བི་ཀྲ་མ་ཤཱི་ལ།

Comments (17) on “བི་ཀྲ་མ་ཤཱི་ལ།”

1. བི་ཀྲ་མ་ཤཱི་ལ་དེང་སང་རྒྱ་གར་གྱི་ས་ཆ་ག་བ་ཡོད་རེད།

2. གནའ་བའི་ལོ་རྒྱུས་ལས་ད་ལྟའི་གནས་སྟངས་དང་གནས་ཤུལ་འདི་ངོས་འཛིན་བྱང་སྟངས་སོགས་རྒྱས་ཙམ་ཡོད་ན་ཤིན་ཏུ་ལེགས།
   ཇོ་བོ་རྗེ་འཁྲུངས་ས་དེ་འདི་ཡིན་པ་ནི་ཅུང་འགྲིག་དཀའམ་སྙམ། མ་གྷ་དྷའི་སྨད་ན་བྷང་ག་ལའི་རྒྱལ་ས་ཡོད་པ་དེ་གོ་བ་ཅུང་མ་ལོན་ཐལ།

3. ང་དེར་སོང་བ་ཡིན། དྷི་ལི་ནས་མེ་འཁོར་ཨང་གྲངས་2367/2368 མིང་ལ་Vikramashila Express ཟེར་བ་དེ་ལ་བསྡད་ནས་སོང་ན་ཏག་ཏག་དེར་ཐོན་གི། Bhagalpurལ་སླེབས་དུས་གླ་འཁོར་ལ་བསྡད་ནས་སོང་ན་ཐག་རིང་ཞིག་མ་རེད། བྷེ་ཧར་གྱི་ས་ཁོངས་རེད། གནའ་ཤུལ་སྔོགས་འདོན་སོགས་ཡག་པོ་བྱེད་གི་ཡོད་གི།
   འདི་ཇོ་བོ་འཁྲུངས་ས་མ་རེད། ཇོ་བོ་བྷང་ལ་དྷེ་ཤི་ལ་འཁྲུངས་པ་རེད། ཇོ་བོ་འདི་ལ་ཡུན་རིང་བཞུགས་པ་རེད།

4. ཆེད་རྩོམ་འདི། ཕན་ཐོགས་དང་། བྱིན་རླབས་ཆེ།
   མཁས་པ་སྒོ་དྲུག་ཟེར་དུས། བི་ཀྲ་མ་ཤཱི་ལའམ་རྣམ་གནོན་ངང་ཚུལ་དང་། ན་ལེནཌ་གཉིས་ཅུང་བསྲེས་འདུག་སྙམ།
   ཡང་།
   འདི་དང་ཁད་ཉེ་བ་གངྒཱའི་བྱང་འགྲམ་ན་བྷ་གལ་པུར་ཟེར་བའི་གྲོང་ཁྱེར་ཞིག་འདུག་པ་ནི། སྔོན་མ་བྷཾ་ག་ལའི་རྒྱལ་ས་སྟེ། ཞེས་པ་འདི་ནོར་བ་མིན་ནམ་སྙམ་པས། ད་དུང་དཔྱད་པར་མཛོད་ཅིག

5. ཇོ་བོད་ལ་ཕེབས་སྐབས་ནལནྡ་ནས་ཕེབས་ཡིན་པ་འངྲ། སྤྱིར་རྒྱ་གར་པན་གྲུབ་ཀྱང་གཙུག་ལག་གཉིས་ཀ་ཕེབས་པ་ཡང་ཡོད་འདུག གཅིག་ཁོ་རང་རེད་ཟེར་ཞུ་ཐིག་ཁག་པོ་རེང

6. ཅུང་ཁ་ཇེ་གསལ་དུ་བཏང་ན་བཟང་ངོ་། །

7. विक्रमशिला विश्वविद्यालय – विकिपीडिया
   https://hi.wikipedia.org/…/विक्रमशिला_विश्व…
   Translate this page
   विक्रमशिला विश्वविद्यालय बिहार राज्य के भागलपुर जिले में स्थित था। इस विश्वविद्यालय की स्थापना पाल वंश के राजा धर्मपाल ने ७७५-८०० ई० में की। इस विश्वविद्यालय ने अपनी स्थापना के तुरन्त बाद ही अन्तर्राष्ट्रीय महत्त्व प्राप्त कर लिया

