རྒྱ་གཞུང་གིས་འཛིན་བཟུང་བྱས་བའི་རྩོམ་པ་པོ་ཞོགས་དུང་གི་བཟའ་ཟླར་དཔལ་ལྡན་རྒྱལ་གྱིས་བཅར་འདྲི་བྱས་བ་ཞིག

Comments (25) on “རྒྱ་གཞུང་གིས་འཛིན་བཟུང་བྱས་བའི་རྩོམ་པ་པོ་ཞོགས་དུང་གི་བཟའ་ཟླར་དཔལ་ལྡན་རྒྱལ་གྱིས་བཅར་འདྲི་བྱས་བ་ཞིག”

1. ཉན་མི་ཐུབ་ཀི

2. མགོ་རུལ་ལགས། ཁྱེད་ཀྱིས་ཉན་ཐུབ་གི་མི་འདུག་ལབ་འདུག ངེད་ཀྱིས་གློག་ྐླད་མ་འདྲ་བ་བཞི་ལྔ་ཞིག་གི་སྒང་ནས་ཚོད་ལྟ་བྱས་བ་ཡིན། ཚང་མས་སྒང་ནས་ཉན་ཐུབ་པ་འདུག
   བཅར་འདྲི་དེ་ཁྱོན་བསྡོམས་སྐར་མ་ལྔ་ཙམ་འདུག བཅར་འདྲིའི་ནང་དོན་མདོར་བསྡུས་དེ་ཡིག་ཐོག་ན་ཡོད་པ་འདི་རེད་འདུག
   ཞོར་དུ། དཔལ་ལྡན་རྒྱལ་ནས་དུས་ཐོག་ལ་བཅར་འདྲི་བྱས་བར་བཀའ་དྲིན་ཆེ་ཞུ་བཞིན་ཡོད།

3. དཔལ་ལྡན་རྒྱུལ་ཐུགས་རྗེ་ཆེ། གང་ལྟར་གནས་ཚུལ་རྒྱུས་ལོན་བྱས་ནས་ཁོང་སྐྱོབས་ཐབས་ལ་འབད་དགོས་ནི་རེད་ཡ།

4. གནས་ཚུལ་སྤེལ་བར་ཐུགས་རྗེ་ཆེ།།།།

5. སྐུ་ཞབས་ཞོགས་དུང་ལགས་ཀྱིས་བཤད་བཞིན་པའི་མི་གཞིའི་སྙིང་སྟོབས་ལ་མོས་མཐུན་ཡོད། ང་ཚོ་འཇིག་རྟེན་འདིར་གནས་དགོས་ན་རང་མཐོངས་རང་རྩིས་ཤིག་མེད་ན། མིའི་གྲབས་ཆོད་ནི་མ་རེད། འོན་ཏེ་ཁོང་གིས་སངས་རྒྱས་ཆོས་ལུགས་ཀྱིས་བོད་ཕུང་བར་འདོད་པའི་ལྟ་ཚུལ་དེར་རྒྱབ་སྐྱོར་མེད། གང་ལྟར་མི་རིགས་ཀྱི་དོན་དུ་བསམ་ཕོད་ཤོད་ཕོད་ཀྱི་མི་གཞིའི་སྙིང་སྟོབས་ཅན་དག་འཛིན་བཟུང་བྱས་པར་བློ་ཕམ་ཆེན་པོ་ཡོད། ང་ཚོས་ཤེས་ལྡན་དེ་དག་གྲོལ་ཐབས་ལ་ཐབས་ཤེས་གང་དྲག་འཐེན་དགོས་ངེས་ཤིག་རེད།

6. བོད་ཕྱི་ནང་གཉིས་ནས་ཞོག་དུང་ལ་ལྟ་ལོག་ཏུ་སྨྲ་བའི་སེར་བ་དྲག་དུ་འབེབས་བཞིན་པའི་སྐབས་སུ་ཡང་། ངས་སེམས་ཀྱི་གཏིང་ནས་ཁོང་ལྟ་ལོག་ཞིག་དུ་མཐོང་གི་མེད། ཁོང་ནི་བོད་མི་རིགས་ཀྱི་རིག་པའི་དཔའ་བོ་ཞིག་ཏུ་མཐོང་སོང་ལ། ཁོང་ལ་ལྟ་ལོག་ཏུ་སྨྲ་བའི་མཁྱེན་ལྡན་གྱི་གྲོགས་པོ་རྣམས་ལ་ཡང་། ཞོག་དུང་ཕུག་གི་དགོངས་པ་ཁྱེད་རྣམས་ཀྱི་གོ་མི་འདུག་ཅེས་ལབ་མྱོང་།
   འོན་ཀྱང་གསར་བུ་བ་རྣམས་ནི། རི་བོང་ཅལ་འགྲོགས་ཀྱིས། ཁོང་གི་ཕུག་གི་དགོངས་པ་མ་ཤེས་པའི་ཐོག ཚིག་ཟིན་དུ་སྨྲས་པ་རྣམས་རྗེས་ཟློས་བྱས་ནས། ནང་ཆོས་ལའང་འགལ་བར་འཛིན་དུ་དོགས་ནས། ཞོག་དུང་ལ་བསྟོད་པའི་ཚིག་འཕྲེང་ཞིག་དེ་སྔོན་སྤེལ་མྱོང་མེད།
   ཡིན་ནའང་ད་ལྟའི་སྐབས་ཁོང་ལ་གནས་ཚུལ་ངན་པ་འདི་ཐོས་སྐབས་སེམས་ཕམ་བྱུང་ནའང་ཧང་གང་ཡང་སང་མེད། རྒྱུ་མཚན་ནི། ཁོང་ནི་སྔ་ཕྱི་ཅུང་ཟད་ཙམ་མ་གཏོགས་རྒྱ་གཞུང་གིས་འཛིན་པར་འགྱུར་བ་སྔོན་ནས་ཚོད་དཔག་ཐུབ། ཁོ་རང་གིས་ཀྱང་ཤེས། འོན་ཀྱང་ཁོང་ནི་དངོས་གནས་ཨམ་མདོའི་ཕོ་རྒོད་རེད་ལ། ཁོང་ནི་བོད་མི་རིགས་ཀྱི་ལོ་རྒྱུས་ལ་འཁོད་པར་འགྱུར་བའི་ཕོ་རྒོད་རེད་ལ། ཁོང་ནི་འཛམ་གླིང་འདི་ནང་ནས་ཀྱང་ཕོ་རྒོད་པོའི་གྲས་སུ་བརྩིས་ཆོག
   ང་ཚོ་བོད་ལ། ཁོང་འདྲ་བའི་སྙིང་སྟོབ་དང་། རྣམ་དཔྱོད། ཆོད་སེམས། ལྷག་བསམ་ཅན་བརྒྱའི་གྲངས་ལོན་པ་ཞིག་ཡོད་ན། ཀྲུང་གོ་རྒྱལ་ཁབ་ཇི་ཙམ་ཆེ་ཡང་། བོད་མི་འདི་མུས་སུ་མི་གནས་ནས་འགུལ་བསྐྱོད་ཆེན་པོ་ཞིག་བཟོ་ཐུབ་པར་ངེས་ཅེས་སྐད་གསང་མཐོན་པོས་སྒྲོག་འདོད་བྱུང་།

