ཀོ་ལི་གྷལ་གཞིས་ཆགས་གཞུང་པ་ཚེ་དབང་བསོད་ནམས།
ཀོ་ལི་གྷལ་གྱི་ཡུལ་ཕྱོགས་འདིར།།
མཁའ་རླུང་མ་དྭངས་ཆར་ཆུ་དཀོན།།
དགོས་པའི་ཆར་མེད་མི་དགོས་རླུང་།།
ང་ཚོ་གཞིས་མིའི་དཀའ་སྡུག་ལ།།
ཅིས་ཀྱང་ལྟ་རྟོག་དུས་སུ་གཟབ།།
ཆར་ཆུར་བསྟེན་པའི་ཞིང་ལས་ལ།།
ཇི་ལྟར་འབད་ཀྱང་རེ་སྟོང་རྒྱུར།།
ཉེ་འཁོར་ཅམ་ར་ཇི་རྫོང་འོག །
སྟོན་ཉེས་ཚབས་ཆེན་ཕོག་པ་ནས།།
འཐུང་ཆུའི་དཀའ་ངལ་ཛ་དྲག་ནང་།།
ད་ལྟར་དཀའ་ངལ་མ་སེལ་ན།།
ནམ་ཞིག་འབ་འུབ་འདུས་ལ་དཀའ།།
དཔོན་ལ་བདེ་སྡུག་བླ་མར་ཆོས།།
ཕར་འགྱངས་མ་བྱེད་དུས་ཐོག་གཟོབ།།
བེད་མེད་ས་ལ་བཟོ་ལས་བཙུགས།།
མ་ནོར་ལམ་ལ་ཞིང་པ་འཁྲིད།།
རྩམ་པ་ཟ་མཁན་བོད་མི་ལ།།
ཚོད་མ་ཟས་ཀྱིས་གོ་མི་ཆོད།།
རྫོགས་རྒྱུ་མེད་པའི་ཞིང་པའི་ལས།།
ཝ་ལེར་སོམས་དང་ཡ་རེ་ང་།།
ཞིང་ཆུ་མེད་པའི་ཞིང་ལས་འོག།
ཟ་འཐུང་ལོངས་སྤྱོད་གང་ནས་འཛོམས།།
འ་འུབ་མི་འདུས་ཞིང་ལས་ལ།།
ཡོང་འབབ་ལས་ལྷག་འགྲོ་སོང་ཆེ།།
རང་རང་ལས་དང་སྨོན་ལམ་འོག །
ལོ་ཏོག་འཕེལ་བའི་སྨོན་ལམ་ཡོད།།
ཤིང་ཏོག་སྐྱེ་འབྲས་བཟང་ན་ཡང་།།
ས་ཕྱོགས་འདི་རུ་ཁྲོམ་ར་དཀོན།།
ཧང་སངས་གཏམ་གྱི་ཟུར་ཙམ་མེད།།
ཨེ་བདེན་མི་བདེན་ས་གནས་གཟིགས།།
གཞུང་པས་གསུངས་པའི་སྟོན་ཉེས་ཞེས་པ་ཕལ་ཆེར་ཐན་པའམ་ཐན་སྐྱོན་ལ་གོ་དགོས་པ་འདྲ། རྗོད་བྱེད་མ་དག་པ་དང་རྡོ་ཆག་བཙན་སྒྲིག་གང་འཚམ་བྱས་འདུག་པ་དོར་ཤུལ་རྒྱ་མཚོ་འདྲ་བོ་འདུག་ནའང་། བརྗོད་དོན་དེ་དངོས་ཡོད་གནས་ཚུལ་སེམས་འགུལ་ཐེབས་པ་ཞིག་བྲིས་གདའ། དངོས་ཡོད་གནས་ཚུལ་འདི་རིགས་སྤེལ་ན་ཡག་མོ་གདའ།
བསྟོད་པས་དགའ་བར་མི་འགྱུར་ཞིང་།
སྨད་པས་མི་དགའ་མི་འགྱུར་ཞིང་།
རང་གི་ཡོན་ཏན་ལེགས་སྤེལ་ན་།
སྐྱེས་བུ་དམ་པའི་ཚན་ཉིད་ཡིན་།
བསྟོད་སྨད་ཐམས་བཅས་ཉེ་དགའ་ཕྱོགས་ལྷུང་འོག་།