——-ཀུན་ཕན་ཚང་།
ཟླ་བཞི་བའི་ཚེས་༢༡གཟའ་ཕུར་བུའི་དགོང་མོ་དུས་ཚོད་དྲུག་པའི་སྟེང་། ལ་རྩེ་དཔེ་མཛོད་ཁང་དུ་བོད་ཀྱི་འཁྲབ་སྟོན་པ་དང་། ཁ་ཤགས་བཤད་མཁན། སྙན་ངག་པ། གློག་བརྙན་བཟོ་མཁན་ཞི་བདེ་ཉི་མ་ལགས་ཀྱིས་ཁོང་གིས་གསར་དུ་བཟོས་པའི་དངོས་བྱུང་གློག་བརྙན་ཚེ་བཟུང་ལྷ་མོ་ཟེར་བ་སྟོན་གྱི་ཡོད་ཅིང་། གློག་བརྙན་བསྟན་རྗེས་ཞི་བདེ་ཉི་མ་དང་ཐད་ཀར་གྱི་དྲི་བ་དྲིས་ལན་གྱི་གོ་སྐབས་ཀྱང་ཡོད།
གློག་བརྙན་དེའི་ནང་དོན་ནི། དྭ་ཕྲུག་ཏུ་གྱུར་བའི་ཚེ་གཟུངས་ལྷ་མོས་སློབ་གྲྭ་ཆེན་མོར་འཛུལ་རྒྱུགས་སྤྲོད་པའི་སྔ་དགོང་དེར། མོས་སློབ་ཆེན་གྱི་འཛུལ་རྒྱུགས་མི་སྤྲོད་པར་ཁྱིམ་དུ་ལོག་ནས་ཕྱུགས་ཟོག་བསྐྱངས་ནས་མོའི་མིང་པོ་ལ་སློབ་སྦྱོང་གི་གོ་སྐབས་བསྐྲུན་པའི་དངོས་བྱུང་གི་སྒྲུང་ཞིག་ཡིན།
གློག་བརྙན་དང་དྲི་བ་དྲི་ལན་གྱི་རྗེས་སུ་སྟོན་ཆུང་ཞིག་བཤམས་ནས་ཞི་བདེ་ཉི་མ་ལགས་དང་མཉམ་དུ་རང་མོས་གླེང་མོལ་གྱི་གོ་སྐབས་ཀྱང་བཀོད་སྒྲིག་བྱས་ཡོད་པ་ཚང་མ་རིན་མེད་ཡིན། འདུག་སྟེགས་ལ་ཚད་ཡོད་པའི་སྟབས་ཀྱིས་ཡོང་འདོད་པ་རྣམས་ཀྱིས་ཡིག་ཟམ་events@trace.org འདིའི་སྟེང་ནས་ཐོ་འགོད་གནང་རོགས། ཐོ་འགོད་དབྱིན་ཡིག་དང་བོད་ཡིག་གང་རུང་གིས་བྱས་ཆོག
དེ་ལས་གཞན། ཟླ་བཞི་བའི་ཚེས་ ༢༠ ། གཟའ་ལྷག་པའི་ཉིན་གྱི་ཕྱི་དྲོ་དུས་ཚོད་ལྔ་བ་དང་ཕྱེད་ཀའི་སྟེང་ཀོ་ལུམ་སྦི་ཡ་སློབ་གྲྭ་ཆེན་མོ་ན་ཞི་བདེ་ཉི་མ་ལགས་ནས་ཁོང་གི་འཁྲབ་སྟོན་པ་དང་། ཁ་ཤགས་བཤད་མཁན། སྙན་ངག་པ། གློག་བརྙན་བཟོ་མཁན་བཅས་ཀྱི་མི་ཚེའི་མྱོང་བའི་སྐོར་ལ་གཏམ་བཤད་གནང་གཏན་འཁེལ་ཡོད་ཅིང་། གཏམ་བཤད་གནང་ས་ནི་ SIPA Bldg., Rm. 918 ཡིན།