7. སྐུ་ཞབས་ཞོགས་དུང་སྔ་ཕྱི་མ་གཏོགས་རྒྱ་གཞུང་གིས་འཛིན་རྒྱུ་ཚོད་དཔག་ཐུབ་པར་སྨྲས་པ་ནི། མཁྱེན་པ་རྒྱས་དྲག་ནས་སྨྲ་བ་ཚོད་འཛིན་མ་ཐུབ་པ་མིན་ན་དངོས་གནས་དགོད་བྲོ་བ་ཞིག་རེད། ང་ཚོ་བོད་རིགས་ཚང་མས་སྐད་ཆ་འདི་བཤད་དུས་བསམ་བློ་གཏོང་དགོས་ཀྱི་འདུག རྒྱ་མིས་འཛིན་གྱི་རེད་འཇུས་ས་རེད་གདའ་ཞེས། ཁྲིམས་མེད་ལུགས་མེད་ཀྱི་བྱེད་ཕྱོགས་དང་། དེས་བསྐྲུན་པའི་ཁོར་ཡུག་ལ་ང་ཚོས་ད་དུང་རྒྱ་བསྐྱེད་ཀྱི་ཡོད་ན། ང་ཚོས་ཞོགས་དུང་ཁོང་གི་གནམ་ས་གོ་འབྱེད་ལྟར་གྱི་ཁྲིམས་ཐོག་རང་ནས་བཤད་ཆོག་པའི་བོད་ཀྱི་མདུན་ལམ་དེའང་སྨག་མེད་བཏང་བ་རེད། ཤེས་ཡོན་པའི་སྡེ་ནས་ཁྲིམས་མཐུན་གྱི་འགྲེལ་བཤད་གཞི་རིམ་མང་ཆོགས་ནང་སླེབས་ཐབས་མ་ཤེས་ན། ད་དུང་འཛིན་གྱི་རེད། འཇུས་གི་རེད་གདའ་ཟེར་བའི་ཟོལ་འདྲ་བཤད་བསྡད་ན་བསྐོར་བ་རྒྱག་རྒྱུ་ལས་ཡོད་པ་མ་རེད། སྐུ་ཞབས་ཞོགས་དུང་རང་གིས་མི་ཡུལ་གྱི་དམྱལ་བར་འགྲོ་དགོས་པའི་འཕེན་པ་བཏང་བ་དེ་ད་ཡོད་རང་སྐྱོང་བཅའ་སྒྲིག་ཁག་དང་། ལྷག་པར་རྩ་ཁྲིམས་ཀྱི་དགོངས་དོན་ལྟར་སྤྱི་འབངས་ལ་འགན་ཁུར་མེད་པའི་འགྲོ་ལུགས་དེར་གསར་བརྗེ་བྱེད་འདོད་བསམ་པ་རེད་ལ། བསྒྱུར་བཅོས་གཏོང་འདོད་བསམ་པ་རེད། དེ་འདྲ་ཡིན་ཙང་བོད་ཀྱི་ཤེས་ལྡན་པ་ཚོས་མང་ཚོགས་ནས་ཁ་གཏད་དེ་དགོངས་ཚུལ་འདོན་དུས་ངེས་པར་ཏུ་གཟབ་གཟབ་བྱེད་དགོས་ཀྱི་འདུག ལར་ནས་འཇུས་ས་རེད་གདའ། འཛིན་ན་ཐང་ཟེར་བ་སོགས་ཀྱི་བཤད་སྲོལ་དེ། རྩ་ཁྲིམས་དང་རང་སྐྱོང་བཅའ་ཁྲིམས་གང་གི་དོན་ཚན་གང་དང་འགལ་འདུག་ཅེས་རྩོད་པ་རྒྱག་ཐུབ་པའི་བཤད་སྟངས་ཤིག་ཏུ་བསྒྱུར་ཐབས་་ཚང་མས་འབད་བརྩོན་གནང་དགོས་པ་རེད།

8. དཔལ་ལྡན་རྒྱལ་ལ་བཅའ་འདྲི་འདིའི་ཐད་ནས་ཐུགས་རྗེ་ཆེ་ཞུ་རྒྱུ་ཡིན། གཞན་སྔ་མོ་ ༢༠༠༨ ལོའི་ཞི་རྒོལ་སྐབས་སུ་ཡིན་ནའང་འདྲ། ཁ་སང་གོད་ཆག་འདིའི་སྐབས་སུ་ཡིན་ནའང་འདྲ། ཁྱེད་ཚོས་བོད་ནང་གི་མི་མང་དཀྱུས་མའི་ལས་དོན་གནང་ཕྱོགས་འཚོལ་བསྡུ་བྱས་པ་གསར་འགོད་པ་གཞན་དང་བསྡུར་ན། རྒྱུ་ཆའི་མ་འདང་བ། བཤད་ཐབས་ཞན་པ་སོགས་ཀྱིས་མི་མང་པོར་བསམ་བློ་གཏོང་དུ་བཅུག་སོང་། ཁྱེད་ཀྱི་ཕ་ཡུལ་རེབ་གོང་ནས་རེད། ས་ཡོམ་འདིར་རེབ་གོང་གི་གྲོང་གསེབ་ཁག་ནས་ཞལ་འདེབས་ག་ཚོད་གནང་སོང་། མི་མང་སྒེར་བ། ཞིང་པ། ཚོང་པ། བླ་མ། གྲྭ་བ། ཐ་ན་རླངས་འཁོར་ཁ་ལོ་བ་ཡན་གྱིས་ས་གནས་ས་ཐོག་ཏུ་རྒུད་སྐྱོབ་ག་ཚོད་བྱས་སོང་། གྲོང་གསེབ་རེ་རེར་མཆོད་མེ་སྨོན་ལམ་ག་ཚོད་ཚུགས་སོང་། ལྷ་སའི་མཆོད་ཁང་ནང་གི་བརྒྱ་མཆོད་གསེར་ཡིག་འབྲི་བ། མནའ་བཟངའ་བརྗེ་བ་ལ་སོགས་པའི་གནས་ཚུལ་བཤད་སྟངས་ལྟར་ཁྱེད་ཚོས་བཤད་མ་ཤེས་པ་དེ་བོད་ཀྱི་མངའ་འབངས་ཡོངས་ཀྱི་བརྩེ་དུང་གི་འཕེལ་རིམ་ལ་གྱོང་གུད་ཐེབས་པ་མིན་ན་ཅི་ཞིག་རེད། དེ་བས་ཁྱེད་ཚོས་སྙན་ངག་འབྲི་དགོས་ནི་མ་རེད། རྩོམ་ཡིག་ཁྱ་ཁྱོར་དེ་འདྲ་མ་འཁོར་བར་དངོས་གནས་གང་ཡོང་ཡོང་ཅིག་གནོང་དང་།

9. i am so sad to hear Shokdong is arrested by Chinese. I pray for him to release soon from Jail whout demaging his health. Don’t be sad Shokdong, we are with you even your body is in Jail.

10. མེ་ཏོག་མ། ཁྱེད་མེ་ཏོག་བཞིན་ས་ཆ་དྲོད་ཆེ་སར་ཚར་ལོང་སོང་བས། བོད་ཀྱི་གནམ་གཤིས་དང་། རྒྱ་གཞུང་གི་སད་སེར་གྱིས་བོད་ཀྱི་ན་གཞོན་རིག་པའི་ལང་འཚོ་ཅན་རྣམས་ཇི་ལྟར་བརྡུང་ནས་མེད་པར་བཏང་གི་ཡོད་པའི་ཚུལ་མ་མཁྱེན་པ་ཡིན་པ་འདྲ། རྒྱ་གཞུང་གི་སྲིད་ཇུས་ལ་རྒྱུས་མངའ་ཅུང་མཛད་དང་མཁྱེན་པར་འགྱུར། རྒྱ་གཞུང་སྲིད་ཇུས་འདི་འདྲ་ཡོད་པ་ཤེས་ཀྱང་། སོ་སོ་བློས་གཏང་ནས་བོད་ལ་དུང་སེམས་ཀྱིས་གནམ་ས་གོ་འབྱེད་སོགས་ཀྱིས་བོད་ལ་བགས་ཆགས་བཞག་པའི་རྒྱུ་མཚན་གྱིས། འཛམ་གླིང་གི་ཕོ་རྒོད་ཟེར་སྨོས་པ་ཡིན། བཙན་བྱོལ་རང་དབང་ལུང་པར་འུད་བཤད་ཕོད་པ་དང་འདི་མི་འདྲ།

