རྩེཿ མུན་སེལ།
ཆེན་པོའི་བསྒྲུབ་བྱ་ཆུང་ངུའི་ལས།།
ཚུལ་བཞིན་འགྲུབ་བམ་དེ་ལས་ལྡོག།
ཚུཊ་ཐུབ་རྣལ་མའི་རིག་པ་དང་།།
བློ་སེམས་མཐུན་མིན་ཉིད་ལ་རག།
མཐུན་སྦྲེལ་རྩ་བ་བློ་རྒྱ་ཡངས།།
བློ་རྒྱ་དམ་པའི་མན་ངག་དང་།།
མྱོང་བ་བསཊ་པའི་སྟོབས་ཀྱིས་ཏེ།།
རྒྱུ་དང་འབྲས་བུའི་ཚུལ་དུ་མཐོང་།།
འུག་པའི་ངག་ལ་ཚད་མ་འཇོགས།།
སྤྱང་མོའི་ངུ་ཟུག་དཔེར་མ་ལེན།།
ལེཊ་བཤད་གླེཊ་བམ་གསེབ་ནས་འཇོ།།
མྱོང་བ་རང་རིག་སེམས་ཀྱིས་སྟེར།།
ཐོས་མྱོང་ཆིག་ཐུབ་རིལ་བུ་ཉིད།།
ཉེ་བར་བརྟེན་པའི་ཤེས་རྒྱུད་ལ།།
ཉམས་པ་བྲལ་བའི་འཛུམ་ཞིག་བརྟས།།
ཕན་བདེ་སྒྲུབ་པའི་གདེང་ཞིག་ངར།།
དེ་ལས་གྲུབ་པ་སློབ་གསོའི་དོན།།
ཐབས་ཀྱིས་གཞན་ལ་སྤེལ་བའི་ལས།།
མཐུན་སྦྲེལ་མདུད་པ་དམ་པའི་རྐྱེན།།
སྤྱི་དོན་བླ་རུ་འདེགས་པའི་རྒྱུ།།
སྦྱངས་པའི་སྟོབས་དང་བསཊ་པའི་བཅུད།།
ངོ་མའི་ལྟ་བར་མ་ཞོན་ཚེ།།
སྨྲས་ཚད་བྲག་ཅའི་རོལ་མོ་ཙམ།།
བྱས་ཚད་རང་གི་ཁེ་སྤོགས་ཆེད།།
ཨེ་བདེན་སྤྱི་ཚོགས་ཁྲོད་ལ་ཉོན།།
ཨེ་དགོས་ངེད་ཚོའི་བྱ་བར་ལྟོས།།
དམངས་དོན་ཟེར་བ་ག་ལ་སྟེ།།
རང་དོན་ཚད་ཐུབ་ཅིག་ཀྱང་མིན།།
བསམས་ཤིང་སེམས་ན་ཐང་ཡང་ཆད།།
བརྟགས་ཤིང་དཔྱད་ཚེ་སྐྱོོ་ཡང་སྐྱོ།།
ཉི་ཚེའི་བྱ་བཞག་སྒྲུབ་ལ་རིངས།།
འགངས་ཆེན་ལས་ལ་ཅི་བས་བུལ།།
འཁྱམ་པོ་འགྱོད་ལ་ཉན་མི་དཀོན།།
ལྷས་མཐའི་ཁྱི་རྒན་ངུ་དང་འདྲ།།
དམན་པ་སྐྱོ་ལ་སུ་ཡིས་ལྟ།།
གཡག་ལྡོམ་ལྟོཊ་ནས་ངུར་དང་མཚུངས།།
བུ་ཁྱེད་ལྷན་སྐྱེས་རང་རྒྱུད་ཞི།།
ཕན་བདེའི་བྱ་བར་འཇུག་ལ་སྤྲོ།།
ཡ་མ་ཡེངས་ཀྱིས་མ་སྡོད་པར།།
ཐོས་མྱོང་གསོག་པའི་བྱ་བར་རེམས།།
ཕན་པའི་ཀུན་ནས་བསླངས་པའི་མཐུས།།
ལྷག་བསམ་གཙང་མས་སྦྱར་བའི་དགེས།།
སྦྱངས་པའི་ཡོན་ཏན་རྩེར་སོན་ནས།།
རླབས་ཆེན་འགྲོ་དོན་འཁྱོང་བར་སྨོན།།
2016.11.16.ཉིན་དྲྭ་གྲོགས་ཤིག་ལ་ཕུལ།
སྙིང་གཏམ་གཞན་ལ་མ་ཤོད། །
སྙིང་གཏམ་རང་ལ་ཤོད་ཅིག །
ཡིག་ཚགས་གཞན་ལ་མ་སྟོན། །
ཡིག་ཚོགས་རང་གིས་ཀློགས་ཤིག །