ཀུ་ཤུ་གསར་གཏོད་པ་སི་ཊེབ་ཇཱོབ་སི་ལས་བསླབ་འོས་པའི་འཚོ་བའི་སློབ་ཚན་བཅུ།

རྐ་སྲས།

 
ང་ཚོར་སུ་ཊེབ་ཇྷོབ་སུ་གཞན་པ་ཞིག་ཡོང་རྒྱུ་མེད་པ་སོམ་སྙི་མེད་ལ་དེ་ཐད་ང་ཚོས་ཅི་ཡང་བྱེད་མི་ཐུབ། འོན་ཀྱང་ཁོང་གིས་ང་ཚོར་རྨད་དུ་བྱུང་བའི་ཀུ་ཤུའི་ཐོན་རྫས་འདི་འདྲ་ཞིག་གནང་པར་རྟག་དུ་བཀའ་དྲིན་ཞུ་བར་འོས། ཀུ་ཤུའི་གཙོ་སྐྱོང་བ་ཟུར་བའི་འཚོ་བ་གཅིག་པུའི་ནང་དུའང་སློབ་ཚན་ཞིག་ཡོད། ལྷག་པར་དུ། ཐོག་མར་ཁོང་གིས་འགྲོ་གྲོན་ཡང་ཁ་མི་འཐབ་པའི་ཚོང་གཉེར་ཁང་དེ་ཡོང་སྒོ་སྟེར་ཐུབ་པའི་ཚོང་ལས་ཁང་ཞིག་ཏུ་བསྐྲུན་ནས་ཚོང་གཉེར་བ་དག་ལ་མ་འོངས་བའི་ལེགས་འགྲུབ་མཐོང་དུ་བཅུག་པ་དེ་རེད།
མི་སུ་ལ་ཡང་ཁོ་ནང་བཞིན་གཏམ་བཤད་བྱེད་སྐབས་དང་རང་གི་འཆར་སྒོ་གླེང་སྐབས་ཀྱི་འགུགས་ཤུགས་དེ་འདྲ་ཞིག་མེད། ཁོས་མགོ་ཁྲིད་པའི་མི་ལ་མཐུན་མི་ཀྱི་ཁྱད་ཆོས་ཤིག་ཡོད། ཁོའི་ཚོང་ལས་ཁང་འདིས་སྟུད་མར་ཐོན་རྫས iMac, iTunes, Apple Store, ipad བཅས་བཏོན་པ་རེད།

༡༽ གལ་ཏེ་ཁྱེད་ཀྱིས་ཅི་ཞིག་བཙོང་འདོད་ཚེ། ཁྱེད་རང་མི་གཞན་རྟོགས་ཐུབ་མཁན་ཞིག་བྱེད་དགོས། གལ་ཏེ་ཁྱེད་ཀྱི་བསམ་ཚུལ་ཞིག་གམ་ཐོན་དངོས་ཞིག་ཞབས་ཞུའི་རྣམས་གྲངས་ཤིག་སུ་ཞིག་ལ་བཙོང་འདོད་ཚེ་ཁྱེད་ཀྱིས་རང་ཉིད་ཐོན་དངོས་དེ་བཙོང་ཡུལ་གྱི་མི་དེའི་སར་བཞག་ནས་བྱ་བ་བསྒྲུབ་དགོས། ཁྱེད་ཀྱིས་ཁྱད་དུ་འཕགས་པའི་ཐོན་དངོས་ཤིག་བཟོ་འདོད་ཚེ་ཁྱེད་རང་ཐོན་དངོས་དེ་འཛད་སྤྱོད་པ་ཞིག་ཡིན་པའི་བལྟ་སྟངས་ཀྱི་ཐོག་ནས་བསམ་བློ་གཏོང་དགོས།
འདི་ལ་གཞན་རྟོགས་པ་ཟེར།

༢༽ རང་ཉིད་སྤྲོ་སྣང་ཡོད་སའི་བྱ་བ་བསྒྲུབ་དགོས། སུ་ཊེབ་ཇྷོབ་ཀྱིས་ཅི་ཞིག་བསྒྲུབས་པ་རེད། རང་ཉིད་སྤྲོ་ཡོད་པ་ཞིག་ལས་ཅི་ཡང་སྒྲུབ་མེད་དེ་ཁོས་ཚོང་གཉེར་ཁང་དེའི་དབུ་ཁྲིད་པ་རེད། ལས་དཀའི་ཕྱོགས་ནས་མི་ཚང་མར་རང་ཉིད་བཟང་སའི་ལས་དཀའ་དང་མི་བཟང་སའི་ལས་དཀའ་ཡོད་པ་རེད། དེར་རྟེན་སོ་སོས་རང་ཉིད་ལ་གཏིང་འདྲི་བྱེད་དགོས། ལས་དཀའ་འདི་ང་ལ་འཚམ་མམ་མི་འཚམ། ཁྱེད་ཀྱིས་ལས་དཀའ་བྱས་ན་རང་ཉིད་སྐྱིད་པོ་ཡོད་མེད་ཡང་འདྲི་དགོས། དང་པོ་ལས་དཀའ་དེ་ཁྱེད་ཀྱི་འདོད་པ་ཁེངས་བ་ཞིག་ཡིན་དགོས།

