ཨོ་གླིང་མདོ་སྨད་མདའ་རྩེད།

Comments (25) on “ཨོ་གླིང་མདོ་སྨད་མདའ་རྩེད།”

1. ཨོ་སི་ཁྲི་ལི་ཡའི་བོད་པ་སྤར་མོ་གང་འདི་ལ་མཐེ་བོང་། གོང་མཛུབ། དཀྱིལ་མཛུབ། སྲིན་མཛུབ། མཐེབ་ཕྲུག་སོགས་སུ་དབྱེ་སྲོལ་ཞིག་འདུག་གམ། བློ་མཐུན་སུ་ཞིག་གིས་འདི་ལྟར་འགན་བཞེས་ནས་ལ་གཏོར་ལུང་གཏོར་བྱེད་ཀྱིན་ཡོད་དམ།

2. ཞབས་བྲོ་མཉམ་དུ་རྒྱབ་ནས་སྐེ་ཟེར་ལོགས་སུ་བཅོས་པ་མ་རེད་དམ་ དོན་གཅོད་གཅིག་གི་འོག་ཏུ་ཡོད་པའི་བོད་མི་ཚོ་་མཉམ་དུ་གོང་ས་མཆོག་གི་སྐུའི་འཁྲུངས་སྐར་སྲུང་རྩི་ཞུ་དགོས་པ་བོད་མི་རིགས་ཀྱི་ཆིག་བསྒྲིལ་ངོ་མ་དེ་མིན་པ་ཡིན་ནམ་།

3. མདའ་རྩེད་ནི་ཆེས་གནའ་བོའི་སྲོལ་རྒྱུན་གལ་ཆེན་ཞིག་ཡིན་པས། རྒྱུན་འཛིན་འདི་ལྟར་གནང་པ་ལ་མངོན་པར་བསྟོད། མུ་མཐུད་ནས་མཇུག་སྐྱོང་གནང་རྒྱུ་ཧ་ཅང་གལ་ཆེན་རེད།

4. བོད་རང་ལུགས་ཀྱི་མདའ་བཟོ་སྟངས་ཡོད་ངེས། དེ་བཞིན་བོད་རང་ལུགས་ཀྱི་གྲི་དང་མདུང་སོགས་བཟོ་སྟངས་ཡོད་ཀྱི་རེད། སྔ་མོའི་དུས་ནས་་་གོ་ཁྲབ་མཚོན་་་གསུམ་ཞེས་པ་ལོ་རྒྱུས་ནང་གསལ་ཡོད། མདའ་རྩེད་མདུང་རྩེད་ག་རེ་གནང་ནའང་བོད་མེས་པོའི་རང་ལུགས་ཀྱི་ལག་ཤེས་དང་རིག་རྩལ་ཐུན་མིན་དེ་ཚོ་རྩལ་དུ་སྟོན་ནས་རང་ལུགས་ལ་གཏད་སོ་ཡོད་པ་ཞིག་གནང་ཐུབ་ན་ཤིན་ཏུ་དགེ་མཚན་ཆེ་བར་སེམས་སོ། ཆོས་དང་འཇིགས་རྟེན་གང་བྱས་ཀྱང་མེས་པོ་གོང་མིའི་རིང་ལུགས་ཀྱི་གཏད་སོ་བོར་སོང་ན་འཇིགས་རྟེན་མི་ཡིས་གདེང་འཇོག་བརླག་ཉན་ཡོད། བོད་པ་ཟེར་དུས་རང་ལུགས་ཡོད་ཀྱང་གཅེས་སྐྱོང་མི་ཐོན་པའི་་ཁྲ་ལེ་ཁྲུལ་ལེ་བྱེད་སྡོད་མཁན་ཞིག་དང་གཏད་སོ་མེད་པའི་ཀྱ་ལེ་ཀྱུ་ལེ་འཁྲབ་སྡོད་མཁན་ཞིག་ཡིན་པ་མི་ཕལ་མོ་ཆེས་ངོས་འཛིན་བྱེད་བཞིན་མི་འདུག་གམ། །

