༄༅།། སྤྲུལ་བའི་བསྟན་སྲུང་གནས་ཆུང་ཆོས་རྒྱལ་ཆེན་པོར་བསྟོད་པ་སྟག་ཤར་གཞོན་པའི་ངར་སྐད།

Comments (45) on “༄༅།། སྤྲུལ་བའི་བསྟན་སྲུང་གནས་ཆུང་ཆོས་རྒྱལ་ཆེན་པོར་བསྟོད་པ་སྟག་ཤར་གཞོན་པའི་ངར་སྐད།”

1. རྗེས་སུ་ཡིད་རངས་དང་མངོན་པར་བསྟོད་དོ།།

2. སྟོན་མཛད་པེ་ཧར་རྒྱལ་བོ་དེང་འདིར་དགོངས།།
   འདི།
   སྟོན་མཛད་པེ་ཧར་རྒྱལ་པོ་དེང་འདིར་དགོངས།།
   ་
   ཆོས་སྲིད་མཛོད་འཛིན་༸ལྔ་བ་ཆེན་པོ་ཡིས།།
   འདི།
   ཆོས་སྲིད་མཛོད་འཛིན་༸ལྔ་པ་ཆེན་པོ་ཡིས།།
   ་
   གཞིས་བྱེས་ལྷན་འཛོམས་ཡོང་བ་ད་སྒྲུབ་ཅིག།།
   འདི།
   གཞིས་བྱེས་ལྷན་འཛོམས་ཡོང་བ་ད་སྒྲུབས་ཤིག།།
   ཡིན་དགོས།

3. མི་རྒྱུ་གཉིས་ཀྱི་འགྲོ་སོང་གཏོང་མ་
   དགོས་པར་དབུ་རང་གཉིས་ལ་སྨོན་ལམ་རྒྱབ་ནས་བོད་ཀྱི་བདེན་མཐའ་གསལ་ཐུབ་པའི་ཡིད་ཆེས་དང་གདེངས་ཚོད་ཨ་ཡོད་?

4. ཀརྡོའི་དག་བཅོས་ལའང་བསྟོད་དོ།

5. ཤར་ཕྱོགས་ཁུག་རྟའི་ངོ་དེབ་ལས་བཀླགས་པ་ཡིན།

   སྟག་ཤར་གཞོན་པའི་ངར་སྐད་་ལས་སྟག་ཤར་གཞོན་པའི་འགྱིང་ཉམས་ཞེས་བཏགས་ན་བློ་ལ་འབབ།

6. ཧཧཧཧ་་་་་མིས་མ་འཇོན་སར་ལྷས་འཇོན་རྒྱུ་དཀའ་མོ་རེད། མ་གཞི་ནས་གནས་ཆུང་གིས་རྒྱ་བོད་དཀའ་ངལ་སེལ་མི་ཐུབ་རྒྱུ་མི་ལོ་དྲུག་ཅུ་ནང་མཐོང་གསལ་མ་རེད་དམ། ད་དུང་ཡང་རེ་བ་ཡོད་མ་རེད། ཡིད་མ་ཆེས་ན་རྒྱན་ཅིག་བཞག་ན་འགྲིག་་་་་་་སུ་ཡོད་ན་ཕེབས་ཤོག་དང་ཨ།

7. #2 ཀརྡོ་རབ་འབྱམས་པ་ ་ལགས་ཀྱིས་
   རྒྱུ་མཚན་གསུང་རོགས།

8. ཡིད་ཆེས་མཁན་དག་གིས་ལྷ་གསོལ་བྱོས། ཡིད་མི་ཆེས་མཁན་དག་གིས་རང་སྟེང་ནས་གང་ཐུབ་ཅི་ཐུབ་བྱོས་དང་། དེ་མ་རེད་པས། རྒྱན་འཇོག་ཅེས་གླེན་བཤད་མ་བྱོས་ཨང་།

9. ཧཧཧཧཧ་་་་་་རྣོ་ལགས། ངས་གླེན་བཤད་མིན་གདའ། དངོས་སུ་ར་སྤྲོད་གཏོང་རྒྱུ་ཡིན། དཔྱིད་ཉིན་རིང་པོ་ནང་ལ་སྒྲུང་སྙན་པོ་ཉན་ཡུན་རིང་ནས་ཐང་ཆད་སོང་བས་མི་རྣམས་ཀྱིས་རེ་བ་ལ་་་་་་ཧཧཧཧ་་་་་ད་མི་བཤད་ཨ་རྣོ་ལགས། རང་གང་སར་རྣོ་བཙུགས་ནས་རྒྱུགས་ཨ།

10. གཉིས་སུ་འདུག
    ལྷ་ནི་དམར་ནག་གཉིས་སུ་འདུག །
    ཁྱི་མཚེས་དཀར་ནག་གཉིས་སུ་འདུག །
    བོད་ནི་གཞེ་བྱེས་གཉིས་སུ་འདུག །
    དབུས་རང་ཐབས་ལམ་གཉིས་སུ་འདུག །

11. ཆོས་སྐྱོང་གནས་ཆུང་ལ།
    བསྟན་དང་བསྟན་འཛིན་སྐྱེ་འགྲོའི་བདེ་སྐྱིད་དང་། །
    བསྟན་འཛིན་རྒྱ་མཚོའི་སྐུ་ཚེ་མཛད་འཕྲིན་སྤེལ། །
    གངས་ལྗོངས་རྒུད་པའི་ཉེར་འཚེ་མྱུར་ཞི་ནས། །
    ཆོས་སྲིད་རང་དབང་དགའ་སྟོན་སྒྲུབས་ཤིགས་ཀྱེ། །
    ༸གོང་ས་མཆོག་གིས།

