རབ་ཏུ་བྱུང་བའི་བར་ཆད།

Comments (5) on “རབ་ཏུ་བྱུང་བའི་བར་ཆད།”

1. སྟོན་པས་རབ་ཏུ་བྱུང་བ་ལ་ཆ་རྐྱེན་སྐོར་ཞིག་གསུངས་པའི་ནང་དུ་སྐྲ་སེར་པོ་ཅན་རབ་ཏུ་བྱུང་མི་རུང་བར་གསུངས་པ་ནི་སྐབས་དེའི་རྒྱ་གར་མུ་སྟེགས་པའི་ཆོས་ལུགས་དང་དེའི་རྒྱབ་ཕྱོགས་ཀྱི་སྲིད་དོན་ཕྱོགས་ཁག་ལ་བསྟུན་པ་ཞིག་ཡིན། སྐབས་དེའི་བྲམ་ཟེའི་རིགས་རྒྱུད་ནི་སྐྲ་སེར་པོ་མིག་ལྗང་ཁུ་ཡིན། དེ་ནི་བྲམ་ཟེའི་རིགས་མ་ཉམས་པའི་མཚོན་རྟགས་སུ་བརྩི་བཞིན་ཡོད། འོན་ཀྱང་རིམ་གྱི་བྲམ་ཟེ་རུ་འབོད་པའི་ཡོ་རོབ་ཀྱི་མི་རྒྱུད་དེ་རྒྱ་གར་གདོད་མའི་མི་རྒྱུད་དང་འདྲེས་ནས་ད་ལྟ་དབྱེ་མཚམས་གཏན་ནས་མི་ཤེས་པར་གྱུར་ཡོད། སྐབས་དེའི་བྲམ་ཟེའི་མཐོ་རིམ་དབང་འཛིན་པ་ཕལ་མོ་ཆེས་དགེ་སྦྱོང་གོའུ་ཏམ་གྱིས་གསར་བཏོད་ཆོས་ལུགས་དེ་ལ་གཏན་ནས་དགའ་བཞིན་མེད་པ་མ་ཟད། ཁོ་ཚོའི་རྗེས་སྐྱོང་བ་ཚོ་ཡང་ཆོས་ལུགས་དེར་ཞུགས་པར་དགག་བྱ་ཆེན་པོ་བྱེད་ཀྱི་ཡོད། སྟོན་པ་བཅོམ་ལྡན་འདས་ཀྱིས་རང་དང་རང་གི་རྗེས་སྐྱོང་བ་ཚོའི་བདེ་འཇགས་དང་། རླབས་ཆེ་བའི་དགོངས་དོན་ཟབ་མོ་དེའི་མ་འོངས་པར་ཐུགས་དགོངས་གཏད་ནས་སྐྲ་སེར་པོ་ཅན་རབ་ཏུ་བྱུང་བར་དགག་བྱ་བྱས་ཡོད། ད་ལྟའི་ཕྱི་གླིང་མགོ་སེར་ཚོ་ལ་གནས་དུས་གང་གི་དབང་དུ་བྱས་ཀྱང་དེ་འདྲ་དགག་བྱ་བེད་མི་རུང་། ཨ་ལགས་ཁྱེད་སར་སྡོམ་ཞུ་མཁན་སུ་ཞིག་སླེབས་ན་གནང་རྐྱང་གྱིས་དང་གནད་འགག་གཏན་ནས་མེད། དེའི་ཕྱོགས་གནས་གླེན་པ་ལུག་གིས་འགན་ཁུར་ཐུབ།