11. རིག་པའི་རལ་གྲི།
    ཞོགས་དུང་གི་ལྟ་བ་དངོས་ནི་བོད་དུ་རིག་གནས་གསར་བརྗེ་ཆེན་པོ་ཞིག་སློང་འདོད་པ་དེ་རེད་།དོན་གྱིས་རྙིང་བ་གཏོར་ནས་གསར་བ་ཞིག་འཛུགས་དགོས་ཟེར་བ་དེ་རེད་།ཡིན་ནའང་ཁོང་གི་ལྟ་བ་དང་སྐད་ཆ་བཤད་ཆོག་མིན་གྱི་དབང་ཆ་དེ་གཉིས་ཁྱད་པར་ཕྱེ་རྒྱུ་གལ་ཆེན་པོ་རེད།ངས་མང་པོ་ལབ་ཡོད་པ་བཞིན་།་ཞོགས་དུང་གི་ལྟ་བའི་གནད་ནི་དམར་སྲུང་དམག་གི་ལྟ་བ་རེད་ཅེས་ལབ་བཞིན་ཡོད་མོད་།ཁོ་ལ་ལྟ་བ་དེ་འཛིན་ཆོག་པ་དང་།འཛིན་པར་རྒྱབ་སྐྱོབ་བྱ་མཁན་ཞིག་ཡིན་།ཡིན་ནའང་ཁོང་གི་སྐད་ཆ་འགའ་བཤད་པ་ལ་བརྟེན་ནས་འཛིན་བཟུང་བྱས་བ་ནི་།དམངས་གཙོ་མེད་པ་དང་།བདུག་རྩུབ་ཅན་གྱི་སྲིད་གཞུང་ཞིག་གིས་འགྲོ་བ་མིའི་ཐོང་ཐང་ལ་རྡོག་རིལ་བཏང་བ་དེ་རེད།དེ་ལ་མཐའ་གཅིག་ཏུ་ངོ་རྒོལ་ཡོད་།
    བོད་པ་ཚོས་སེམས་ཁམས་འདི་ཧ་ལས་ཞིག་འདུག་།མཐའ་གཅིག་ཏུ་བཟང་ཞེས་བ་དང་།འཐད་པ་ཡོད་ཅེས་ཁས་ལེན་པ་དང་།དེ་བཞིན་དུ་ཡག་པོ་མི་འདུག་།མཐའ་གཅིག་ཏུ་ཁས་མི་ལེན་ཞེས་དཔྱད་པ་ཅི་ཡང་མེད་པར་སྟོང་གཏམ་རེ་བཤད་ན་།ཕྱོགས་མཐའ་ལྷུང་བ་རེད་ལ་།གཟུ་བོ་མིན་པའི་རྟགས་རེད།
    ཁོ་བཙོན་ཏུ་བཟུང་བ་ངོ་རྒོལ་དང་།ལྟ་བ་འཐད་པ་མེད་།རྒྱུ་མཚན་འདི་ཡིན་ཞེས་བཤད་ན་འགྲིག་གིན་རེད།

    ལྟ་བ་གང་འདྲ་ཞིག་འཛིན་རྒྱུ་ནི་རང་དབང་རེད།ཆབ་སྲིད་ལ་འབྲེལ་བ་ཅི་ཡང་མི་འདུག་།

12. བཀྲ་ཤིས་བདེ་ལེགས།

13. ང་སྣ་དགོད་ཤོར་ཡོང་གི བྱིས་པ་བསམ་མེད་འགའ་རེའི་སྐད་ཆ་གོ་ན། དམར་སྲུང་དམག་ལ་ལྟ་བ་ཟེར་བ་ཞིག་ཡོད་པ་རེད་པས། ཁོ་ཚོ་གཅིག་གཅོད་པ་ཞིག་གི་ལག་ཆ་ཁོ་ན་རེད། གཏོར་ཟེར་ན་གཏོར་གི་རེད། ཤར་ལ་རྒྱུགས་ཟེར་ན་ཤར་དང་ནུབ་ལ་རྒྱུགས་ཟེར་ན་ནུབ་ལ་རྒྱུགས་རྒྱུ་མ་གཏོགས་གཞན་ཁོ་ཚོ་ལ་གདམ་ཀ་གང་ཡང་ཡོད་པ་མ་རེད།
    ཞོགས་དུང་ལ་ག་རེ་བཤད་ན་མ་བཤད་ན། རང་ཉིད་ལ་རང་གི་བསམ་བློ་དང་རང་ཉིད་ལ་རང་གི་ལྟ་བ་ཡོད་པ་རེད། གཏོར་གཏོར་ཟེར་བ་དེའང་། རིག་གནས་གསར་བརྗེ་དང་དམར་སྲུང་དམག་གི་ལྟ་སྤྱོད་ཀྱིས་སེམས་པ་ཐང་ཐང་མེད་པ་བཟོས་ཡོད་པའི་སྡར་མ་ཝ་འདྲ་བ་རེ་ཟུང་གི་བློ་ཡིད་ལ་མ་ཤོང་བ་ཙམ་ལས་དེ་འདྲ་འཇིགས་དགོས་པ་ཞིག་ཏུ་མ་མཐོང་།
    ཞོགས་དུང་གིས་གཏོར་གཏོར་ཁ་ནས་བཤད་གི་ཡོད་པ་རེད། རྒྱལ་བ་རིན་པོ་ཆེས། བོད་ནང་ས་ཞིང་ལེགས་བཅོས། རྒྱ་གར་ནང་དམངས་གཙོའི་ལམ་ལ་བསྐྱོད་པ། དེ་མིན་དུས་དང་རྒྱལ་སྤྱི་དང་མི་མཐུན་པའི་རིགས་འདོར་དགོས་པའི་བཀའ་སློབ་སོགས་གནང་ནས། ལམ་ལུགས་རྙིང་པ་ཕན་མེད་རྣམས་གཏོར་གི་གཏོར་གི་ཡོང་པ་རེད། བག་ཆགས་རྙིང་པ་རྣམ་རྟོག་གིས་རུ་འཛིངས་པ་མང་པོ་ཞིག་ཐབས་ལ་མཁས་པའི་བཀའ་སློབ་གནང་སྟེ་སེལ་གི་སེལ་གི་ཡོང་པ་རེད།
    ཞོགས་དུང་གི་གཏོར་ཟེར་ནས་མང་པོ་ཞིག་བཤད་པ་དེ་ཚོའང་མདོར་དེད་ན། ཁྱིམ་སྲིད་གཙོ་བོར་འཛིན་པའི་བོད་སྤྱི་ཚོགས་ཤིག དུས་ཚོད་ཀྱི་རྗེས་ཟིན་པའི་བོད་སྤྱི་ཚོགས་ཤིག བསམ་བློ་དང་ལྟ་བ་ཡངས་པའི་བོད་སྤྱི་ཚོགས་ཤིག་ཆགས་རྒྱུ་དེ་ལས་ལྷག་ཅིག་ཨེ་ཡིན།
    གལ་སྲིད་དངོས་གནས། བོད་ཀྱི་རྩ་ཆེ་བའི་ནང་ཆོས་འདི་གཏོར་མཁན་ཞིག་བྱུང་ན། ངས་བལྟས་ན། ཞོགས་དུངས་ཀྱི་རིགས་འདི་ཚོ་དེ་ལ་དངོས་སུ་ཁ་གཏད་བྱེད་མཁན་ཆགས་ཀྱི་རེད་བསམས།
    གནམ་ས་གོ་འབྱེད་ཀྱི་ནང་དུའང་། ཁོང་ནས་ དད་མོས་ཀྱི་ཚིག་འདི། སྐབས་ཤིག་ལ། འདྲ་མཉམ། དམངས་གཙོ། རང་དབང་། ཞི་བདེ་སོགས་གླེང་སྐབས་དེ་ཚོ་དང་གདན་གྲལ་གཅིག་ལ་བཞག་འདུག
    གཏོར་ཟེར་དུས་སྡར་མ་བློ་ཆུང་ཚོའི་སེམས་ལ་ཆེ་དྲགས་ཡོད་པ་འདྲ་ཡང་། ངས་ནི་དེ་དེ་འདྲ་ཛ་དྲག་པོ་ཞིག་ཏུ་ནམ་ཡང་བལྟ་མ་མྱོང་།
    རྩ་བའི་ཞོགས་དུང་གི་ཚིག་སྦྱོར་སྤེལ་སྟངས་དང་བསམ་ཚུལ་འགའ་རེར་མི་མཐུན་པ་མང་པོ་ཞིག་རང་ལ་ཡིན་ནའང་ཡོད། དམར་སྲུང་དམག་རེད་ཟེར་ན་མ་དགའ་བ་དང་གཞི་འཛིན་ས་མེད་པའི་སྐད་ཆ་ཁུང་མེད་ལུང་མེད་རེད།

