ཁྲི་རལ་པ་ཅན།
བཙན་བྱོལ་བོད་མིའི་སྤྱི་ཚོགས་ནང་མི་དབུལ་ཕོངས་དང་ནད་པ་སོགས་ཉམ་ཐག་རིགས་ཤིན་ཏུ་མང་བ། ང་ཚོས་མང་པོ་ལབ་མི་དགོས་པར་ཉེ་ལམ་༧གོང་ས་མཆོག་ནས་ཀྱང་གསུང་ཤོར་དགོས་བྱུང་སོང་།འོན་ཀྱང་། བཙན་བྱོལ་བོད་གཞུང་གི་སྲིད་སྐྱོང་ནས་བཟུང་བཀའ་བློན་དང་དྲུང་ཆེ་མང་ཆེ་ཤོས། འཛམ་གླིང་སྟོབས་ཆེན་རྒྱལ་ཁབ་དང་ཨ་མི་རི་ཁ་དང་ཁ་ན་དྲ། རྒྱ་གར་དང་ཡོ་རོབ་སོགས་ཀྱི་མི་སེར་ཡིན་པ་མ་ཟད། སྤྱི་འཐུས་ཚོ་ལས་ཀྱང་བྱང་ཨ་རི་དང་ཡོ་རོབ།ཤར་ཨེ་ཤེ་ཡའི་འཐུས་མི་ཁག་བཤད་མི་དགོས་པར། ཐ་ན་རྒྱ་བལ་འབྲུག་གསུམ་གྱི་ཆོལ་ཁ་ཆོས་བརྒྱུད་ཀྱི་སྤྱི་འཐུས་ཁྲོད་དུའང་རྒྱལ་ཁབ་གང་རུང་གི་མི་སེར་དེ་འདྲ་སླེབས་ཚར་ཡོད་པས། ད་ཆ་བཙན་བྱོལ་བོད་གཞུང་དང་བཙན་བྱོལ་བོད་མི་དབང་ཅན་དང་འབྱོར་པ་ཅན་ཚང་མང་ཆེ་ཤོས།རྒྱལ་ཁབ་འདྲ་མིན་གྱི་མི་སེར་ཆགས་དང་ཆགས་བཞིན་པ་རེད།
འོན་ཀྱང་། དེ་ལྟར་མུ་མཐུད་ཕྱིན་ན། རྒྱ་ནག་དང་ལྷན་བོད་རྒྱ་ཞི་མོལ་དང་བོད་དོན་འཐབ་རྩོད་ཐག་གཅོད་ཀྱི་འགག་རྩ་ལ་སླེབས་དུས། དེ་སྔ་ཡང་ཚོགས་པ་རེ་ཟུང་དང་རྒྱལ་ཁབ་རེ་ཟུང་གི་ཁེ་ཕན་ཆེད། གོ་སྐབས་མང་པོ་ང་ཚོ་རང་གི་གནད་ཡོད་མི་སྣ་ཚོས་འཕྲོ་བརླག་ཏུ་བཏང་ལུགས། མི་རྒན་རྒྱུས་མྱོང་ཅན་རྒྱལ་དོན་དང་འཇུ་ཆེན་སོགས་ཀྱིས་འཆི་ཁར། སོ་སོའི་ཁ་ཆེམས་ཀྱི་ཚུལ་དུ་འཛེམ་ཟོན་མེད་པར་སྲོང་བོར་བརྗོད་ཡོད་པ་ལྟར། འབྱུང་འགྱུར་ཀྱང་ང་ཚོའི་བོད་དོན་འཐབ་རྩོད་འདི། སྟོབས་ཆེན་རྒྱལ་ཁབ་ཁ་ཤས་ཀྱི་མི་སེར་འགའ་དང་། དེ་ལ་ལྟོས་འབྲེལ་རང་དོན་པ་ཁག་ཅིག་ལག་འབྲེལ་གྱིས་སྐྱབས་བཅོལ་པ་ངོ་མ་དང་། བོད་ནང་གི་མི་ཚོ་ཚོང་རྫས་ཀྱིས་འཁྲབ་སྟོན་རྒྱུན་ཆད་མེད་པར་གནང་བའི་སྡིངས་ཆ་ཞིག་མི་ཆགས་རྒྱུའི་ངེས་པ་མེད།