12. ཤར་ཕྱོགས་ཁུག་རྟ་ནམ་རྒྱུན་ལམ་དབུ་མ་དབུ་ཁྲིད་གོང་ས་མཆོག་ཡིན་ཞེས་མ་ཎི་འདོན་འདོན་བྱེད་མཁན་ཞིག་ཡིན་དོན་ལ་གང་ཡིན་རུང་གནས་ཚུལ་སོ་སོ་རེད། གོང་ས་མཆོག་ལ་བརྩི་བཀུར་ཞུ་གི་ཡོད་ན་གོང་ས་མཆོག་གིས་རྟག་པར་དཔལ་ཎ་ལཎྚའི་རྗེས་འཇུག་བྱེད་དགོས་གསུངས་ནས་རྔ་རྡུང་རྒྱུ་དང་གཏོར་མ་བཅའ་རྒྱུ་ལས་སོགས་ལྷ་གསོལ་ཀླུ་གསོལ་དེའི་རིགས་མི་དགོས་ཞེས་ཡང་ཡང་གསུངས་གནང་གི་འདུག་པས་ཁྱེད་རང་གིས་བསམ་བློ་འདྲ་གཏོང་རྒྱུ་མི་འདུག་གམ་ད་དུང་སྲུང་མ་དམར་ནག་དེ་ཚོར་འཛམ་གླིང་རྡུལ་དུ་བརླག་པའི་ནུས་པ་ཡོད
    ཚུལ་བཤད་ནས་རྒྱ་ནག་ལ་འཇིགས་བསྐུལ་བྱེད་ཀྱི་འདུག རྒྱ་ནག་གིས་དེ་ཚོར་ཡིད་ཆེས་བྱེད་ཀྱི་མེད་ང་དགུའི་ལོར་བོད་སྐྱོང་སྲུང་མ་དེ་ཚོས་ཅི་ཞིག་བྱས་སོང་ངམ། བདག་པོ་བྲོས་དུས་ལྷ་སྲུང་ཀྱང་མཉམ་དུ་རྒྱ་གར་དྷ་སར་ཕེབས་མི་འདུག་གམ། ཨ་ཨ་ཨ་

13. ཁོ་བོས་གནས་ཆུང་སྐོར་མང་པོ་མི་ཤེས་ཀྱང་གནས་ཆུང་ཕྱག་གནས་ཀྱི་བྱིན་རླབས་ལ་མི་མང་པོ་ཧང་སངས་འདུག ང་ཚོས་རང་གིས་མ་འཇོན་པ་སྲུང་མའི་དབུ་ལ་དཀྲི་རྒྱུ་གང་ཡང་ཡོད་མ་རེད། ན་ལེནྡའི་ཆོས་བརྒྱུད་འཛིན་པ་དང་སྲུང་མ་གསོལ་རྒྱུ་གཉིས་ལ་འགལ་ཟླ་གང་ཡང་མེད་པ་ནི་སྔོན་ཆད་ན་ལེནྡར་ཕྱི་རོལ་པའི་མཁས་པ་གྲགས་ཅན་རྟ་དབྱངས་བསླེབས་དུས་ན། ལེནྡའི་གྲྭ་པ་ཚོས་ཁོང་ཚོའི་སྲུང་མ་མགོན་པོའི་རྡོ་སྐུ་ལ་གསོལ་མཆོད་བྱས་ཏེ། སྲུང་མའི་སྤྲུལ་པའི་བྱ་རོག་གིས་ཁོང་ཅག་གི་འཕྲིན་ཡིག་ལྷོ་ཕྱོགས་དཔལ་གྱི་རི་ལ་བཞུགས་པའི་ཀླུ་སྒྲུབ་ཡབ་སྲས་ཀྱི་སར་བསྐྱལ་པའི་གཏམ་རྒྱུད་འདུག་ག དེ་བཞིན་རྔོག་ལོ་ཡབ་སྲས་དང་ས་པཎ་སློབ་རྒྱུད། དེ་བཞིན་རྗེ་ཙོང་ཁ་པ་ཡབ་སྲས་སོགས་ངེས་པ་དོན་གྱི་ན་ལེནྡའི་ཆོས་བརྒྱུད་འཛིན་སྐྱོང་སྤེལ་གསུམ་མཛད་མཁན་ཚང་མས་སྲུང་མར་གསོལ་མཆོད་གནང་བ་ལོ་རྒྱུས་དང་ཁོང་རྣམ་པའི་གསུང་རྩོམ་ནང་འདུག་ག དཔེར་ན་རྗེ་ཙོང་ཁ་པས་རྟེན་འབྲེལ་བསྟོད་པ་ཞེས་པའི་སྟོང་ཉིད་སྟོན་པའི་བསྟན་བཅོས་གྲགས་ཅན་དེ་བརྩམས་པའི་མཇུག་དེར། ལྷག་བསམ་དག་པས་ཚུལ་འདིར་བརྩོན་པ་ན། །ཚངས་དང་དབང་པོ་འཇིག་རྟེན་སྐྱོང་བ་དང་། །ལེགས་ལྡན་ནག་པོ་ལ་སོགས་སྲུང་མས་ཀྱང་། །གཡེལ་བ་མེད་པར་རྟག་ཏུ་གྲོགས་བྱེད་ཤོག །ཅེས་གསུངས་འདུག དེ་བཞིན་ཁོང་གིས་ལམ་རིམ་ཆེན་མོ་བརྩམས་པའི་མཇུག་ཏུ་ཡང་། ལམ་བཟང་སྒྲིག་པའི་མཐུན་རྐྱེན་སྒྲུབ་བྱེད་ཅིང་། །འགལ་རྐྱེན་བྱེད་སེལ་མི་དང་མི་མིན་གང་། །ཚེ་རབས་ཀུན་ཏུ་རྒྱལ་བས་བསྔགས་པ་ཡི། །རྣམ་དག་ལམ་དང་འབྲལ་བར་མ་གྱུར་ཅིག །གང་ཚེ་ཐེག་པ་མཆོག་ལ་ཆོས་སྤྱོད་བཅུས། །ཚུལ་བཞིན་སྒྲུབ་ལ་བརྩོན་པ་དེ་ཡི་ཚེ། །མཐུ་ལྡན་རྣམས་ཀྱིས་རྟག་ཏུ་གྲོགས་བྱེད་ཅིང་། །བཀྲ་ཤིས་རྒྱ་མཚོས་ཕྱོགས་ཀུན་ཁྱབ་གྱུར་ཅིག །ཅེས་གསུངས་འདུག་ཅིང་། སྐབས་འདིའི་མི་མིན་ནི་གཉན་ཆེན་ཐང་ལྷ་དང་འོ་དེ་གུང་རྒྱལ་སོགས་ཡིན་པར་བླ་མ་དམ་པའི་གསུང་རྒྱུན་ལ་འདུག དེ་ལ་དམིགས་ན་ན་ལེནྡའི་ཆོས་ལ་ཐོས་བསམ་སྒོམ་གསུམ་བྱེད་ན་སྲུང་མ་འདོར་དགོས་པའི་གཏན་ཚིགས་གང་ཡང་ཡོད་པ་མ་རེད། དེ་བས་བླ་མ་བདག་ཉིད་ཆེན་པོའི་གསུང་དེའི་གོ་དོན་ངོ་མ་ནི། འཇིག་རྟེན་པའི་སྲུང་མ་ཚོར་སྐྱབས་གནས་ཡང་དག་ཏུ་བལྟ་བའི་ལུགས་སྲོལ་དེ་ལ་སྒྱུར་བཅོས་གཏོང་དགོས་པའི་དོན་དུ་འགྲེལ་དགོས་པ་ཟུར་བལྟས་ལེབ་མཐོང་རེད།