14. འདན་ཚན་པ་།
    ཁྱོད་དགད་ནས་ས་ལ་འགྲིལ་སོང་ནའང་།གནས་ལུགས་ཅི་ཡང་མེད་པར་དགད་ནས་ཤི་འགྲོ་བ་མ་གཏོགས་གཞན་ཅི་ཡང་མི་འདུག་།
    ངས་ཁྱོད་ལ་གོང་དུ་ལུང་འདྲེན་དང་བཅས་གསལ་བོ་བྱས་ཡོད་།འདི་ཡང་རྩ་དོན་འགའ་བཤད།
    ༼༡༽ཞོགས་དུང་གིས་བོད་ཀྱི་ཉེ་རབས་ཀྱི་ལོ་རྒྱུས་དང་།ཆོས་ལུགས་།དེ་བཞིན་སེམས་པའི་འཁྱེར་སྟངས་སོགས་བོད་རྒུད་པར་བྱས་པའི་རྒྱུ་རྐྱེན་གཙོ་བོ་ཡིན་པ་དང།བོད་འདི་དེང་རབས་ཅན་དང་།རྒྱལ་ཁབ་ཅིག་འཛུགས་དགོས་ན་།བོད་དུ་བདག་༼individualism) གཙོ་བོ་བྱས་པའི་”རིག་གནས་གསར་བརྗེ”ཤིག་དགོས་ཞེས་བཤད་བཞིན་ཡོད་པ་རེད་།
    གསར་བརྗེ་ལ་མང་པོ་ཡོད་པ་རེད།་ཆབ་སྲིད་སྒྲིག་འཛུགས་ཀྱི་གསར་བརྗེ་དང་།རིག་གནས་གསར་བརྗེ་སོགས་ཡོད་ཅིང་།འཇིག་རྟེན་གྱི་གསར་བརྗེ་མང་ཆེ་ཤོས་ནི་ཆབ་སྲིད་ཀྱི་གསར་བརྗེ་ཤིག་རེད་།དཔེར་ན་།རྒྱལ་བོའི་ལམ་ལུགས་ནས་།དམངས་གཙོ་རིང་ལུགས་དང་།རིགས་རྒྱུད་རིང་ལུགས་ནས་རྒྱལ་བོ་ལམ་ལུགས་ལྟ་བུ་རེད་།ཞོགས་དུང་གི་ལྟ་བའི་གནད་ནི་།བོད་དུ་རིག་གནས་དང་།དེའི་རྩ་བའི་གནད་ཀྱི་དགོངས་པ་དེ་དག་་གསར་བརྗེ་བྱས་དགོས་ཟེར་བ་དེ་རེད་།དེ་བས་དོན་གྱིས་ཞོགས་དུང་གི་གསར་བརྗེ་ནི་རིག་གནས་ཀྱི་གསར་བརྗེ་ཤིག་རེད།
    ༼༢༽ཞོགས་དུང་གིས་རྩལ་ཆེན་པོས་ཆབ་སྲིད་ཀྱི་ལམ་ལུགས་དེ་དུས་གསར་རྙིང་གི་སྟེང་ནས་བཞག་ནས་།འདོར་ན་རྙིང་བ་ཐམས་ཅད་དོར་བྱ་དང་།གསར་བ་ཐམས་ཅད་བླང་བྱ་ཞིག་ཏུ་འདོད་བཞིན་པས།དངོས་གཙོ་རྩོད་སྒྲུབ་རིང་ལུགས་དང་།མོའི་དགོངས་བ་དང་ཤིན་ཏུ་མཐུན་།ངས་ཁྱོད་ལ་སྔོན་དུ་འདི་ལྟར་”ཞོགས་དུང་གིས་ནུབ་ཀྱི་ལོ་རྒྱུས་དང་།དམངས་གཙོ་ལྟ་བ་སོགས་ལ་བཏུས་ལུང་བཏུས་མང་པོ་བྱས་ནས།་ནུབ་ཀྱི་ལོ་རྒྱུས་དང་།ལྟ་གྲུབ་སོགས་མང་པོ་ཤིག་བཤད་གིན་འདུག་མོད།དོན་གྱིས་ཁོ་རང་ནུབ་ཀྱི་དམར་པོའི་ལྟ་བའི་ལོ་རྒྱུས་ལྟ་བའི་གྲུབ་མཐའ་དང་།ཁྱད་པར་ཏུ་ཨ་རིའི་མཁས་བ་གྲགས་ཅན་ལོ་ལྦེ་སི་ཧ་རི་མོ་རྒན་ (Lewis Henry Morgan) གྱིས་༡༨༨༧ལོར་བརྩམས་པའི་དཔེ་དེབ་གནའ་བའི་མི་སྡེ་ (ancient society) ཟེར་བ་དག་ལས་གཞན་ཅི་ཡང་མི་འདུག།”ཅེས་གསལ་བོ་དག་པོ་བཤད་ཡོད་།
    ༼༣༽ཞོགས་དུང་གི་སློབ་གསོ་ཐོབ་ས་དང་།ཞོགས་དུང་འཚར་ལོངས་བྱུང་སའི་ལོ་རྒྱུས་ཀྱི་ཁོར་ཡུག་དེ་།ཞོགས་དུང་གི་སེམས་པའི་འཁྱེར་སྟངས་ལ་ཤན་ཞུགས་ཏན་ཏན་ཡོད་པ་རེད་།ཁོ་རིག་གསར་གྱི་སྐབས་སུ་མཚར་ལོངས་བྱུང་ཞིང་།རིག་གསར་གྱི་ལྟ་བ་སྤྱངས་།རིག་གསར་གྱི་སློབ་གྲྭ་ནས་བྱུང་བ་ཡིན་ཕྱིར་།རིག་གསར་གྱི་ཤན་ཞུགས་ཡོད་པ་ནི་སྨོས་མ་དགོས་བ་ཤིག་རེད་།
    ༼༤༽ངས་གོང་དུའང་མང་པོ་བཤད་ཡོད་།དམར་སྲུང་དམག་ཟེར་ལས་འགུལ་དེ་དག་གི་དངོས་སུ་ཞུགས་ནས་།རྙིང་བ་ཐམས་ཅད་ལག་པ་བཅག་ཟེར་བ་དང་།ཡང་ན་གཞན་ལ་བཅོམ་ཟེར་ནས་བཀའ་བཏང་བ་དེ་ཁོ་ན་ལ་ཟེར་བཞིན་མེད་།རྒྱུ་མཚན་དང་གནས་ལུགས་མེད་པས་སེམས་ཁུང་ཏུ་ནམ་ཡང་རྙིང་གཏོར་གྱི་བསམ་པ་ཞིག་ཡོད་པ་དེ་དང་།བསམ་པའི་འཁྱེར་སྟངས་དེ་ལ་ཟེར་བཞིན་ཡོད་།
    ༼༥༽་ཞོགས་དུང་གི་ལྟ་བ་དང་།ཆབ་སྲིད་དང་།རྒྱལ་གཅེས་སྙིང་སྟོབས་རྣམས་སོ་སོར་ཕྱེ་ནས་གླེང་དགོས་།ཕན་ཚུན་ལ་འབྲེལ་བ་ཅི་ཡང་མི་འདུག་།