དེ་འདྲར་བརྟེན། ཆུ་མགོ་ནས་རྙོག་ན་གཞུག་ནས་མི་དྭངས་པའི་དཔེ་ལྟར། སྐྱབས་བཅོལ་བོད་གཞུང་གི་བཀའ་བློན་མང་ཤོས་སྐྱབས་བཅོལ་པ་མིན་པར། སྟོབས་ཆེན་རྒྱལ་ཁབ་ཀྱི་མི་སེར་ཞེ་གཅིག་ཡིན་པ་སྐྱབས་བཅོལ་བོད་མི་ཚོས་མཐོང་སྐབས། སེམས་མི་བདེ་བ་ཡོང་རྒྱུ་ཆོས་ཉིད་རེད། རྒྱུ་མཚན། གང་ལྟར་སྐྱབས་བཅོལ་བ་རུ་ཚོགས་ཤིག་གི་སྐུ་ཚབ་སྟོབས་ཆེན་རྒྱལ་ཁབ་ཀྱི་མིས་བྱེད་དགོས་ན། དེ་ཚོས་སྐྱབས་བཅོལ་བའི་སྐྱིད་སྡུག་དང་གནས་སྟངས་མི་ཤེས་པ་མ་ཟད། དེ་ལས་ལྡོག་སྟེ་སྐྱབས་བཅོལ་བ་རྣམས་ཚོང་རྟེན་དང་སྲིད་དོན་གྱི་རྩེད་ཆས་བྱ་ཉེན་ཤིན་ཏུ་ཆེ།
ལྷག་པར་སྐྱབས་བཅོལ་གཞུང་ཞིག་གི་སྐུ་ཚབ་རྒྱལ་ཁབ་སྟོབས་ཆེན་གྱི་མི་སེར་གྱིས་བྱེད་པར་འོས་བབ་དང་ཐོབ་ཐང་གཉིས་ཀ་མེད་པ་རེད་མོད། ང་ཚོའི་སྤྱི་ཚོགས་ནང་དེ་ལྟར་བྱས་ཏེ་འགྲོ་བཞིན་པ་ཡིན་ན།ད་ཆ་བཙན་བྱོལ་བོད་མིའི་ལྟེ་གནས་ཆེ་ཤོས་རྒྱ་གར་ནང་དུ། བོད་མི་སྐྱབས་བཅོལ་བ་ཚོས་རྒྱ་གར་མི་སེར་ཞུ་འགོ་བརྩམས་བཞིན་པ་ཡིན།
དམིགས་བསལ་དེང་སང་བོད་མི་ཞིག་གིས་རྒྱ་གར་ཆེས་མཐོའི་ཁྲིམས་ཁང་ལ་ཞུ་གཏུག་གིས། རྒྱ་གར་གྱི་ཁྲིམས་ཐོག་ཏུ་སྤྱི་ལོ་༡༩༥༠ ནས་༡༩༨༧ བར་རྒྱ་གར་ནང་སྐྱེས་པ་ཚོ། རང་བཞིན་གྱིས་རྒྱ་གར་མི་སེར་བླངས་ཆོག་པའི་ཐོབ་ཐང་ལེན་འདོད་གནང་སྟེ། ཁྲིམས་ཐོག་གི་ཞིབ་འཇུག་འགྲོ་བཞིན་པ་ཡིན་ལ། དེ་སྔ་ཡང་ཁྲིམས་ཐོག་ནས་རྒྱ་གར་མི་སེར་ལེན་མཁན་བོད་མི་ཁ་ཤས་བྱུང་ཡོད་མོད། ད་ཐེངས་དེ་དང་མི་འདྲ་བར་མི་སྒེར་གྱི་མི་སེར་ཐོབ་ཐང་རྩོད་ཀྱི་མེད་པར། བོད་པ་མང་ཚོགས་ཀྱི་རྒྱ་གར་མི་སེར་ཐོབ་ཐང་ཁྲིམས་ཐོག་ནས་རྩོད་ཀྱི་ཡོད་འདུག་པས། གལ་ཏེ་ཁོང་ལ་ཁྲིམས་ཐོག་གི་ཁ་མཆུ་ཐོབ་པ་ཡིན་ན། གོང་གསལ་ལོ་དུས་དེའི་ནང་སྐྱེས་པ་ཚོར་རྒྱ་གར་མི་སེར་ཐོབ་རྒྱུར་རང་བཞིན་གྱིས་ལམ་ཁ་ཕྱེས་ཚར་པ་རེད།
