སོག་མདའ།
རི་བོ་མཐོན་པོའི་སྒང་ལ་་ལབ་ཙེ་སྟོད་པར་ཕེབས་འགྲོ་ཨ་ཅེ་དབྱངས་ཁོ་མ།།།།
བསང་དུད་དགུང་ལ་འཕྱོ་་ན་རླུང་རྟའི་དར་ཁ་ཡར་འགྲོ་ཨ་ཅེ་དབྱངས་ཁོ་མ།།
ལས་དཔལ་ལྷ་ལ་བཅོལ་ཡོད་བསང་དུད་དགོང་ལ་་སྙེགས་སོང་ཨ་ཅེ་་དབྱངས་ཁོ་མ།།
མཐུན་པའི་ཚེ་མདུད་གོར་མོ་དར་མཚོན་སྣ་ལྔའི་མཚོན་ཡོད་ཨ་ཅེ་དབྱངས་ཁོ་མ།།
རྨ་ཆུ་ལི་མའི་རབ་ཁར་ཆུ་བོ་བཅུས་བར་ཕེབས་འགྲོ་ཨ་ཅེ་དབྱངས་ཁོ་མ།།
གཙང་ཆབ་ལན་གསུམ་བཅུས་པ་ཉ་མོ་སྟོང་གིས་མཐོང་སོང་ཨ་ཅེ་དབྱངས་ཁོ་མ།།
མཆོད་པའི་ཟེགས་མ་དཀར་པོ་སྟེང་ཕྱོགས་ལ་ལྷ་ལ་འཐོར་སོང་ཨ་ཅེ་དབྱངས་ཁོ་མ།།
འབྲེལ་ཐག་བཞུར་རྒྱུན་རིང་མོ་ཆུ་བོ་གཞུང་ལ་བསྲིངས་ཡོད་ཨ་ཅེ་དབྱངས་ཁོ་མ།།
ཞིང་ཚུགས་གྲུ་བཞིའི་ནང་ལ་ལོ་ལེགས་བརྔོ་བར་ཕེབས་འགྲོ་ཨ་ཅེ་དབྱངས་ཁོ་མ།།
སྟོན་གྱི་རླུང་གིས་བསྐྱོད་པས་འབྲུ་དྲུག་མགོ་བོ་ལྡེམ་ལྡེམ་ཨ་ཅེ་དབྱངས་ཁོ་མ།།
སྙིང་གཏམ་ཟོར་བའི་་མགུར་དབྱངས་རླུང་བུ་འགྲོགས་ནས་བསྐུར་ཡོད་ཨ་ཅེ་དབྱངས་ཁོ་མ།།
སྙེ་མའི་གཞུང་ནས་སྒུག་རོགས་ལག་ཟུང་འཇམ་པོས་རྒུམ་རོགས་ཨ་ཅེ་དབྱངས་ཁོ་མ།།
ལྷས་རྭར་གྲུ་བཞིའི་གཡང་ར་འབྲི་མོ་བཞོ་བར་ཕེབས་འགྲོ་ཨ་ཅེ་དབྱངས་ཁོ་མ།།།
ཤག་ཤག་འོ་མ་དཀར་མོ་བཞོ་ཟེའུ་ནང་ན་འཁྱིལ་ཡོད་ཨ་ཅེ་དབྱངས་ཁོ་མ།།
འབྲི་མའི་དུང་སེམས་དཀར་བོ་ངུར་སྒྲས་ནང་་ལ་བསྐུང་ཡོད་ཨ་ཅེ་དབྱངས་ཁོ་མ།
སྦྲ་ནག་གྲུ་བཞིའི་ནང་གི་གཞི་འཛིན་བདག་མོ་ཁྱེད་ཡིན་ཨ་ཅེ་དབྱངས་ཁོ་མ།།
སྙན་ཚིག་མེ་ཏོག་ཕྲེང་པ་བརྒྱན་ལ་འདོགས་པར་ཕེབས་འགྲོ་ཨ་ཅེ་དབྱངས་ཁོ་མ།།
ཚོར་འདུ་མར་ལོ་སེར་པོ་ཡ་ཆུང་ཁུག་ལ་འཐིམས་ཡོད་ཨ་ཅེ་དབྱངས་ཁོ་མ།།
རྡོ་ལ་བརྐོས་པའི་ཚིག་གསུམ་ཤ་གསེང་རྐང་ལ་འདྲེས་ཡོད་ཨ་ཅེ་དབྱངས་ཁོ་མ།།
ཚུར་ལ་དལ་གྱིས་ཕེབས་ཤོག་མདུན་ལ་བསུ་མ་ཡོང་ཆོག་ཨ་ཅེ་དབྱངས་ཁོ་མ།།
༢༠༡༦་༡༡་༡༠་ཉིན་རང་ཤག་ནས་བྲིས།
༅༅། བསྟོད་བཞག་དབྱངས་ཁོ་མ་ལ། མིག་དེ་དབྱང་ཁོར་ཟུག་འདུག།
བརྕེ་བ་སྙིང་ནས་ཤོག་བཞག། དུང་བ་ལུས་ནས་བསྟེར་འདུག།
ཅི་ཞིག་མཉམ་དུ་མི་སྡོད། བདུད་རྩི་དཀར་པོའི་ཐིགས་པ།
དབྱངས་ཁོ་མ་ལ་བསྟེར་དང་། འཕྲལ་སེལ་ལུས་ཀྱི་བདེ་བ།
ཁྱེད་རང་གཉིས་ཀར་ལོའི་ཐོབ། ཧ་ཧ་ཧ་
ཨ་ཅེ་དང་། ཨ་ཆེ། ཨ་ཕྱི་གསུམ་ལ་ཁྱད་པར་ག་རེ་ཡོད་རེད། ལགས།
བོད་ཀྱི་ཚིག་མཛོད་ཆེན་མོ་ལས།
ཨ་ལྕི། ༼ བརྡ་རྙིང་ ༽ རང་ི་ཕའི་མ།
ཨ་ཆེ། ༼ ཡུལ་སྐད ༽ རང་ལས་རྒན་པའི་སྤུན་མོ།
་
དེ་བཞིན་ཨ་ཅེ་དང་། ཨ་ཅག་ཀྱང་ཡུལ་སྐད་དམ། ཁ་སྐད་ཀྱི་འབྲི་སྟངས་གསར་པ་ཞིག་ཡིན་པ་འདྲ།
་
ཨ་ཕྱི་ནི། བསང་ཡིག་ནང་ལ། ཨ་ཕྱི་ཚེ་རིང་ཆོས་སྒྲོན་འཁོར་བཅས་བསང་། །ལྟ་བུ་ཡོད་སྙམ་མོ།།