༣༽ ཐོན་དངོས་ཀྱིས་འཚོ་བའི་དགོས་མཁོར་ཕྱོགས་པ་མཁས་དགོས། འོན་ཀྱང་རེ་ཟུང་ཞིག་གི་དགོས་མཁོ་ཕྱོགས་མི་རུང་། ཐོན་དངོས་ཀྱི་རྒྱུ་སྤུས་ཀྱི་ཕྱོགས་ནས་རྩེར་སོན་པ་བྱེད་དགོས་ཡིན་ན་ཡང་ཁྱད་འཕགས་ཀྱི་སྤུས་ཀའི་རྐྱེན་པས་ཐོན་དངོས་དེ་འཛད་སྤྱོད་པ་མང་མང་གིས་ལོངས་སྤྱོད་དཀའ་བར་འགྱུར་མི་རུང་། གོང་ཚད་ཀྱི་ཐད་ནས་ཉོ་ཐུབ་པ་དགོས། གང་ལྟར་ཚོང་གཉེར་ཁང་དེས་ཐོན་དངོས་ཀྱི་རིན་གོང་དམའ་པོའི་ཐོག་ནས་དངུལ་གསོག་པའི་ཐབས་ལམ་གཉེར་དགོས།

༤༽ རིན་ཐང་མེད་པའི་ལས་གཉེར་བར་བཟོད་སྲན་བྱེད་མི་འོས། སུ་ཊེབ་ཇཱོབ་ཀྱི་ཚོང་གཉེར་ཁང་དུ་རིན་ཐང་མེད་པའི་ལས་གཉེར་བའི་ཁ་གྲངས་གཏན་ནས་འཕེལ་དུ་བཅུག་མེད། རིན་ཐང་མེད་པའི་ལས་གཉེར་བས་སྙིང་པོ་མེད་པའི་ཐག་གཅོད་བྱེད་ཅིང་གཞན་གྱི་ནུས་པ་ཞ་བར་བྱེད་པས་དེ་དག་ཁྱེད་ཀྱི་ཉེ་འཁོར་རམ་ཚོང་གཉེར་ཁང་དུ་གཞི་རྐང་གཟུག་ཏུ་འཇུག་མི་འོས།

༥༽ ཅི་ལྟར་མགོ་ཁྲིད་སྟངས་ཤེས་པར་བྱེད་དགོས། གལ་ཏེ་ཁྱེད་ཀྱིས་ཧ་ཅང་ལེགས་འགྲུབ་འབྱུང་བའི་ཚོང་ལས་ཁང་ཞིག་གཉེར་འདོད་ཚེ་ཁྱེད་རང་གཅིག་པུས་ཡོད་ཚད་སྒྲུབ་ཐུབ་ཐབས་མེད། ཁྱེད་ལ་འགན་འཁྲི་ཐེག་ཅིང་ལྷན་སྐྱེས་ཀྱི་ཁྱད་ནུས་ལྡན་པའི་མི་དགོས། ཡང་གཅིག་བཤད་ན། གལ་ཏེ་ཁྱེད་ཀྱིས་རང་གི་འཆར་སྒོ་དེ་རྨད་དུ་བྱུང་བ་ཞིག་ཏུ་འཁྱོངས་བཞིན་པ་མཐོང་འདོད་ཡོད་ན་ཁྱེད་རང་མགོ་ཁྲིད་བཟང་པོ་ཞིག་གམ་གཉེར་བ་ཕུལ་དུ་བྱུང་བ་ཞིག་བྱེད་དགོས།

༦༽ རང་ཉིད་ཀྱི་འཕྲོད་བསྟེན་ལ་རྩེད་ཆས་བྱེད་མི་རུང་། བྱ་བ་སྒྲུབ་པ་ནི་ལེཊ་པ་ཞིག་རེད། འོན་ཀྱང་རང་ཉིད་ཀྱི་འཕྲོད་བསྟེན་དེ་ལ་བརྗེ་མི་རུང་། ལྷག་པར་དུ་སྨན་པས་ཁྱེད་ལ་ཛ་དྲག་གི་འཛུབ་སྟོན་བྱེད་སྐབས། སྨན་པས་ཆ་རྐྱེན་བཏོན་པ་བཞིན་སུ་ཊེབ་ཇཱོབ་ཀྱིས་ཁོའི་སྐྲན་ནག་ལ་དོ་ཁུར་ནན་མོ་བྱས་ཡོད་ན་ཕལ་ཆེར་ཁོ་པ་ད་དུང་འཚོ་ཡོད་སྲིད།

