ཨ་རིག་འགྱུར་མེད།
སྤུན་ཟླ་ལགས། ཡུལ་ཤུལ་གྱི་མི་མང་།
རང་བྱུང་གི་གནོད་པས་གོད་ཆག་བཏང་རུང་།
འཆི་གསོན་གྱི་མཚམས་ནས་སྡུག་བསྔལ་ལྕི་ཡང་།
མགོ་བོ་དེ་ཡང་བསྐྱར་དགྱེ་ཤོག
སྙིང་སྟོབས་ཤིག་སྔར་ལས་བསྐྱེད་ཅིག
འདི་ནས་ངེད་ཅག་གི་རྩ་བའི་བླ་མས། ཐུགས་སྨོན་དང་སྐྱབས་འཇུག་ཁྱེད་ཚོར་གནང་ཡོད།
ཨོྃ་མ་ཎི་པདྨེ་ཧཱུྃ། ཨོྃ་མ་ཎི་པདྨེ་ཧཱུྃ། ཨོྃ་མ་ཎི་པདྨེ་ཧཱུྃ།
སྤུན་ཟླ་ལགས། ཡུལ་ཤུལ་གྱི་མི་མང་།
འཆི་བདག་གི་འབོད་པ་མདུན་དུ་སླེབས་རུང་།
མནར་གཅོད་ཀྱི་མདའ་གྲི་སྙིང་ལ་ཟུག་ཀྱང་།
མགོ་བོ་དེ་ཡང་བསྐྱར་དགྱེ་ཤོག
སྙིང་སྟོབས་ཤིག་སྔར་ལས་བསྐྱེད་ཅིག
འདི་ནས་རང་རིགས་ཀྱི་སྤུན་ཟླ་ཡོངས་ཀྱིས། སྐྱོ་གདུང་གི་འབོད་པ་རླུང་ལ་བསྐུར་ཡོད།
ཨོྃ་མ་ཎི་པདྨེ་ཧཱུྃ། ཨོྃ་མ་ཎི་པདྨེ་ཧཱུྃ། ཨོྃ་མ་ཎི་པདྨེ་ཧཱུྃ།
སྤུན་ཟླ་ལགས། ཡུལ་ཤུལ་གྱི་མི་མང་།
ས་ཁད་ཀྱིས་ང་ཚོའི་ཁ་ཐག་རིང་རུང་།
མཇལ་འཛོམས་ཀྱི་སྐལ་བ་ཤིན་ཏུ་ཕྲ་རུང་།
མགོ་བོ་དེ་ཡང་བསྐྱར་དགེ་ཤོག
སྙིང་སྟོབས་ཤིག་སྔར་ལས་བསྐྱེད་ཅིག
འདི་ནས་མིག་ཟུང་གིས་ཁྱེད་ཚོར་བལྟས་ཡོད། སྐྱོ་སྡུག་གི་ཁེན་ས་ང་ཚོ་ཡིན་འགྲོ
ཨོྃ་མ་ཎི་པདྨེ་ཧཱུྃ། ཨོྃ་མ་ཎི་པདྨེ་ཧཱུྃ། ཨོྃ་མ་ཎི་པདྨེ་ཧཱུྃ།
སྐྱེ་རྒུ་ མདོ་ཡི་ སྤུན་ཟླ། །
སེམས་ཤུགས་ནམ་ཡང་མ་ཆགས། །
རང་གཞན་སྡིག་འབྲས་ཐམས་ཅད། །
ང་ཚོས་འཁྱེར་ཡོད་སོམས་ཤིག །