ཆོས་ལ་བསྐུལ་བའི་གཏམ་མྱོང་གྲོལ་བདུད་རྩིའི་ཐིག་ལེ་ཞེས་བྱ་བ།

Comments (18) on “ཆོས་ལ་བསྐུལ་བའི་གཏམ་མྱོང་གྲོལ་བདུད་རྩིའི་ཐིག་ལེ་ཞེས་བྱ་བ།”

1. སྡིག་མི་དགེ་སྤོང་བ་ཐེག་དམན་ཆོས། །
   རང་གཅེས་འཛིན་སྤོང་བ་བྱང་སེམས་ཆོས། །
   སེམས་ཐ་མལ་བྱང་བ་གསང་སྔགས་ཆོས། །
   ང་མི་བྱེད་མི་བསམ་མི་སྣང་ཆོས། །
   འདི་གསུམ་པོ་འཛོམས་ན་གསུམ་ལྡན་འཛིན། །
   ཀརྡོས།

2. ངོས་ནས་ཆོས་འཆད་གནང་བར་བཀའ་དྲིན་ཆེ་དྲི་མེད་ལྷག་བསམ་ལགས། ངོ་ཕན་ཐོག་གི་ཆོས་གསུངས་པ་དགའ་སྤྲོ་བརྟས། xxའདི་ཚོས་ཚིག་ཟུར་ཙམ་ཐོན་མ་མྱོང་བ་བཀའ་བརྒྱུད་གོང་མའི་གཅེས་ནོར་མགུར་དུ་གྱེར་བ་ཡང་སྐྱར་བཀའ་དྲིན་ཆེ། ཀརྡོས་ཉན་ནི་མེད་ན་བཤད་ནི་ཁྱི་དང་འདྲ་ཞེས་པར་ཡང་ཐུགས་བརྗེད་མ་ཁུར། གང་ལྟར་རང་གིས་ཚར་གསུམ་བཀླགས་པ་ཡིན་ཤིན་ཏུ་རྨད་དོ།། དམིགས་བསལ་བདག་ལྟ་བུ་ལ་དམ་པའི་ཆོས་ལ་སྙིང་ནས་གཅེས་ཤིང་འཇིག་རྟེན་སྒྲུབ་པའི་ཆོས་གཟུགས་འདྲ་འབག་དག་ལ་ལོག་པར་མཐོང་བའི་མིག་གཅིག་ལ་མཐོང་བའི་དག་སྣང་དགོས་ཚུལ་དང་ཁྱད་པར་སྤྲུལ་སྐུ་རྫུན་མ་མངོན་སུམ་དུ་བཟོས་ནས་མི་དམངས་ཀྱིས་དད་ཁུལ་བྱེད་པའི་རང་མགོ་རང་གིས་སྐོར་བ་དག་ལ་ཕན་པའི་གདམས་མགུར་ཞིག་གསུངས་བར་མཁྱེན་ནོ། མཁས་དབང་དྲི་མེད་ལྷག་བསམ་མཆོག་ལ་པདྨས་གུས་པས་ཕུལ།།

3. ཁ་བཤད་ཆུ་ཡི་སྦོ་ཝ་དང་ལག་ལེན་གསེར་གྱི་ཐིག་པ་གཉིས་གནམ་ས་ལྟ་བུའི་ཁྱད་པར་ཆེ་།
   ཆོས་ཆད་ཉན་སྔོ་བསགས་ལས་ཀྱི་སྦྱིན་།
   རྒྱུ་སྦྱོར་བ་བླ་མ་དམ་པས་གནང་།
   རང་བསོད་ནམས་བསགས་པའི་རྟེན་འབྲེལ་ལ་།
   བློ་འཐེ་འཚོམས་མེད་པའི་དད་པ་བརྟན།

4. བཅོས། ངན་གཡོའི་ཚོས་ཀྱིས་བསྒྱུར་བའི་གཡོ་ཅན་ཝ་མོ། །
   འཁོར་འདས་བར་ལག་འགྱེལ་བའི་སྨོན་ལམ་འདེབས་སོ། །ཡིག་ནོར་དུ་མ་ཤོར་བར་དགོངས་འགལ་མེད་པར་ཞུ།