8. ཧིན་སྐད་དུ།
   विक्रमशिला विश्वविद्यालय बिहार राज्य के भागलपुर जिले में स्थित था। इस विश्वविद्यालय की स्थापना पाल वंश के राजा धर्मपाल ने ७७५-८०० ई० में की। इस विश्वविद्यालय ने अपनी स्थापना के तुरन्त बाद ही अन्तर्राष्ट्रीय महत्त्व प्राप्त कर लिया
   བོད་སྐད་དུ་བསྒྲུར་ན།
   ་
   རྣམ་གནོན་ངང་ཚུལ་མཐོ་སློབ་བི་ཧྰར་ཁབ་ཀྱི་བྷ་གལ་པུར་གྲོང་ལ་གནས་ཆགས་པ་རེད། མཐོ་སློབ་འདི་ནི་པ་ལའི་རྒྱལ་བརྒྱུད་ཀྱི་རྒྱལ་པོ་ཆོས་ཀྱི་པ་ལས ༧༧༥་་༨༠༠ བརྒྱ་ཕྲག་ནང་ལ་བསྐྲུན་པ་རེད། མཐོ་སློབ་འདི་བཞིན་གསར་བཙུགས་བྱས་མ་ཐག་ནས་རྒྱལ་སྤྱིའི་ནང་ལ་སྙན་གྲགས་རྒྱས་པ་རེད།
   ་
   ངའི་རོབ་འགྱུར་ལ་དཔྱད་ཞིབ་ཀྱིས། ཞུ་དག་གནང་ན་དགའ་བསུ་ཡོད་དོ།།

9. ཆོས་ཀྱི་པ་ལ་ནི། དྷརྨ་པ་ལའི་དོད་དོ། །ཁུངས་འདིས། པ་ཚབ་ལོ་ཙཱ་པ་ལས། ཏཱ་ར་ནཱ་ཐ་ཁུངས་བཙན་པར་བསྒྲུབས་པ་རེད།

