༄༅།། ཉེ་ཆར་བོད་ནས་ཁུངས་ལྡན་གནས་ཚུལ་འབྱོར་གསལ་ལ། བོད་མདོ་སྨད་མཛོད་དགེ་རྫོང་རྐྱང་ཚ་ཤང་གི་ཁུངས་སུ་གནས་པའི་དྲན་པ་དགོན་ཤེལ་དཀར་ཆོས་སྡེ་གླིང་དུ། ལོའི་བོད་ཟླ་དང་པོའི་ཚེས་༡༥ཉིན་བཅོ་ལྔ་མཆོད་པར། དེ་སྔོན་ཕྱི་ལོ་༢༠༠༧སྤྱི་ཟླ་༡༠ཚེས་༡༧ཉིན་ཨ་རིའི་གྲོས་ཚོགས་ཀྱིས་༧གོང་ས་མཆོག་ལ་ཆེས་མཐོའི་གསེར་གྱི་སྟེགས་མ་ཕུལ་པའི་སྣང་བརྙན་མར་གྱིས་བཞེངས་ཏེ་དྲན་པ་དགོན་གྱི་དགེ་འདུན་པ་ཚོས་སེར་ཕྲེང་དང་བཅས་ཀྱིས་དྲན་པ་དགོན་གྱི་ཚོགས་ཆེན་འདུ་ཁང་ནང་དུ་གདན་འདྲེན་ཞུས་པར་རྐྱང་ཚ་ཁུལ་གྱི་སེར་སྐྱ་མང་ཚོགས་གཉིས་སྟོང་ཙམ་གྱིས་མཇལ་ཁ་ཞུས་རྗེས། དགོང་མོ་དེར་དྲན་པ་དགོན་གྱི་དགེ་འདུན་པ་ཁག་ཅིག་གིས་སྣེ་ཁྲིད་དེ་མར་ཁྲོམ་སྐོར་བྱས་པ་དང་། ༧གོང་ས་མཆོག་གི་ཞབས་བརྟན་གསོལ་འདེབས་དང་། ཚད་མེད་ཡོན་ཏན་སོགས་བསྐྱོར་རྗེས། 
པཎ་ཆེན་ཆུང་སྲིད་རིན་པོ་ཆེས་གཙོ་བས་བོད་ཀྱི་ཉེས་མེད་ཆབ་སྲིད་བཙོན་པ་དེ་ཚོ་གང་འགྱོགས་ཀློད་གྲོལ་གཏོང་དགོས་པ། ༧གོང་ས་༧སྐྱབས་མགོན་རྒྱལ་པ་རིན་པོ་ཆེ་གང་འགྱོགས་བོད་དུ་ཕེབས་ཆུག་དགོས་པ་དང་། བོད་ལ་འགྲོ་བ་མིའི་ཐོབ་ཐང་དགོས་པ་བཅས་ཀྱི་འབོད་ཚིག་མཉམ་བསྒྲགས་བྱས་པའི་གནས་ཚུལ་ཐོན་ཡོད་པ་རེད། འབྲེལ་ཡོད་གནས་ཚུལ་གསུང་མཁན་གྱིས་བརྗོད་པ་ལྟར་ན་ད་ལྟ་མི་འཛིན་བཟུང་བྱས་པ་དེ་འདྲ་བྱུང་མི་འདུག 
འོན་ཀྱང་རྒྱ་གཞུང་གི་ཉེན་རྟོག་པས་ག་ལེ་ག་ལེ་བཙལ་གཅོད་བྱེད་བྱེད་བཞིན་པའི་གནས་ཚུལ་གནས་ཚུལ་ཐོན་པ་མ་ཟད་ལས་འགུལ་དེ་ཚོ་སུས་བརྩམས་པ་ཡིན་ཤོད་མཁན་བྱུང་ན་རྒྱ་སྒོར་ཁྲི་ཁ་ཤས་ཀྱི་བྱ་དགའ་སྤྲོད་རྒྱུ་ཡིན་ལབ་ནས་རྩད་གཅོད་ནན་མོ་བྱེད་བཞིན་པ་རེད་ཅེས་འབྲེལ་བརྗོད་གནང་གི་འདུག