མི་ཉག་སྐལ་བཟང་།
ཞི་བདེ་དང་ལྷིང་འཇགས་དཀྲོགས་པའི་ཁོར་ཡུག་གི་གྲུ་ཁ་རེ་རེར།
འཁང་ར་དང་ཕྲག་དོག་གིས་རླུང་འཚུབ་ལྡང་བཞིན།
གཡོ་སྒྱུ་དང་ཁ་ཡག་གིས་མི་ཚེ་རྫོགས་དུས།
རིན་ཐང་དང་བྲོ་བ་མེད་པའི་བརྩེ་གདུང་འདི་ང་ལ་མི་དགོས།
ན་ཟླ་ཚོ། ཆུང་མ་མི་དགོས། ཆང་འཁྱེར་ཤོག
མཚམས་སྤྲིན་དང་དུ་ཞག་འཁྲིགས་པའི་ཉིན་མོ་རེ་རེར།
དགའ་སྡང་དང་ཆགས་ཞེན་གྱིས་ཁ་ལོ་བསྒྱུར་བཞིན།
སྐྱོ་གདུང་དང་འགྱོད་སེམས་ཀྱིས་མི་ཚེ་དེ་རྫོགས་དུས།
རྨ་ཁ་ཆེ་ཞིང་ན་ཟུག་མང་བའི་བརྩེ་གདུང་འདི་ང་ལ་མི་དགོས།
ན་ཟླ་ཚོ། ཆུང་མ་དགོས། ཆང་འཁྱེར་ཤོག
ལྷ་འདྲེ་དང་གདོན་འདྲེ་མང་བའི་རི་གྲོང་རེ་རེར།
རྒོལ་གཏམ་དང་ངུ་ངག་གིས་རི་ཀླུང་ཁེངས་བཞིན།
རེ་དོགས་དང་རྨི་ལམ་གྱི་མི་ཚེ་དེ་རྫོགས་དུས།
བཅོས་མ་དང་བསླུ་བྲིད་ཀྱིས་བརྩེ་གདུང་འདི་ང་ལ་མི་དགོས།
ན་ཟླ་ཚོ། ཆུང་མ་མི་དགོས། ཆང་འཁྱེར་ཤོག
འགག་འཕྲེང་དང་ཀྱག་ཀྱོག་གི་ལམ་ཁ་རེ་རེར།
ངན་སེམས་དང་འགྲན་སེམས་ཀྱིས་བུ་ཡུག་འཚུབ་བཞིན།
འཐོབ་ཤོར་དང་གཞན་དབང་གི་མི་ཚེ་དེ་རྫོགས་དུས།
གྱ་གྱུ་དང་ཆག་གྲུམ་གྱི་བརྩེ་གདུང་དེ་ང་ལ་མི་དགོས།
ན་ཟླ་ཚོ། ཆུང་མ་མི་དགོས། ཆང་འཁྱེར་ཤོག
ཆང་འཐུང་ར་བཟི་ནས་ཞབས་འདྲེན་ལས་རང་སྲོག་རྔ་མ་འདྲ་བ་དེ་བཅད་ཤོག་དང་སྒྲུང་རྫོགས་མ་རེད་དམ། ཅ་ཟིང་པོ་དེ་འདྲ་དགོས་མ་རེད་གདའ།
ཆུང་མ་དང་པོ་ཨ་ནེ་བླངས།།
ཆུང་མ་གཉིས་པ་སོག་མོ་བླངས།།
ཆུང་མ་གསུམ་པ་མགོ་སེར་བླངས།།
བྱ་བྱེད་བཙོག་ན་དེ་འདྲ་རེད།།
ཆུང་མ་མི་དགོས་ན་གྲ་པ་བྱས་ན་ཡག་ལེ་རེད་ཆང་ཉོ་
རྒྱུའི་ཌོ་ལར་མང་པོ་ཐོབ་ལེ་རེད་ཨ་རོ་ཧ་གོ་ཨེ་ཐི་།
མི་ཉག་སྐལ་བཟང་ཟེར་བ་འདི་རྩོམ་རྐུན་ཞིག་རེད་འདུག རྩོམ་འདི་བོད་ནང་གི་རྩོམ་པ་པོ་རྨ་འོད་ཀྱིས་བྲིས་པ་རེད།
མཁས་དབང་ཨོ་ཤོས།
དིང་དུས་ཆུང་མ་མི་དགོས་ཤིང་། །
ཁྱོ་གའང་ཡོད་པས་ཅི་ལ་ཕན། །
བུ་ཕྲུག་སྤྱི་ཚོགས་ཚོགས་པས་སྐྱོངས། །
དེ་ལ་ཨ་ཞང་ཨ་སྲུ་མང་། །
བུ་ཕོར་ཕ་ཡི་ཁོང་ཁྲོ་ཉུང་། །
བུ་མོར་མ་ཡི་གཡོ་ཐབས་ཉུང་། །
ཛམ་གླིང་ཞི་བདེར་ཕན་པ་དང་། །
མི་འབོར་འཕྲི་བའང་འདི་ཡིས་ཕན། །
ཞེས་པ་ལྟ་བུ་ཨིན་སྐད་དུ་གསུངས་འདུག འདི་ཕོ་ཧྲང་དང་། མོ་ཧྲང་ཚོ་ལ་གདམས་པའོ།།
ཡག་མོ་སྐྲག་མོ་འགུ
ཆུང་མ་མི་དགོས་ཆང་འཁྱེར་ལགས། །
་
བུད་མེད་མཁའ་འགྲོའི་རིགས་ཡིན་པས། །
དེ་དང་འབྲེལ་ན་བསམ་དོན་གྲུབ། །
་
ཆང་ནི་ཉེས་པ་ཀུན་གྱི་གཞི། །
དེ་དང་བྲལ་ན་བསམ་དོན་གྲུབ། །
་
བླ་མ་ཀརྡོས་གདམས་པའོ། །ཧ་ཧ། ཀུ་རེ་དང་། བཅས་སོ།། །།
ཆང་ནི་དམ་ཚིག་ཀུན་གྱི་རྩ་བ་སྟེ་།
ཨམ་ཆོག་ཞུམ་པར་བྱས་ནས་ཐུང་བར་བྱ་།
ཆང་ནི་ཉེས་པ་ཀུན་གྱི་གཙོ་བོ་སྟེ་།
རྩ་སྟེང་ཟིལ་བ་ཙམ་ཡང་སྤང་བར་བྱ་།