10. སྐྱོ་བྲག་དགའ་དབང་ལེགས་ཀྱིས་འབད་པ་ཆེན་པོས་ལུང་གིས་བསྒྲུབས་པ་འདི་ལྟར།
    ཆོས་གཞི་འདི་ཉིད་ཡུལ་ཕྱོགས་གང་ན་ཡོད་པ་ནི། དངོས་སུ་ཞབས་ཀྱིས་བཅགས་པའི་པ་ཚབ་ལོ་ཙཱ་བ་ཚུལ་ཁྲིམས་རྒྱལ་མཚན་གྱིས། མདོ་དྲན་པ་ཉེར་བཞག་གི་འགྱུར་བྱང་དུ། ཡུལ་དབུས་མ་ག་དྷཱ་ཞེས་བྱ་བ་དེ་བཞིན་གཤེགས་པའི་རྟེན་མང་དུ་བཞུགས་ཤིང་སངས་རྒྱས་པའི་སྐྱེ་བོ་དཀོན་མཆོག་གསུམ་ལ་དད་པས་ཡུལ་གང་བའི་མ་གའི་ཡུལ་སྨད་ན། རྒྱལ་པོ་བྱང་ཆུབ་སེམས་དཔའ་དེ་བ་པཱ་ལས་མཛད་པའི་གཙུག་ལག་ཁང་ཆེན་པོ་བསྟན་པའི་མིག་ཏུ་གྱུར་པ་བི་ཀྲ་མ་ཤཱི་ལ་ན་ཡང་མཁས་པའི་སྐྱེ་བོ་མང་དུ་ཟིན་ཀྱང་། ཞེས་གསུངས་པ་དང་། འཇམ་མགོན་བློ་གྲོས་མཐའ་ཡས་ཀྱིས། ཤེས་བྱ་ཀུན་ཁྱབ་ཏུ། རྒྱལ་པོ་དྷརྨ་པཱ་ལ་ཞེས་མངའ་ཐང་ཤིན་ཏུ་ཆེ་བ་དེས། མ་ག་དྷཱའི་བྱང་ངོས་གངྒཱའི་འགྲམ་དུ་རི་དེའུ་ཞིག་གི་རྩེར་བཞེངས་པ་བི་ཀྲ་མ་ཤཱི་ལ་སྟེ་རྣམ་གནོན་ངང་ཚུལ་ཞེས་པའི་མཚན་གྱིས་བསྔགས་པའི་གཙུག་ལག་ཁང་ཆེན་པོ། ཞེས་གསུངས་པ་ཇི་ལྟ་བ་བཞིན། མ་ག་དྷཱའི་བྱང་ངོས་ཀྱི་ཡུལ་སྨད། ཆུ་བོ་གངྒཱའི་ལྷོ་འགྲམ་གྱི་རི་འབུར་ཞིག་ན་ཡོད།
    འདི་ལ་བརྩད་གཅོད་ལེགས་པར་དགོས། དང་པོ། ཤཱི་ལ་སྟེ ངང་ཚུལ་ཞེས་བོད་ཀྱི་མཁས་པ་རྣམས་ཀྱིས་བཞེད་པ་དང་། ཤི་ལཱ་སྟེ་རྡོ་བ་ཞེས་དིང་དུས་ཀྱི་རྒྱ་གར་པའི་མཁས་པ་རྣམས་ཀྱིས་བཞེད་པ་ལྟར་བྲིས་པར་མངོན། དེ་ཡང་བི་ཀྲ་མ་ཤི་ལཱ། ཞེས་པ་བོད་སྐད་དུ། རྣམ་གནོན་རྡོ་བ། ཞེས་སྒྱུར་དགོས། དཔེར་ན། ཏཀྵ་ཤི་ལཱ་རྡོ་འཇོག་ཅེས་པ་ལྟ་བུའོ།
    ལྷག་པར་དུ། ས་གནས་འདི་ཉིད་ཇོ་བོ་རྗེ་ཨ་ཏི་ཤ་སྐུ་འཁྲུངས་པར་སྒྲུབ་ཐུབ་ན། ཇོ་བོ་ཨ་ཏི་ཤའི་གདུང་རུས་བོད་ནས་བྷང་ལ་དེཤ་ལ་ཕེབས་ཡོད་པ་གནས་འདིར་གདན་འདྲེན་ཞུ་བའི་ཐབས་ལ་འབད་དགོས་པར་མཐོང་་ངོ་།

11. བརྒྱ་ཕྲག་ཉེར་གཅིག་པའི་དུས་འདིར། བྷང་ལ་དེཤ་ལ། ཇོ་བོའི་གདུང་རུས་དགོས་ལ། བྷ་གལ་པུར་པ་ཚོ་ལ། ཇོ་བོ་ཨ་ཏི་ཟའི་གདུང་མི་དགོས་སྟངས་འདི་གང་ཡིན་ནམ། རྒྱ་གཞུང་གིས་བོད་མི་རིགས་ཀྱིས་བྱིན་རྟེན་ཕྱི་མིར་བཙོང་པ་ཡིན་ནམ། དངུལ་ཁེ་ག་ཚོད་བཟས་ཡོད་དམ། ལགས། འདི་ནི་དྲི་བ་ཆེན་པོ་ཞིག་གོ།

12. བི་ཀྲ་མ་ཤཱི་ལ།
    https://books.google.hu/books?id=zS00goyn7gkC&pg=PT10&lpg=PT10&dq=vikramalashila&source=bl&ots=XTo5N8LZvW&sig=LZsdR2_-8F9ONZ4kVx9RdZg3Gto&hl=hu&sa=X&ved=0ahUKEwiXrurgp4PMAhXEVxQKHUgDC7AQ6AEIKjAD#v=onepage&q=vikramalashila&f=false