14. མཆན་༡༣ པ་བཀླགས་རྗེས་དགེ་འདུན་ཆོས་འཕེལ་དྲན་དུ་བཅུག་བྱུང། དེ་ཚད་མ་ཡིན་པར་སུས་གོ་བ་རེད་དམ་དེ་ཀླུ་གྲུབ་ཡབ་སྲས་ཀྱིས་གོ་བ་རེད་དེ་སུས་གོ་བ་རེད་དམ་རྗེ་ཡབ་སྲས་སོགས་ཀྱིས་གོ་བ་རེད་དེ་ཚད་མ་ཡིན་པར་སུས་གོ་བ་རེད་དམ་བདག་གི་རྩ་བའི་བླ་མས་གོ་བ་རེད། ཁྱོད་ཀྱི་རྩ་བའི་བླ་མ་དང་དགེ་རྒན་སོགས་ཚད་མ་དང་མ་འཁྲུལ་པར་སུས་གོ་བ་རེད་དམ། ངས་གོ་བ་རེད། ཧཧཧཧཧཧ་ཐམས་ཅད་ཀྱི་རྩ་བ་རང་ལ་ཐུག་རང་ཉིད་ཀྱིས་མཐོང་བ་དང་ཤེས་པ་བྲིས་པ་དེ་ཚོར་བརྟག་དཔྱད་བྱེད་རིམ་བཞིན་དུ་སྐྱོན་རེ་མཐོང་གི་ཡོད་པ་ནི་ང་ཚོས་ཤེས་གསལ་རེད་པ། གོང་ས་མཆོག་གིས་་སྟོན་པ་ཤཀྱ་ཐུབ་པས་རྔ་རོལ་དང་གར་འཆམ་སོགས་བྱས་པའི་ལོ་རྒྱུས་མི་འདུག་གསུངས་མ་སོང་ངམ། བོད་རྒྱུད་ཀྱི་བླ་མས་སྣ་ཚོགས་འཆལ་འཆོལ་བྱེད་པ་ལ་བརྟེན་ནས་བོད་བླ་མའི་ཆོས་ལུགས་ཞེས་མིང་དུ་བཏགས།

