རྟ་ནག་ལུང་རིགས་ཀྱིས་བསྒྱུར།
སྙིང་ནས་བརྩེ་བའི་ཏཱ་ལའི་བླ་མ་ལགས་ལ།
ཁྱེད་ཀྱིས་སྤྱི་ལོ་གཅིག་སྟོང་དགུ་བརྒྱ་ང་དྲུག་ལོའི་ཟླ་གཉིས་པའི་ཚེས་བཅོ་བརྒྱད་ཉིན་སྤྲིངས་པའི་ཡི་གེ་ལག་ཏུ་འབྱོར་བས་ཤིན་ཏུ་སྤྲོ། ཙུང་ལི་གཞོན་པ་ཁྲིན་ཡིས་པེ་ཅིན་ལ་འབྱོར་རྗེས་བོོད་རང་སྐྱོང་ལྗོངས་གྲ་སྒྲིག་ཨུ་ཡོན་ལྷན་ཁང་བཙུགས་པའི་བརྒྱུད་རིམ་དང་། ཕྱོགས་སོ་སོའི་བོད་ལྗོངས་ཀྱི་བྱ་བའི་གནས་ཚུལ་ང་ཚོར་ཡར་ཞུ་བྱས་བྱུང་། བོད་རང་སྐྱོང་ལྗོངས་གྲ་སྒྲིག་ཨུ་ཡོན་ལྷན་ཁང་བཙུགས་པ་ནི་བྱ་གཞག་ཆུང་ཆུང་ཞིག་དངོས་གནས་མ་ཡིན་ཏེ། འདི་ནི་པཎ་ཆེན་ཨེར་ཏི་ནི་དང་ཁྱེད་གཉིས་ཀྱིས་ལོ་མང་རིང་བོད་ལྗོངས་མཐུན་སྒྲིལ་དང་། བྱ་གཞག་མདུན་སྐྱོད་ཀྱི་འབད་བརྩོན་ལ་བརྟེན་ནས་བྱུང་བའི་གྲུབ་འབྲས་བླ་མེད་དེ་ཡིན་པས་ཕྱིར་རོ།།
བོད་རང་སྐྱོང་ལྗོངས་གྲ་སྒྲིག་ཨུ་ཡོན་ལྷན་ཁང་གིས་དཀའ་ཚེགས་ཤིན་ཏུ་ཆེ་བའི་འོས་འགན་ཞིག་ཕྲག་ཏུ་བླངས་ཡོད། འདི་ནི་བོད་ལྗོངས་ནང་ཁུལ་གྱི་མཐུན་སྒྲིལ་ཤུགས་སྣོན་ལ་ལྷག་པར་དུ་མཁོ་བས་བྱ་བ་ཕྱོགས་ཡོངས་ནས་ལེགས་འགྲུབ་འབྱུང་བར་ཁག་ཐེག་བྱེད་དགོས། འབྱུང་འགྱུར་གྱི་བྱ་བའི་ཁྲོད་དུ་བོད་ལྗོངས་ཀྱི་རིམ་པ་སོ་སོའི་མི་དམངས་ཀྱི་ཁེ་ཕན་བསམ་པ་དང་། བོད་རང་སྐྱོང་ལྗོངས་གྲ་སྒྲིག་ཨུ་ཡོན་ལྷན་ཁང་གིས་བོད་ལྗོངས་མི་དམངས་སྲུང་སྐྱོབ་དང་བརྩི་བཀུར་ཤུགས་སྣོན་བྱེད་པར་ང་ཚོས་ཡིད་ཆེས་བྱས་ཡོད། ལོས་ཡིན་ཏེ་མི་དམངས་ཀྱི་ཁེ་ཕན་དང་འབྲེལ་བའི་བྱ་གཞག་གང་ཡིན་ནའང་སྐད་ཅིག་དེ་ཉིད་ལ་བསྒྲུབ་རྒྱུ་ཞིག་མ་ཡིན་པར། གྲ་སྒྲིག་ཡོད་པའི་སྒོ་ནས་གོམ་གང་མདུན་སྐྱོད་བྱེད་དགོས་པ་ཡིན། གལ་སྲིད་ཁྱེད་ཀྱིས་བྱ་བ་སྒྲུབ་པའི་གོ་རིམ་ཁྲོད་དུ་དཀའ་ངལ་འདྲ་འཕྲད་བྱུང་ན་ཁྱེད་ཀྱི་ནམ་ཡིན་ནའང་འཕྲིན་ཡིག་སྤྲིངས་པའམ་གློག་འཕྲིན་གཏོང་བ་བཅས་བརྒྱུད་ནས་ངེད་ཅག་ལ་གྲོས་བསྡུས་བྱས་ཆོག་ལ། ཀྲུང་དབྱང་མི་དམངས་སྲིད་གཞུང་གིས་ཁྱེད་ལ་ངེས་པར་དུ་རོགས་རམ་བྱེད་ཁོ་ཐག་ཡིན།
ཁྱེད་ཀྱི་ཨ་ཅེ་ཚེ་རིང་སྒྲོལ་མ་ལགས་ཀྱིས་ཁྱེད་ཀྱི་ཁྱིམ་མི་རེ་འགས་ཕྱི་རྒྱལ་དུ་ལས་འགུལ་སྤེལ་གྱིན་ཡོད་པས། ཁྱེད་རང་རྒྱུན་དུ་ཐུགས་སེམས་བདེ་ལ་འབབ་ཐུབ་ཀྱིན་མེད་པའི་ཚུལ་བཤད་སོང་། བདག་གིས་ཁྱེད་ཀྱིས་སེམས་ཁམས་ལ་རྒྱུས་ལོན་བྱེད་ཐུབ། ཡིན་ནའང་ཁྱེད་རང་བློ་སེམས་མ་བདེ་བ་དེ་འདྲ་གཏན་ནས་བྱེད་དགོས་པ་མ་རེད། རྒྱུ་མཚན་ནི་ཁྱེད་ཀྱི་གནས་སྟངས་དང་ཁོ་ཚོའི་གནས་སྟངས་ནི་གཏན་ནས་མ་འདྲ་བ་རེད། ཁྱེད་ཀྱིས་ཀྲུང་དབྱང་སྲིད་གཞུང་གི་མི་རིགས་སྲིད་ཇུས་ལ་རྒྱུས་ལོན་བྱས་ཡོད་ལ། མེས་རྒྱལ་གྱི་ས་ཆ་སོ་སོ་ན་སྤྱི་ཚོགས་རིང་ལུགས་འཛུགས་སྐྲུན་བྱེད་པའི་བྱ་བ་ནི་ཚ་ཚ་འུར་འུར་གྱིས་ལག་བསྟར་བྱེད་བཞིན་ཡོད་པ་ཁྱེད་ཀྱིས་མངོན་སུམ་དུ་མཐོང་ཡོད་པ་འདི་ག་རང་རེད། བོད་ལྗོངས་ཞི་བའི་སྒོ་ནས་བཅིངས་གྲོལ་བྱས་རྗེས་ཀྲུང་དབྱང་དང་བོད་ལྗོངས་ས་གནས་ཀྱི་འབྲེལ་བ་ཙམ་དུ་མ་ཟད། བོད་ལྗོངས་ནང་ཁུལ་གྱི་མཐུན་སྒྲིལ་ཕྱོགས་ལ་ཡང་ཁྱེད་ཀྱི་མིག་རྒྱང་རིང་བོ་སྤྱད་དེ་འབད་བརྩོན་ལྷོད་མེད་བྱས་ཡོད། དེ་བས་ཀྲུང་དབྱང་སྲིད་གཞུང་དང་མོའོ་ཀྲོའུ་ཞིས་ཁྱེད་རང་ལ་ཡིད་ཆེས་བརྒྱ་ཆའི་བརྒྱ་བྱས་ཡོད།