2. ཨོ་ན་དེང་སང་ཡང་ཡེ་ཤུའི་ལྟ་བ་མཁྲེགས་འཛིན་ཅན་ཧ་ཅང་མང་པོ་ཞིག་གིས་ནང་བསྟན་ནུབ་ཕྱོགས་སུ་དར་བར་ཧ་ཅང་མ་རངས་པ་བྱེད་ཀྱི་ཡོད་ལ། ལྷག་པར་ཨ་རིའི་ནང་གི་ལྟ་བ་མཁྲེགས་འཛིན་པ་སྐོར་ཞིག་གོང་ས་མཆོག་གི་ཡུལ་འདིའི་ནང་དུ་ཉི་མའི་འོད་ལྟར་ཁྱབ་བཞིན་པའི་མཛད་འཕྲིན་ལ་ཕྲག་དོག་གིས་སྐུར་འདེབས་བྱེད་བཞིན་ཡོད། ལོ་ཤས་གོང་ཡེ་ཤུ་བའི་མཐོ་རིམ་མི་སྣ་ཞིག་གིས་ཨ་རི་ནི་ཡེ་ཤུའི་ལུང་པ་ཞིག་ཡིན་པས་ཏྰ་ལའི་བླ་མ་འདི་རུ་ག་རེ་བྱེད་དུ་ཡོང་བ་རེད་ཟེར་བ་འདྲ་བོ་མི་འདོད་པའི་རྣམ་འགྱུར་བསྟན་སོང་ལ། གོང་ས་མཆོག་གིས་ཀྱང་གནད་འགག་འདི་གཟིགས་ནས་རྟག་པར་ནུབ་ཕྱོགས་པ་ཚོའི་ཕ་མེས་ཀྱི་ཆོས་ལུགས་དེ་ཡེ་ཤུའི་རིང་ལུགས་ཡིན་པས་རིང་ལུགས་དེ་རང་བསྐྱངས་ན་དགའ་གི་རེད། རང་རང་གི་ཕ་མེས་ནས་བརྒྱུད་པའི་ཆོས་ལུགས་བརྗེ་བོ་བརྒྱབ་ན་དཀའ་ངལ་དང་འཕྲད་ཀྱི་རེད་ཅེས་བཀའ་གནང་གིན་འདུག་པས། སྐྲ་སེར་སྐྱ་ཅན་རབ་ཏུ་བྱུང་མི་རུང་བའི་ཁྲིམས་དེ་ཡུལ་འདིར་ལྷག་པར་རྩི་སྲུང་བྱེད་དགོས་པ་འདྲ་བོ་ཞིག་འདུག ཡིན་ན་ཡང་། ཨ་རི་བ་འདི་ཚོ་ཨ་གསར་ལ་དགའ་བ་ཡིན་པས། ནང་པ་ལ་ཞུགས་ནས་ངའི་མི་ཚེར་འགྱུར་བ་ཐེབས་སོང་ཟེར་མཁན་མང་པོ་ཞིག་འདུག དགོད་བྲོ་བ་ཞིག་ལ་ཁོ་རི་ཡ་འདི་ཚོ་རང་རང་གི་ལུང་པ་ནས་ནང་པའི་རྗེས་འཇུག་ཡིན་ན་ཡང་ཨ་རིར་བསླེབས་མ་ཐག་ཡེ་ཤུ་ལ་འགྱུར་འགྲོ་གིན་འདུག་པས། འདི་ཚོས་ནང་པའི་ཞན་ཆ་དང་ཡེ་ཤུའི་བཟང་ཆ་ཅི་ཞིག་མཐོང་བ་ཡིན་ནམ། གང་ལྟར་ངས་ནི་འདི་གར་སྐྱབས་འགྲོའི་སྡོམ་པ་རེ་དགོས་ཟེར་མཁན་སུ་ཡིན་ལ་སྤྲོད་བཞིན་ཡོད། མཐའ་འཁོབ་ཀྱི་ཡུལ་དུ་མི་ཞིག་གི་རྣ་ལམ་དུ་སངས་རྒྱས་ཀྱི་མཚན་ལན་གཅིག་བསྒྲགས་ན་ཡང་དེ་ཡི་རྒྱུད་ལ་ཐར་པའི་ས་བོན་ཞིག་ཐེབས་རྒྱུ་རེད་རྟག་པར་དྲན་བཞིན་ཡོད། རབ་བྱུང་གི་སྡོམ་པ་དེ་མི་ང་འདྲ་བ་ཞིག་གིས་སྤྲོད་ཐུབ་པ་ཞིག་མ་རེད་ལ་ནུབ་ཕྱོགས་པ་འདི་ཚོ་ལས་ཀ་དང་ཕྱོགས་གང་ཅིའི་ཐད་ནས་རབ་ཏུ་འབྱུང་ཐུབ་ཀྱི་མི་འདུག་ལ། རབ་ཏུ་བྱུང་ན་ཡང་ཅང་མ་འགོར་རབ་ཏུ་འཛུལ་ཡོང་གི་འདུག