5. དུས་རབས་གོང་མའི་ཡང་གོང་མའི་སྐབས་བོད་པ་ཙམ་མིན་པ་མིའི་སྤྱི་ཚོགས་ཚང་མར་མདའ་དང་འདུང་གྲི་འུར་རྡོ་སོགས་རང་སྲུང་ཆེད་བདག་ཉར་བྱེད་བཞིན་པ་ལས་མདའ་འདུང་གྲི་འུར་རྡོ་སོགས་བོད་པ་གཅིག་པུའི་རིག་གཞུང་ལ་ངོས་འཛིན་གནང་ན་འགྲིག་གི་ཨ་ཡོད་།

6. མདའ་རྩེས་ནས་དགྲ་བོ་གསོད་ཐུབ་གི་མ་རེད། དེ་བས་མེ་ཤུགས་འཕུར་མདའ་དང་རྡུལ་ཕྲན་མཚོན་ཆ་བཟོ་བར་གྲ་སྒྲིག་བྱེད་དགོས་གི་རེད། མདའ་རྩེད་མདུང་རྩེད་དང་ལྷ་རྩེད་ཀླུ་རྩེད་ཀྱི་དུས་རབས་མཇུག་སོང་བ་རེད།

7. ཕྱི་སྡོད་བོད་མི་ཚོས་ཀྱང་མདའ་འཕེན་ཤེས་ནོ་ཡག་གི

8. ཀརྨ་བློ་གསལ་ལགས། རང་གིས་”བློ་མཐུན” ཞེས་པ་ཙམ་གྱིས་ཅི་ཡང་སྨྲ་འདོད་མ་བྱུང་ངོ་།།

9. གཞུང་བ་ཚེ་དབང་ལགས། གནས་བོའི་དགྲ་འདུལ་གཉེན་སྐྱོང་གི་དྲག་རྩལ་འགའ་དེང་སང་རྩེད་མོར་བསྒྱུར་ན་དྲ་པོ་ཞི་བར་བསྒྱུར་བ་མ་ཡིན་ནམ། ཞུ་བདེ་ཡིས་ཡོད་ཚད་ལ་ཁྱབ་དགོས་ན། གནའ་བོའི་དྲག་རྩལ་དག་ལ་ཅི་ཞིག་བྱ་དགོས་སམ

10. གཞུང་བ་ཚེ་དབང་ན་རེ།
    ཞབས་བྲོ་མཉམ་དུ་རྒྱབ་ནས་སྐེ་ཟེར་ལོགས་སུ་བཅོས་པ་མ་རེད་དམ་ དོན་གཅོད་གཅིག་གི་འོག་ཏུ་ཡོད་པའི་བོད་མི་ཚོ་་མཉམ་དུ་གོང་ས་མཆོག་གི་སྐུའི་འཁྲུངས་སྐར་སྲུང་རྩི་ཞུ་དགོས་པ་བོད་མི་རིགས་ཀྱི་ཆིག་བསྒྲིལ་ངོ་མ་དེ་མིན་པ་ཡིན་ནམ་།ཟེར། འོ་ན་ལྷོ་གཞིས་གཅིག་གི་འོག་ཏུ་ཡོད་པས་ས་གནས་གཅིག་ཏུ་བཏང་ན་ཅིས་མི་ཆོག་གམ།

11. ད་ག་རེད་ཏ། མུ་མཐུད་ནས་ཡིན་ཏ། བོད་རིགས་ཀྱི་གཅིག་བསྒྲིལ་དེ་རིམ་པས་དེ་འདྲ་སེ་གཏོར་བཤིག་བཏང་ན་ཡག་པོ་ཡོད་པ་རེད། ༧གོང་ས་མཆོས་དགུང་ལོ་བགྲེས་བཞིན་པ་དང་བསྟུན་བོད་མི་ཚོའི་སྤྱོད་པ་དེ་ཡང་ཇེ་སྡུག་རེད། ད་ཡིན་ན། ཞེན་ཁོག་ཁོ་ན་བྱས་ནས་སྡོད་ཤིག ཉིན་ཤིག་ཆོལ་ཁ་གསུམ་པོ་མི་རིགས་གསུམ་ཏུ་མི་གྱར་བའི་ངེས་པ་མི་འདུག་ཀོ