༧༽ བྱ་གཞག་གི་དམའ་རིམ་རིན་ཐང་རྟོགས་དགོས། ཁྱེད་ཀྱིས་སྒྲུབ་བཞིན་པའི་བྱ་བ་དེ་ཅི་འདྲའི་ཆུང་ཆུང་ཞིག་ཡིན་ཡང་ཁྱེད་ཀྱིས་ལས་ཀ་དེ་སྤོབས་པ་ཞིག་དུ་མཐོང་པར་རིཊ། ཁྱེད་ཀྱིས་ལས་གཉེར་བ་དག་ནམ་ཡང་ཁོ་ཚོའི་འགན་འཁྲི་ལས་བྱོལ་དུ་འཇུག་མི་རུང་། ཡང་གཅིག་བཤད་ན། ཚོང་ལས་ཀྱི་དམའ་རིམ་ནས་བྱུང་བཞིན་པའི་དོན་རྐྱེན་དང་འབྲེལ་མེད་དུ་ནམ་ནམ་གཞར་ཡང་ལྷག་མི་རུང་།

༨༽ ཚོང་གཉེར་ཁང་གཞན་དག་ཕམ་པར་རྒྱག་པ་ལས། ཚོང་ལས་རོལ་རྩེད་ཀྱི་ངོ་བོ་བསྒྱུར་ཤེས་དགོས། སྒྲེལDellཚོང་གཉེར་ཁང་ཕམ་པར་རྒྱག་རྒྱུའི་ཚབ་དུ་སྐབས་དེར་ཀུ་ཤུ་ཚང་གིས་ཀུ་ཤུའི་ཐོན་དངོས་མང་པོ་ཞིག་བསྐྲུན་དེ་གཞན་ལས་ནུས་ཤུཊ་ཆེ་བའི་རོལ་རྩེད་པ་ཞིག་བྱས་པ་རེད། ཁྱེད་ཀྱི་འགྲན་ཡ་ཕམ་དུ་འཇུག་ཐབས་བྱེད་པ་ལས་གཞན་དང་གཏན་ནས་མི་འདྲ་བ་ཞིག་འཁྱོངས་ཐབས་བྱེད་དགོས།

༩༽ རྒྱུན་པར་དམིགས་ཡུལ་གཅིག་འགྲུབ་རྗེས་སུ་དམིགས་འདུག་གསར་བ་ཞིག་གཉེར་དགོས། གལ་ཏེ་ཁྱེད་ཀྱི་དམིགས་ཡུལ་ཞིག་འགྲུབ་ཟིན་ན་དམིགས་ཡུལ་གསར་བ་ཞིག་ཟུངས། སྤྱིར་ཆེས་མཐོའི་འགན་འཛིན་རྣམས་དང་གཉེར་བ་རྒན་གྲས་ཀྱི་བྱས་རྗེས་གཞག་པར་དམིགས་ཡུལ་གསར་བ་བསྒོས་ནས་མུ་མཐུད་ལས་གཉེར་བྱེད་དུ་བཅུག་པ་ལས་ཁོང་ཅག་ལ་དཔལ་འབྱོར་གྱི་བྱ་དགའ་སྟེར་ཞིང་ཁོ་ཚོའི་འདྲ་པར་དུས་དེབ་ཀྱི་ཁ་ཤོག་དག་དུ་འགོད་པར་བྱ།

༡༠༽ ཐུམ་སྒྲིལ་ཚོང་ཟོག་དང་འགྲེམ་བསྟོན་གཉིས་ཀ་གལ་ཆེན་པོ་ཡིན། ཁྱེད་ཀྱི་ཚོང་ཅི་ཞིག་བྱེད་ཀྱིན་ཡོད་མིན་ལ་མ་ལྟོས་པར་ཚོང་ལས་ཁྲོད་དུ་ལེགས་འགྲུབ་ཀྱི་རྒྱུད་རིམ་ཞིག་ཅིས་ཀྱང་དགོས། གང་ལྟར་དེ་ནི་འགྲོ་བ་མིའི་གཉུག་གཤིས་ཁོ་ན་སྟེ་གསར་སྙེགས་ཀྱི་འདུན་པས་བཀུག་པ་ཞིག་ཀྱང་རེད།