ཀརྨ་ཟླ་བ་སྒྲོན་མ།
ང་ནི་སོ་སྐྱེ་ཡིན་ན་ཡང་། །
བྱང་ཆུབ་གོ་འཕང་ཐོབ་ངེས་ཏེ། །
ཐོས་བསམ་བྱེད་ནས་རྣམ་འཕེལ་ནུས། །
དེས་ན་བརྒྱུད་པ་བཀའ་དྲིན་ཆེ། །
བརྒྱུད་པའི་ཤིང་རྟ་ཆོས་ཀྱི་རྗེ། །
དུས་གསུམ་མཁྱེན་པ་ནས་བྱུང་བའི། །
སྐུ་ཕྲེང་བཅུ་བདུན་ཕྲིན་ལས་པ། །
ཨ་ཕོ་དགའ་དགའ་བཀའ་དྲིན་ཆེ། །
ང་ནི་ཧོང་ཀོང་སྐྱེས་པ་ཡིན། །
འཇིག་རྟེན་སློབ་སྦྱོང་མཐར་ཕྱིན་ཡང་། །
ཐོས་བསམ་དོན་གཉེར་ཕྱིར་དུ་ཡོང་། །
མི་ཚེ་དོན་ཡོད་བཀའ་དྲིན་ཆེ། །
ཨ་བི་ས་མ་ཨ་ལངྐཱ། །
བསྟན་བཅོས་འདིར་ནི་སྦྱོང་གིན་ཡོད། །
སྔར་མི་ཤེས་པ་ད་མཐོང་སྲིད། །
དགའ་བ་ཡར་འཕེལ་བཀའ་དྲིན་ཆེ། །
ཁྱེད་ཀྱི་སྐུ་འཁྲུངས་ཉིན་མོ་ནས། །
འཛམ་གླིང་ཀུན་ལ་བདེ་བ་བྱིན། །
མངོན་མཐོ་ངེས་ལེགས་ཀུན་ལ་ཁྱབ། །
བཀྲ་ཤིས་བདེ་ལེགས་གྲངས་མེད་ཞུ། །
༨-༦-༢༠༡༦
ཡག་པོ་བྲིས་འདུག བོད་ཡིག་སྦྱངས་ཏེ་བོད་ཀྱི་ཆོས་ལ་གཞི་ནས་སློབ་སྦྱོང་བྱེད་མཁན་དང་། བྱས་ནས་བོད་ཡིག་ཐོག་ཡི་གེ་འདི་ཙམ་འབྲི་ཐུབ་པ་ཆགས་པ་ཡིན་ན་སྙིང་རུས་ཆེན་པོ་ཡོད་པའི་རྟགས་རེད། བཟང་།