12. ཨོ་སི་ཁྲི་ཡ་ནི་ས་ཁྱོན་ཧ་ཅང་ཆེ་བའི་རྒྱལ་ཁབ་ཅིག་རེད། མ་ཟད་གླིང་ཆེན་བདུན་གྱི་གཅིག་ཀྱང་རེད། མངའ་སྡེ་གང་མང་ནང་བོད་རིགས་མཐུན་ཚོགས་རེ་ཡོད་པ་རེད། དེ་ཚོ་ཚང་མས་རང་རང་ས་གནས་སུ་ལས་དོན་གང་ཡོང་བསྒྲུབ་བཞིན་པ་རེད། བྱས་ན་དེ་ཚོ་ཚང་མས་ས་གནས་གཅིག་ཏུ་མ་གཏོག་ལས་འགུལ་སྤེལ་མི་ཆོག་པ་བཟོ་དགོས་སམ།

13. གནའ་བོའི་རིག་གནས་རྒྱུན་འཛིན་བྱེད་པར་སྐབས་རེ་ཚང་མ་མཉམ་འབྲེལ་དང་། སྐབས་རེར་ཆོལ་ཁ་དང་ལུང་ཚན་སོ་སོས་རྒྱུན་འཛིན་དང་། ལས་འགུལ་སྤེལ་དགོས་པ་སྣ་ཚོགས་ཡོད་པ་རེད། ད་ཐེངས་ཨོ་གླིང་མདོ་སྨད་ནས་འདི་ལྟར་ལས་འགུལ་སྤེལ་བ་ནི་མངོན་པར་བསྟོད་དགོས་པའི་གནས་རང་རེད།
    གཞན་དྲ་འབུ་རེ་ཟུང་གིས་ཁ་ལ་ཉན་འོས་ཅི་ཡང་ཡོད་པ་མ་རེད།

14. གཞུང་པ་ཚེ་དབང་བསོད་ནམས་ལགས་ཀྱིས་བོད་ཡིག་ཡག་པོ་མ་སྦྱང་ན་ཡིག་ནོར་མང་པ་ནི་ངོ་ཚ་དགོས་པ་ཞིག་རེད།
    འོན་ཀྱང་ཀོ་ལི་སྒལ་ན་འདི་འདྲ་ཞིག་མ་གཏོགས་ཅི་ཡང་ཡོད་དོན་མེད། སྙིང་རེ་རྗེ།

15. མདའ་རྩེད་ནི་༧ གོང་ས་མཆོག་སྐུའི་འཁྲུངས་སྐར་ལ་བྱེད་མི་རུ་བ་གཞི་མཐོང་གང་ཡིན་ཟེར་ན་༧་གོང་ས་མཆོག་ནས་ཁོང་གིས་འཁྲུངས་སྐར་གྱི་ཕྱག་རྟགས་ཡག་ཤོས་དེ་སེམས་པ་བཟང་པོ་བྱེད་ཡག་དེ་ཡིན་གསུངས་དང་གསུང་བཞིན་པ་རེད་བྱས་ཙང་མདའ་ནི་འཚེ་བའི་ལག་ཆ་ཞིག་རེད་བྱས་ཙང་སྐུའི་འཁྲུངས་སྐར་གྱི་ཉི་མོར་ང་ཚོས་འཚེ་བ་སྤོངས་བའི་ལས་གུལ་སྤེལ་དགོས་པ་དང་མཚོན་རིགས་ལ་ངོ་བརྒོལ་བྱེད་དགོས །
    ལོ་རྗེས་མ་ནས་དེ་རིགས་མི་ཡོངས་བའི་འབོད་སྐུལ་དང་རེ་བ་ཞུ་བཞིན་ཡོད །།