ཕྱི་རྒྱལ་ན་ཡོད་པའི་ཁྱེད་ཀྱི་ཁྱིམ་མི་དག་ལ་མཚོན་ནས་བཤད་ན། ཨ་རི་དང་། དབྱིན་ཇི་བཙན་རྒྱལ་རིང་ལུགས་ཀྱིས་ཁོ་ཚོ་ལག་ཆར་བེད་སྤྱོད་བྱས་ཏེ་བོད་ལྗོངས་ཀྱི་མཐུན་སྒྲིལ་མདུན་སྐྱོད་བྱ་གཞག་ལ་གཏོར་བརླགས་བྱེད་བཞིན་ཡོད་པ་རེད། ད་ལྟ་ཨ་རི་དང་། དབྱིན་ཇི་བཙན་རྒྱལ་རིང་ལུགས་བཅས་ཀྱིས་བཀའ་བློན་སྦུག་ཏུ་ཁོ་ཚོས་དམིགས་བསལ་སྒྲིག་འཛུགས་ཀྱི་ལྟེ་གནས་བཙུགས་ཏེ་གཏོར་བརླགས་ཀྱི་བྱ་འགུལ་མུ་མཐུད་དུ་སྒྲུབ་རྩིས་བྱེད་བཞིན་ཡོད། འདི་ནི་ང་ཚོས་མཉམ་འཇོག་དང་དོ་སྣང་བྱེད་ས་ཞིག་ཡིན། ཡིན་ནའང་ཕྱོགས་གཞན་ཞིག་ནས་ཁྱེད་ཀྱིས་ཁོ་ཚོར་གོ་བསྐོན་བློ་འགུག་གི་བསླབ་བྱ་གནང་སྟེ་ཁྱིམ་མི་འདི་དག་ཕྱིར་རང་རྒྱལ་ཏུ་ལོག་ཏུ་འཇུག་དགོས། ཁོ་ཚོས་མེས་རྒྱལ་གྱི་མི་རིགས་སོ་སོའི་མཐུན་སྒྲིལ་དང་། ལོ་ངོ་འགའ་ཤས་རིང་གི་མདུན་སྐྱོད་ཀྱི་གྲུབ་འབྲས་ལ་ཐེ་ཚོམ་ཟ་བ་དང་། ཁོ་ཚོ་ཕྱིར་རང་རྒྱལ་དུ་མི་ལོག་པའི་གནད་དོན་གཙོ་བོ་ཡང་ཐེ་ཚོམ་ཟ་བཞིན་ཡོད་པ་དེ་ཡིན། དེར་བརྟེན་ཁྱེད་ཀྱིས་མིག་སྔར་ཁོ་ཚོ་ལ་འཕྲིན་ལམ་བརྒྱུད་ནས་ཀྲུང་དབྱང་སྲིད་གཞུང་གི་སྲིད་ཇུས་དང་། བོད་ལྗོངས་ཀྱི་གནས་ཚུལ་ངོ་མ་དེ་ཉིད་བཤད་དགོས། གལ་སྲིད་ཁོ་ཚོ་ལ་དཔལ་འབྱོར་གྱི་དཀའ་ངལ་ཡོད་ཚེ་ཁྱེད་ཀྱིས་ཀྱང་དེ་དག་ཐག་གཅོད་གནང་རོགས། མིག་སྔར་ཁོ་ཚོ་ལ་བཤད་རྒྱུའི་གཙོ་བོ་ནི། མེས་རྒྱལ་གྱི་པང་དུ་དྲོད་ཁོལ་ཡོད་པར་མ་ཟད། མཇུག་འབྲས་གཞན་པ་མ་བྱུང་བའི་སྔ་རོལ་ཏུ་ཁོ་ཚོ་ཕྱིར་ལོག་དགོས་ཞེས་བསླབ་སྟོན་བྱེད་དགོས་པ་ཡིན།
