དཀོན་མཆོག་དོན་གྲུབ།
བྱམས་སྙིང་རྗེ་ཅན་གྱི་ཕྱུག་པོ་ཚོ།།
ལུག་ཉོ་ན་འབྲོག་པའི་ལག་ནས་ཉོས།།
འབྲོག་ལྷས་ར་གང་བོ་ནོར་ལུག་ཡིན།།
རྒྱ་ཁ་ཆེའི་ལག་ནས་ཉོ་དགོས་མེད།།
བློ་ཤེས་རྒྱ་ཅན་གྱི་ཕྱུག་པོ་ཚོ།།
རྒྱུ་ཡོད་ན་བོད་ནས་ཁྲོམ་ར་ཚུགས།།
བོད་དཔལ་འབྱོར་རྗེས་ལུས་ཁྲོད་ན་ཡོད།།
རྒྱ་ཁ་ཆེའི་བཤས་ར་གཉོར་ཚད་མིན།།
རྒྱུ་ནོམ་པ་ཅན་གྱི་ཕྱུག་པོ་ཚོ།།
སྒོར་ཡོད་ན་སློབ་གསོའི་ཕྱོགས་ལ་ཐོངས།།
བོད་སློབ་གསོ་མུན་ནག་ཁྲོད་ན་ཡོད།།
རྒྱ་ཁ་ཆེར་བྱིན་དང་མ་བྱིན་མེད།།
སེམས་གཏོང་ཕོད་ཅན་གྱི་ཕྱུག་པོ་ཚོ།།
ཆོས་སྒྲུབ་ན་ཆོས་ལྡན་བོད་ནས་སྒྲུབས།།
བོད་གངས་ཅན་ཆོས་ཀྱི་ཕ་ས་ཡིན།།
རྒྱ་ཁ་ཆེ་བསྟེན་དང་མ་བསྟེན་མེད།།
ཁྲི་ལྔ་བརྒྱ་དྲུག་བརྒྱས་སྲོག་བླུ་བྱས།།
རྒྱ་ཁ་ཆེ་དར་བའི་སྟོབས་སུ་གྱུར།།
ལུག་དྲུག་སྟོང་བདུན་སྟོང་ཚེ་ཐར་བཏང་།།
སྲོལ་འདི་འདྲ་ད་སྔ་བོད་ན་མེད།།
སྲོག་ཚེ་ཐར་ཚོགས་པའི་སྒོར་མོ་དེས།།
རྒྱ་ཁ་ཆེའི་ཧམ་སེམས་ཇེ་ཆེར་བཏང་།།
ལུག་འབུམ་ཕྲག་མང་པོའི་ཚེ་སྲོག་བཅོམས།།
འདི་དགེ་སྡིག་གང་ཡིན་རང་གིས་ལྟོས།།
རྒྱ་ཁ་ཆེ་ཕྱུག་པ་བཟོས་ཡིན་ས་རེད།
ཚེ་སྲོག་ལས་རིན་ཐང ཆེ་བ་ཞིག་སུ་ལ་ཡང་ཡོད་རྒྱུ་མ་རེད། དེ་མེད་ན་སྲོག་བསྐྱབ་པ་ལས་ལྷག་པའི་དགེ་རྩ་ཞིག་ཀྱང་ཡོད་རྒྱུ་མ་རེད། ལས་རྒྱུ་འབྲས་དང་ཚེ་འདི་ཕྱི་ལ་ཡིད་ཆེས་ཧྲལ་ལེ་ཧྲིལ་ལེ་ཞིག་ལས་མེད་ན་ཡང་འདི་འདྲ་ཞིག་ཁ་ནས་ཐོན་ཤེས་ས་མ་རེད། ཁྱི་རྒྱགས་གནམ་གྱི་སྐར་མར་ཟུག་ཟེར་བའི་དཔེ་དེ་འདི་ལ་འབྱོར་གི། མོ་རང་གི་སྒོར་མོ་མོ་གང་དུ་གཏང་མོ་རང་གི་འདོད་པ་རེད། སྒོར་མོ་དེ་ཁྱོད་དང་ང་ཚོའི་ལག་ནས་ཁྲལ་དང་འུ་ལག་ལ་བསྡུས་པ་ནི་མ་རེད། ཁྱོད་ཀྱིས་དེ་ལ་ངོ་རྒོལ་དང་སྐྱོན་རྗོད་བྱེད་པའི་ཐོབ་ཐང་མེད་པ་ཙམ་ཡང་ཤེས་ཀྱི་མི་འདུག་གམ། རྒྱ་ཁ་ཆེ་ཤན་པ་ཚོས་ཀྱང་ཁྱོད་ཀྱི་སེམས་ལ་དྲན་ནས་ཁ་ནས་བཤད་བཞིན་པ་འདི་ལས་ལྷག་ཅིག་བསྒྲུབ་གི་ཡོད་པ་མ་རེད།