16. ཏག་ཏག་རེད། ནང་ཁུལ་ལ་ཕྲག་དོག་བྱེད་དགོས།
    ལྷག་ཏུ་མདོ་སྨད་པས་ཁོང་ཚོའི་ཐུན་མིན་རིག་གཞུང་རྒྱུན་འཛིན་བྱེད་འཆར་ཡོད་ན་དེ་ལ་ང་ཚོས་ཕྲག་དོག་བྱེད་དགོས། མདོར་ན་ཨ་མདོ་ཚོ་ལ་ཐུབ་ཚོད་གཏོང་དགོས། ཆོས་སྲིད་རིག་གནས་ཀྱིས་ཕྱུག་པའི་མདོ་སྨད་པ་ཚོ་མགོ་འབུར་མ་བཅུག་ཨ། ཧཧཧཧཧཧཧཧཧཧཧཧཧཧཧཧ། ཕྲག་དོག ཕྲག་དོག ཕྲག་དོག ནང་ཁུལ་ལ་ཕྲག་དོག་བྱོས་ཨ། ཧཧཧཧཧཧཧཧཧཧཧ། ཁ་ནས་བྱམས་བརྩེ་དང་། སེམས་པ་བཟང་དགོས་རབས་དང་། དོན་ལ་ཕྲག་དོག་བྱེད་དགོས། ཧཧཧཧཧཧཧཧཧཧཧཧཧཧཧཧ།

17. གྲོགས་པོ་ལ་དེ་མདོ་སྨད་ལ་ཕྲག་དོག་བྱེད་དགོས་ཡག་མེད་བོད་ཆོལ་ཁ་གསུམ་ནི་རིག་གཞུང་གཅིག་པའི་མི་རིགས་གཞི་རེད་ལ་ལྷག་པར་དུ་མདའ་རྩེད་ནི་ཆོལ་ཁ་གསུམ་ཀའི་རྩེད་མོ་གཞི་ཡིན་པ་ཡོངས་གྲགས་རེད་ལ་དུས་ད་ལྟ་པར་ཨོ་གླིང་ནང་ཨོ་གླིང་བོད་རིགས་མཐུན་ཚོགས་ཀྱི་མགོ་འཁྲིགས་འོག་སྲུངས་རྩིས་ཞུ་བཞིན་པ་ལས་ཆོལ་ཁ་ཡལ་ག་བ་གཞི་བྱེད་སྒོ་དེ་འདྲ་སྤེལ་བ་ལ་དགོས་པ་གང་ཡང་མེད་མ་གཟད་ཆོལ་གསུམ་མཐུན་སྒྲིལ་ཉམས་རྒུད་གཏང་བའི་རྒྱུ་ལ་འགྲོ་ངེས་ཡོད།

18. སྐད་ཆ་ཚིག་གསུམ་བཤད་ཚེ་ཕྱོགས་ཞེན་རེད།

19. ཨ་མདོ་དེ་ཚོ་ལ་བོད་མི་རིགས་ཀྱི་ལ་རྒྱ་མདོ་ད། ངོ་ནས་འདྲ་ས་མི་འདུག ཡག་པོ་རེད། སོ་སོའི་རིག་གཞུང་བདག་པོ་རྒྱག་དགོས་རེད། ཐུགས་རྗེ་གནོངས། ཨོ་ཡ་ཅོ།

20. མདོ་སྨད་པ་འདི་རིག་གཞུང་ལ་བདག་པོ་ཡག་པོ་རྒྱབ་ཀྱི་འདུག བཀྲིན་ཆེ།

21. ཡག་པོ་རེད་

22. བསོད་ནམས་བཀྲིས་ལགས་ཀོ་ལི་གྷལ་ཟེར་བའི་ས་མིང་འདིར་བེད་སྤྱོད་མ་གནང་རོགས་གནང་ང་ལ་སྐྱོན་འཛུགས་གང་གནང་ཡང་ཁྱེད་ཀྱི་གཏམ་བརྗོད་རང་དབང་རེད་གཞིས་ཆགས་ས་མིང་མཉམ་དུ་མ་བྲུད་རོགས་ཐུགས་རྗེའི་གཟིགས་།