5. ཁ་སྣའི་དབུགས་ལ་རེ་བའི་རྩ་རླུང་མིན་པར། །
   ཕྱི་ནང་བུམ་པ་རོ་གཅིག་བདེ་ཆེན་རོལ་མོ། །
   གཟུང་འཛིན་རོ་རྐྱང་རྣམ་རྟོག་དྷུ་ཏིར་བཅོམས་པའི། །
   བྱེད་བཅིང་འཛིན་པ་ལས་འདས་རྫོགས་རིམ་སྦྱང་དགོས། །
   ལྷག་བསམ་ལགས་ཀྱིས།

6. ་་་་་་་་་ ཀརྡོས་ཉན་ནི་མེད་ན་བཤད་ནི་ཁྱི་དང་འདྲ་ཞེས་པར་ཡང་ཐུགས་བརྗེད་མ་ཁུར། གང་ལྟར་རང་གིས་ཚར་གསུམ་བཀླགས་པ་ཡིན་ཤིན་ཏུ་རྨད་དོ།། ་་་་་་་་་་་་་་

7. འོ་ལེགས་སོ། ཀ་རྡོ་ལེགས་ལ་ངེས་འབྱུང་སྐྱེས་ཡོད་ཚུལ་གསུངས་པས། སྒྲུབ་བརྒྱུད་ལ་དེ་ལྟར་སྲིད་པའི་རེ་དང་། སྤྲོ་བ་འཕེལ་དེ་སེམས་ལ་གང་ཤར་མ་བཅོས་པར་བརྗོད་པ་ཡིན། ཁྱི་གྲལ་དུ་སྡོད་དགོས་བྱུང་དེ་ལྟར་འཆའ། རང་སེམས་ལྷག་བསམ་རྣམ་པར་དག་པའི་སྦྱོར་བ་ལ། ཆོས་བཞིན་སྐྱོང་བའི་སྲུང་མ། ལེགས་ཉེས་ཀྱི་ཤན་འབྱེད་ཅིང་དམ་ཚིག་གི་རྗེས་གཅོད་པའི། དཔལ་མགོན་མ་ཧཱ་ཀཱ་ལ་ལྕམ་དྲལ་དྲེགས་པའི་སྡེས་དགྱེས་པའི་སྤྱན་རས་གཡོ་བའི་ལྟས་སུ། དེ་རིང་རྒྱུས་མེད་ཀྱི་དབྱིན་རྒན་ཞིག་གིས་ཀརྨ་པ་མཁའ་ཁྱབ་རྡོ་རྗེའི་གསུང་འབུམ་དང་། ལྕམ་དྲལ་གྱི་གསེར་ཐང་སྤྲད་པས་སྤྲོ་བ་འཕེལ།
   དཔལ་སྤྲུལ་རིན་པོ་ཆེས། ཉོན་མོངས་མེ་ཡིས་རང་རྒྱུད་བསྲེག་བཞིན་དུ། །ལེགས་བཤད་དྲི་བཟང་སྤྱོགས་བཅུར་འགྱེད་པ་ཅན། །གདོལ་སྤྱོད་ཐལ་བ་འཛིན་པའི་སྤོས་རིང་འདི། །ནམ་ཞིག་འཕགས་པ་དགྱེས་པ་ཡོད་གྱུར་ཅིག །ཅེས་གསུངས་པར་ཆེས་བྱའོ། །

8. འོ་ལེགས་སོ། ཀ་རྡོ་ལེགས་ལ་ངེས་འབྱུང་སྐྱེས་ཡོད་ཚུལ་གསུངས་པས། སྒྲུབ་བརྒྱུད་ལ་དེ་ལྟར་སྲིད་པའི་རེ་བ་དང་། སྤྲོ་བ་འཕེལ་དེ་སེམས་ལ་གང་ཤར་མ་བཅོས་པར་བརྗོད་པ་ཡིན། ཁྱི་གྲལ་དུ་སྡོད་དགོས་བྱུང་ཡང་དེ་ལྟར་འཆའ། རང་སེམས་ལྷག་བསམ་རྣམ་པར་དག་པའི་སྦྱོར་བ་ལ། ཆོས་བཞིན་སྐྱོང་བའི་སྲུང་མ། ལེགས་ཉེས་ཀྱི་ཤན་འབྱེད་ཅིང་དམ་ཚིག་གི་རྗེས་གཅོད་པའི། དཔལ་མགོན་མ་ཧཱ་ཀཱ་ལ་ལྕམ་དྲལ་དྲེགས་པའི་སྡེ་དགྱེས་པའི་སྤྱན་རས་གཡོ་བའི་ལྟས་སུ། དེ་རིང་རྒྱུས་མེད་ཀྱི་དབྱིན་རྒན་ཞིག་གིས་ཀརྨ་པ་མཁའ་ཁྱབ་རྡོ་རྗེའི་གསུང་འབུམ་དང་། མ་མགོན་ཞལ་སྦྱོར་གྱི་གསེར་ཐང་སྤྲད་པས་སྤྲོ་བ་འཕེལ།
   དཔལ་སྤྲུལ་རིན་པོ་ཆེས། ཉོན་མོངས་མེ་ཡིས་རང་རྒྱུད་བསྲེག་བཞིན་དུ། །ལེགས་བཤད་དྲི་བཟང་ཕྱོགས་བཅུར་འགྱེད་པ་ཅན། །གདོལ་སྤྱོད་ཐལ་བ་འཛིན་པའི་སྤོས་རིང་འདིས། །ནམ་ཞིག་འཕགས་པ་དགྱེས་པ་ཡོད་གྱུར་ཅིག །ཅེས་གསུངས་པར་ཆེས་བྱའོ། །