ལམ་ཁ་དེར་བོད་མི་དཀྱུས་མ་མང་པོ་འཚང་ཁ་ཡིན་པ་རྒྱ་གར་འོས་བསྡུའི་སྐབས་གསལ་བོ་མཐོང་ཚར་སྟབས། གནད་དོན་འདི་བཙན་བྱོལ་གཞུང་ལ་ཉེན་འགན་ཆེན་པོ་རེད། འོན་ཀྱང་། ཉེན་ཁ་དེ་འགོག་དགོས་ན། བཙན་བྱོལ་བོད་གཞུང་གིས་དང་པོ་འགོ་ནས་བཟུང་གཙང་མ་བཟོ་དགོས་པ་རེད་སྙམ།
བོད་པ་ཞིག་ཡིན་ཚེ་འཛམ་གླིང་གི་རྒྱལ་ཁབ་གང་དུ་གནས་ཀྱང་སྐྱབས་བཅོལ་བའི་ངོ་བོར་གནས་ཡོད་སྟབས། རྒྱལ་ཁབ་དེ་དང་དེས་མི་སེར་བཟོ་མ་བཟོ་སྥྱི་དོན་རླབས་ཆེན་ཞིག་གི་ཆེད་དང་། མི་བུ་རང་ཉིད་ཀྱི་སྒེར་དོན་ཞིག་ཡིན་པ་ལས། མི་རིགས་ལ་ཤ་ཚ་དང་ལར་ཞེན་གྱིས་ནུས་བ་འདོན་ཐུབ་མིན་སོགས། སྟབས་བདེ་ངང་ཚད་འཇལ་རྒྱུ་སྟེ། དེ་ཙམ་ལས་སླ་བོ་ཞིག་ག་ལ་ཡིན། རང་ཉིད་རྒྱལ་ཁབ་དེས་མི་སེར་ཆགས་ན་དེས་ངོ་བོའི་ཐོག་བོད་དོན་ཐད་ཆ་ཤས་དང་ལས་འགན་བསྒྲུབ་རྒྱུ་ལས་སླ་རུ་དང་། ནུས་པ་ཆེ་ཙམ་འདོན་སའི་ལྡིང་ཆ་གལ་ཆེན་ཞིག་ཏུ་མཐོང་།
བཀའ་ཟུར་རྒྱལ་ལོ་དོན་གྲུབ་ཧོང་ཀོང་ཨིན་ཇིའི་མི་སེར། མངའ་རིས་སྤྲུལ་སྐུའི་ཨ་རི་མི་སེར། བཀྲས་ཐོང་བསྟན་རྣམ་ཨ་རིའི་མི་སེར། ཚ་རོང་སྟག་ལྷ་རྣམ་རྒྱལ་དང་སྟག་ལྷ་བསྟན་འཛིན་ལགས་ཨ་རི་མི་སེར། ༧ གོང་ས་སྐུ་ཚབ་ཟུར་པ་རྒྱ་རི་བློ་གྲོས་ཨ་རི་མི་སེར། བསྐལ་བཟང་རྒྱལ་མཚན་ཡུ་རོབ་མི་སེར། གོང་གསལ་སྐུ་དངོས་རྣམ་པ་ཐམས་ཅད་བོད་དོན་ལ་ཐུགས་ཁུར་མཛད་རྗེས་ཡང་ངག་ཡོད་པས་ཐུགས་ཕྲལ་གནང་དགོས་མི་འདུག ཉམས་ཆུང་བོད་མི་ཚོོ་རྒྱ་གར་མི་སེར་བཟོ་བར་ཁྲིམས་ལུགས་་མཐུན་པ་ཡིན་པས་རྒྱབ་སྐྱོར་ཡོད།