    འདོར་ན་།ངས་ཁྱེད་ལ་མང་པོ་ལབ་ཡོད་པ་བཞིན་།ཁྱེད་ཚོས་བོད་ཀྱི་རིག་གནས་གསལ་བོ་ཞིག་ཧ་མི་གོ་ནའང་།དེ་ལ་དགག་རྒྱག་གི་བསམ་བ་ཞིག་ནམ་ཡང་ཁ་ནས་ཁྱི་རྒན་རུས་བཟུང་ལྟར་བསྡད་པའི་སེམས་པའི་འཁྱེར་སྟངས་དེ་ནི་དམར་སྲུང་དམག་གི་ལྟ་བ་རེད་ཅེས་བཤད་པ་ཡིན་།རྗེས་མ་འདིའི་སྐོར་ལ་རྩོམ་ཤིག་འབྲི་གིན་ཡོད་།དེ་དུས་གསལ་བོ་ཆགས་ཐུབ་པའི་རེ་བ་ཡོད་།

15. ཞོགས་དུང་དམར་པོ་ཁྲག་དང་འདྲ། །
    ཁྲག་གིས་བརླན་པའི་དར་ཆ་འདྲ། །
    ཞོགས་དུང་དཀར་པོ་གངས་དང་འདྲ། །
    གངས་རིའི་སེང་གེ་དཀར་མོ་འདྲ། །

16. ༡ རྐུན་མ་ཧམ་ཆེན་གྱིས་མི་གསོད་ཁོ་ཐག་རེད། ཁྱེད་ཀྱི་དོནཚན་དང་པོའི་ནང་ཞོགས་དུང་གི་གསར་བརྗེ་ནི་རིག་གནས་གསར་བརྗེ་རེད་ཟེར་བ་དེ་ནི། མ་ཤེས་པ་དང་མ་རྟོགས་པ། ཡོངས་སུ་མ་རྟོགས་པའི་སྐད་ཆ་ཞིག་ཡིན་པ་གནམ་ས་གོ་འབྱེད་ནང་གི་ཆབ་སྲིད་གསར་བརྗེ་དང་འབྲེལ་བའི་ཚིག་དེ་དག་གིས་ཡོངས་སུ་ཁུངས་མེད་དུ་བཏང་འདུག
    ༢ ཞོགས་དུང་གིས་ ་་རྙིང་པ་ཐམས་ཅད་འདོར་བྱ་དང་གསར་པ་ཐམས་ཅད་བླང་བྱ་ཞིག་ཏུ་འདོད་་ ཟེར་བའི་ཁུངས་གསལ་པོ་ཞིག་སྟོན་དང་། རྙིང་པ་ཐམས་ཅད། གསར་པ་ཐམས་ཅད་ཟེར་ནས་གང་ཞིག་ན་བཤད་འདུག
    ༣ ཁོར་ཡུག་གིས་ཤན་མ་ཞུགས་པ་ཞིག་སུ་ཞིག་ཡོད། ཁྱེད་རང་གི་ཡང་སྐྱོན་བརྗོད་བྱེད་སྟངས། བརྗོད་ཚིག གཤིས་ཀ་ཚུན་ཆད་ན་དམར་སྲུང་དམག་གི་གཤིས་ཀ་ཤིག་སོ་ནང་བཞིན་བསྒྲིག་རྒྱུ་འདུག
    ༤ རྙིང་པ་གང་ཞིག་གཏོར་དགོས་པ་རེད་ཟེར་ན་དེ་ལའང་རྒྱུ་མཚན་ཞིག་ཡོད་པ་རེད་ལ། གཏོར་དགོས་པ་མ་རེད་ཟེར་ནའང་རྒྱུ་མཚན་ཞིག་ཡོད་པ་རེད། རང་ཉིད་ལ་རང་གི་རྒྱུ་མཚན་དང་བསམ་བློ་མེད་པར། གཞན་དབང་ཁོ་ནའི་འོག་ཧོལ་རྒྱུགས་བྱེད་མཁན་ནི་དངོས་གནས་དམར་སྲུང་དམག་ཡིན་རྒྱུ་རེད། མདོར་དེད་ན། ་་རྒྱུ་མཚན་དང་གནས་ལུགས་མེད་པས་སེམས་ཁུང་ཏུ་ནམ་ཡང་རྙིང་གཏོར་གྱི་བསམ་པ་ཞིག་ཡོད་་་ ཟེར་བ་འདིར་ཁྱེད་ལ་གཞི་རྩ་ག་ཚོད་ཅིག་ཡོད་པ་རེད།
    ༥ དེས་ན་བཅོས་བསྒྱུར་གྱི་མིང་ཙམ་གོ་ན་སྐྲག་སྣང་དང་བཅས་དེ་ལ་དགག་རྒྱག་གི་བསམ་པ་ཞིག་ཁྱི་རྒན་རུས་བཟུང་གི་ཚུལ་དུ་སེམས་ཕུགས་སུ་ཉར་ཡོད་པ་དེ་ག་རེའི་ལྟ་བ་རེད། ཁྱི་རྒན་རུས་བཟུང་འདི་ཀླད་པ་མཁྲེགས་པོ་རྡོ་འདྲ་བ་ཚོའི་དཔེར་འོས་པ་འདྲ།
    རང་གི་སྐད་ཆ་ཚོར་ཨི་ཁུང་བརྒྱ་སྟོང་མང་པོ་བརྡོལ་ནས་ཁྲ་ལེམ་མེད་བྱེད་ཀྱང་། ད་རུང་གཞན་ཞིག་ལ་དགག་པ་རྒྱག་ཁུལ་བྱེད་མཁན་འདི་ཚོ་སྙིང་རེ་རྗེ།
    རྗེས་མ་ནས་ཁྱེད་རང་གི་སྐད་ཆ་ཆོ་མེད་དེ་ཚོ་མི་ཀློག་ཁོ་ཐག་ཡིན། ད་རིང་ཀློག་པར་དགའ་བ་སྒོམས།