ད་དུང་དེ་མ་ཡིན་པའི་གནས་ཚུལ་གཞན་ཞིག་ལ་ཉེ་ཆར་སྤྱི་ཟླ་༣་པའི་ཚེས་༡༤ཉིན་ད་ལོའི་༧གོང་ས་མཆོག་གི་སུམ་ཅུའི་དུས་དྲན་གྱི་གསུང་འཕྲིན་མང་པོ་ཞིག་ཀྱང་རྐྱང་ཚ་ཤང་གི་སྒོ་འགྲམ་དང་བཞག་སྡོམ་མཛོད་དགེ་རྫོང་སོགས་ཀྱི་ས་ཕྱོགས་གང་སར་སྦྱར་འགྲེམ་བྱས་ཏེ་མཛོད་དགེ་རྫོང་ཁོངས་ཀྱི་ལས་བྱེད་དང་ས་གནས་བོད་རིགས་མང་ཚོགས་ཀྱི་ཁྲོད་ད་ལོའི་༧གོང་ས་མཆོག་གི་སུམ་ཅུའི་ད ུས་དྲན་གྱི་གསུང་འཕྲིན་དེ་ཤིན་ཏུ་ཁྱབ་སྤེལ་འགྲོ་བཞིན་པ་རེད་ཅེས་འབྲེལ་བརྗོད་གནང་བྱུང་། གནས་ཚུལ་འདི་དང་མཉམ་དུ་དྲན་པ་དགོན་གྱིི་དགེ་འདུན་པ་ཚོིས་བཞེངས་པའི་བཅོ་ལྔ་མཆོད་པའི་པར་ཁ་ཤས་ཤིས་ཀྱང་བཏང་ཡོད། ཁོང་ཚོའི་བདེ་འཇགས་ལ་དམིགས་ནས་པར་དེ་ཚོའི་ནང་གི་མིའི་གདོང་བཀབ་དགོས་བྱུང་སོང་བ་བཅས་དགོངས་འཇགས་འཚལ། ཕྱི་ལོ་༢༠༡༠སྤྱི་ཟླ་༤ཚེས་༢༦ཉིན། 
གནས་ཚུལ་མཁོ་འདོན་བྱེད་མཁན་བལ་ཡུལ་ནས་ཚེ་རིང་ཡིན།
ཨོ། དཀོན་མཆོག་མཁྱེན། ངོ་མ་སྐྲག་ནི་ཟིག་རེད། འདི་ཚོས་འདི་འདྲ་མ་བྱས་ན་ནི་བོད་དོན་གྱི་ནུས་པ་ཇེ་ཞན་དུ་འགྲོ་རྒྱུ་རེད། འདི་འདྲ་བྱས་ན་ནི་འདི་ཚོའི་མགོ་ལ་ཡོང་རྒྱུ་གཅིག་ལས་མེད། ད་ཅི་བྱེད་དགོས་སམ།
གངས་ཕྲུག་ནས།
དངོས་གནས་བོད་ནང་གི་འདི་ཚོའི་སེམས་ཤུགས་ཀྱི་མེ་ལྕེ་འབར་དང་འབར་བཞིན་པ་རེད། ༧གོང་ས་མཆོག་གིས། དཀའ་བ་བརྒྱ་ཕྲག་གྲུབ་པའི་སྐྱེ་བོ་རྣམས།།གྲུ་འཛིན་མགོན་དེས་ཐུགས་རྗེས་སྐྱོང་བར་མཛོད།།གསུངས་པ་འདི་ཚོར་དགོངས་པ་མིན་ན་གང་ཡིན།
དྲན་པ་དགོན་གྱི་དགེ་འདུན་པ་ཚོ། ཁྱེད་ཚོས་བོད་དོན་ལ་བཅངས་པའི་ལར་ཞེན་ལ་བསྔགས་བརྗོད་དང་རྗེས་སུ་ཡིད་རང་ཡོད། བོད་ནང་གི་བོད་པ་ཚོས་གསར་གཏོད་ཀྱི་རང་བཞིན་ཅན་གྱི་ལས་འགུལ་འདི་འདྲ་སྤེལ་བ་ལ་དངོས་གནས་བཀའ་དྲིན་རྗེས་དྲན་ཞུ་འོས་པ་ཞིག་རེད།
བོད་ནང་གི་སྐྱ་སེར་ཕོ་མོ་རྒན་གཞོན་ཚང་མས་འཇོན་ཐག་ཆོད་རེད། འཇོན་ཐང་མེད་མཁན་དེ་བཙན་བྱོལ་དུ་ཡོད་པའི༷་བོད་མི་རྣམས་རེད་འདུག