བོད་མི་རིགས་ཀྱིས་ལས་དབང་ལ་བསྐོས་པའི་ལུང་པ་ཡོད་པ་དེ་དག་ཚུར་རང་ལག་ཏུ་ལེན་པའི་ཐབས་ལམ་འཚོལ་དགོས་པ་ལས་ རྒྱལ་ཁབ་གཞན་གྱི་མི་སེར་བཟོ་ཐུབ་པ་ཙམ་གྱི་རང་ཡུལ་རང་ལག་ཏུ་ཐོབ་རྒྱུ་ཡོད་པ་ཤེས་མ་སོང་ལ་ རྒྱལ་ཁབ་གཞན་གྱི་མི་སེར་བཟོས་ནས་བོད་ཡུལ་ལེན་ཐབས་གནང་མཁན་ཡོད་ན་ སྨྲ་ཤེས་དོན་གོ་བ་མིའི་ཚན་ཉིད་མ་ཚང་བ་ལ་ངོས་འཛིན་བྱས་ན་མ་འགྲིག་པ་ཨ་ཡོད་ཧཧཧཧ།
སྟོབས་ཆེན་དང་དཔལ་འབྱོར་ཆེ་བའི་རྒྱལ་ཁབ་ཀྱི་མི་སེར་བཟོ་ནས་རང་ཡུལ་ལག་ཏུ་ལེན་ན་བོད་དེ་སྔ་སར་ནས་རང་ལག་ཏུ་ལེན་ཚར་རེད་ཡ། མ་གཞི་ནས་རྐང་པ་གཉིས་གསུམ་བཙུགས་མཁན་དེ་ཚོ་མགོ་བདེ་མོ་ཅིག་ལ་ཆ་འཇོག་རྒྱུ་ལས་དྲང་བདེན་ཅིག་ལ་སུས་ངོས་འཛིན་ཐུབ་བམ། དེའི་ཁར་བོད་མི་ནུབ་གླིང་སོགས་ལ་ཁ་བསྒྱུར་མཁན་བཀའ་ཟུར་རྣམས་པས་བྱས་རྗེས་ལས་ནག་ཉེས་ཅིག་ལ་ཁས་ལེན་གྱི་མི་འདུག་གདའ།
སྤུན་གྲོགས་རྣམ་པ།འཛམ་གླིང་གི་སྟོབས་ལྡན་རྒྱལ་ཁབ་དེ་ཚོ་ང་ཚོ་ལྟ་བུའི་ལྐུག་པ་མ་རེད་ད།གང་ལྟར་རྒྱལ་ཁབ་དེ་ཚོའི་མི་སེར་བྱས་ཉིན་ནས་བཟུང་།རྒྱལ་ཁབ་དེའི་ཁེ་ཕན་གང་ལས་ཀྱང་གལ་ཆེན་དུ་བརྩིས་དགོས་པ་ཁྲིམས་ཐོག་ན་འཁོད་ཡོད་རེད།
ལྷག་པར་མིག་ཡོད་ན་ཕྱེས་ནས་ལྟོས་དང་།ཨ་རི་ན་རྒྱ་མི་ཨ་རིའི་མི་སེར་མང་པོ་ཡོད་པ་རེད།དབྱིན་ཡུལ་ན་རྒྱ་གར་བ་དབྱིན་ཇིའི་མི་སེར་མང་པོ་ཡོད་རེད།དེ་ཚོ་ཚང་མས་གནས་དུས་གང་དུའང་ཨ་རི་དང་དབྱིན་ཡུལ་གྱི་ལ་རྒྱ་བཟུང་།ཞེན་ཁོག་ཤ་ཚའི་སྒོ་ནས་དམག་འཁྲུག་ཚུན་ཆད་ལ་ཞུགས་ཏེ་སྲོག་གཏོང་མཁན་ཡང་མང་པོ་ཡོད་རེད་མ་གཏོགས།རྒྱ་ནག་དང་རྒྱ་གར་ལ་ཞེན་ཤ་ཚ་བྱེད་མཁན་ཉིན་སྐར་ཙམ་རེད།དམིགས་བསལ་ཨ་རིའི་མི་སེར་ཆགས་ཟིན་པ་རྒྱ་མི་མང་ཆེ་བ་རྒྱ་ནག་ལ་མི་དགའ་བ་ཆེན་བྱེད་ཀྱིན་འདུག