ཉེ་ཆར་བལ་ཡུལ་དང་རྒྱ་གར་གྱི་གདན་ཞུ་ལྟར་ཁྱེད་རང་གཟིགས་སྐོར་དུ་ཕེབས་པར་ཁྱེད་ཀྱི་བྱ་བའི་བྱེད་ཕྱོགས་ལ་ངེད་ཅག་གིས་མོས་མཐུན་བྱས་པ་ཡིན། རྩ་དོན་གྱི་ཆ་ནས་ཁྱེད་རང་འཚམས་འདྲིར་བཅར་བའི་ངེས་པ་དེ་ཁས་ལེན་ཡོད་ཀྱང་། བོད་རང་སྐྱོང་ལྗོངས་གྲ་སྒྲིག་ཨུ་ཡོན་ལྷན་ཁང་གི་བྱ་བ་གནད་འགགས་ཀྱི་དུས་རིམ་དུ་བསླེབས་ཡོད་པས་ད་ལྟ་བཅར་མི་རིགས། ངེད་ཅག་གིས་དགོངས་པ་ལ་གནས་སྐབས་རིང་འདི་ལྟར་ལན་སྤྲད་ན་ཅུང་མཚམས་པོ་ཡོད་པར་སྙམ། རྒྱུ་མཚན་ནི་ཕྱོགས་གཅིག་ནས་བོད་རང་སྐྱོང་ལྗོངས་གྲ་སྒྲིག་ཨུ་ཡོན་ལྷན་ཁང་གི་ལས་དོན་མང་པོ་ཞིག་ལ་ཁྱེད་ཀྱི་རྒྱབ་སྐྱོར་མཁོ་བ་དང་། ཕྱོགས་གཞན་ཞིག་ནས་དེ་གར་ཡོད་པའི་ཨ་རི་དང་དབྱིན་བཙན་རྒྱལ་རིང་ལུགས་ཀྱི་གཏོར་བརླགས་ལ་བསམ་མནོ་བཞེས་དགོས་འདོད། དེའི་རྐྱེན་གྱིས། ཁྱེད་རང་ཕྱི་རྒྱལ་དུ་བགྲོད་པའི་སྐོར་ནས་མཉམ་འཇོག་དང་གྲ་སྒྲིག་གང་འཚམས་བྱ་དགོས་པ་འདུག
བོད་ལྗོངས་དང་ནང་ལོགས་བར་དུ་མཁའ་སྐྱོད་ལམ་ཐིག་ཚོད་ལྟ་ལེགས་འགྲུབ་བྱུང་རྗེས་ང་ཚོ་ཕར་འགྲོ་ཚུར་འོང་གི་སྟབས་ཤིན་ཏུ་བདེ་བ་ཡིན་པས། ད་ནས་བཟུང་ས་ཁམས་ཀྱི་བར་ཐག་འདི་ནི་ང་ཚོའི་བར་གཅོད་བྱེད་དུ་མི་འགྱུར་བའི་རྒྱུ་རྐྱེན་གཅིག་འདི་ན་ཡོད། ང་ཚོ་ཚང་མས་ནམ་རྒྱུན་ཁྱེད་རང་ཤིན་ཏུ་དྲན་གྱིན་ཡོད། གལ་སྲིད་གོ་སྐབས་ཤིག་བྱུང་ན་ནམ་རྒྱུན་བདག་གི་སེམས་ལ་ཉར་བའི་རེ་འདུན་སྟེ། བོད་ལྗོངས་སུ་ཐེངས་གཅིག་ཡོང་རྒྱུ་མ་ཟད། ཁྱེད་དང་མཉམ་དུ་འཛོམས་པའི་རེ་སྨོན་དེ་མངོན་གྱུར་ཡོང་བ་བྱེད་རྒྱུ་ཡིན།