23. བཀྲ་ཤིས་བདེ་ལེགས་ཞུ

24. མདོ་སྨད་གདའ་རྩེད་ལས་འཕྲོས་པའི་ཆོལ་གསུམ་ཆིག་སྒྲིལ་ལ་ལྟ་བ།

    ཉེ་འཆར་ཨོ་གླིང་གི་མདོ་སྨད་གདའ་རྩེད་དང་དེ་ལས་འཕྲོས་པའི་ཆོལ་གསུམ་ཆིག་སྒྲིལ་སྐོར་ལ་ད་ཆ་བོད་ཕྱི་ནང་གཉིས་ཀར་གླེང་བཞིན་པ་མ་ཟད། བོད་ནང་གི་སྐད་འཕྲིན་ཚོགས་པ་དེ་ཚོས་ཀྱང་དེ་ལ་གླེང་། ངའི་བསམ་འཆར་ལ་ང་ཚོ་ཆོལ་གསུམ་དེ་ཆིག་སྒྲིལ་དང་ཚང་མ་གྲིས་བཏུབ་པ་ནང་བཞིན་ནར་ན་ནར་གཅིག་དང་བསྐུམས་ན་བསྐུམས་གཅིག་མིན་པར་ཆོལ་གསུམ་དེ་འདྲ་མཉམ་དང་རང་གི་སྲོལ་རྒྱུན་དང་རིག་གཞུང་ཐ་འདད་ཡིན་པ། སྐད་ཐ་འདད་ཡིན་པར་ངོས་འཛིན་ཐོག་ཐུན་མོང་གི་འདོད་འདུན་ལྟར་འཛིན་སྐྱོང་གཅིག་གི་འོག་ལ་འདྲ་མཉམ་དང་རང་སྲོལ་ཐུན་མོང་མ་ཡིན་པ་བདག་གཉེར་ཐོག་མཉམ་གནས་བྱེད་ཐུབ་ན་དེ་ལེགས། ང་ཚོ་ཆོལ་གསུམ་ཚང་མ་བོད་པ་ཡིན། མི་རིགས་གཅིག་ཡིན་ཟེར་ན་དེ་བདེན་པ་མ་རེད། མི་རིགས་གཅིག་ལ་མ་མཐར་སྐད་གཅིག་དགོས། ང་ཚོ་སྐད་ཐ་དད་རེད། ཨ་མདོའི་སྐད་དང་དབུས་སྐད་ཧ་ལམ་ཡོངས་སུ་ཐ་དད་ལྟ་བུ་རེད། ཁམས་ཀྱི་མི་རིགས་རྒྱུད་པ་དང་དབུས་གཙང་རྒྱུད་པ་མི་གཅིག་པ་ཕྱི་རྒྱལ་གྱི་ཚན་རིག་པ་ཚོས་ཌི་ཨན་ཨ་ཟེར་བའི་རྒྱུད་པར་བལྟས་ནས་ར་སྤྲོད་བྱས་ཟིན་སོང་།

    དེ་བཞིན་ང་ཚོའི་གོམས་སྲོལ་ཀྱང་གཅིག་པ་མ་རེད། ཁམས་པ་ཤ་འཁོན་ལེན་པ་དེ་གཟི་བརྗིད་ལ་རྩིས་རུང་དེ་དབུས་གཙང་པས་ཀླ་ཀློའི་སྤྱོད་པ་རྩིས། དབུས་པས་ཆོས་དང་ཡོན་ཏན་ལ་བརྩི་ཆེ་བར་བྱས་ནས་གཞན་ལ་གུས་ཞབས་དང་རང་ལས་གཞན་ལ་རྩི་མཐོང་ཆེ་བ་བྱེད་པ་འདི་ལ་ཨ་མདོ་དང་ཁམས་པས་སྤྲེལ་ལད་དང་བསླུ་བྲིད་ལ་མཐོང་། མདོར་ན་ང་ཚོ་ཆོལ་ཁ་གསུམ་དབར་ལ་མི་རིགས་མི་འདྲ་བ་གསུམ་བཞིན་ཐ་དད་པའི་དངོས་པོ་མང་བ་རེད།