ད་འོ་ན།ཕྱི་རྒྱལ་དུ་རྒྱ་མི་ཚོས་བོད་ལ་ངོ་རྒོལ་བྱེད་ཀྱིན་འདུག་ག་ཅེས་ན།དེ་ཚོ་ནི་སྐབས་འཕྲལ་སློབ་སྦྱོང་དུ་ཡོང་བ་དང་ལས་ཀར་ཡོང་བ།ལོ་ཤས་རྗེས་ནས་རྒྱ་ནག་ལ་ལོག་འགྲོ་མཁན་རྒྱ་མི་དེ་འདྲ་རེད།
ང་ཚོའི་མི་ཚོ་ཡང་རྒྱལ་ཁབ་གང་རུང་གི་མི་སེར་ཆགས་ཉིན་ནས།མི་མང་ཆེ་ཤོས་བསམ་སྤྱོད་འགྱུར་འགྲོ་གི་འདུག་ག།ཁོ་རང་ལ་རྒྱལ་ཁབ་ཡོད་སྙམ་པའི་ང་རྒྱལ་དང་སྤོབས་སེམས།བློ་རྩ་བརྟན་པོ་ཡོད་དུས།བོད་དོན་དེ་སོ་སོའི་སྐབས་འཕྲལ་ཁེ་ཕན་སྒྲུབ་ས་ཙམ་མ་གཏོགས།སོ་སོ་ནི་ནང་མི་ལྟོས་བཅས་ཚང་མ་བརྟན་པོ་ཡིན་ན།བོད་དོན་ལ་སེམས་འཚབ་དེ་འདྲ་གང་ཡང་ཡོང་གི་མ་རེད་ལ།འགག་ལ་ཐུག་ན་ཁོ་རང་གི་རྒྱལ་ཁབ་ཀྱི་ཁེ་ཕན་དང་བོད་དོན་གཉིས་ལས་ཏན་ཏན་ཁོ་རང་གི་རྒྱལ་ཁབ་དེའི་ཁེ་ཕན་བདམས་ངེས་རེད།
ལྷག་པར་མི་དེ་ཚོར་སྐྱབས་བཅོལ་བ་ཡིན་པའི་ཚོར་བ་དང་སྡུག་བསྔལ།བཟའ་མི་དང་ཕ་མ་ཁ་བྲལ་དུ་གནས་པ་ལྟ་བུ་ཅི་གང་མེད་པར།སོ་སོ་གར་འགྲོ་གར་འདུག་རང་དབང་ཡིན་དུས།བོད་དོན་དེ་མུ་མཐུད་ཐག་མ་ཆོད་པར་བསྡད་ན།ཁོང་ཚོར་ཁེ་ཕན་ཡོད་པས།ནམ་ཡང་བོད་དོན་ཐག་གཅོད་ལ་འབད་བརྩོན་ཁོ་རང་གནང་གི་མ་རེད།དེ་ཚོའི་མིའི་ཆོས་ཉིད་དང་གཤིས་ཀ་རེད།ང་ཚོ་བོད་མི་རྣམས་ཀྱང་མི་སྤྱི་ལས་ལྷག་པ་གང་ཡང་ཡིན་ནི་མ་རེད།
དེ་ལས་སྐྱབས་བཅོལ་བའི་དཔོན་པོར་སྐྱབས་བཅོལ་བ་བཞག་ན།ཁོ་ལ་གཤམ་འོག་མི་མང་ཚོར་ཡོད་པའི་སྡུག་བསྔལ་དང་ཉམ་ཞན།ཛ་དྲག་གི་ཚོར་བ་ཚང་མ་ཡོད་པ་མ་ཟད།སོ་སོར་རྒྱལ་ཁབ་མེད་པར་སྐྱབས་བཅོལ་བར་གནས་ཡོད་དུས།བོད་ཟེར་བ་ལས་སེམས་ནང་ཤ་ཚ་དང་ཞེན་ཁོག་འཛིན་ས་གཞན་ལྷག་མེད་ན།ཧུར་ཐག་འབད་ཐག་དང་མ་ལན་མ་འགྱོད་པ་ཞིག་བྱེད་ངེས་རེད།དེ་ཙམ་ཡིན་གླེན་རྒན་ཚོ།