ཁྱེད་ཀྱིས་སྐུར་ཡོང་བའི་གསར་སྐྱེས་མེ་ཏོག་སུམ་འདབ་ཅན་དེ་བདག་ལ་འབྱོར་བས་ཁྱེད་ལ་ཐུགས་རྗེ་ཆེ་ཞེས་ཞུ་བཞིན་ཡོད་ལ། བདག་གིས་ཀྱང་ཁྱེད་ལ་ཇ་ཤིང་གསར་བའི་ལོ་མ枫叶ཞིག་ཕྱིར་ལེགས་སྐྱེས་སུ་བསྐུར་ཡོད། ཁྱེད་ཀྱི་སྐུ་གཟུགས་བདེ་ཐང་། བྱ་བ་ལམ་འགྲོ་ཡོང་བའི་སྨོན་འདུན་ཞུ།
ཞེས་ཀྲོའུ་ཨིན་ལེ་ནས།
གཅིག་དགུ་ང་དྲུག་ལོའི་ཟླ་བདུན་པའི་ཚེས་བཅུ་གཉིས་ཀྱི་ཞོགས་པར་པེ་ཅིན་ནས།
མའོ་ཙེ་ཏུང་དང་ཀོའོ་མོ་རོའི་སྙན་ངག་ཧ་ཅང་ཡག སྔོན་ཆད་མའོ་ཙེ་ཏུང་སྐྱེས་ནས་ལོ་བརྒྱ་འཁོར་བའི་དྲན་གསོའི་སྐབས་སྦྲང་ཆར་དུས་དེབ་ཅིག་ཏུ་འཇུ་སྐལ་བཟང་གིས་མའོ་ཡི་སྙན་ངག་ཁག་ཅིག་བོད་བསྒྱུར་བྱས་འདུག དེ་ཚོ་ནི་ངོ་མ་སྙན་ངག་སྤུས་ཀ་ཧ་ཅང་ལེགས་པ་འབའ་ཞིག་རེད། གལ་སྲིད་མའོ་ཆབ་སྲིད་ཀྱི་ལས་ཀར་མ་ཞུགས་པར་མུ་མཐུད་དེ་སྙན་ངག་བྲིས་ཡོད་ན་ནོ་སྦེལ་རྩོམ་རིག་བྱ་དགའ་ཡང་འཐོབ་ས་རེད་བསམས་པ་ཞིག་འདུག མའོ་ཡི་སྙན་ངག་དེ་ཚོ་དང་རྒྱ་གར་བ་ནོ་སྦེལ་རྩོམ་རིག་ཐོབ་མཁན་ཐེ་གོར་གྱི་སྙན་ངག་གཉིས་ལ་བཟང་ངན་དེ་ཙམ་མ་མཐོང་། མའོ་ཡི་སྙན་ངག་ནི་ཨ་རིའི་མི་ནག་འཐབ་རྩོད་པ་མར་ཁྲིན་ལི་ཐར་ཁེང་གི་གཏམ་བཤད་དང་འདྲ་བར་སྙན་ཆ་ལྡན་ལ་ནང་དོན་ཟབ་པ་དེ་འདྲ་རེད། སྤྱིར་ན་མའོ་གཞོན་དུས་རྒྱ་ནག་རྒྱལ་ཁབ་ཉམས་རྒུད་དུ་འགྱུར་བཞིན་ཡོད་ཅིང་། རྩོམ་པ་པོའི་སེམས་ནང་དགའ་སྐྱོ་ཆགས་སྡང་གི་ཚོར་བ་དྲག་པོ་འབར་བཞིན་པའི་སྐབས་སུ་སྙན་ངག་ཡག་པོ་འབྲི་ཐུབ་པ་ཡོངས་གྲགས་ཡིན་པས། མའོ་ཡི་སྙན་ངག་གི་རྒྱུ་ཆ་ཡང་དེ་འདྲ་ཞིག་ཡིན་ནམ་སྙམ།