3. ྐླུ་སྨྱོན་ལགས། འདིའི་སྐོར་ཞིག་ཨ་མདོ་དགེ་འདུན་ཆོས་འཕེལ་གྱི་གཏམ་རྒྱུད་གསེར་ཐང་དུ་དོགས་གཅོད་ཡག་པོ་ཞིག་བྱས་འདུག་ག དེ་ཕལ་ཆེར་ཁྱེད་ཀྱིས་གཟིགས་ཡོད་རྒྱུ་རེད། ཨ་མདོ་དགེ་འདུན་ཆོས་འཕེལ་གྱིས་སྐྲ་སེར་ཅན་གྱི་ཨ་རུ་སུ་པ་ཞིག་རབ་ཏུ་དབྱུངས་ཡང་འགལ་བ་མེད་པར་མངོན་ནོ་ཞེས་གསུངས་འདུག མངའ་རིས་པཎ་ཆེན་གྱི་སྡོམ་གསུམ་དུ། སྐྲ་སེར་ཅན་སོགས་མཛེས་པའི་བར་ཆད་མེད། །ཅེས་མཛེས་པའི་བར་ཆད་དུ་འགྱུར་བ་ཞིག་མིན་དགོས་ཚུལ་ལས་སྐྲ་སེར་ཅན་ཡིན་པ་ཙམ་གྱིས་བར་ཆད་དུ་འགྱུར་བས་ཁྱབ་མེད་པ་འདྲ།
   སྤྱིར་བཏང་དེ་ལྟར་དོགས་སློང་བྱས་ན་རྒྱལ་པོས་མ་གནང་བ་ཡང་བར་ཆད་བཞིའི་གྲས་ཀྱི་གཅིག་ཡིན་པས་རྒྱ་ནག་གཞུང་གིས་ལོ་བཅོ་བརྒྱད་ལ་མ་སོན་པ་རྣམས་གྲྭ་བ་བྱེད་མི་ཆོག་པར་ཁྲིམས་བཅས་ཡོད་སྟབས་བོད་ཀྱི་གྲྭ་བ་ཕལ་མོ་ཆེ་ལོ་ཅོ་བརྒྱད་ཀྱི་སྔོན་ནས་རབ་བྱུང་བྱེད་ཀྱི་ཡོད་པས་དེ་ཚོ་ཡང་སྡོམ་པ་སྐྱེ་བའི་བར་ཆད་ཅན་དུ་གྱུར་ཡོད་པ་འདྲ།
   འདུལ་བ་འདི་དཀའ་མོ་རེད། དཔྱད་ཀྱིན་དཔྱད་ཀྱིན་སྡོམ་པ་ཡོད་མཁན་གཅིག་ཀྱང་མེད་པ་འདྲ་བའི་ཚོར་སྣང་ཞིག་ཡོང་གིན་འདུག ཨོྃ་བ་ཛྲ་ས་ཏྭ་ཧཱུྃ།

4. གླེན་པ་ལུག་ལ་ཉན་རྒྱུ་མི་འདུག སྟོན་པའི་སློབ་མའི་ཐུ་བོ་ཤཱ་རིའི་བུ་མོའུ་འགལ་གྱི་བུ། དེ་བཞིན་འོད་སྲུང་ཆེན་པོ་སོགས་ཀྱང་བྲམ་ཟེའི་རིགས་ཡིན་པས་བྲམ་ཟེ་དགག་ཆེད་ཡིན་ཟེར་བ་མི་བདེན། ཡིན་ན་ཡང་གླེན་པ་ལུག་གིས་ཨ་མདོ་དགེ་འདུན་ཆོས་འཕེལ་གྱི་དོགས་གཅོད་དེ་མཐོང་མྱོང་བ་འདྲ། ཨ་མདོ་དགེ་འདུན་ཆོས་འཕེལ་གྱིས་སྐྲ་སེར་ཅན་ཡིན་པ་ཙམ་གྱིས་བར་ཆད་དུ་མི་འགྱུར་བའི་སྒྲུབ་བྱེད་དུ་བྲམ་ཟེའི་རིགས་ངོ་མའི་སྐྲ་སེར་པོ་ཡིན་སྟབས་སྐྲ་སེར་ཅན་ཡིན་ཚད་སྡོམ་པ་སྐྱེ་བའི་བར་ཆད་དུ་མི་འགྱུར་ཚུལ་གསུངས་འདུག གླེན་པ་ལུག་གིས་དོགས་གཅོད་དེ་མཐོང་བ་ཙམ་ལས་དོན་ལེགས་པོ་ཞིག་གོ་མེད་པའམ་བརྗེད་ཟིན་པ་འདྲ།

5. དགེ་ཆོས་ཀྱི་དེ་ངས་ལོ་མང་སྔོན་ནས་མཐོང་ཟིན། ཡིན་ན་ཡང་དེས་འདོད་པ་ཅུང་མ་ཚིམས་ནས་དོགས་སློང་བྱས་པ་ལགས། དེ་དུས་ཀྱི་བྲམ་ཟེ་ཚང་མ་སྐྲ་སེར་མིག་སྔོ་ཡིན་པའི་སྒྲུབ་བྱེད་ཅིག་ཨེ་ཡོད་ན། བྲམ་ཟེ་ཚང་མ་ལུང་པ་གཅིག་གི་མི་ག་ལ་ཡིན།