བོད་མི་སུ་ཡིན་ཡང་།སོ་སོས་ནུས་ཚོད་ཀྱིས་བོད་དོན་ཆེད་ནུས་ཤུགས་འདོན་ཐུབ་ན་རབ།མི་ཐུབ་ན་བཀའ་དྲིན་ཅན་གྱི་རྒན་རབས་པ་རྣམས་ཁ་གཏོང་རྒྱུ་མཚམས་འཇོག་དགོས་པ་གལ་ཆེའོ།ོེ
ཁྲིམས་བཟོ་སྤྱི་འཐུས་གྲོས་ཚོགས་ནས་མཅའ་ཁྲིམས་ལ་
བསྐྱལ་བཅོས་གནང་ནས་དབུས་བོད་མིའི་སྲིད་སྐྱོང་དང་བཀའ་བློན་
སྤྱི་འཐུས་སོགས་རྒྱལ་ཁབ་གཞན་གྱི་མི་སེར་མིན་པ་རྒྱ་བལ་
འབྲུག་སུམ་ནང་གནས་པའི་བོད་མི་བཙན་བྱོལ་བ་ལུང་པ་དེའི་
(RC)ཡོད་པ་དཔྱ་ཁྲལ་ལག་དེབ་རྒྱལ་དོན་མ་དངུསལ་ཆད་ལྷག་
མེད་པ་འབུལ་མཁན་གྱི་བོད་མི་དཱངས་མ་རྣམས་སྲིད་སྐྱོང་དང་བཀའ་སྤྱི་ཕྱི་རྒྱལ་དོན་གཅོད་སོགས་ལ་བསྐོ་དགོས་པའི་ཁྲིམས་ཡིག་བཟོ་དགོས་པ་དེ་གལ་ཆེན་མིན་པ་ཡིན་ནམ་ད་མུས་བཞིན་ར་མ་ལུག་བྱས་པས་བཙན་བྱོལ་བོད་མིའི་སྒྲིག་འཛུགས་ལ་རྒྱལ་ཁབ་གང་བྱུང་གི་མི་སེར་ནས་འགན་འཁུར་ཆོག་པའི་ལམ་ལ་
ཕེབས་ན་འགྲིག་གི་ཡོད་པ་ཡིན་ནམ་???ཉ
འདི་ན་གནད་དོན་ཞིག་གམ་དཀའ་ངལ་ཡོད་རེད། ཡིན་ཡང་དེ་སེལ་མཁན་གྲོས་ཚོགས་དང་བཀའ་ཤག་གཉིས་ཀ་ཡིན་མི་སྲིད། རྒྱུ་མཚན་ཁོ་ཚོ་དཀའ་ངལ་དེ་བཟོ་མཁན་ཡིན་པའི་སོ།
བོད་པ་དངོས་གནས་ཡིན་ན་ཨའུ་ཙམ་རེད། བོད་མི་རྩ་བ་ཉིད་ནས་མ་ཡིན་མཁན་ཕྱི་རྒྱལ་གྱི་མི་ཞིག་ཨུ་རུ་སུར་བོད་མིའི་དོན་གཅོད་དུ་སྐོས་ཡོད་རེད། བྱས་ཙང་ང་ཚོའི་སྒྲིགས་འཛུགས་འདི་ཆོས་ལུགས་ཀྱིས་དབང་བསྒྱུར་ལས་མི་རིགས་དབང་བསྒྱུར་གྱི་སྒྲིགས་འཛུག་ཞིག་མ་རེད་འདོད།