མཁས་དབང་ཀླུ་སྨྱོན་ལགས་ཀྱིས་རྒྱལ་ཁབ་ཅིག་ཉམས་རྒུད་དུ་འགྲོ་བཞིན་པའི་སྐབས་སུ་སྙན་ངག་ངག་པོ་འབྲི་ཐུབ་པས་སྐབས་དེར་མའོ་ཙེ་ཏུང་སོགས་ཀྱིས་སྙན་ངག་པོ་བྲིས་ཡོད་ཟེར། དེ་ལྟར་ན་ད་ལྟའི་དུས་འདིར་ང་ཚོ་བོད་པའི་སྙན་ངག་པ་ཚོའི་ནང་ན་སྐད་གྲགས་ཅན་ཞེད་པོ་ཐོན་དགོས་པའི་ཟོལ་ཞིག་འདུག
འདས་པ་རྗེས་འདེད་བྱེད་པ་རྒན་ཁོག་བློ་།
མ་འོང་མདུན་བསུ་བྱེད་པ་བྱིས་པའི་བློ་།
ད་ལྟ་ལག་ལེན་ལྟར་བ་མཁས་པའི་བློ་།
དུས་གསུམ་མཉམ་སྲེས་བྱེད་པ་རྩིས་མཁན་བློ་།
རྟ་ནག་ལུང་རིགས་ལགས་ཀྱིས་ངོས་སྦྱོར་གནང་བར་ཐུགས་རྗེ་ཆེ།
ལོ་རྒྱུས་ཀྱི་ཡིག་ཆ་ངོ་སྤྲོད་པའི་སྐབས་མ་ཡིག་གང་ལ་པར་བ་དང་། དེའི་ཁུངས་གསལ་པོར་བརྗོད་ན་ཡིད་ཆེས་འཕེལ་བར་ཕན།
དེ་བཞིན་ཡི་གེ་དེའི་ནང་དོན་གཙོ་བོ་དེ་གོ་བ་ལོན་མི་ཐུབ་པར་གྱུར་འདུག མའོ་ཡིས་རྒྱལ་བ་རིན་པོ་ཆེ་ཕྱི་རྒྱལ་ལ་གཏོང་མི་འདོད་པ་དེ་ཡིན་སྲིད། འོན་ཀྱང་”མཉམ་འཇོག་”ཟེར་བའི་ཚིག་དེ་ཡུལ་སྐད་ཡིན་ཤས་ཆེ། དེའི་ནང་དོན་གང་རེད་དམ། ཁྱེད་ནས་ང་ཚོར་དེའི་མ་ཡིག་གི་ཚིག་དེ་སྤྲོད་རོགས། ནང་ཆོས་ཀྱི་ཚིག་དོན་ལྟར་ན། མཉམ་འཇོག་ཟེར་ན་སྒོམས་ཀྱི་རིགས་ཤིག་རེད། མའོ་ཡིས་རྒྱལ་བ་རིན་པོ་ཆེ་དོན་ག་གེ་མོའི་ཆེད་སྒོམས་ཡག་པོ་རྒྱག་དགོས་པའི་དོན་རེད་དམ།
དེ་བཞིན་ཡར་ཞུས་ཟེར་བའི་ཚིག་དེ་ཡང་མི་བདེ་བ་འདུག བོད་སྐད་ལ་སྙན་ཞུ་ཞེས་ཡིག་ཚགས་གཞན་ལ་དེ་ལྟར་བཀོལ་ཡོད་པས། དེའི་རྒྱ་ཡིག་དེ་སྤྲོད་རོགས།
མཉམ་འཇོག་ཅེས་པ་ནི་་་་དཔེར་ན་ངས་མཉམ་འཇོག་བྱེད་རྒྱུ་མ་བྱུང། ངས་སེམས་ཀྱི་སྣང་བར་བཞག་རྒྱུ་མ་བྱུང། ཡིད་འཇོག་བཞག་རྒྱུ་མ་བྱུང།
་་་་་་་་་ བོད་ལྗོངས་ཞི་བའི་སྒོ་ནས་བཅིངས་གྲོལ་བྱས་རྗེས་་་་་་་་་་་་་་ ཟེར།