17. ཞོགས་དུང་གི་ལོ་རྒྱུས་ཀྱི་འདིའི་དོན་གནད་ནི་།་
    “ཕྱིར་དྲན་ཞིག་བྱས་ན། བཙན་པོའི་རྒྱལ་རབས་མཇུག་རྫོགས་པ་ནས་བཟུང་། བོད་མི་ཚོའི་ཤེས་རབ་དང་བློ་གྲོས། འཇོན་ནུས་མཐའ་དག་ནང་སེམས་ཀྱི་ཕྱིར་དུ་ཤུགས་ཕུལ་ཏེ་སེམས་ཀྱི་དེ་ཉིད་བཙལ་ཅིང་ ཆོས་དང་ཆོས་ལུགས་མཐའ་གཅིག་ཏུ་བསྒྲུབས་ཏེ་མི་ལོ་སྟོང་ཕྲག་ཡས་མས་འགོར། དུས་ཡུན་རིང་པོ་དེ་འདྲའི་ནང་ལ། ཁོང་ཚོས་དེ་སྔའི་བཙན་པོའི་སྐབས་ཀྱི་ས་ཁོངས་འདུ་ཤེས་དང་རིགས་རྒྱུད་འདུ་ཤེས། ཁྱིམ་སྲིད་འདུ་ཤེས། དཔའ་བོའི་འདུ་ཤེས་རྣམས་རིང་དུ་སྤངས་ཏེ། མར་གྱུར་སེམས་ཅན་ཐམས་ཅད་ཀྱི་ཕྱིར་དུ་འཚང་རྒྱ་བའི་གདམས་པ་གཅིག་པུ་དེ་གཞི་ རྒྱ་ཆེན་པོ་དང་། ཁ་ཞེ་གཉིས་མེད་དང་། བློ་ཐག་རྦད་ཆོད་ཀྱིས་ལྷུར་བླངས་པ་སྟེ། བློ་སྦྱོང་ཞེན་པ་བཞི་བྲལ་གྱིས་བདེན་པ་བཞི་དང་ལྟ་བ་བཀར་བཏགས་ཀྱི་ཕྱག་ རྒྱ་བཞི་སོགས་བཤད་ཅིང་བསྒྲུབས་ཏེ་འོངས་པ་དེ་འདྲ་རེད། དེ་ཡང་མི་ཆོས་རིག་གནས་དང་ལྷ་ཆོས་རིག་གནས་གཉིས་དང་། འཇིག་རྟེན་རིག་གནས་དང་འཇིག་རྟེན་ལས་འདས་པའི་རིག་གནས་གཉིས། སྲིད་པའི་རིག་གནས་དང་ཞི་བའི་རིག་གནས་གཉིས། མངོན་གྱུར་རིག་གནས་དང་ལྐོག་གྱུར་རིག་གནས་གཉིས་བཅས་ལས་སྔ་མ་རྣམས་སྤངས་ཏེ་ ཕྱི་མ་རྣམས་བླངས་པ་དང་། མ་མཐར་ཡང་ཕྱི་མ་གཙོ་ལ་སྔ་མ་ཕལ་བར་བསྐྱུར་བཞག་པ་རེད། དེ་བས། སངས་རྒྱས་དང་ཆོས་དང་དགེ་འདུན་ཞེས་ཡང་ཡང་བཟླས་ཤིང་བསྒོམས་ཏེ་ཆོས་ལུགས་ བསྒྲུབས་པ་མ་གཏོགས། རང་དབང་དང་འདྲ་མཉམ་དང་ཐོབ་ཐང་དང་དམངས་གཙོ་ཞེས་སྲིད་ཀྱི་དོན་བྱས་ མི་འདུག ཁྱིམ་སྲིད་བརླག་མི་རུང་ཞེས་པའི་བཙན་པོའི་སྐབས་ཀྱི་ཁྱིམ་སྲིད་འདུ་ཤེས་ཀྱི་ རྒྱུན་ཞིག་ཡོད་པའི་དབང་དུ་བཏང་ནའང་། ཕྱི་ཕྱིར་སླེབས་དུས“ཆོས་སྲིད་ཟུང་འབྲེལ”ཞེས་ཕལ་བའི་གནས་སུ་དེད་སོང་བས། མི་རྣམས་ལ་མཚོན་ན་རང་དབང་ཞེས་པ་དང་འདྲ་མཉམ་ཞེས་པ་དང་ཐོབ་ཐང་ཞེས་པ་དང་དམངས་ གཙོ་ཞེས་པའི་ཁྱིམ་སྲིད་ཀྱི་དོན་རྣམས་ནི་ཟ་རྒྱུ་ཞིག་གམ་འཐུང་རྒྱུ་ཞིག་ཡིན་ མིན་ཡང་ཧ་གོ་མེད་པའི་ཚོད་རེད།”

    ཀློག་དང་།ག་རེ་ལབ་བཞིན་འདུག་།་”བཙན་པོའི་རྒྱལ་རབས་མཇུག་རྫོགས་པ་ནས་བཟུང་། བོད་མི་ཚོའི་ཤེས་རབ་དང་བློ་གྲོས། འཇོན་ནུས་མཐའ་དག་ནང་སེམས་ཀྱི་ཕྱིར་དུ་ཤུགས་ཕུལ་ཏེ་སེམས་ཀྱི་དེ་ཉིད་བཙལ་ཅིང་ ཆོས་དང་ཆོས་ལུགས་མཐའ་གཅིག་ཏུ་བསྒྲུབས་ཏེ་མི་ལོ་སྟོང་ཕྲག་ཡས་མས་འགོར”་བ་རེད་དམ་།་
    འདིས་གོང་གི་སྐད་ཆ་ཚང་མ་ལ་ལན་བཏབ་འདུག་།

18. ཞོགས་དུང་གི་སྐད་ཆ་འདི་ཚོ་རྩ་བའི་ཆ་ནས་བདེན་པར་མཐོང་། ཡིན་ནའང་། ཆོས་ཁོ་ན་བྱས་ནས་ཁྱིམ་སྲིད་རྦད་དེ་སྤངས་ཡོད་པ་འདྲ་ཞིག་བཤད་ན་དངོས་ཡོད་དང་མི་འཚམས་པ་ཞིག་རེད། གང་ལྟར་མཐའ་མཇུག་ཁོང་གིས། མ་མཐའ་ཡང་ཕྱི་མ་གཙོ་ལ་སྔ་མ་ཕལ་བར་བསྐྱུར་བཞག་པ་རེད། ཟེར་བ་དེ་བདེན་པ་གསོན་པོ་ཞིག་རེད།
    འདི་རུའང་ཁོང་གིས་ཁྱིམ་སྲིད་ཀྱི་བྱ་བ་གཙོ་བོར་འཛིན་དགོས་པ་བཤད་ཡོད་པ་ལས་ཆོས་ལུགས་རྦད་དེ་དོར་དགོས་པ་གང་ཡང་བཤད་མི་འདུག ངས་ཚིག་འདི་ལུང་དྲངས་དགོས་བསམས་བསྡད་ཡོད་དེ། ཁྱེད་རང་གིས་ཏག་ཏག་ངའི་ཚབ་ལ་ལུང་ཚིག་འདི་འཁྱེར་ཡོང་བར་བཀའ་དྲིན་ཆེ་ཞུ།
    མང་པོ་ཞིག་ནས་ཆོས་སྲིད་གཉིས་ཁ་ཁ་བྱེད་དགོས་ཟེར་བ་དེའང་གནད་འགག་འདི་འདྲ་ཞིག་ལ་ཐུག་པ་མིན་འགྲོ།