15. བླ་མ་བདག་ཉིད་ཆེན་པོས་མི་མང་ལ་བཀའ་སློབ་གནང་བ་མང་ཤོས་མདོ་ལུགས་གཞིར་བཞག་གིས་གནང་བ་རེད། སྔགས་ལུགས་ལ་གཏོར་མ་སོགས་ལྷ་རྫས་འདྲ་མིན་དགོས་པ་རྒྱ་གར་གྲུབ་ཐོབ་རྩོད་མེད་ཚོའི་གཞུང་དང་རང་རེའི་བོད་ཀྱི་མཁས་གྲུབ་གོང་མ་དག་གིས་མཛད་པའི་གསང་སྔགས་ཀྱི་ཆོ་ག་དེ་དག་གི་ནང་དུ་འདུག་ག དཔེར་ན་བླ་མ་བདག་ཉིད་ཆེན་པོས་དུས་འཁོར་དབང་ཆེན་བསྐུར་དུས་གཏོར་མ་དང་རོལ་ཆས། དེ་བཞིན་ས་གར་མཆོད་གར་ཞེས་པའི་གར་འཆམ་ཡང་གནང་དགོས་པ་རེད། ད་དུང་རྡ་ས་ནས་གནས་ཆུང་སྤྱན་འདྲེན་དང་གུ་རུའི་འབུམ་ཚོགས་སྐབས་སུ་ཚོགས་གཏོར་དང་སྒྲུབ་གཏོར་བཅའ་བ་སོགས་ད་དུང་མཚམས་བཞག་ཡོད་པ་མ་རེད། འདི་དག་གིས་བསྟན་པ་སྤྱི་ལ་དམིགས་ཏེ་མདོ་ལུགས་གསུང་བ་དང་། གྲྭ་ཚང་དང་གང་ཟག་སྒེར་ལུགས་ལ་ད་དུང་གསང་སྔགས་རང་གི་ལུགས་གནང་གི་ཡོད་པ་གསལ་བོ་རེད། དེ་མ་གཏོགས་མདོ་ལུགས་ལ་སངས་རྒྱས་ཀྱིས་མི་རྒྱུད་སྨིན་མ་སྨིན་འབུམ་ཕྲག་དུ་མ་ཕྱོགས་གཅིག་ཏུ་བསྡུས་ནས་དུས་འཁོར་དབང་ཆེན་བསྐུར་ལུགས་གང་ན་ཡོད་མ་རེད།

16. ན་ལནྜའི་ཆོས་བརྒྱུད་རིགས་པ་ཁོ་ནའི་ལམ་ནས་འཛིན་དགོས་སྟབས། གང་ཟག་སྒོས་མཚན་ལས་བསྟན་པ་སྤྱི་མཚན་གལ་ཆེ་སྐོར་༸གོང་ས་མཆོག་གིས་ཡང་ཡང་གསུངས་གི་ཡོད་པ་ཀླུ་སྨྱོན་གྱིས་བཤད་པ་ལྟར་རེད། གཏན་ཚིགས་ཀྱི་རྣོ་ངར་ཅི་ཙམ་གོང་འཕེལ་དུ་ཕྱིན་རིམ་ནང་། ལས་དང་པོ་བའི་བློ་གསར་ཚོས་རང་གི་མིག་གིས་མི་མཐོང་བ་ཙམ་རྒྱུ་མཚན་དུ་བཀོད་དེ་ལྷ་འདྲེ་ཞེས་སྨོད་པ་དེ། དོན་ལ་སྨོན་མཁན་གང་ཟག་རང་ཉིད་ལ་བློ་མ་རྒྱས་པ་ཁོ་ནའི་སྐྱོན་ལས་གཞན་ཅི་གང་མིན་པ་གསལ་བོ་རེད།

17. ༅༅། མིའི་མ་ཤེས་ལྷ་ལ་བཀའ་འདྲི་ཞུས། ལྷས་མ་ཤེས་སྐྱག་རྗུན་བཤད་ཅེས་་པ་དངོས་འབྲེལ་ཡིན་ས་རེད།

18. ཤར་ཁུག་གི་གནས་བསྟོད་འདི་ཆབ་སྲིད་བེད་སྤྱད་ནས་བྲིས་པ་རེད། དེང་སང་མི་མང་དང་སྤྱི་འཐུས་ལས་བྱེད་མང་པོས་ཁོས་ཤུག་ལྡན་གྱི་མི་ལ་འབྲེལ་བ་ཡོད་པ་མ་རེད། ཡིན་ནའང་ཁོ་རང་སྒེར་ཤུག་ལྡན་རྒྱུན་གསོལ་བྱེད་བཞིན་ཡོད་པ་ནི་ལ་ལས་ཧ་གོ་དོན་གསལ་ལ་སོང་ནས། ད་ཆ་གནས་ཆུང་གསོལ་བསྟོད་འབྲི་རྩོམ་འདི་ཁ་བརྡ་ནང་ལ་བཀྲམ་པས། ཁོས་ཆབ་སྲིད་ཆུང་ཆུང་ཁྲབ་པ་རེད། ཤི་འདྲེ་གསོ་མཁན། དམ་སྲི་གསོ་མཁན་ཚོས་ད་དུང་བོད་སྤྱི་པའི་མིང་ཁུར་ནས་ལས་དོན་སྒྲུབ་པ་ཡིན་བཤད་པ་ནི་ཡ་ང་བ་ཅན་མ་ཡིན་མམ།

19. སྔགས་ལུགས་མདོ་ལུགས་ཤོད་པར་དང་པོ་སངས་རྒྱས་བཅོམ་ལྡན་འདས་ཤཀྱ་ཐུབ་པས་གསང་སྔགས་གསུངས་མ་གསུངས་རྩོད་གཞི་ཆེན་པོ་རེད་དད་པ་དག་སྣང་གིས་བཤད་ན་ཁ་ཁ་རེད་ལྷ་སྲུང་བྱིན་རླབས་ཅན་ཡིན་མིན་ཤོད་ཀྱི་མེད། དེ་བཞིན་དུས་འཁོར་གྱི་སྐོར་ལའང་རྩོད་གཞི་ཆེན་པོ་རེད། ཕྱག་ནས་ཀྱིས་སྣོད་བཅུད་ལ་དབང་བསྒྱུར་ཐུབ་ཀྱི་ཡོད་ན་ཁ་སང་བོད་པའི་ཁྲོམས་རར་མེ་སྐྱོན་ཇི་ལྟར་ཤོར་བ་རེད་དམ་ཁོང་ཚོ་མང་པོར་གནས་ཆུང་གི་ཕྱག་ནས་ཐོབ་ཡོད་ཅིང་ཁྲོམ་སར་ཕྱག་ནས་གཏོར་བར་ང་ཡི་གྲོགས་པོ་ཞིག་གིས་བཤད་བྱུང་ཧཧཧཧཧ

