—–ལྷ་རྒོད།
ཨ་མ་ལགས། དེ་རིང་མ་ཡུམ་གྱི་དུས་ཆེན་ཉིན། ངས་ཁྱེད་ཀྱི་བྱམས་བརྩེའི་རང་མདངས་ལ་ཕྱིར་དྲན་བྱས་ཏེ་རེ་བའི་མིག་ཟུང་ཁྱེད་ཀྱི་ཕྱོགས་སུ་ཅེར་ཡོད།
ཨ་མ་ལགས། སྤྱིར་བདག་གི་སེམས་ཁམས་ལ་གཞིགས་ནས་བཤད་ན་འཇིག་རྟེན་འདིར་དུས་ཆེན་འདྲ་མིན་གྱི་རྣམ་གྲངས་ནི་ཧ་ཅང་མང་དྲགས་པའི་སྐྱོན་ལས་ཉུང་སྐྱོན་གཏན་ནས་མ་མཐོང་། ཡིན་ནའང་དེ་དག་ཀུན་གྱི་ནང་ནས་ཆེས་རིན་ཐང་ལྡན་པ་ནི་མ་ཡུམ་གྱི་དུས་ཆེན་འདི་ཉིད་ཡིན།
ཨ་མ་ལགས། ངས་ཉིན་ལྟར་ཁྱེད་ཀྱི་ཞལ་མཇལ་གསུང་ཐོས་ལ་རེ་སྒུག་བྱེད་ཀྱིན་ཡོད་ལ། ངས་དྲན་སླ་བ་དང་བརྗེད་དཀའ་བ་ནི་ཁྱེེད་ཀྱི་བྱམས་བརྩེ་དང་བཞིན་རས་ཡིན།
ཨ་མ་ལགས། སྐབས་རེར་ངས་དུས་ཀྱི་ཁ་ཕྱོགས་དང་ཁྱེད་ཀྱི་ན་ཚོད། བདག་གི་གནས་སྟངས་སོགས་ལ་བསམ་གཞིག་རེ་བྱེད་དུས། སྐྱོ་སེམས་ཀྱི་མིག་ཆུ་སེམས་ཁོང་ནས་བཞུར་གྱིན་འདུག།
ཨ་མ་ལགས། གང་ལྟར་ངས་ཁྱེད་ཉིད་སྐུ་ཚེ་བརྟན་པ་དང་། མ་བུ་གསོན་བྲལ་གྱི་སྡུག་བསྔལ་ལས་མྱུར་དུ་གྲོལ་བའི་སྨོན་འདུན་གྲངས་མེད་ཞུ།
བས་མཐའ་ནས་ཁྱེད་ཀྱི་བུ་ལྷ་རྒོད་ཀྱིས། 🙏🙏🙏🙏🙏😂😂😂😂😂🙏🙏🎈🎈