19. རེད་།
    ཁོང་གིས་འདོད་པ་ལྟར་ན་།
    དང་པོ་ལོ་རྒྱུས་འགྲིག་མི་འདུག།་”བོད་མི་ཚོའི་ཤེས་རབ་དང་བློ་གྲོས། འཇོན་ནུས་མཐའ་དག་ནང་སེམས་ཀྱི་ཕྱིར་དུ་ཤུགས་ཕུལ་ཏེ་སེམས་ཀྱི་དེ་ཉིད་བཙལ་ཅིང་ ཆོས་དང་ཆོས་ལུགས་མཐའ་གཅིག་ཏུ་བསྒྲུབས་ཏེ་མི་ལོ་སྟོང་ཕྲག་ཡས་མས་འགོར།”་
    སེམས་གཙོ་རིང་ལུགས་ཀྱི་ལྟ་བ་ཁོ་ན་སྒྲུབ་འདུག་།
    གཉིསབ”དུས་ཡུན་རིང་པོ་དེ་འདྲའི་ནང་ལ། ཁོང་ཚོས་དེ་སྔའི་བཙན་པོའི་སྐབས་ཀྱི་ས་ཁོངས་འདུ་ཤེས་དང་རིགས་རྒྱུད་འདུ་ཤེས། ཁྱིམ་སྲིད་འདུ་ཤེས། དཔའ་བོའི་འདུ་ཤེས་རྣམས་རིང་དུ་སྤངས་ཏེ། མར་གྱུར་སེམས་ཅན་ཐམས་ཅད་ཀྱི་ཕྱིར་དུ་འཚང་རྒྱ་བའི་གདམས་པ་གཅིག་པུ་དེ་གཞི་ རྒྱ་ཆེན་པོ་དང་། ཁ་ཞེ་གཉིས་མེད་དང་། བློ་ཐག་རྦད་ཆོད་ཀྱིས་ལྷུར་བླངས་པ་སྟེ། བློ་སྦྱོང་ཞེན་པ་བཞི་བྲལ་གྱིས་བདེན་པ་བཞི་དང་ལྟ་བ་བཀར་བཏགས་ཀྱི་ཕྱག་ རྒྱ་བཞི་སོགས་བཤད་ཅིང་བསྒྲུབས་ཏེ་འོངས་པ་དེ་འདྲ་རེད།”ཅེས་བོད་ཀྱི་ཆོས་དང་རིག་གནས་ཐམས་ཅད་ཀྱི་དོན་གནད་ནི་རིགས་རྒྱུད་དང་།ཁྱིམ་སྲིད་།དཔའ་བོའི་འདུ་བྱེད་སྤངས་བའི་བྱེད་པའི་་གཞི་ཁོ་ན་དང་།མདོར་ན་།བོད་ཉམས་པར་བྱེད་པར་གཞི་ཁོ་ནར་གྱུར་འདུག་པས་།དེ་དག་ནི་སྤངས་བྱ་དང་།
    གསུམ་།་”དེ་ཡང་མི་ཆོས་རིག་གནས་དང་ལྷ་ཆོས་རིག་གནས་གཉིས་དང་། འཇིག་རྟེན་རིག་གནས་དང་འཇིག་རྟེན་ལས་འདས་པའི་རིག་གནས་གཉིས། སྲིད་པའི་རིག་གནས་དང་ཞི་བའི་རིག་གནས་གཉིས། མངོན་གྱུར་རིག་གནས་དང་ལྐོག་གྱུར་རིག་གནས་གཉིས་བཅས་ལས་སྔ་མ་རྣམས་སྤངས་ཏེ་ ཕྱི་མ་རྣམས་བླངས་པ་དང་། མ་མཐར་ཡང་ཕྱི་མ་གཙོ་ལ་སྔ་མ་ཕལ་བར་བསྐྱུར་བཞག་པ་རེད།”
    འདོར་ན་འདི་ཐམས་ཅད་ཀྱི་དགོངས་དོན་གཙོ་བོ་ནི་།དངོས་གཙོ་དང་།སེམས་གཙོ་།ལྷ་ཡོད་དང་ལྷ་མེད་བཅས་ཀྱི་འགལ་བའི་རྣམ་བཤད་དེ་མ་ཡིན་ནམ།
    བཞི།འདི་ཐམས་ཅད་མངོན་འགྱུར་བྱ་དགོས་ན་།རིག་གནས་གསར་བརྗེ་བྱ་དགོས་ཟེར་བ་དེ་མ་ཡིན་ནམ།ད་རུང་དེ་འདྲ་ཤིན་ཏུ་མང་པོ་རེད་།དཔེ་དེབ་འདི་དང་།ཁོང་གི་སྔོན་གྱི་དཔེ་ཆ་རྣམས་་།དེ་བཞིན་ཚིག་སྤྱོད་སྟངས་དང།དཔྱད་པའི་རྣམ་འགྱུར་།དེ་བཞིན་སློབ་གཉེར་གྱི་ཁོར་ཡུག་དང་།ལོ་ཚིགས་རྣམས་བསྡུར་དང་།དེ་ནས་ལྟ་གྲུབ་་གང་གི་ཤན་ཞུགས་པ་ནི་གསལ་བོ་རེད་།
    ལྔ་།འདོར་ན་གལ་ཆེ་ཤོས་ཞིག་ནི་།གསར་བ་ཤིག་ལས་དགོས་ན།རྙིང་བ་དེ་ངེས་པར་ཏུ་གཏོར་དགོས་སྙམ་པ་དང་།གསར་བ་ཤིག་གླེང་དུས་།རྙིང་བ་ཞིག་མ་གླེང་ཐབས་མེད་པ་ཞིག་ཆགས་ཡོང་བསམ་པའི་འཁྱེར་སྟངས་འདི་ཡང་།དམར་བོའི་ལྟ་བ་རང་རེད།
    དྲུག།ངས་འདི་ནས་ལེགས་ཉེས་དང་།བཟང་ངན་གྱི་ཐད་ནས་སྐད་ཆ་ཅི་ཡང་བཤད་གིན་མེད་།ལྟ་བའི་ཡོང་ཁུངས་དང་།་བསམ་པའི་ཁྱེར་སྟངས་།ལྟ་གྲུབ་འཛིན་སྟངས་ཤིག་གླེང་གིན་ཡོད་།མོའི་ཆབ་སྲིད་ཀྱི་བདུག་ཅན་ཧ་ལས་ཞིག་རེད་མ་གཏོགས་།རིག་གཞུང་གི་ཐད་ནས་།རྒྱ་ནག་གི་ཞིང་བ་ལ་ཞིབ་མཇུག་བྱ་མཁན་དཔེ་མེད་པ་ཞིག་ལ་བརྩི་བཞིན་ཡོད་པ་རེད།ད་ལྟ་ཡང་ཁོས་བརྩམས་པའི་ཧུའུ་ནན་གྱི་ཞིང་བའི་སྐོར་གྱི་རྟོག་དཔྱོད་རྣམས་།ནུབ་ཀྱི་མཁས་བ་རྣམས་ཧ་ལས་བཞིན་འདུག་།

20. གཞན་གྱི་སྐད་ཆར་དཔྱད་ན། གོང་ན་ཚིག་རིས་ནག་ཐར་རེ་བྱེད་པ་དེ་ཚོར་ཡི་གེ་འབྲི་འདེད་བྱས་ནས་ཤོག གཞན་པ་དངོས་གཙོ་ཟེར་བ། སེམས་གཙོ་ཟེར་བ། ལྷ་ཡོད། ལྷ་མེད་ཟེར་བ་དེ་འདྲ་ཞིག་གང་ན་ཡོད་གི ང་ཅིག་སྟོན་ར།
    དེ་མིན་གོང་གི་ཡི་གེ་དང་རྩ་ནས་འབྲེལ་བ་མེད་པར་ཡིན་ནམ་མིན་ནམ་ཟེར་བ་དེ་ཚོས་རང་ཉིད་ཀྱི་རྣམ་རྟོག་གང་ཡིན་པ་གཅིག་པོ་ལས་གཞན་གང་ཡང་སྒྲུབ་ཐུབ་པ་མ་རེད། ཁྱོས ཁོའི་་་ལྟ་བའི་ཡོང་ཁུངས་དང་།་བསམ་པའི་ཁྱེར་སྟངས་།ལྟ་གྲུབ་འཛིན་སྟངས་ཤིག་གླེང་གིན་ཡོད་།་་ ན། ཁོ་ལ་སྐད་ཆ་དྲིས།
    ད་བར་དུ་ཁོས་དེབ་ག་རེ་ག་རེ་ཀློག་འདུག ཁོར་ཡུག་ག་འདྲར་ཕྱིན་འདུག གྲོགས་པོ་སུ་འདྲར་འགྲོགས་འདུག བསམ་བློ་འཁྱེར་སོ་ག་འདྲ་རེད། དགའ་མོས་ཆེ་ཤོས་ཀྱི་གཞུང་ལུགས་གང་དང་གང་འདུག དྲི་བ་ཁ་ཤས་ཀྱིས་ཁོ་ལ་དབྱེ་གསེས་མང་པོ་ཞིག་བྱེད་ཐུབ་གི་རེད། དེ་མིན་རྨོངས་བཤད། ཚོད་བཤད། འཁྱོག་བཤད། ངན་བཤད། སྟོང་བཤད། ཙ་བཤད། ཆེ་བཤད། སྤོམ་བཤད་རྐྱང་རྐྱང་བྱས་བསྡད་ན། སྟོན་ནུབ་རྟ་བོས་ཆོད་གི་མ་རེད། ཞི་ལི།