20. ཁྱུང་སེ་རང་བོན་ཆོས་གྱིས། ནང་ཆོས་ལ་བྱུས་གཏོགས་མ་བྱེད། ནང་ཆོས་གསང་སྔགས་ལ་དེ་བས་ཀྱང་། ལག་པ་མ་འཆང་། དེ་བས་བོན་རབས་བཤད་ན་མཛེས།

21. ཤར་ཕྱོགས་ཁུག་རྟ་སྐྱེས་ཕོ་ལྷ་མཆོད་རྒྱུ་དེས་ལོས་བདེན་བསམ་ཞིག་བྲིས་ཡོད་གི ངོ་སོ་བསྟོད།་དེ་ལྟ་བུ་འབྲི་དགོས་ཡ་གྲོགས་པོ་བཟང་པོ།

22. ཀླུ་སྨྱོན་གྱི་གསུང་བདེན་ཁ་འདུག །ཀརྡོ་རབ་འབྱམས་ཀྱིས་གསུང་པར་ལྟར་རེད་ཁྱུང་སེ་ཟེར་དྲ་འབུ་འདིས་ག་དུས་ཡིན་ན་ནང་ཆོས་ལ་ཟུར་ཟ་དང་སྨ་འབེབས་རྐྱང་མ་གནང་ན་བཟང་དེས་ཁྱེད་རང་གི་ལྡོག་ཆ་དང་ཆོས་དད་པ་རྣམས་ཀྱི་སེམས་ལ་རྨ་ཁ་བཟོ་བྱེད་ལས་བོན་བསྟན་ལ་རྟ་རྔ་ཙམ་ཡང་མི་ཕན་བྱུང་ན་ཀུན་ལ་དག་སྣང་སྦྱོངས་དེ་ལྟར་མ་བྱུང་ན་ཆོས་ལ་རྟེན་ནས་སྡིག་ཁ་པོ་ཆེ་མ་བསགས་རོགས་ཨ་རོ་ཤ་ཉེ་།

23. ཏི་སི་དང་ཀརྡོ་རབ་འབྱམས་པ་ལགས། དོན་མེད་ཁྱོན་མེད་ཀྱི་སྐད་ཆ་དེ་འདྲ་མ་བྱེད། འདྲེ་ངན་དེ་ཁོག་ལ་ཞུགས་པ་ཞིག་ཡིན་ན་ཁྱེད་ལ་ཞུགས་ཡོད་ས་བདའ། བསྟེན་མཁན་དེ་ཡང་ཁྱེད་དང་རྒྱ་གུང་ཁྲན་གཉིས་ཡིན་པ་འདྲ། ཁྱེད་རང་ནས་ད་བར་དྲ་ལམ་ཁག་ལ་དཀྲོགས་གཏམ་དང་བོད་མི་ཆིག་སྒྲིལ་གནོད་པའི་ལས་ག་ཚད་བྱས་སོང་། གྲ་ལོག་ཅིག་ནི་ཡིན་པ་འདྲ། མིའི་རྒྱུ་སྤུས་དང་མཚན་ཉིད་ཟུར་ཙམ་ཡང་མ་ཚང་བ་ཁྱེད་ལྟ་བུ་ནི་དུད་འགྲོའི་གྲས་ལ་ཡང་ཚུད་དཀའ་སེ་བདའ་ཨ་རོ་ཁམས་པ།

24. གུས་པ་བྱམས་ཆེན་སླར་ཡང་ཁ་བརྡ་དྲ་རྒྱའི་ནང་འཛུལ་བཞུགས་ཆོག་པ་ཞུ། རྒྱུ་མཚན་ནི་མཁྱེན་ལྡན་རྣམས་པའི་རྩོམ་རིགས་འདྲ་མིན་དང་ལྷག་པར་དུ་ནང་པའི་ལྟ་སྒྲུབ་སྐོར་ལ་མཆན་བྲིས་རེས་གནང་བ་དེས་བློ་སྐྱེས་མང་པོ་ཡོངས་མཆེད་དུ་ཡིན། ཐུགས་རྗེ་ཆེ།

25. ཀརྡོ་ལགས་ཧང་གྷ་རའི་རྒྱལ་ཁབ་ལ་བསྡད་ནས་ཧང་གྷ་རིའི་རྒྱལ་ཁབ་ལ་རོགས་བྱེད་དགོས་རེད་ང་ཡི་གྲོགས་མོ་ཞིག་གིས་ཟེར་ན་ཁྱེད་རང་ཧང་གྷརའི་ནང་དུ་ནང་ཆོས་དང་བོད་ཡིག་ཁྲིད་ཀྱིན་འདུག་མོ་རང་དེར་ཐེངས་གཅིག་གཉིས་སོང་བས་ཀརྡོ་ཟེར་བ་ག་དུས་ཡིན་ནའང་ཆོས་ལུགས་ཀྱི་ཕྱོགས་རིས་ཀྱི་སྐད་ཆ་བཤད་ཀྱི་འདུག་ཟེར་ནས་མོ་རང་དགའ་བོ་བྱེད་ཀྱི་མི་འདུག