9. རྩོམ་པ་པོ་ལགས། “འཁོར་འདས་བར་ལག་འགྱེལ་”ཟེར་བ་དེ་ལ་ཚིག་འགྲེལ་ཞིག་ཡོད་པ་མཁྱེན། ཚིག་དེ་ཅི་ཞིག་ལ་ཟེར་གི་ཡོད་མེད་ཧ་གོ་མ་སོང་ལགས། ཚིག་དེ་སྔོན་བྱོན་མཁས་པའི་གསུང་གང་དུ་བེད་སྤྱོད་ཡོད་པའི་ཁུངས་ཤིག་ཀྱང་བསྟན་ཐུབ་ན་དགའ་བ་ལ། ངས་ནང་བསྟན་ཚིག་མཛོད་འདྲ་བ་ཁ་ཤས་ལ་བལྟས་མོད་རྙེད་མ་སོང་།

10. #8 དྲི་མེད་ལྷག་བསམ། ་ལགས་ཀྱིས་སྤེལ་དོན།:
    December 17th, 2015 at 8:41 pm
    འོ་ལེགས་སོ། ཀ་རྡོ་ལེགས་ལ་ངེས་འབྱུང་སྐྱེས་ཡོད་ཚུལ་གསུངས་པས། སྒྲུབ་བརྒྱུད་ལ་དེ་ལྟར་སྲིད་པའི་རེ་བ་དང་། སྤྲོ་བ་འཕེལ་དེ་སེམས་ལ་གང་ཤར་མ་བཅོས་པར་བརྗོད་པ་ཡིན། ་་་་་་་

11. དྲི་མེད་ལྷག་བསམ་ལགས་ཀྱི། ཆེད་རྩོམ་རྗེས་ཡི་རང་ཞུའོ། ཁྱེད་ཀྱི་བསྔོ་སྨོན་བཞིན། དེ་དེ་བཞིན་གྲུབ་པར་ཤོག །

