང་ཁྲོད་ཀྱི་དར་ལྕོག་བཞིན་ཕ་གའི་ཉག་ག་ནས་འཕྱོ་དུས
དབྱངས་རྟ་རྙིང་པ་ཞིག་གི་ཁྲོད་ན་ཁ་བར་སྒུག་པའི་སྤྱན་སྨྱོན་པ
ཚ་ཡུལ་ལ་ཁ་བ་འབབ་རྒྱུ་མེད་པ་མ་ཤེས་སམ
༢༠༡༥-༡༡-༢༣
ཚིག་མཚམས་དང་ཚིག་མཐར་ཚེག་གམ་ཤད་དགོས་པ་མ་ཤེས་སམ།
ཧ་ཧ་་་་་་རང་མོས་སྙན་ངག་ལ་གོམས་འདྲིས་སོང་མེད་མཁན་ཞིག་ཡིན་ན་ལན་མེད།
༼ལུས་ཀྱི་ཚོར་རེག་གིས་མི་ཟིན་པའི་མདའ་རྩེ་གསུམ་པོ༽
ལུས་ཀྱི་ཚོར་རེག་གིས་མ་ཟིན་པའི་མདའ་རྩེ་གསུམ་པོ
འདི་ལྟར་བྲིས་ན་མི་སྙན་ནམ། རང་མོས་ཀྱིས་འབྲི་རྒྱུ་ཡིན་ན་བསམ་འཆར་མེད།
རང་མོས་སྙན་ངག་ལ་ཚིག་དང་ཤད་མེད་པ་ཞིག་ཧཧཧ།
བོད་ཀྱི་བརྡ་དག་གི་གཞུང་ལུགས་དང་མི་མཐུན་པའི་རང་མོས་སྙན་ངག་འདི་དག་མི་ལེགས། བོད་ཀྱི་རིག་གནས་ཚད་ལྡན་ཞིག་ཡིན་ན་བོད་ཀྱི་རིག་གནས་ཀྱི་རིག་པའི་གཞུང་ལུགས་དང་མི་འགལ་བ་དགོས་རྒྱུ་ནི་གནད་ཆེའོ།
དབྱངསཅནམའིགསངལམམགྲིནཔའིསྤྱནསྤྱོནཔ
རང་མོས་སྙན་ངག་ལ་ཚེག་ཀྱང་མེད།
ཧཧཧ།
ཧ་ཧ་ཧ་་་་མྱི་དཀར་ལགས། རང་མོས་སྙན་ངག་ཕྱོགས་ཀྱི་བློ་སྦྱོང་མེད་ན་དེའི་རྒྱུ་མཚན་བཤད་རུང་ཁྱོས་གོ་ནི་མ་རེད།