སེང་ཕྲུག་བརྟན་པ།
ང་ཡི་མི་ཚེ་ཤོག་བུ་དཀར་པོ།
དཀར་པོ་དཀར་རྐྱང་ཐང་དཀྱིལ་ལུས་སོང་།
བྲིས་པའི་མི་ཚེའི་རི་མོ་མཛེས་པ།
དེ་དག་མིག་ཆུས་མཉམ་དུ་ཁྱེར་སོང་།
ང་ཡི་མི་ཚེ་ཤོག་བུ་དཀར་པོ།
དཀར་པོ་དཀར་རྐྱང་ཐང་དཀྱིལ་ལུས་སོང་།
རླུང་འཚུབ་དྲག་པོ་ཕྱོགས་ནས་ལྡང་བས།
ཡལ་གའི་མེ་ཏོག་ཆག་ནས་ལྷུང་སོང་།
རླུང་དང་ལྡུམ་རྭའི་ནོར་འཁྲུལ་མ་རེད།
ཕལ་ཆེར་སྔོན་གྱི་ལས་ངན་འབྲས་བུ།
ཡལ་སོང་ཡལ་སོང་དྲི་ཞིམ་ཡལ་སོང་།
གང་ཡང་མ་ལྷག་རླུང་ནང་ཡལ་སོང་།
ང་ཡི་མི་ཚེ་ཤོག་བུ་དཀར་པོ།
དཀར་པོ་དཀར་རྐྱང་ཐང་དཀྱིལ་ལུས་སོང་།
འཕུར་ལྡིང་བྱ་ཡི་གནས་ཚང་མིན་འདུག
ང་ལ་འགྲོ་ཡུལ་ངེས་ཅན་མེད་སྐྱོ།
གནས་ཚུལ་མི་ཤེས་ལམ་ཡང་མི་མངོན།
མི་ང་ག་བར་འགྲོ་དགོས་མི་ཤེས།
ང་ཡི་ཚེ་རོགས་མཉམ་དུ་སྡོད་པ།
རྨི་ལམ་ཞིག་ཏུ་གྱུར་ནས་ལུས་སོང་།
ང་ཡི་མི་ཚེ་ཤོག་བུ་དཀར་པོ།
དཀར་པོ་དཀར་རྐྱང་ཐང་དཀྱིལ་ལུས་སོང་།
སྡུག་བསྔལ་ནང་གི་བདེ་བའི་སྒྲོན་མེ།
སྡུག་བསྔལ་ཉིད་ཡིན་བདེ་བའི་ཤེས་བྱ།
ན་ཟུག་བཟོད་ནས་མངལ་ལས་སྐྱེས་ཀུན།
སུ་ཡིས་དགའ་བོའི་ངང་བཟོད་ན་ཟུག
མི་དེ་རྟག་ཏུ་བདེ་བར་འཚོ་ངེས།
ང་ཡི་མི་ཚེ་སྡུག་བསྔལ་རྒྱ་མཚོ།
སྐྱབས་མེད་གྲོགས་ཤོག་བུ་དཀར་པོ།
དཀར་པོ་དཀར་རྐྱང་ཐང་དཀྱིལ་ལུས་སོང་།
སེང་ཕྲུག་ངས་རྒྱ་གར་བའི་གཞས་རྙིང་པ་ཞིག་བོད་སྐད་དུ་བསྒྱར་ནས་དྲ་གྲོགས་རྣམ་པའི་མདུན་སར་ཕུལ་བར་ཅི་དགས་རོལ་བ་འཚལ།
ངའི་སེམས་ཤུག་གུ་དཀར་རྐྱང་ལ། །
བྲིས་ཡོད་ཁྱོ་ཀྱི་མིང་ཁོ་ན། །
་་་་་་་་ ཞེས་སོགས་མང་་་་་