12. མཆན།9་པ། སྤོབས་པ་མཐའ་ཡས་ལེགས། འཁོར་འདས་བར་ལག་འགྱེལ་ལ་ཚིག་འགྲེལ་ཞིབ་མོ་ཞུ་ལོང་མི་འདུག་སྟེ་ཕྱོགས་ཙམ་ནི། རྫོགས་ཆེན་སྐབས་མ་དང་བུའི་དཔེ་བཀོད་ཡོད་པ་ལྟར། ༡༽མ་བུ་ངོ་ཤེས་པ། ཚིག་འགྲེལ། ཡུན་རིང་ཁ་གྱེས་པའི་བུ་ཆུང་གིས་ཨ་མ་ངོ་ཤེས་པ་སྟེ། དོན་ནི། ཨ་མ་ཀུན་ཏུ་བཟང་མོའམ་དབྱིངས་སྟོང་ཉིད་ལ་གོ་བ་རྙེད་པ་སྟེ། ཐུན་མོང་པས་སྟོང་ཉིད་དོན་སྤྱིའི་ཚུལ་དུ་རྟོགས་པ་ཟེར་ཀྱང་ཁྱད་པར་ཆེ། མིང་གི་རྣམ་གྲངས་ལ། འཁོར་འདས་རུ་ཤན་འབྱེད་པ་སྟེ། འཁོར་བ་དང་མྱང་འདས་ཀྱི་དམག་རུའི་དགྲ་གཉེན་སུ་ཡིན་གསལ་བོར་ངོ་ཤེས་པར་བྱ་བ་དང་། སྟོང་ཉིད་ངོ་འཕྲོད་པ། རིག་པ་ངོ་ཤེས་པ། སེམས་ངོ་ཤེས་པ། སྲིད་གསུམ་ཡེ་གྲོལ་ཆེན་པོར་ངོ་འཕྲོད་པ། འཁྲུལ་བ་རྒྱུན་གཅོད་ཀྱི་ལྟ་བར་ངེས་པ་རྙེད་པ་སོགས་སོ། །ལུང་ནི། མུ་ཏིག་ཕྲེང་བ་ལས། དཔའ་བོ་ལྟ་བུའི་སྤྱོད་པ་ཡིས། །འཁོར་འདས་རྣམས་ཀྱིས་རུ་ཤན་དབྱེ། །ཞེས་སོ། །༢༽མ་བང་དུ་བུ་འཇུག་པ། ཚིག་འགྲེལ། ཨ་མ་ངོ་ཤེས་པས་མ་ཚད་བང་དུ་ཕྱིན་ཅིང་རྐེ་ལ་འཁྱུད་པ་ལྟ་བུ་སྟེ། དོན་ནི། བསྒོམ་པ་ཉམས་སུ་བླང་ལམ་རིག་པའི་རྩལ་རྫོགས་ཏེ་གཞི་དབྱིངས་སུ་འདྲེས་པ་སྟེ་མཉམ་རྗེས་ཐ་དད་ཡོད་པའི་སྐབས་སོ། །ཐུན་མོང་དུ་སྟོང་ཉིད་མངོན་སུམ་དུ་རྟོགས་པ་ཟེར། མིང་གི་རམ་གྲངས་ལ། འཁོར་འདས་རྒྱབ་གྱེས་པ་སྟེ་མ་བུ་གཉིས་པ་ལ་མི་མཐུན་ས་ཅུང་ཟད་ཡོད་པས་འགལ་བ་རྒྱབ་གཏད་བྱེད་པ་ལས་བརྒལ་བ་དང་། འཁོར་འདས་བར་ལག་འགྱེལ་བ་སྟེ། ལག་པར་འཐམ་སྟེ་ཕར་འཐེན་ཚུར་འཐེན་བྱེད་པའི་དུས་ལས་འདས་སྟེ་ཨ་མ་ཕྱོགས་གཅིག་གི་བང་དུ་འགྱེལ་བ། འཁོར་འདས་རྡོས་ཐག་ཆོད་པ། འབྲེལ་ཐག་ཆོད་པ། །སྤུན་ཐག་ཆོད་པ་སོགས་སོ། །ལུང་ནི་ཐལ་འགྱུར་ལས། འཁོར་འདས་འབྲེལ་བ་ཆད་པའི་དུས། །རྟོག་བཅས་འཁྲུལ་བ་འགག་པ་སྟེ། །འཁོར་བའི་གཡང་ས་རྒྱུན་ཆད་པའི། །རྣལ་འབྱོར་ཆེན་པོའི་དགོངས་པའོ། །ཞེས་སོ། །༣༽མ་བུ་འདྲེས་པ། ཚིག་འགྲེལ། ཨ་མ་དང་བུ་གཉིས་སུ་མེད་པ་མའི་ཁོག་ཏུ་བུ་ཞུགས་པས་སྲོག་གཅིག་ཏུ་འབྲེལ་བ་ལྟ་བུ་སྟེ། དོན་ནི་དབྱིངས་ཀྱི་ལྷུམས་སུ་རིག་པའི་ཁྱེའུ་ཆུང་སྦྲུམ་པ་སྐུ་གསུམ་དབྱེར་མེད་ཐིག་ལེ་ཆེན་པོའི་ངང་དུ་གནས་པ་སྟེ། །ཐུན་མོང་དུ་མཐོང་ལམ་ནས་མི་སློབ་ལམ་བར་གྱི་ཡེ་ཤེས་སོ། །མིང་གི་རྣམ་གྲངས་ལ། གཞི་ལམ་རིག་པ་དབྱེར་མེད། དབྱིངས་རིག་འབྱེར་མེད། འོད་གསལ་མ་བུ་འདྲེས་པ། འཁོར་འདས་འུབ་ཆུབ། འུབ་ཆུབ་བློ་འདས། འཁོར་བ་རུ་བཟློག ཡེ་ཤེས་དབྱིངས་གྲོལ། གཞི་དབྱིངས་འཁོར་འདས་དབྱེར་མེད་སོགས་ཟེར། མིང་འདི་དག་གཞི་ལམ་འབྲས་བུའི་སྐབས་ཀུན་ཏུ་སྦྱོར་བ་རྒྱས་པ་འབུམ་དུ་སྟོང་ཉིད་བཅུ་དྲུག་སྦྱོར་བ་དང་འདྲ་ཡང་སོ་སོའི་སྐབས་ཐོབ་དེ་ལྟར་གནས་སྙམ། །ལུང་ནི། སྐུ་གདུང་འབར་བ་ལས། །ཉི་མ་ལ་ནི་ཟེར་འདུས་བཞིན། །རང་གི་སྤྲུལ་བར་བཅས་པ་ནི། །རང་གི་ངོ་བོར་རང་ཐིམ་ནས། །དབྱེར་མེད་འབྱེད་པ་མེད་པར་འགྱུར། །ཅེས་པའོ། །འཁོར་འདས་བར་ལག་འགྱེལ་བ་རྫོགས་ཆེན་བརྒྱུད་པའི་བླ་མ་མང་པོའི་གསུང་དུ་བཞུགས་ཀྱང་། རེ་རེ་བཞིན་འབྲིར་མ་ལོངས། དཔེ་ཆ་འདི་ཡིན་མ་དྲན། བཙལ་བའི་ལོང་མ་བྱུང་། གོང་གི་དེ་དག་ལ་ཞིབ་ཆ་དགོས་པ་དུ་མ་ཡོད་ཀྱང་རྫོགས་པ་ཆེན་པོ་བཤད་པའི་སྤོབས་པ་མེད་པས་དགོངས་འགལ་མེད་པར་ཞུ། །ནོར་འཁྲུལ་སྲིད་པས་དཔྱད་གཞིར་མགྱོགས་བྲིས་བྱས་ཏེ་ཕུལ།