26. སྲུང་མ་ཟེར་བ་འདི་ཚོ་་་googel འདྲ་སས་རེད་མི་འདུག་བ།
    ཡིན་ནའང་ཚིགས་བཅད་ཡག་པོ་བྲིས་གནང་འདུག
    ་་་་བཙན་པོའི་ལྷ་སྲས་མུ་ཁྲི་བཙན་པོ་ཡིས་་་་
    ཅེས་པ་འདི་བོད་ཀྱི་རྒྱལ་རབས་གཉིས་པ་མུ་ཁྲི་བཙན་པོ་ཡིན་ནམ།

27. ཧ་ཧ་ང་རིས་མེད་པ་ལ་ག་རེ་ལབ་ནའང་ལབ། །
    ཁྱོད་ཕྱོགས་རིས་པ་ལ་ག་རེ་མཐོང་ན་ཡང་མཐོང་། །
    བདུད་འཇོམས་ཁྱོད་ཀྱིས་ང་ལ་དམོད་ནའང་དམོད། །
    ཁྱུང་སེ་ཁྱོད་ཀྱང་ང་ལ་སྨད་ནའང་སྨད། །
    ་
    ང་ནི་སློབ་དཔོན་པད་མར་དད་མཁན་ཡིན། །
    ང་ནི་གནས་ཆུང་སྐྱོང་གསོལ་མཁན་ཡིན། །
    ང་ཡིས་ཁ་བརྡར་དཀྲུགས་པའི་ཚིག་གཅིག་མེད། །
    ང་མིང་ལོག་སྨྲ་མཚར་གཅོད་བསྟན་འཇམ་དབྱངས། །ཟེར། ཧ་ཧ། ཨེ་མ་ཧོ།། །།

28. ཐམས་ཅད་དགུ་བའི་སྤྱོད་པ་ངས་མི་ཤེས། །
    བདུད་འཇོམས་ཁྱུང་སེ་ཁྲོས་ནའང་སྡུག་གྱོང་གྱིས། །

29. བསྟན་འཛིན་འཇམ་དབྱངས་ནི། ང་ལ་༸གོང་ས་མཆོག་གིས་གནང་བའི་ངའི་ཆོས་མིང་རེད།

30. དཔལ་བསམ་ཡས་མི་འགྱུར་ལྷུན་གྱི་གྲུབ་པའི་གཙུག་ལག་ཁང་གི་དཀོར་འཛོད་ཆེན་པོའི་སྲུང་མ་ལ། སློབ་དཔོན་པདྨ་འབྱུང་དང་བཙན་པོ་ཁྲི་སྲུང་ལྡེ་བཙན་གཉིས་ཀྱི་པེ་ཧར་རྒྱལ་པོ་བསྐོས་པ་ནས་བཟུང། བོད་གངས་ཅན་ལྫོངས་ཀྱི་ཆོས་སྲིད་གཉིས་ནས་འབྲེལ་བ་དམ་ཟབ་ཡོད་པ་དངོས་ཡོད་དང་བརྩོད་མེད་རེད། ངས་བཤད་འདོད་པ་ནི། ཆོས་སྲུངས་ཁོང་གི་མཐུ། ནུས་པ། མཚན་སྙན། དབང་ཐང་སོགས་ཚང་མ་མེད་པ་བཟོ་བཞིན་པའི་མི་ཁོག་ལྷ་ཞུགས་ཀྱི་རྫུན་ལུང་སྟོན་བཞིན་པའི་སྐུ་བསྟན་ལམ་ལུགས་འདི་མགྱོགས་པོ་ཐལ་བ་རྡུལ་དུ་རློགས་ཤིག

31. ཤར་ཁུག་ལགས་ཁྱེད་ཀྱིས་༧གོང་ས་མཆོག་ལ་དད་གུས་དང་དབུ་མའི་ལམ་ལ་རྒྱབ་སྐྱོར་དང་ཡིད་ཆེས་ཡོད་པ་བདེན་ན། རྩོམ་ཡིག་ཁག་ནང་ཚིག་རྩུབ་དང་འཁོན་འཛིན་རྣམ་པ་མི་མཛེས་རྣམས་དོར་ནས། ཚིག་འཇམ་ལ་དོན་སྙིང་ལྡན་པ། གུས་ཞབས་དང་ཆོད་སེམས་ལྷན་སྡེབས་པའི་རྩོམ་ཡིག་ཀློག་ན་དགྲ་དགག་སོ་སོའང་ངོ་གནོང་ནས་སེམས་རང་སར་ཞི་འགྲོ་བ་ཞིག་འབྲི་ནུས་མིན་བརྩོན་ཕ་གནང་རོགས། དེ་མིན་ཁྱེད་ཀྱིས་ཚིག་རྩིབ་དང་འཁོན་འཛིན་གྱིས་རྩལ་བཏོན་པའི་རྩོམ་ཡིག་ཚོས་བོད་རིགས་ཀྱི་ནང་ཁུལ་མི་མཐུན་པ་རྣམས་ཇེ་རིང་དུ་བཏང་། མཐུན་པ་རྣམས་ཀྱང་མི་མཐུན་པར་མི་འགྱུར་བའི་ངེས་པ་མི་འདུག ༧གོང་ས་མཆོག་གི་རྗེས་དད་པ་ཡིན་ཁུལ་གྱིས་ཁོང་ལ་ཞབས་འདྲེན་ཞུ་ཉེན་འདུག

