བློ་བཟང་ཆོས་འབྱོར།
——————————-
དགེ་རྒན་ཆེན་མོ་ཀྲང་གིས་ཏ྄་ལའི་བླ་མ་ཐུགས་སྨོན་སྐྱབས་འཇུག་ཏུ་ཕེབས་ཐུབ་མིན་བོད་མི་ཚོར་རག་ལས་ཀྱི་མེད་འགྲོ་ཞེས་ང་ལ་མྱ་ངན་བྱེད་རོགས་བྱས་སོང༌། སྙིང་གི་ནུ་བོའི་ཞེ་དགུའི་མར་མེ་མ་གཟིམ་གོང༌། ཤ་གོག་བརྩེགས་མའི་བཤས་ར་འདྲ་བ་དེ་ནི་ངའི་སྤུན་ཟླ་ཚོའི་བེམ་པོ་རེད་ཟེར། དུ་བ་དམར་ནག་ལྷོག་ལྷོག་འཕྱུར་སྟངས་དེས་ཀྱང་ལྷ་སྲུང་གཞི་བདག་ནས་ཐད་ཀར་བརྒྱུད་པའི་འདུ་ཤེས་ཤིག་ལ་བསྐྱར་ཞིབ་བྱས་ན་འདོད་ཀྱང༌། དེ་རིང་སང་ཉིན་ང་ཚོ་དངོས་གནས་སྨོན་ལམ་རྒྱག་རྒྱུ་ལས་བྱ་ཐབས་ཅི་ཞིག་ཡོད་དམ། ས་སྒང་རིལ་རིལ་འདིའི་སྟེང་གི་གངས་ཅན་པ་ཚོས་རང་བྱུང་གོད་ཆགས་འདིར་གདུང་སེམས་ཆེན་པོས་གང་ཡོང་ཅི་ཡོང་བྱེད་བཞིན་འདུག་པས། འུ་ཐུག་ནས་བློ་བདེར་འབབ་ནུས་མོད། ས་འགུལ་འདི་བརྒྱུད་ནས་ང་ཚོས་ངེས་པར་ཏུ་ཞིབ་འཇུག་བྱེད་དགོས་པའི་གནད་དོན་ཁ་ཤས་འདུག
དང་པོ། ཁོ་བོའི་གོ་ཐོས་ལ། ད་རེས་འཐོར་བཤིག་ཏུ་གྱུར་བའི་སྡོད་ཁང་མང་ཆེ་བ། རྒྱུ་ཆ་བྱེ་མ་དང་ཨར་འདམ་བསྲེས་སྦྱོར་གྱི་སོ་ཕག་འདྲ་བ་གྲུ་བཞི་ཁོག་སྟོང་ཆེན་པོ་དེས་བརྩིགས་པ་རྐྱང་རྐྱང་རེད་ཟེར། དེ་ནི་འབྲོག་པ་རྣམས་རོང་ས་དང་གྲོང་ཁྱེར་དུ་གནས་སྤོས་ཀྱིས་རིན་གོང་བདེ་བའི་སོ་ཕག་གྲུ་བཞི་ཆེན་པོ་དེ་བེད་སྤྱོད་བཞིན་ཡོད་པ་རེད། ཡང་སྒོས་བོད་རིགས་རང་སྐྱོང་ས་ཁུལ་ཁག་ཏུ་སྡོད་ཁང་རྒྱག་པར་ཁྲིམས་མཐུན་གྱི་ཞིབ་འཇུག་དང༌། ཁང་པའི་སྤུས་ཚད་དང་བེད་སྤྱོད་གཏོང་བའི་ལོ་ཚད་བཅས་ལ་ཁེག་ཐེག་དང་འགན་སྲུང་གང་ཡང་བྱེད་ཀྱི་མེད་པས་བོད་ཐོག་འཛིན་པའི་རྣམ་འགྱུར་ལ་ད་ཐེངས་ལན་གསལ་ཐེབས་ཡོད་པ།
གཉིས་པ། སྤྱིར་བོད་ས་ཡོངས་སུ་འབྲོག་པའི་རྩ་ས་བཅད་བགོས་ཀྱིས་འཚོ་གནས་ཐུབ་ཐབས་བྲལ་ཏེ་གྲོང་ཁྱེར་ཀྱི་ཉེ་འདབས་སུ་འཕྲལ་སེལ་ལྟ་བུའི་སྡོད་ཁང་དུ་གནས་བཞིན་པའི་ནང༌། ད་ཐེངས་ཁུལ་དེར་རྐྱེན་འདས་སུ་ཕྱིན་པ་ག་ཚོད་ཡོད་མེད་རྒྱ་ནག་གཞུང་གིས་གསལ་ཁ་བྱེད་དགོས་ཤིང༌། རོགས་སྐྱོར་གྱི་སྲིད་ཇུས་འགྲོ་བཞིན་པའི་ཁང་པའི་སྤུས་ཚད་ལ་གཞིས་ལུས་བོད་མི་ཚོས་བསྐྱར་དུ་ཞིབ་འཇུག་བྱ་རྒྱུ་ནི་གལ་ཆེན་ཞིག་མིན་ནམ་སེམས། ལྷག་དོན་རྒྱ་ནག་གཞུང་གི་རྩ་ས་བཅད་བགོས་ཀྱི་སྲིད་ཇུས་དེས་དམིགས་ཡུལ་དོན་འཁྱོལ་ལྟ་བུར་ལྡོག་ཕྱོགས་ཀྱི་གྲུབ་འབྲས་ཐོབ་པ་རེད།
གསུམ་པ། ས་ཡོམ་མ་བརྒྱབས་པའི་སྔ་ནུབ་དེར་གསར་འགྱུར་བརྒྱུད་ལམ་ཞིག་ནས་ས་ཡོམ་གྱི་ཉེན་བརྡ་བཏང་ཚུལ་གྱི་སྐད་ཆ་ཞིག་ཁྱབ་བཞིན་པ་འདྲ། འོན་ཀྱང་ད་ལྟ་རྒྱ་ནག་ཞུང་གི་གཟབ་མནན་རང་བཞིན་ལས་གཅིག་བྱས་ན་འདིའི་ཐད་སྐད་ཆ་ཚིག་གཅིག་ཀྱང་ཡོང་མི་སྲིད་པ་རེད། གང་ལྟར་ཐའེ་ཝན་དང་ཉི་ཧོང་གིས་མཚོན་པའི་ས་ཡོམ་དང་མཚོ་རླུང་ཆེ་ས་མང་ཆེ་བས་རང་རང་གི་རྒྱལ་ཁབ་དང་སྤྱིར་ཨེ་ཤ་ཡའི་འབྱུང་ཁམས་ལ་ཞིབ་འཇུག་གིས་མི་མང་ལ་སྔོན་བརྡ་རྟག་ཏུ་གཏོང་བཞིན་པ་རེད། འོན་ཀྱང༌། རྒྱ་ནག་གཞུང་གིས་བོད་མི་ཚོ་མི་གྲལ་དུ་མ་བརྩིས་གོང་འདི་ལྟའི་འཚོ་གནས་ཀྱི་འགན་ཁུར་གནང་རྒྱུ་རུས་སྦལ་གྱི་སྤུ་ལྟར་ཡང༌། ཧུའུ་ཅིན་ཐོས་མིག་ཆུ་བཏང༌། གཞུང་ཚབ་ཁག་གི་དར་ཆ་ཡང་ཕྱེད་ཙམ་ཕབས་ནས་མྱ་ངན་བྱེད་སྟངས་སོགས་ལ་བོད་མི་ཚོས་གཟབ་གཟབ་བྱེད་དགོས་ཀྱི་འདུག།
བཞི་པ། གོ་ཐོས་ལྟར་ན། ས་ཡོམ་བརྒྱབས་རྗེས་མྱུར་སྐྱོབ་རུ་ཁག་ཆུ་ཚོད་བཤད་ཚུལ་མི་མཐུན ༢༤། ༡༨། ༡༦། སོགས་ཀྱི་རྗེས་སུ་ས་གནས་ས་ཐོག་ཏུ་འབྱོར་བ་རེད་ཟེར། དེའི་ཁར་མྱུར་སྐྱོབ་དམིགས་བསལ་གནམ་གྲུ་སོགས་མཐོང་རྒྱུ་མི་འདུག་ཟེར་བ་སོགས་ལ་ང་ཚོས་ངེས་པར་ཏུ་ཞིབ་འཇུག་གནང་དགོས་པར་འདོད་ལ། འདིའི་ཐད་རང་གཞུང་གིས་དྲི་བ་གཏོང་འཆར་ཡོད་པའི་ཡིད་ཆེས་ཡོད།
ལྔ་བ། བོད་རིགས་ས་ཁུལ་ཚང་མ་ནས་མྱ་ངན་གྱི་མཆོད་མེ་དང་ཞལ་འདེབས། ས་གནས་ས་ཐོག་ཏུ་གཞུང་སྒེར་དང་བླངས་ཅི་རིགས་ངོ་བསྐྱོད་ཀྱིས་གངས་ཅན་པའི་རྣམ་ཤེས་ཡུག་གཅིག་ཏུ་སྦྲེལ་འདུག་པས། ཧུའུ་ཅིན་ཐའོ་ཡང་ག་ལེར་ཕེབས་གནང་བ་རེད། འབྱུང་འགྱུར་འདིའི་ངོ་བོ་གང་དུ་འགྲོ་ཡང༌། བོད་རིགས་ཚང་མའི་སྐབས་དོན་ཞལ་འདེབས་ཀྱི་ལས་གཞི་འདིར་ཐུགས་སྣང་ཆེ་ཙམ་གནང་སྟེ་བྱུང་ན་རང་གཞུང་གི་འབོད་སྐུལ་ཞུས་དོན་བཞིན་ཡུལ་ཤུལ་ཚོགས་པ་དེར་གཅིག་པོར་གནང་ཐུབ་ན་སྨན་ཏུ་ཆེ་ཞིང༌། བོད་ནང་དུའང་ས་གནས་སོ་སོས་ཞལ་འདེབས་དོན་འཁྱོལ་ཡོང་མིན་ལ་སེམས་ཁྲལ་ཡོད་པ་ལྟར། ལྷག་པར་བཙན་བྱོལ་ནང་དུ་གོ་སྐབས་བརྒྱུད་ནས་ཞལ་འདེབས་ཆེ་ཙམ་ཆེ་ཙམ་སློང་བའི་ལམ་ལུགས་ཏེ་ད་རེས་ཡོངས་སུ་གཏན་འགོག་བྱེད་ཐུབ་ན་དགོངས་གཞི་གྲུབ་པ་རེད་འདོད། གང་ལྟར་དང་པོར་ཧུའུ་ཡིས་ནག་པང་དུ་བསྟར་བའི་ཕྱག་བྲིས་ལ་བོད་གཞུང་མང་གཉིས་ཀྱིས་ལྟ་གལ་ཆེ་བར་མངོན།
དྲུག་པ། རྐྱེན་ངན་འདི་འདྲིའི་སྐབསྋརྒྱལ་བ་ཐམས་ཅད་མཁྱེན་པ་ཆིབས་བསྒྱུར་གནང་རྒྱུ་ནི་བོད་ལ་དམིགས་བསལ་དུ་ཡོད་པའི་ཐོབ་ཐང་ཞིག་རེད་ལ། རྒྱ་ནག་ཕྱི་སྲིད་མགྲིན་ཚབ་པས་གསར་འགོད་པར་ལམ་འདེབས་མ་ཐུབ་པ་དེས་རྒྱ་ནག་གཞུང་ལ་བོད་རིགས་ཚོས་རྣམ་འགྱུར་ལ་ལྟོས་ཏེ་གྲ་སྒྲིག་ཨང་གསར་ཡོད་པ་གསལ་བོ་རེད་ལ། དེ་ཡང་ཤུལ་ལུས་ནང་མི་དང་དྭ་ཕྲུག་རྣམས་ཀྱི་དེ་རིང་སང་ཉིན་གོང་རིམ་ལ་ཞུ་དགོས་པའི་གནད་དོན་ཞིག་ཀྱང་རེད།
མཐའ་དོན། འདས་གྲོངས་ཕྱིན་པ་རྣམས་ལ་མིག་ཆུ་ཤམ་ཤམ་གྱི་མ་ཎི་འདོན་བཞིན་ཤུལ་ལུས་ནང་མི་རྣམས་ལ་སེམས་པ་བརླན་ཏེ་སེམས་ངལ་ཅུང་ཙམ་སངས་བའི་སྨོན་ལམ་འདེབས་བཞིན་བཅས།
༢༠༡༠། ༤། ༢༠། ཉིན།
༄༅།། ཉེ་ཆར་བློ་ཕམ་བྱུང་བ་ཞིག་ལ་ཁམས་སྐྱེ་རྒུ་མདོ་ས་ཡོམ་གོ་ཆག་ཚབས་ཆེན་བྱུང་བའི་ཐོག་ལ་ཞལ་འདེབས་ཕུལ་མཁན་རྣམས་ལ་ཐུག་རྗེ་ཆེ་ཞུ་བ་དང་།ས་ཕྱོགས་གང་སར་ཤ་ཕྲགས་གཅིག་པའི་སྤུན་
ཟླ་རྣམས་འབོད་སྐུར་དང་།ཞལ་འདེབས་དེ་རིགས་རྒྱ་གར་བཞུགས་པའི་གྲའུ་དཔོན་རིན་ཆེན་ཚེ་རིང་ལགས་རྒྱུད་དང་།ངེས་པར་དུ་གདན་འདྲེན་ཞུ་བའི་ཐོག་ཕེབས་དགོས་པའི་ཐུགས་འགན་གལ་ཆེན་རེད་།གང་ཡིན་ཟེར་ན་ཁོང་ནི་རྒ་སྐྱེ་རྒུ་མདོ་གཙོ་འཛིན་ཡིན་པ་དང་མི་མང་འབྲེལ་བ་དང་གནས་སྟང་མཁྱེན་པ་འོས་བབ་འདུག་པའི་ཕ་ཡུལ་ལ་ཕེབས་ཐུབ་རེ་བ་བྱེད་གི་ཡོད་ཐུགས་རྗེ་ཆེ།།