ཀླུ་སྨྱོན་ནི།
བོད་ཀྱི་ལ་རྒྱ་ལས། སྙན་དངགས་བརྩིགས་ཆེ་བ་འཛིན་མཁན་དེ་རེད་འདུག
མའོ་ཙེ་ཏུང་ལ་ཡིད་ཆེས་བརྒྱ་ཆའི་བརྒྱ་ཡོད་དུས་བྲོས་ཡོང་། ཤིས་ཅུན་ཕིང་ལ་ཡིད་ཆེས་གཅིག་ཀྱང་མེད་དུས་ཕྱིར་ལོག་གི་ཡིན་ཞུས། མི་རྟག་པ་ཟེར་པ་ནི་འདི་འདྲ་ཞིག་མ་རེད་པས། ད་ཅི་ཡོད།
བདུན་ཕྲག་གཉིས་རིང་རིན་མེད་རྒྱ་ཡིག་སྦྱོང་སྐལ་ཐོབ་པའི་འཆར་སྣང་།
༡ རྒྱ་ནག་གི་ཡི་གེ་ལ་དབྱངས་གསལ་གསལ་པོ་མི་འདུག
༢ གཅིག གཉིས། གསུམ་ལ་རི་མོ་གཅིག་གཉིས་གསུམ་འཐེན་པ་དང་། བཞི་ནས་དུག་པར་ཨང་ཀི་མིན་པར་ཡི་གེ་རེད་འདུག
༣ རྒྱ་ཡི་སྐད་ཡིག་སྦྱོང་དུས། སྒྲ་གདངས་མཐོ་དམའ་བཞི་པོ་གཙིགས་ཆེར་འཛིན་ནས་སྦྱོང་དགོས་འདུག
༤ གཟའ་འཁོར་གྱི་མིང་། གཟའ་ཉི་མ། གཟའ་ཟླ་བ་སོགས་མེད་པར། ཉི་མ་དང་པོ་དང་། གཉིས་པ་ནས། ཉི་མ་བདུན་པ་ཟེར་འདུག
༥ ང་ལ་ཝུ་ཟེར། ཝུ་ལ་ཡིག་གཟུགས་གཅིག་ལ་ཀྱག་ཀྱོག་མང་པོ་འཐེན་དགོས་འདུག
༦ ཇར་པེན་ལ། ཉི་ཧོང་ངམ། ཉི་འོང་ཟེར་བ་དེ། རྒྱ་སྐད་ནས་ཡིན་པ་དང་། དེ་ལ་ཡིག་འབྲུ་གཉིས་འདུག
༧ རྒྱ་ཡིག་འདི་རྙོག་ཟིང་ཆེ་ཡང་། རྒྱ་སྐད་འདི། བོད་སྐད་ལས་ཤེས་བདེ་བ་བཟོས་འདུག སྙམ་ལགས།
སྤྱིར་ཡོངས་ནས་ཀྲོའུ་ཨིན་ལེའི་འཕྲིན་འདི་རྒྱུན་ལྡན་གྱི་གཏོང་ཡིག་དང་འདྲ་ཡང་། མཉམ་འཇོག་དང་དོ་སྣང་བྱེད་དགོས་པའི་ཚིག་གཅིག་རང་ཡོད་པ་ནི་( མེས་རྒྱལ་གྱི་པང་དུ་དྲོད་ཁོལ་ཡོད་པ་མ་ཟད། མཇུག་འབྲས་ངན་པ་མ་བྱུང་བའི་སྔ་རོལ་དུ་ཁོ་ཚོ་ཕྱིར་ལོག་དགོས་པའི་བསླབ་བྱ་སྟོན་དགོས་)ཟེར་པའི་ཚིག་གཅིག་པོ་འདི་རང་རེད།