32. ལངས་ཕྱོགས་ལ་གུས་བརྩི་ཡོད། ལངས་ཕྱོགས་ཀྱི་རྣམ་པ་ཕྱི་སྟོན་སྟངས་གདུག་རྩུབ་ཆེ་དྲགས་ན་གྲོགས་ཀྱང་དགྲ་རུ་འགྱུར་ལེ་རེད།

33. ཧཧཧཧ སྟག་སྨྱོན་ཁྱོད་རང་གིས་མི་ལ་ལབ་རྒྱུ་བཞག་ནས་་་་་རང་གིས་ད་བར་ཅི་བྱས་ལ་ལྟོས་ཤིག རང་གི་ལྟོ་རྒྱབ་ཁོ་ན་མ་གཏོགས་བསམས་མི་ཤེས་པ་ཁྱོད་འདྲ་མང་དྲག་ནས་བོད་མི་རིགས་ཀྱི་ལས་འདིར་ཟགས་པ་རེད།
    ཤར་ཁུག་གི་བརྗོད་སྙིང་བདེན་པ་དང་། བརྗོད་སྟངས་དྲག་པོའི་རྣམ་པར་གནས་པ་དེ་དོན་ལ་གནས་འདུག སྤྱི་ཚོགས་འདིའི་ནང་། ལྷག་པར་གངས་ཅན་སྐྱིད་གཤོངས་ཀྱི་མཛད་གཙོ་དཀོར་གཟན་ཚོར་ཏག་ཏག་དེ་འདྲ་མེད་པར་ག་བ་ཡོང་གི་རེད། ལྷག་པར་ལས་མེད་སྤྱི་འཐུས་ཚོ་སྡུག་གྱོང་རེད།

34. ཀྱེེ།
    བླ་མའི་སྐུ་སྲོག་སྲུངས་ཤིག་གནས་ཆུང་མཁྱེན། །
    བསྟན་འགྲོའི་བར་ཆད་སེལ་ཤིག་ཆོས་སྐྱོང་ཁྱེད། །
    བོད་དོན་བདེན་མཐའ་གསལ་ཞིག་གསལ་གཟིགས་ལྷ། །
    གཉིས་སྨན་དབུས་ལམ་སྒྲུབས་ཤིག་དྲེག་ལྷ་ཀྱེ། །
    ཀརྡོས།

35. གནས་ཆུང་མཁྱེན།
    བློ་སྣ་ཆོས་ལ་འཇུག་པར་གནས་ཆུང་མཁྱེན། །
    ཆོས་བྱེད་ལམ་ལ་སོང་བར་གནས་ཆུང་མཁྱེན། །
    ལམ་ལ་བར་ཆད་མེད་པར་གནས་ཆུང་མཁྱེན། །
    ཉིན་མཚན་མེད་པར་གྲོགས་མཛོད་གནས་ཆུང་མཁྱེན། །
    ཀརྡོ་བསྟན་འཇམ་པས།

36. ལྷ་སྲས་དར་མ། xx དྲྭ་ལམ་ནང་བསམ་ཚུལ་གང་བསམ་བྲིས་ཆོག་མོད་ཀྱང་། དེའི་རིགས་འདི་བསམ་ཚུལ་མ་ཡིན་གྱོད་བཙུགས་པ་ཡིན་པས་ཁ་ཁ་རོག་བསྡད་ན་དགའ་དེང་སུ་ཡིན་མིན་ནམ་མཁའ་ནས་རེ་རེ་བཞིན་དོ་བདག་ཧ་གོ་བཞིན་ཡོད་། གཟབ་ན་དགའ

37. ལྷ་ཆེ་གནས་ཆུང་ཆོས་སྲུང་ཁྱོད། །
    ཧོར་སོག་བྷག་ཏའི་ཡུལ་ནས་དྲངས། །
    གནས་བཟང་བསམ་ཡས་ཀོར་བདག་བསྐོས། །
    མུ་ནི་པད་འབྱུང་གཉིས་ཀྱིས་དྲིན། །
    ་
    སྲུང་མ་ནག་མོ་དཔལ་ལྷ་མོ། །
    འབྲས་སྤུངས་དགེ་འདུན་གྲུབ་ཀྱིས་དྲིན། །
    སྲུང་མ་དམར་པོ་གནས་ཆུང་ཁྱོད། །
    རྒྱལ་མཆོག་ལྔ་པའི་རྙིང་ཆོས་དྲིན། །
    ་
    ཆོས་སྲིད་ཟུང་དུ་འབྲེལ་བ་དང་། །
    ལྷ་མོ་དམར་ནག་ཟུང་འབྲེལ་དུས། །
    བོད་ལྗོངས་བདེ་སྐྱིད་དཔལ་ལ་རོལ། །
    ད་ལྟའང་ཟུང་འབྲེལ་ཟུང་གྲོགས་མཛོད། །
    ཀརྡོས།

38. པེ་ཧར་རྒྱལ་པོའི་སྐོར་ལ་མཁས་དབང་བསམ་གཏན་རྒྱལ་མཚན་མཆོག་གིས་ཞིབ་འཇུག་གནང་བ་ཞིག་ཁོང་གི་གསུང་རྩོམ་མདའ་དང་འཕང་གི་སྨད་ཆའི་ནང་དུ་འདུག །