21. རེད་ལགས་།
    ངས་སྔོན་ནས་ཁྱེད་ལ་ལབ་ཡོད་པ་མ་ཡིན་ནམ།ཁྱོད་ཀྱིས་བློ་ཞིབ་མོ་།སྐད་ཆ་དྲང་མོ་།བློ་གཟུ་བོ་ཞིག་གིས་བགྲོ་གླེང་ཞིག་བྱ་ཐུབ་ཀྱིན་མ་རེད་བཤད་ཡོད་པ་མ་རེད་དམ།ཁྱོད་དང་མི་འདྲ་བར་།ཞོགས་དུང་གི་དཔེ་དེབ་ཆ་ཚང་བར་བལྟས་བ་ཡིན་།དེ་མིན་ཞོགས་དུང་གི་སྙིང་ཉེ་བའི་གྲོགས་འགའ་ཤས་དུས་རྒྱུན་ཁ་བརྡ་ཡང་བྱ་བཞིན་ཡོད་།རྒྱ་ནག་གི་ལྔ་བཞི་ལས་འགུལ་སྐབས་ཀྱི་དཔེ་དེབ་མང་པོ་ཀློག་གིན་ཡོད་པའང་ཧ་གོ་།དེ་མིན་མི་རང་ཚུགས་ཅན་དང།འབྱོན་པོ་ཞིག་ཡིན་པའང་ཧ་གོ་།

    གནམ་ས་གོ་འབྱེད་དུ་།རང་གི་ལྟ་བའགའ་ཤིག་་ནོར་འཁྲུལ་ལྟ་བུ་ལ་ངོས་འཛིན་བྱས་ཡོད་པ་ལ་ཡིད་སྨོན་དང་།རྗེས་སུ་ཡིད་རངས་བྱ་བཞིན་ཡོད་།མཁས་བ་ཤིག་དེ་འདྲ་ཡིན་སྙམ་པའི་དགའ་བ་སྒོམ་གིན་ཡོད་།ཁོང་གིས་སྐོར་ལ་དབྱིན་ཇིའི་ཆེད་རྩོམ་ཤིག་ཀྱང་འབྲི་བསམ་བཞིན་ཡོད་།ཡིན་ནའང་ཞོགས་དུང་གི་ལྟ་བ་ཐོག་ནས་བོད་ཡིག་ཏུ་བགྲོ་གླེང་བྱ་བསམ་པ་མ་གཏོགས་།སྐད་ཡིག་གཞན་གྱི་འབྲི་བསམ་བཞིན་ཡོད་།ད་ལྟ་ང་ཚོས་བྱ་ཐུབ་པ་ནི་སྨྱུ་གུའི་སྟེང་ནས་ཁོང་གི་མི་ཚེ་དང་།ལྟ་བ་དང་།སྙིང་སྟོབས་བཅས་གླེང་རྒྱུ་མ་གཏོགས་གཞན་ཅི་ཡང་བྱ་བཟོད་མི་འདུག།གླེང་རིན་ཡོད་པ་དང་།ཀུན་གླེང་བཟང་བོ་ཞིག་གི་སྟེང་ནས་གླེང་གིན་ཡོད་།དེ་མིན་གཞན་ཅི་ཡང་མེད།ཡོད་ན་ཁྱེད་ཚོས་སྐྱོན་རེད།

22. ཁ་སྔོན་རབ་འབྱོར་ཟེར་བ་ཞིག་གིས་ཞོགས་དུང་གི་གནམ་ས་གོ་འབྱེད་ནང་གཞུང་ལུགས་སྐམ་བཤད་ལས་དོན་དག་ངོ་མ་ཐོག་འགྲོ་ཐུབ་མེད་པའི་བལྟ་ཚུལ་ཞིག་བརྗོད་འདུག

    རྒྱ་་ནག་ཉམས་ཞིབ་པ་དང་མདའ་ཚན་པ་གཉིས་ཀྱི་གོ་འབྱེད་ཆ་ཚང་ཞིབ་ཀློག་བྱས་ཡོད་ན་རབ་འབྱོར་གྱིས་བཤད་པ་བདེན་པ་རེད་དམ།

23. ཉེ་ཆར་འཛམ་གླིང་ཤར་ནུབ་ཀུན་ཏུ་བཞུགས་པའི་ངོ་ཤེས་རྣམས་དང་ཁ་བརྡ་བྱེད་དུས། ཡུལ་ཤུལ་ས་འགུལ་དོན་རྐྱེན་གྱི་འཕྲོར་ཞོགས་དུང་་གི་གོ་འབྱེད་དང་འཛིན་བཟུང་གི་སྐོར་གླེང་སློང་ཚ་ཚ་འུར་འུར་རེད།
    མང་པོ་ཞིག་གིས་མ་གྲོས་གཅིག་མཐུན་ངང་། ཞོགས་དུང་ལ་གན་ངྡིའི་ཤུགས་རྐྱེན་ཆེན་པོ་ཐེབས་ཡོད་པར་མ་ཟད། ཁོང་གིས་མགོ་རིལ་བཟོ་སྟངས་ཚུན་ཆད་གན་ངྡི་ལ་ལད་མོ་བྱས་པ་དང་། མི་འགྱངས་བར་ཁོང་གིས་བཙོན་ཁང་ནང་ནས་མགོ་བརྩམས་ཏེ་གན་ངྡིའི་ལུགས་ཀྱི་ཟས་བཅད་ངོ་རྒོལ་སོགས་ཀྱི་ཐབས་ལམ་སྤྱད་དེ་ལས་འགུལ་སྤེལ་རྒྱུ་ཡིན་པ་དང་། དེ་ནས་བཙོན་ཁང་གི་ལྕགས་རིའི་ཕྱི་རོལ་ནས་བོད་མི་སྐྱ་སེར་ཚང་མས་མི་རིགས་ཀྱི་ཁེ་དབང་དང་ཐོབ་ཐང་རྩོད་ལེན་གྱི་ལས་འགུལ་འཕྲོ་རིམ་འཕྲོར་སྤེལ་རྒྱུ་ཡིན་པའི་ཚོད་དཔག་བྱེད།

24. ཞོགས་དུང་གི་ད་ལྟའི་གནས་སྟངས་སྐོར་མཁྱེན་རྟོགས་ཅི་ཡོད་འདིར་གསལ་བཤད་རེ་གནང་རོགས།

25. སྦ་སྨྱུག་འགུགས་པ་དྲང་པོར་སྲོང་དགོས་ན། འཁྱོག་པའི་ལྡོག་ཕྱོགས་སུ་ཤུག་ཆེར་བཀུག་ནས་སྲོང་དགོས་པ་ཞིག་ཡོད་པ་འདྲ