13. ་་་་་་་་་་་འཁོར་འདས་བར་ལག་འགྱེལ་བ་རྫོགས་ཆེན་བརྒྱུད་པའི་བླ་མ་མང་པོའི་གསུང་དུ་བཞུགས་་་་་་་་་

14. ཀརྨ་པ་མཁྱེན། ཀརྨ་བཀའ་བརྒྱུད་རྣམས་མཁྱེན། ཕྱིར་དྲན་ཅིག་བྱས་ན་ཕྲན་ལ་སྔ་རྗེས་དུ་མར་ཀརྨ་བཀའ་བརྒྱུད་ཀྱི་སྐུ་གསུང་ཐུགས་རྟེན། རྟེན་འདུས་གནང་མཁན་ཕལ་ཆེར་རྒྱུས་མེད་ཀྱི་མི་རེད། མང་དྲག་པ་དང་། ཁྱབ་ཆེ་བ་ཡིན་ནམ། ང་ལ་སྔོན་སྨོན་ལས་འབྲེལ་ཞིག་ཡོད་པས་ཡིན། རང་གིས་ནི་བྱིན་རླབས་ཐོབ་པ་ཡིན་སྙམ། མཁའ་ཁྱབ་རྡོ་རྗེའི་གསུང་འབུམ་ནི་ལན་གཅིག་ཙམ་མིན། མགོན་པོའི་སྐུ་རྟེན་ཡང་ཕལ་ཆེར་ལན་མང་རེད། སྔོན་ཆད་གཞན་ལ་སྤྲད་པ་ཡིན། ད་ནི་རང་གིས་མཆོད་པ་བྱེད། །

15. ངའི་མ་རྒན་དེས། ཀརྨ་པ་དང་པོ་ནས། ་་་་་་བཅུ་དྲུག་རིག་པའི་རྡོ་རྗེ་ལ་གསོལ་བ་འདེབས། ཀརྨ་པ་ལ་གསོལ་བ་འདེབས། ཀརྨ་པ་ཡི་བྱིན་གྱིས་རློབས། ཞེས་པ་དུས་རྒྱུན་དུ་འདོན་ཞིང་ཕྱག་འཚལ་བ་གནང་། ངའི་གཅེན་པོས། ཁ་འདོན་ཁུངས་མེད་ཨ་མ་རང་གི་རང་བཟོ་བྱས་པ་རེད་ཅེས་འཕྱ་དམོད་ཀྱང་བྱས། ཅོ་ཅོ་ཡང་ཁག་མི་འདུག ཨ་མའི་ཁ་འདོན་ནང་ལ། ་་་་ བྱ་ཡི་སྒོང་ང་གཅེར་བ་ཐོལ་ལོ་བཤགས། ཕྱུག་པོ་སེར་སྣ་ཅན་གྱི་སོགས་མང་དག་ཅིག འདོན་རྒྱུ་འདུག

