ཙི་ཙི་ཤི་བར་བྱི་ལས་ངུ་ཤར་བརྒྱབས།

ཋེ་ཋེ་དྲ་རྒྱ་ལས། ནགས་ཤོད་སད་མི།

ཋེ་ཋེ་དྲ་རྒྱ་ནས་སྐད་ཆ་འདི་འདྲ་ཞིག་ཡོད་པ་སྟེ། གུང་ཁྲན་ཏང་གིས་ས་ཡོམ་ནང་འདས་གྲོངས་ཤོར་བའི་བོད་མིའི་སླད་དུ་རྒྱལ་ཁབ་ཀྱིས་མྱ་ངན་བྱེད་པ་དེ་ནི། ཙི་ཙི་ཤི་བར་ཞིམ་བུས་ངུ་ཤར་རྒྱག་པའི་བརྩེ་གདུང་རྫུན་མ་རེད་ཟེར།
མི་འགའ་རེས་སྔ་མོ་ཞིག་ནས་འོད་ཟེར་གྱི་ཟིན་བྲིས་དང་ཋེ་ཋེ་དྲ་ཐོག་གི་སྐད་ཆར་འཁང་ར་བྱས་ཏེ “ཕྱོགས་ལྷུང་གི་རང་བཞིནཡོ ད་ཟེར། འོ་ནའང་། འོད་ཟེར་གྱི་གནས་ཚུལ་འདིའི་ཐད་ནས་འགྲིག་གི་མི་འདུག་ཅེས་མཛུབ་མོ་ཐད་འཛུགས་བྱས་པ་མཐོང་མྱོང་མེད། དོན་ངོ་མར་མི་འགའ་ཞིག་ལ་དངོས་དོན་གཙོ་མི་ཆེ་བའམ་དོན་དངོས་མིད་པར་འགྲོ་རྒྱུ་དཀའ་མོ་ཡོད་པ་རེད། སུ་ཞིག་གི་ལངས་ཕྱོགས cctv དང་མཉམ་གཤིབ་མེད་ཚེ་ཁས་ལེེན་བྱ་དཀའ་བ་བྱེད་ཀྱི་ཡོད་པ་རེད། གཅིག་བྱས་ན་རྒྱུན་གཏན་ནས་གོམས་ལོབས་སོང་བའི་རྐྱེན་གྱིས་མིན་འགྲོ
ངས་བལྟས་ན། བོད་ཀྱི་གནད་དོན་རྒྱུས་ལོན་ཐུབ་པར་པེ་ཅིང་གིས་བཀོད་པའི་གནས་ཚུལ་བཀླག་དགོས་ལ། རྡ་རམ་ས་ལ་ནས་ཕབ་པའི་ཡི་གེ་དག་ཀྱང་བཀླག་དགོས། འོད་ཟེར་གྱིས་མཁོ་འདོན་གནང་བའི་རྒྱུ་ཆ་དེ་དག་ནི་བོད་ཀྱི་ཤེས་ཡོན་མི་སྣའི་བསམ་ཚུལ་རྟོགས་བྱེད་ཀྱི་སྐར་ཁུང་རེད། གལ་ཏེ། ཁོང་གི་དྲ་དེབ་ཀློག་དུས་ཁོང་ཁྲོ་ལངས་ཀྱི་འདུག་ན། དེ་ནི་ཕྱི་ཕྱོགས་སུ་ཚིག་པ་ཟ་ས་མང་དུ་འགྲོ་རོགས་རེད། དཔེར་མཚོན་ན། ངས་དབྱིན་དེབ་ཀྱི་ཝེ་ཐེ་ནེམ་ལོ་རྒྱུས་ཤིག་བཀླགས་མྱོང་། དཔེ་དེབ་དེའི་གླེང་བརྗོད་དང་ས་ཁྲའི་བར་ནས་ངའི་ཨ་མའི་ཕ་ཡུལ་ཆིས་ཏུང་ཉེ་འདབས་ཀྱང་ཝེ་ཐེ་ནེམ་གྱི་ས་ཁོངས་ཡིན་པའི་འདོད་ཚུལ་བཟུང་ཡོད་པ་ཧ་གོ་སོང་། འདིའི་རིགས་ནི་ཉམས་མྱོང་དང་གོམས་འདྲིས་ལ་འབྲེལ་བ་ཡོད་པ་ཡིན།
ངས་ནི་སྣེ་མང་ཅན་གྱི་དྲིལ་བསྒྲགས་ལས་གདམ་ཀ་དང་དབྱེ་གསེས་བྱས་ཏེ་དོན་དམ་གྱི་མ་གནས་འཇལ་རྒྱུར་དགའ་པོ་ཡོད་ལ། སྣེ་གཅིག་གི་ཁྱབ་བསྒྲགས་དང་ཕྱོགས་གཅིག་གི་ལན་འདེབས་ལ་དགའ་མགུ་ཡོང་གི་མེད། ཡུལ་ཤུལ་ས་འགུལ་གྱི་དྲིལ་བསྒྲགས་ཐད། གཞུང་ཕྱོགས་གཅིག་པུས་ཉི་ཤར་སྦར་མོས་འགེབས་པ་དང་། བསམ་བཞིན་དུ་སྦས་སྐུང་བྱས་པའི་དུས་འདིར། འོད་ཟེར་གྱིས་གནས་ཚུལ་གཏོང་སྤེལ་བྱས་པའི་ནོར་བ་འགའ་ལ་དང་ལེན་བྱ་རྒྱུའི་མོས་འདུན་ཡོད། ཅིའི་ཕྱིར་དུ་ཞེ་ན། དེ་ནི་ཁོང་གིས་གནས་ཚུལ་དངོས་ལ་ལྟ་ཞིབ་བྱེད་པའི་འཁོར་ཡུག་ཅིག་བསྐྲུན་པས་རེད། ངས་ཁོང་གི་སྐད་ཆར་ཡིད་ཆེས་མ་བྱས་ནའང་ཆོག་གི་རེད། ཡིན་ནའང། དོན་ངོ་མས་བཤད་སྟངས་གཞན་དག་ཀྱང་ཡོད་པ་ཧ་གོ་གི་ཡོད་པ་རེད།