39. བསམ་ཡས་དཀར་ཆག་ལས།
    ་་་་་་ དེར་བསམ་ཡས་པ་ཐམས་ཅད་ཀྱིས་བླ་༼ རྭ་ལོ་ཙ་པ་ ༽ མའི་དྲུང་དུ་སྤྱི་ཞུས་བྱས། རྒྱལ་ཆེན་༼ གནས་ཆུང་ ༽ སྐུ་ལྔ་འདི་སྤྱིར་འཛམ་གླིང་ཡོངས་ཀྱི་སྲོག་བདག་དང་། བོད་ཁ་བ་ཅན་གྱི་སྲུང་མ། ཡང་སྒོས་ཆོས་འཁོར་ ༼ བསམ་ཡས་ ༽ ཆེན་པོ་འདིའི་དགྲ་ལྷ་ཐུན་མོང་མ་ཡིན་པ་ལགས་པས་དེ་ལྟར་མ་མཛད་པར་ཞུ་ཞུས་པས་། བླ་མའི་ཞལ་ནས། ཨོ་རྒྱན་ཆེན་པོས་གཙུག་ལག་ཁང་སྲུང་བ་ལ་བསྐོས་པ་ཡིན་ཏེ་། འོན་ཀྱང་་་་་་་་

40. བསྟན་སྲུང་དམར་ནག་གཉིས་ཞེས་རྩོད་མེད་ཡོངས་གྲགས་ཀྱི་བསྟན་སྲུང་ཡིན་པས་གསོལ་མཆོད་མེད་ཀྱང་ཁ་གཏོང་མི་ཉན།

41. དེང་སང་སྐུ་སྒེར་ཚང་གིས་བོད་རྨོངས་པ་མགོ་འཐོམ་དེ་ཚོ་སླུ་ཁྲིད་བྱེད་
    ཆེད་ལགས་ཆ་གཙོ་བོ་་་གནས་ཆུང་ཆོས་སྐྱོང་ཆེ་པོའི་་་བཀའ་ལུང་འདི་ཆགས་ཡོད།

42. ཧཧཧཧ་་་་བསྟན་སྲུང་དམར་ནག་གཉིས་ཨེ། འགག་ལ་ཐུག་དུས་ག་སོང་ཆ་མེད་རེད། ང་དགུ་ལོའི་ནང་ཁ་ཚ་དགོས་གཏུགས་སྐབས་མི་མ་བྲོས་སྔོན་ནས་བྲོས་ཟིན་པ། ཁ་གཏོང་ཟེར་བའི་གཏམ་འདི་དེང་རབས་མི་ལ་འགྲོ་མ་རེད་གདའ། དངོས་ཡོད་དང་བདེན་པར་གང་ཡིན་ཤན་འབྱེད་དགོས་རེད། མི་ལྷོད་ལ་བབས་དུས་ལྷ་ཡིན་ཟེར་མཁན་འདི་ཚོ་ལ་འགྲུབ་རྒྱུ་མེད་པའི་འཇིག་བསྐུལ་ལུང་བསྟན་མང་པོ་འདི་་་་་ངོ་མ་མི་དགོས་རྒྱུ་རང་རེད། དེ་ལས་མིས་རྣམ་དཔྱོད་ལ་བལྟས་ནས་ལས་དོན་བསྒྲུབ་དགོས་རྒྱུ་གལ་ཆེ་དྲན།

43. གནས་ཆུང་ཆོས་སྐྱོང་ཆེ་པོའི་བཀའ་ལུང་ཟེར་བའི་ལོང་བས་ལོང་བ་
    ཁྲིད། ལོང་བ་མཐའ་ནས་གཡུག་པའི་ལམ་སྲོལ་འདི་མི་རིང་རྩ་མེད་དུ་
    འགྲོ་ངེས་རེད་བསམ། གང་ཡིན་ཟེར་ན་དེང་སང་སྤྱི་ཚོགས་ནང་གནས་
    ཆུང་གི་བཀའ་ལུང་རེད་ཟེར་ཡོང་དུས་མི་ཕལ་ཆེ་བས་དགའ་མོས་བྱེད་
    ཀྱི་མི་འདུག དེའི་མ་ཚད་དེ་རྨོངས་དད་ཀྱི་སླུ་ཁྲིད་འོག་རྨོངས་པ་མགོ་སྐོར་གཏོང་བྱེད་ཀྱི་ལག་ཆ་ངན་པ་ཞིག་ལ་ཕལ་ཆེ་བས་ངོས་འཛིན་བྱེད་
    ཀྱི་འདུག

44. ད་ངས་བསམ་ན་ཆོས་དང་ཆབ་སྲིད་ཟུང་འབྲེལ་མི་བྱེད་པར། འཇིག་
    རྟེན་མི་ཆོས་རིང་ལུགས་ཀྱི་ལས་དོན་འདི་དངོས་ཡོད་མི་ཡིས་བྱ་རན་
    རེད་འདུག དེ་མིན་བོད་ཀྱི་ཆབ་སྲིད་འདི་གཟུགས་མེད་་་འདྲེ་་ཞིག་གི་
    སྐྱོང་བསྡད་ན་མཐའ་མ་བོད་ཀྱི་སྣོད་བཅུད་གཉིས་ཀ་རྩ་མེད་དུ་འགྲོ་
    རྒྱུ་ལས་གཞན་གང་ཡང་མེད། གནས་ཆུང་ཆོས་སྐྱོང་་ཟེར་བ་དེའི་
    བོད་རྒྱལ་ཁབ་སྐྱོང་མ་ཐུབ་པར་ད་ལྟ་མཐོང་བཞིན་པ་འདི་རེད།

45. །༇། །བསྟན་སྲུང་དམར་ནག་མཁྱེེེན་ནོོོ། མཁྱེེ་ནོོ། མཁྱེན་ནོ།། །།