16. དྲི་མེད་ལྷག་བསམ་ལགས། ང་ལ་དགོས་པད་ེ་ཐ་སྙད་དེ་ཁྱེད་རང་གིས་གསར་དུ་བཟོས་པ་ཡིན་ནམ་སྔོན་བྱོན་མཁས་པའི་གསུང་ལ་དེ་ལྟ་བུའི་ཐ སྙད་ཅིག་སྔར་ནས་ཡོད་པ་ཡིན་ནམ་བསམ་ནས་ཁུངས་བསྟན་རོགས་ཞུས་པ་ཡིན་མོད་དགོས་པའི་ཐ སྙད་དེ་ག་རང་གིས་ཁུངས་སྣེ་སྣ་གཅིག་མ་བསྟན་པར་མི་དགོས་པའི་ཡར་མར་ལུང་པ་གང་བཤད་འདུག ལུང་མང་པོ་ཞིག་དྲངས་འདུག་མོད་དགོས་རྒྱུའི་འཁོར་འདས་བར་ལག་འགྱེལ་ཟེར་བ་དེ་གཅིག་ཀྱང་མི་འདུག

17. ཕལ་ཆེར་འཁོར་འདས་དབྱེར་མེད་ལྟ་བའི་གདིང་ཆེན་ཐོབ། འཁོར་འདས་བར་ལག་འགྱེལ་ཟེར་བ་གཉིས་དོན་གཅིག་མིང་གི་རྣམ་གྲངས་ཡིན་པ་འདྲ།

18. སྤོབས་པ་ལེགས། ཡིད་མགུ་བའི་ལན་ཞིག་མ་བྱུང་བར་དགོངས་འགལ་མེད་པར་ཞུ། བཀའ་སྐྱོན་ཅི་དགར་མཛོད་ཅིག ཁུངས་གང་ཡིད་ལ་བསམ་བློ་བཏང་ནས་སྡོད་ཚེ་ནག་ཐོམ་མེར་གྱུར། གསར་བཟོ་ཡང་ཡིན་སྲིད། ད་དུང་ཞུ་རྒྱུ་མ་རྙེད། རང་གི་གོ་བ་འཁོར་བ་མྱང་འདས་སུ་གྲོལ་བའི་དོན་དུ་དམིགས་ཏེ་དེ་ལྟར་བྲིས་པ་ལེགས། སྤྱིར་ཡིད་ལ་གང་ཤར་ལས་བཟོ་བཅོས་བྱས་ཏེ་བྲིས་པ་མིན། དོན་ལ་འགལ་བ་མེད་དེ། རྒྱུད་ལས། རྟོག་པ་རྣམས་ནི་འཁོར་བ་ཉིད། །རྟོག་པ་མེད་ན་མྱ་ངན་འདས། །ཞེས་པས། བདེན་ཞེན་འཁོར་བའི་རྣམ་པར་རྟོག་པ་རྟོག་མེད་སྤྲོས་བྲལ་ཆོས་སྐུའི་ཀློང་དུ་རོ་གཅིག་ཏུ་གྱུར་བ་ལ་མྱང་འདས་སུ་བརྗོད་པའོ། །དེའང་། གནས་འགྱུར་བར་ལག་འགྱེལ་བ། འཁྲུལ་གྲོལ་བར་ལག་འགྱེལ་བ། སྣང་སེམས་བར་ལག་འགྱེལ་བ། སྐྱེ་འཆི་བར་ལག་འགྱེལ་བ། མཉམ་རྗེས་བར་ལག་འགྱེལ་བ་སོགས་ཕྱག་རྫོགས་ཀྱི་མན་ངག་གི་ཡིག་ཆ་རྣམས་དང་། རྟོགས་པའི་དྭ་ཧ་དག་ལས་བྱུང་བ་གཞུང་བཤད་ལ་མེད་པ་ཅི་རིགས་སྣང་། འདི་དག་གི་དོན་ནི་དཔེ་ཚོང་མཁན་དང་། དཔེ་ཀློག་ཙམ་གྱིས་ཆོག་ཤེས་པའི་རིགས་ཀྱི་བསྐལ་བར་མ་གྱུར་པས། ཞུ་མི་ཤེས་ལ་། ཞུ་ལོང་ཡང་མེད། ལན་མེད་པས་དགོངས་འགལ་མེད་པར་ཞུ།