13. མ་ག་དྷཱ་ཞེས་པ་མ་ག་དྷ་ཞེས་པར་དྷཱ་ཡིག་རིང་པོར་བྲིས་པ་ལ་རྒྱུ་མཚན་འགའ་ཡོད་དམ། མ་ག་དྷ་ཞེས་པ་མ་དྷྱ་ག་ཏ་དྷ་ར་སྟེ། དབུས་གྱུར་འཆང་། ཞེས་པ་མ་ག་དྷ་་རུ་གནས་པ་པོ་མཁས་པ་རྣམས་ཀྱིས་ཀྱང་ཤེས་པར་དཀའ་བ་བོད་ཀྱི་བསྟན་བཅོས་ན་བྲིས་སོ།

14. ཀ་རྡོ་གཉེར་ཕྱུག་ལེགས་ལ་ཞུ་བ། སྐུ་ཁམས་བཟང་པོ།
    ་
    ཇོ་བ་རྗེའི་སྐུ་གདུང་དེ་ཉེ་ཐང་དུ་མཆོད་རྟེན་ཞིག་གི་ནང་ན་བཞུགས་ཡོད་ངེས། བླ་མའི་བྱིན་རླབས་ཡིན་ནའང་འདྲ་འདུག རྒྱ་མར་པོའི་དཀྱིལ་ན་ཡང་ཆོས་སམ་དད་པའི་རྗེས་འབྲང་འགས་གད་རྙིགས་སུ་དབྱུག་མ་ཕོད་པར་རྒྱ་ནག་པེ་ཅིན་དུ་འཁྱེར། དེའི་དུས་༡༩༦༠པའི་མཇུག་ཙམ་མམ་༡༩༧༠་པའི་མགོ་སྟོད་ཙམ་ལ་སྲིད་བློན་ཀྲའུན་ལེས་ནོར་ནས་བྷང་ལ་དེཤ་ལ་སྤྲད། དངོས་གནས་བྱས་ན། སྔོན་དུས་བྷངྒ་ལ་པུར་ཞེས་པ་གྱུར་ནས། དིང་སང་བྷ་གལ་པུར་ཞེས་པ་ཇོ་བོ་རྗྲེའི་འཁྲུངས་ཡུལ་དངོས་མ་དེ་ཡིན་ཏེ། བོད་མི་རྒྱ་གར་ས་གནས་དག་རྟོག་དཔྱོད་མཛད་པར་མཁས་པ་ཨ་མདོ་པ་དགེ་འདུན་ཆོས་འཕེལ་ལེགས་ཀྱི་གསུང་རྩོམ། དེབ་གསུམ་པ། ཤོག་གྲངས་༣༣༣ནས་༣༣༤པ་དག་ན། འདི་ལྟར་བྲིས་ཏེ། “ཡང་ག་ཡཱ་ནས་ཀ་ལི་ཀ་ཏར་འགྲོ་བའི་ལམ་དུ་སུལ་ཏན་གན་ཇི་བྱ་བའི་གྲུ་ཟན་ལ་སླེབས། དེར་གྲོང་དང་ཉེ་བའི་གངྒཱླའི་ཆུལ་དཀྱིལ་ན་བྲག་རི་ལྷ་ཁང་ཅན་ཞིག་ཡོད་པའི་ཚུར་ངོས་ཀྱི་ཆུ་འགྲམ་བྲག་རི་ཞིག་ཡོད་ས་དེ་བི་ཀྲ་མ་ཤི་ལའི་དགོན་ཤུལ་ཡིན་ཀྱང་ས་མ་རྐོས་པས་ས་མིག་འདི་ཡིན་ད་དུང་མི་ཤེས། དེ་ནས་སོང་བས་བྷང་གལ་པུར་དུ་སླེབས་ཤིང་དེ་ནི་སྔོན་གྱི་བྷང་ལའི་རྒྱལ་ཁབ་སྟེ་སློབ་དཔོན་ཞི་བ་འཚོ་དང་ཇོ་བོ་རྗེ་འཁྲུངས་པའི་གནས་ཡིན་ཅིང་ཡུལ་ཅམ་པ་ཡང་དེ་ཡིན། ཟ་ཧོར་རམ་ས་ཧོར་དེ་་དང་ཉེ་བར་སྔོན་གྱི་ཕོ་བྲང་གི་ཤུལ་སོགས་ཡོད་ཟེར་།”
    ་
    འདི་བཞིན་ཧིནྡ་སྐད་དམ་ཨིན་སྐད་དུ་བྲིས་ནས་བི་ཀྲ་མ་ཤི་ལ་འི་གནས་འཛིན་པར་སྤྲོད་ཐུབ་ཚེ་ཇོ་བའི་་རྗེའི་སྐུ་གདུང་གི་སྐལ་བ་ཞིག་དེ་ཕེབས་ངེས།
    ་
    དིང་སང་བྷང་ལ་དེཤ་ནི་མི་བོར་ཆེ་བ་མུ་སུས་མན་ཡིན་ཀྱང་། ཨ་ཏི་ཤའི་མཚན་ཐོག་སློབ་གྲྭ་ཆེན་མོ་གཉིས་ཙམ་ཡོད་ཟེར། གནས་བརྟན་པའི་རྗེས་འབྲངས་ནང་པ་ཡང་གྲངས་ཉུང་མི་རིགས་སུ་ཐར་ཐོར་མཆིས། གནས་བརྟན་པའི་དགོན་པ་ཆུང་ངུ་ཞིག་བཞེངས་ཤིང་་དེའི་སྟེང་ཐོག་མཆོད་རྟེན་ཆུང་ངུ་ཞིག་བཞེངས་པར་ཇོ་བོ་རྗེའི་སྐུ་གདུང་ངམ་སྐུ་རུས་གང་འབྱུང་གཟུངས་སུ་བཞུགས་པར་གསོལ་ཅིག་ཅེས་ཞུས་སོ།

15. རྒན་འཇམ་དཔལ་ལགས་ཀྱིས། ངོ་སྤྲོད་དང་གསལ་བཤད་ལ་བཀའ་དྲིན་ཆེ། ད་དུང་མུ་མཐུད་ནས་བགྲོ་གླེང་བྱུང་ན། ཀུན་ལ་ཕེན་ངེས། སླར་ཡང་ཇུགས་རྗེ་ཞེས་ཞུའོ།།

16. ཡང་སྐྱར་དུ་ཞུ་དགོས་པ་ནི། ཇོ་བོ་རྗེ་ལ་ཨ་ཏི་ཤ་ཡ་སྟེ།་ ཕུལ་དུ་བྱུང་བ་ཞེས་བོད་ཀྱི་ལོ་ཙ་པ་རིན་ཆེན་བཟང་པོ་དང་། ལྷ་བླ་མ་ཡེ་ཤེས་འོད་ལ་སོགས་པས་མཚན་གསོལ། ་ལེགས་སྦྱར་ཚིག་མཛོད་དག་ན། ཨ་ཏི་ཤ་ཡ་ཞེས་པ་ཕུལ་བྱུང་གི་དོན་སྟེ། ལེགས་སྦྱར་ཨིན་སྐད་ཚིག་མཛོད་ཅིག་ན།
    Pre-eminent. superior, ཞེས་ཁྱད་ཆོས་དང་། མིང་དུ། Excellence, superiority ཞེས་སོ།
    དེ་མིན་ཨ་ཏི་ཤ་ཞེས་པ་ལེགས་སྦྱར་ཚིག་མཛོད་ན་མེད་པར་མངོན་ནོ། དེས་ན། ཨ་ཏི་ཤ་ཡ། ཞེས་པ་མཁྱེན་ཆུབ་མཛོད་ཅིག་ཅེས་ཞུ་འདོད་བྱུང་ངོ་།

17. བི་ཀྲ་མ་ཤྰི་ལ་དང་། ན་ལེནཌའི་སྐོར་ལ།
    https://www.youtube.com/watch?v=Smjcyp80yhs