    གལ་ཏེ་ང་ཚོ་ངོ་མ་འཆམ་པོ་བྱས་ནས་སྒྲོམ་གཞི་གཅིག་གི་འོག་ལ་སྡོད་འདོད་ན། དང་པོ་རང་ཚོའི་མི་གཅིག་པ་དེ་ཚོ་ངོས་འཛིན་ཐོག་དེ་དག་རྒྱུན་བསྲིང་བྱེད་པའི་འདྲ་མཉམ་གྱི་ཐོབ་ཐང་དགོས། ཁ་བདེ་ལོད་དང་མགོ་བདེ་ལོད་ལྟ་བུ་བྱས་ནས་ཉེ་འཆར་གྱི་འདེམས་སྒོ་བཞིན་ཁམས་པའི་དབང་ཤུགས་ཀྱིས་གཞན་བཙན་ཁྲིད་བྱེད་པ་དེ་དབུས་གཙང་ཚོའི་སེམས་གཏིང་ལ་བརྒྱབ་ཟིན་འདུག

    བྱས་ནས་ང་ཚོ་ཐ་དད་པ་ཡིན་པར་ངོས་འཛིན་ཐོག་མི་རིགས་གཅིག་དང་རིག་གཞུང་གཅིག་ཟེར་བའི་སྐྱག་རྫུན་དེ་མདོར་ནས་དང་པོ་འདྲ་མཉམ་དགོས། འདྲ་མཉམ་ཡོང་བར་རང་གི་ཐུན་མིན་རིག་གཞུང་ལ་རྩི་མཐོང་དགོས། དེ་ད་ལྟ་ང་ཚོར་མིན་འདུག་

25. དྲྭ་འབུ་ནི་དྲྭ་འབུ་རང་རེད། མིག་ཞར་འདུག རྣ་འོན་འདུག ང་ཚོ་ཨོ་གླིང་གནས་མཁར་གསར་Newcastleབོད་རིགས་མཐུན་ཚོགས་ནི་རྒྱལ་སྤྱིའི་བོད་རིགས་མཐུན་ཚོགས་ཡོད་ཚད་ནང་ནས་ཨང་དང་པོ་མིན་ན་ཡང་གཉིས་པ་ཡིན། གང་ཡིན་ཟེར་ན་ལོ་གསུམ་ཡན་གྱི་བྱིས་པ་ཡན་ཆད་ནས་ཁ་ནས་བོད་སྐད་བཤད་ཤེས། ལག་པའི་བོད་ཡིག་འབྲི་ཤེས། གཟའ་ལྷག་པ་ཞལ་འདོན་ཆག་མེད་ཡོད། གཟའ་སྤེན་པ་བོད་ཡིག་འཛིན་གྲྭ་ཆག་མེད་ཡོད། ད་དུང་སྙན་ངག་གྱེར་འདོན་དང་གཞས་ཞབས་བྲོ་སྒྲ་སྙན་སྤྲོད་རྡུང་སོགས་རང་རྐྱ་ཐུབ་པའི་བོད་པའི་ཆོས་དང་རིགས་གཞུང་ལ་སྲིང་སྐྱོབས་ཀྱི་འགན་ལོ་གསུམ་ཡན་གྱི་བྱིས་ཚོའི་ཀྱང་ཁུར་ཡོད། གཞན་ད་དུང་ང་ཚོའི་ཆུང་བྱིས་པ་ཡན་ཆད་ལ་དཔྱད་དངུལ་ལག་དེབ་ཡོད་པའི་ཨོ་གླིང་གནས་མཁར་གསར་Newcastleབོད་རིགས་མཐུན་ཚོགས་ནི་ལོ་རེ་དཔྱད་དངུལ་སྤྲོད་ཚད་༡༠༠%ཟིན་ཡོད་པའི་རྒྱལ་སྤྱིའི་བོད་རིགས་མཐུན་ཚོགས་ཡོངས་ནས་ཨང་དང་པོ་ཆག་ཡོད། ངན་པའི་ཆ་མཐོང་ན་བཟང་བོའི་ཆ་ཡང་མཐོང་དགོས། ང་ཚོ་ས་གནས་ཆུང་ཆུང་འདི་ལ་ཨ་མདོ་ཅིག་ཅིག་ཨ་མདོ་མུག་མུག་ལབ་པ་ལས་རྒྱུས་ལོན་བྱེད་གི་ཐེངས་གཅིག་ཕེབས་དང་དགའ་བསུ་ཡོད།